Published:Updated:

`பத்தவெச்சிட்டியே' போன்!

`பத்தவெச்சிட்டியே' போன்!
பிரீமியம் ஸ்டோரி
`பத்தவெச்சிட்டியே' போன்!

`பத்தவெச்சிட்டியே' போன்!

`பத்தவெச்சிட்டியே' போன்!

`பத்தவெச்சிட்டியே' போன்!

Published:Updated:
`பத்தவெச்சிட்டியே' போன்!
பிரீமியம் ஸ்டோரி
`பத்தவெச்சிட்டியே' போன்!

நம் ஊரில் பவர்கட் என்பது சர்வ சாதாரணமாகிவிட்ட ஒன்று. இரவு நேரத்தில் பவர்கட் ஆகும்போது வெளிச்சத்திற்காக மெழுகுவத்தியைப் பற்றவைக்க நெடுநேரமாகத் தேடிக்கொண்டிருப்போம். ஆனால் தேடி முடிப்பதற்குள் போன மின்சாரமே வந்துவிடும். இனி இந்தப் பிரச்னை இல்லை. உங்கள் ஸ்மார்ட்போன் மூலமாகவே மெழுகுவத்தியைப் பற்றவைக்க முடியும்.

`பத்தவெச்சிட்டியே' போன்!

உலகமே டிஜிட்டல் மயத்திற்கு மாறிவிட்ட நிலையில், லூடெல்லா என்கிற வாசனை மெழுகுவத்தி உற்பத்தி நிறுவனம் புதிதாக `ஸ்மார்ட்' மெழுகுவத்தியை வடிவமைத்துள்ளது. மெழுகுவத்தியில் என்ன ஸ்மார்ட்? அட, ஆமாங்க! இதைப் பற்றவைக்க தீக்குச்சியே தேவையில்லை. உங்கள் ஸ்மார்ட்போனில் உள்ள அப்ளிகேஷன் மூலமாகவே பற்றவைக்க முடியும். உங்கள் விருப்பத்திற்கு ஏற்ப இதன் சுடர்எரியும் அளவை மொபைல் மூலமாகவே கட்டுப்படுத்த முடியும். வாசம் வேண்டுமென்றால் இயக்கவும், மற்ற நேரங்களில் அதை நிறுத்திக்கொள்ளவும் முடியும். இதில் உள்ள WiFire சென்சார்கள் மூலம் விபத்து ஏற்படாத வகையில் பயன்படுத்த முடியும். பலத்த காற்றினாலோ அல்லது குழந்தைகள் இதைத் தெரியாமல் தட்டிவிட்டாலோ விபத்து ஏற்படாத வகையில் தாமாக அணைந்துகொள்ளும் ஆப்ஷனும் இதில் உள்ளது. மேலும் இதில் டைமர் இருப்பதால் இவ்வளவு நேரம் எரிந்தால் போதுமென குறிப்பிட்ட நேரத்தையும் செட்செய்ய முடியும். குழந்தைகள் இதைப் பயன்படுத்தாமல் இருக்க சைல்ட் லாக் ஆப்ஷனும் இருக்கிறது.

சரி, இதனால் யாருக்கு என்ன பயன்? இந்நிறுவனத்தின் தலைவர் பின்னிக்ஸ் இந்தக் கேள்விக்கு, `ஆப்பிரிக்காவில் நான் பலநாடுகளில் சுற்றுப்பயணம் மேற்கொண்டுள்ளேன். அங்கு மக்கள் கெரசின் விளக்குகளைக் கொண்டுதான் இரவு நேரத்தைச் சமாளிக்கின்றனர். இதனால் அவர்களது உடல்நலம் கெடுவதோடு, அவர்களது வருமானத்தின் கனிசமான தொகை இதில் செலவாகிறது. இந்த ஸ்மார்ட் மெழுகுவத்தியின் விற்பனையில் பெரிய பங்கை ஆப்பிரிக்க மக்களின் நலனுக்காக செலவழிக்க எங்கள் நிறுவனம் திட்டமிட்டுள்ளது' என பாசிட்டிவ்வாக பதில் சொல்கிறார். `பாண்டிபஜாரில் கிடைக்குமா பாஸ்?' என அப்பாவியாகத் தேடினால், ஆன்லைனில் மட்டுமே ஆர்டர் போட முடியுமாம். அதுவும் இப்போது ஆர்டர் பண்ணினால் டெலிவரி 2017-ல்தான் கிடைக்குமாம். விலை 99 அமெரிக்க டாலர்கள். அதாவது இந்திய மதிப்பில் சுமார் 6,600 ரூபாய்.

வெளிச்சத்துல வாழ்றவனுக்குத்தான் இருட்டைக் கண்டு பயம் இருக்கும். நாங்க இருட்டுலயே வாழ்றவங்க. போங்க பாஸ்!

- கருப்பு

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism