Published:Updated:

வளர்ச்சிக்கு கைகொடுக்க வேண்டும்! - GST

வளர்ச்சிக்கு கைகொடுக்க வேண்டும்! - GST
பிரீமியம் ஸ்டோரி
வளர்ச்சிக்கு கைகொடுக்க வேண்டும்! - GST

ஜெ.சரவணன்

வளர்ச்சிக்கு கைகொடுக்க வேண்டும்! - GST

ஜெ.சரவணன்

Published:Updated:
வளர்ச்சிக்கு கைகொடுக்க வேண்டும்! - GST
பிரீமியம் ஸ்டோரி
வளர்ச்சிக்கு கைகொடுக்க வேண்டும்! - GST

ரும் பிப்ரவரி மாதத்தில் 2017-18 நிதி ஆண்டுக்கான பட்ஜெட்டை நிதி அமைச்சர் அருண் ஜெட்லி தாக்கல் செய்ய இருக்கிறார். கடந்த 2016-ல் நடந்த பல நிகழ்வுகள் இந்தியப் பொருளாதாரத்தைத் தலைகீழாக மாற்றிவிட்டது. சர்வதேச சந்தைகள் சுணக்கத்தில் இருப்பதால், பொருளாதார வளர்ச்சி ஏற்கெனவே, மந்த நிலையில் இருந்தது. இந்த நிலையில் அமெரிக்க அதிபராக ட்ரம்ப் ஜெயித்தது, 500, 1,000 ரூபாய் நோட்டுகள் செல்லாது என்ற நடவடிக்கை ஆகியவற்றால் இந்தியப் பொருளாதாரம் நிலையற்ற தன்மைக்குத் தள்ளப்பட்டிருக்கிறது.

இந்தச் சூழ்நிலையில் விரைவில் தாக்கல் செய்யப்பட இருக்கும் 2017-18 பட்ஜெட் பல சவால்களை எதிர்கொள்ள வேண்டியிருக்கிறது. தொழில்துறையினர் இந்த பட்ஜெட்டில் என்னென்ன எதிர்பார்க்கிறார்கள் என்பதைத் தெரிந்துகொள்ள பல்வேறு தொழில்துறை சங்கங்களின் பிரதிநிதிகளிடம் பேசினோம். அவர்கள் தங்களின் எதிர்பார்ப்புகளை நம்மோடு பகிர்ந்துகொண்டார்கள்.

வளர்ச்சிக்கு கைகொடுக்க வேண்டும்! - GST

  சாதகமான ஜிஎஸ்டி!  

சிறு மற்றும் குறுந்தொழில்முனைவோர்கள் கூட்டமைப்பின் (டான்ஷியா) பொதுச்செயலாளர், சி.கே.மோகனுடன் பேசினோம்.

‘‘எஸ்எம்இ-களுக்கு அதிக முக்கியத்துவம் இந்த பட்ஜெட்டில் தரப்பட வேண்டும். ஏனெனில் முற்றிலுமாக அவர்களின் வாழ்வாதாரத்தையே கடந்த சில மாதங்களாக இழந்திருக்கிறார்கள். வாங்கிய கடனுக்கு வட்டிகூடச் செலுத்த முடியாத நிலையில் இருக்கிறார்கள். எனவே, வாராக் கடனுக்கு இருக்கும் விதிமுறைகளைச் சற்று தளர்த்த வேண்டும். தற்போது 90 நாட்களுக்கு வட்டியோ, அசலோ செலுத்தாமல் இருந்தால், அது வாராக் கடனாக எடுத்துக்கொள்ளப்படும் என்ற வரம்பை 180 நாட்களாக உயர்த்த வேண்டும் என்று எதிர்பார்க்கிறோம்.

மேலும், சர்பாசி சட்டத்தில் எஸ்எம்இ-களுக்கு ரூ.2 கோடி வரை வரம்பு அளிக்க வேண்டும். ரூ.2 கோடிக்கும் மேல் வாராக் கடன் இருந்தால் மட்டும் சர்பாசி சட்ட நடவடிக்கை எடுக்கும்வகையில் மாற்றம் செய்ய வேண்டும். மேலும், மாநிலங்களவை, மக்களவை இரண்டிலும், ஸ்மால் ஃபேக்டரி மசோதா, நிறைவேற்றப்பட்டிருக்கிறது. அதை விரைவில் நடைமுறைப்படுத்த வேண்டும்.

