Published:Updated:

ஹாஜியின் சிரிப்பில்...

ஹாஜியின் சிரிப்பில்...
பிரீமியம் ஸ்டோரி
ஹாஜியின் சிரிப்பில்...

கார்க்கிபவா

ஹாஜியின் சிரிப்பில்...

கார்க்கிபவா

Published:Updated:
ஹாஜியின் சிரிப்பில்...
பிரீமியம் ஸ்டோரி
ஹாஜியின் சிரிப்பில்...
ஹாஜியின் சிரிப்பில்...

`சிலரிடம் பணம் நிறைய இருக்கும்; சிலரிடம் இருக்காது. பணம் இருப்பவர்கள், இல்லாதவர்களைப் பார்த்துக்கொள்ள வேண்டும். அதுதான் முக்கியம்' - பாபு ஹாஜி அடிக்கடி சொல்லும் வாசகம் இது.
 
தனது 20 ஏக்கர் நிலத்தை பலருக்குத் தந்திருக்கிறார் ஹாஜி. தன்னிடம் வேலைசெய்த மலைவாழ் மக்களுக்கு ஒன்றரை ஏக்கர் நிலம் தந்திருக்கிறார். வயதானவர்களுக்காக, 75 லட்சம் ரூபாய் செலவுசெய்து டிஸ்பென்ஸரி வைத்துக் கொடுத்திருக்கிறார். தனது வாழ்நாளில் இதுவரை மூன்று கோடி ரூபாய்க்குமேல் பிறருக்கு உதவிகள் செய்திருக்கிறார். யார் இந்த பாபு ஹாஜி?

 ஹாஜியை, இந்தத் தேர்தல் சீஸனுக்கு முன்னர் வரை கேரளா மலப்புரம்வாசிகளைத் தவிர பிறருக்குத் தெரியாது. தேர்தல் பணிகளுக்காக மலப்புரம் சென்ற சி.ஆர்.பி.எஃப் அதிகாரிகளின், கண்ணில் வரிசையாக ஒரே மாதிரியான வீடுகள் தென்பட்டன. வீடுகளின் அழகு அவற்றைப் பற்றி விசாரிக்கவைத்தது. வசதியானவர்களின் ஹாலிடே ஸ்பாட்டாக இருக்கலாம் என நினைத்தவர்களுக்கு, அது வயதானவர்களுக்கான இல்லம் என்பது அதிர்ச்சியாகத்தான் இருந்தது. தனது சேமிப்பில் இருந்து ஒரு கோடியை செலவுசெய்து ஹாஜி அதைக் கட்டுகிறார் என்பது இன்னும் பேரதிர்ச்சி.

``மொத்தம் மூன்று ஏக்கர். வயதானவர்களை வீட்டில் இருந்து வெளியேற்றுவது அதிகரித்துக் கொண்டே இருக்கிறது. இந்த மூன்று ஏக்கர் அவர்களுக்குப் போதாது. ஆனால், என்னால் இவ்வளவுதான் முடிகிறது. வசதி இருப்பவர்கள் தான் இல்லாதவர்களைப் பார்த்துக்கொள்ள வேண்டும். அதுதான் நல்ல சமூகம்” என்கிறார் ஹாஜி.

களிக்காவு ஊர்ப்பஞ்சாயத்துத் தலைவராக நீண்டகாலமாகப் பணியாற்றிவருகிறார் ஹாஜி. தனது நிலத்தில் பல கல்லூரிகளைக் கட்டிக் கொள்ள அனுமதி தந்திருக்கிறார். கிரசன்ட் என்ற பள்ளி ஒன்றையும் நடத்திவருகிறார் இந்த 84 வயது முதியவர்.

“ஹாஜி... நம் தேசத்தின் பெருமை” என்கிறார் இவரை உலகுக்கு வெளிச்சம் போட்டுக் காட்டிய சி.ஆர்.பி.எஃப் அதிகாரி ஹர்ஜிந்தர் சிங்.

``நம்மால் முடிந்ததைத்தான் பிறருக்குக் கொடுக்க முடியும். என்னால் முடிந்ததைத்தான் செய்கிறேன்’' என்னும் ஹாஜியின் சிரிப்பில் மனிதம் வாழ்கிறது.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism