<p><span style="color: rgb(255, 0, 0);"><strong>1.</strong></span> `தனித்தமிழ் இயக்கத்தவர்கள் முதலில் தத்தம் பெயரைத் தமிழில் மாற்றிக்கொண்டார்கள்.’ (பக்.46) எனக் கூறி அவ்வரிசையில் சூரியநாராயண சாஸ்திரியார் பெயரையும் இணைத்திருக்கிறார் மகுடேசுவரன். சாஸ்திரியார் தனித்தமிழ் இயக்கத்தவர் இல்லை.</p>.<p>சுவாமி வேதாசலம் தன் பெயரை மறைமலையடிகள் என மாற்றிக்கொண்டு அதன் பின்னர் அப்பெயரையே பயன்படுத்தி வந்தமை போன்று வி.கோ.சூ செய்தாரில்லை.<br /> <br /> `பரிதிமாற்கலைஞன்’ என்பது வி.கோ.சூ-வின் இடைக்காலப் புனைபெயரே. `தனிப்பாசுரத் தொகை’ எனும் நூலை முதன்முறை பதிப்பிக்கும்போது `பரிதிமாற்கலைஞன்’ என்னும் புனைபெயரில் பதிப்பித்தவர், இரண்டாம் பதிப்பில் `வி.கோ.சூரியநாராயண சாஸ்திரி’ என்னும் பெயரிலேயே வெளியிட்டுள்ளார்.<br /> <br /> `தனிப்பாசுரத் தொகை’ நூலில் சில பாசுரங்களில் புதுக்கருத்துகளைத் தான் வெளியிட்டிருப்பதை எண்ணி தம் பெயரில் வெளியிடாது பரிதிமாற்கலைஞன் என்னும் புனைபெயரில் வெளியிட்டதாக இரண்டாம் பதிப்பின் முன்னுரையில் வி.கோ.சூ குறிப்பிடுகிறார். மற்றொரு காரணத்தையும் குறிப்பிடுகிறார்.<br /> <br /> ‘நல்ல நூல் ஒன்று புகழில்லாதவன் எழுதியதால் இகழப்படுவதாலும், தாழ்ச்சியான நூலொன்று புகழுடையோன் எழுதியமையால் மிகவும் புகழப்படுவதாலும் தான் எழுதிய தனிப்பாசுரத்தொகை என்னும் நூலின் உண்மை மதிப்பினை அறியவேண்டி புனைபெயரில் எழுதி வெளியிட்டதாகக்’ கூறுகிறார்.<br /> <br /> 2. `ஆட்பெயர்ச்சொற்கள் மதத்தில் வேர்கொண்டு வழங்குமிடத்தில் மொழிப்பற்றாளர்கள் செய்வதற்கு ஒன்றுமில்லை என்பதையும் ஒப்புக்கொள்ள வேண்டியிருக்கிறது’ (பக்.47) என்கிறார் மகுடேசுவரன். <br /> <br /> மதத்தில் வேர்கொண்டிருப்பவர்களைத் தமிழ்பால் இழுத்துவருதல் இன்னும் எளிது. தேவார, திருவாசகங்களிலும் இதர திருமுறை நூற்களிலும் அம்மைக்கும் அப்பனுக்கும் வழங்கும் இனிய தமிழ்ப்பெயர்களைத் தொகுத்துத் தந்தால், தம் குழந்தைகளுக்குச் சூட்டி மகிழ்வர்.<br /> <br /> திவ்யப் பிரபந்தத்திலும் கம்பராமாயணத்திலும் திருமாலுக்கும் திருமகளுக்கும் வழங்கும் தமிழ்ப் பெயர்களை மொழிப்பற்றாளர்கள் தொகுத்துத் தந்தால்போதும், வைணவத்தில் வேர்கொண்டவர்கள் தம் குழந்தைகளுக்குச் சூட்டிக் கொண்டாடுவார்கள். அன்றாடம் ஆலயத்தில் 1,008 பெயர் சொல்லி வழிபாடு செய்யும் பெயர்களைத் தனித்தமிழில் ஆக்கித்தர வேண்டும். <br /> <br /> தேம்பாவணியும் சீறாப்புராணமும் இன்ன பிற நூல்களும் இறைவனின் பண்பு நலன்களைத் தமிழில் விவரிக்கின்றன. அவை கொண்டும் அந்நூல்கள் இறைப்பெயர்களையும் இறையடியார் பெயர்களையும் தமிழில் ஆண்டுள்ள விதம் கொண்டும் தமிழ்ப்பெயர்கள் ஆக்கித் தரலாம். `பண்டிருந்து இன்றொழிந்த தமிழ்ச் சொற்களை எடுத்தாளுதல் நலம்’ என்னும் தங்கள் கொள்கைக்கு ஏற்ப பன்னூறு பழந்தமிழ்ப் பெயர்களைப் புதுக்கித் தரலாம்.<br /> <br /> இம்முயற்சிகள் யாவற்றையும் இணையதளம் முதலிய ஊடகங்களால் ஒருங்கிணைக்க வேண்டும்.</p>
<p><span style="color: rgb(255, 0, 0);"><strong>1.</strong></span> `தனித்தமிழ் இயக்கத்தவர்கள் முதலில் தத்தம் பெயரைத் தமிழில் மாற்றிக்கொண்டார்கள்.’ (பக்.46) எனக் கூறி அவ்வரிசையில் சூரியநாராயண சாஸ்திரியார் பெயரையும் இணைத்திருக்கிறார் மகுடேசுவரன். சாஸ்திரியார் தனித்தமிழ் இயக்கத்தவர் இல்லை.</p>.<p>சுவாமி வேதாசலம் தன் பெயரை மறைமலையடிகள் என மாற்றிக்கொண்டு அதன் பின்னர் அப்பெயரையே பயன்படுத்தி வந்தமை போன்று வி.கோ.சூ செய்தாரில்லை.<br /> <br /> `பரிதிமாற்கலைஞன்’ என்பது வி.கோ.சூ-வின் இடைக்காலப் புனைபெயரே. `தனிப்பாசுரத் தொகை’ எனும் நூலை முதன்முறை பதிப்பிக்கும்போது `பரிதிமாற்கலைஞன்’ என்னும் புனைபெயரில் பதிப்பித்தவர், இரண்டாம் பதிப்பில் `வி.கோ.சூரியநாராயண சாஸ்திரி’ என்னும் பெயரிலேயே வெளியிட்டுள்ளார்.<br /> <br /> `தனிப்பாசுரத் தொகை’ நூலில் சில பாசுரங்களில் புதுக்கருத்துகளைத் தான் வெளியிட்டிருப்பதை எண்ணி தம் பெயரில் வெளியிடாது பரிதிமாற்கலைஞன் என்னும் புனைபெயரில் வெளியிட்டதாக இரண்டாம் பதிப்பின் முன்னுரையில் வி.கோ.சூ குறிப்பிடுகிறார். மற்றொரு காரணத்தையும் குறிப்பிடுகிறார்.<br /> <br /> ‘நல்ல நூல் ஒன்று புகழில்லாதவன் எழுதியதால் இகழப்படுவதாலும், தாழ்ச்சியான நூலொன்று புகழுடையோன் எழுதியமையால் மிகவும் புகழப்படுவதாலும் தான் எழுதிய தனிப்பாசுரத்தொகை என்னும் நூலின் உண்மை மதிப்பினை அறியவேண்டி புனைபெயரில் எழுதி வெளியிட்டதாகக்’ கூறுகிறார்.<br /> <br /> 2. `ஆட்பெயர்ச்சொற்கள் மதத்தில் வேர்கொண்டு வழங்குமிடத்தில் மொழிப்பற்றாளர்கள் செய்வதற்கு ஒன்றுமில்லை என்பதையும் ஒப்புக்கொள்ள வேண்டியிருக்கிறது’ (பக்.47) என்கிறார் மகுடேசுவரன். <br /> <br /> மதத்தில் வேர்கொண்டிருப்பவர்களைத் தமிழ்பால் இழுத்துவருதல் இன்னும் எளிது. தேவார, திருவாசகங்களிலும் இதர திருமுறை நூற்களிலும் அம்மைக்கும் அப்பனுக்கும் வழங்கும் இனிய தமிழ்ப்பெயர்களைத் தொகுத்துத் தந்தால், தம் குழந்தைகளுக்குச் சூட்டி மகிழ்வர்.<br /> <br /> திவ்யப் பிரபந்தத்திலும் கம்பராமாயணத்திலும் திருமாலுக்கும் திருமகளுக்கும் வழங்கும் தமிழ்ப் பெயர்களை மொழிப்பற்றாளர்கள் தொகுத்துத் தந்தால்போதும், வைணவத்தில் வேர்கொண்டவர்கள் தம் குழந்தைகளுக்குச் சூட்டிக் கொண்டாடுவார்கள். அன்றாடம் ஆலயத்தில் 1,008 பெயர் சொல்லி வழிபாடு செய்யும் பெயர்களைத் தனித்தமிழில் ஆக்கித்தர வேண்டும். <br /> <br /> தேம்பாவணியும் சீறாப்புராணமும் இன்ன பிற நூல்களும் இறைவனின் பண்பு நலன்களைத் தமிழில் விவரிக்கின்றன. அவை கொண்டும் அந்நூல்கள் இறைப்பெயர்களையும் இறையடியார் பெயர்களையும் தமிழில் ஆண்டுள்ள விதம் கொண்டும் தமிழ்ப்பெயர்கள் ஆக்கித் தரலாம். `பண்டிருந்து இன்றொழிந்த தமிழ்ச் சொற்களை எடுத்தாளுதல் நலம்’ என்னும் தங்கள் கொள்கைக்கு ஏற்ப பன்னூறு பழந்தமிழ்ப் பெயர்களைப் புதுக்கித் தரலாம்.<br /> <br /> இம்முயற்சிகள் யாவற்றையும் இணையதளம் முதலிய ஊடகங்களால் ஒருங்கிணைக்க வேண்டும்.</p>
