ஆஃப் த ரெக்கார்டு!

தா டிக்கார நடிகரை நிகழ்ச்சிக்கு நடுவராக ஒப்பந்தம் செய்துள்ளது வெற்றி நிறுவனம். அதில் அமைப்பாளர்கள் சொல்வதற்கு மாறாக `இப்படி பண்றேன், அப்படி பண்றேன்' என தன்னிச்சையாக ஏதேதோ செய்வதால் நிகழ்ச்சி தயாரிப்பாளர்கள் கடுப்பில் உள்ளார்களாம்.

. ‘விரல்’ நடிகரை ‘வேட்டை யான’ படத்துக்கு ஒப்பந்தம் செய்து, நடிக்காத அந்த படத்துக்கு ஒரு கோடி அட்வான்ஸ் கொடுத் தாராம் ‘லிங்க்’ இயக்குநர். தற்போது நெருக்கடியில் இருப்பதால் அதை கேட்க, விரல் கையை விரித்து விட்டாராம். சங்கத்தை நாடி இருக்கிறார் இயக்குநர்.

. ‘ஜாப்லெஸ்’ படத்தின் இரண்டாம் பாகத்தை தொடங்க நினைத்த நடிகர் அதன் இயக்குநரைக் கழற்றிவிட்டு, படத்தை அறிவித்ததால் நடிகர் மீது செம்ம கடுப்பில் இருக்கிறாராம் அந்த கூர்மையான இயக்கம்!

. மகளை நாயகியாக அறிமுகப்படுத்தும் மும்முரத்தில் நடிகை இருக்க, மகளோ பார்ட்டி, பப் என சுற்ற, அந்த போட்டோக்கள் நெட்டில் லீக்காக... கடுப்பாகிவிட்டாராம் அந்த முன்னாள் அழகு `மயில்'!

. ‘சதுரங்க’ படத்தை இயக்கியவர் காட்டன் ஹீரோவை இயக்கும் அடுத்த படத்துக்கு, `ஹேப்பி மியூஸிக் வேணும்' என நடிகரிடம் கேட்க, `அவரைத் தவிர யாரை வேணும்னாலும் புக் பண்ணிக்கோங்க' என ஒரே வார்த்தையில் கோபமாக முடித்துவிட்டாராம் நடிகர்.

. ‘அன்னை இல்லம்’ இப்போது ‘பன்ச்’ நடிகரின் கால்ஷீட்டுக்கு காத்திருக்கிறது. இந்நிலையில் `வெல்த்தி' இயக்கினால் அந்தப் படத்தை நான் தயாரிக்கிறேன் என ஒல்லி நடிகர் கேட்டிருக்கிறாராம். இதனால் வாய்ப்பு நழுவிடுமோ என கவலையில் இருக்கிறாராம் இல்லத்தின் இளைய வாரிசு.

ஆஃப் த ரெக்கார்டு!

Vikatan Correspondent