ஒட்டுமொத்த விகடனுக்கும் ஒரே ஷார்ட்கட்!

வளர்ச்சிக்கு கைகொடுக்க வேண்டும்! - GST

எஸ்எம்இ-களுக்கு வழங்கப்படும் கடனுக்கான வட்டியை ஒற்றை இலக்கத்தில் கொண்டுவர வேண்டும். மூலப்பொருட்களின் விலையை அடிக்கடி மாற்றாத வகையில் நிலையாக வைத்திருக்க ஆவணச் செய்ய வேண்டும். சென்ற பட்ஜெட்டில் வைக்கப்பட்ட கோரிக்கைகளில் 25 சதவிகிதம் மட்டுமே நிறைவேற்றி இருக்கிறார்கள். ஜிஎஸ்டி மசோதா சிறு தொழில்முனைவோர் களுக்கு உதவும்வகையில் திட்டமிடப்பட்டு விரைவில் அமல்படுத்தப்பட வேண்டும்’’ என்றார்.
 
  ஏற்றுமதிக்குச் சலுகை!

டெக்ஸ்டைல் ஏற்றுமதியாளர் கூட்டமைப்பின் முன்னாள் தலைவர் சக்திவேலுடன் பேசினோம். 

“டெக்ஸ்டைல் துறையில் உள்ள தொழிலாளர் களுக்குக் குடியிருப்பும், பெண்கள் விடுதியும் கட்டித்தர வேண்டும் என ஒவ்வொரு வருடமும் கேட்டுக் கொண்டிருக்கிறோம். அதற்கான ஏற்பாடுகளை இந்த பட்ஜெட்டிலாவது அரசு செய்ய வேண்டும் என்று எதிர்பார்க்கிறோம்.

மேலும், இந்த வருடம்  ஜிஎஸ்டி  அமல்படுத்தப்படும் என்பதால் அதில் ஏற்றுமதியாளர்களுக்கு வரிச் சலுகையை, வரி கணக்குத் தாக்கல் செய்யும்போதே கழித்துக்கொள்ளும் வகையில் ஏற்பாடு செய்ய வேண்டும். ஒவ்வொரு முறையும் வரியைச் செலுத்திவிட்டு, அதனை திரும்ப வாங்கும் முறை தேவையற்ற தாகவும் சிக்கலுக்குரியதாகவும் இருக்கிறது.

வளர்ச்சிக்கு கைகொடுக்க வேண்டும்! - GST

மேலும், ஜிஎஸ்டி-யில் 18 முதல் 20% வரி  டெக்ஸ்டைல் துறைக்கு விதிக்கப்படலாம் என்று சொல்லப்படுகிறது. அப்படியெனில் ரூ.10 கோடிக்கு ஏற்றுமதி செய்யப்பட்டால், அதில் வரியாக ரூ.2 கோடி நின்றுவிடும். அதைத் திரும்ப வாங்குவதற்கு ஆகும் காலத்தில், அந்தப் பணத்தை வைத்து, அடுத்த ஏற்றுமதி ஒப்பந்தத்தை முடிக்க எங்களுக்கு உதவியாக இருக்கும்.

அதேபோல், பொருட்களைத் துறை முகத்துக்குக் கொண்டு செல்லும்போதும், எடுத்து வரும்போதும் ஒவ்வொரு முறையும் விண்ணப்பப்படிவம் ஒன்றைப் பூர்த்தி செய்ய வேண்டியிருக்கிறது. அப்படி அல்லாமல் டெலிவரி நோட்டிலேயே அந்த அனுமதியையும் பெறும்வகையில் திட்டமிடப்பட வேண்டும்.

இவற்றையெல்லாம் செய்தால், நிச்சயம் நம்முடைய நாட்டின் பொருட்கள் உலகின் பல நாடுகளிலும் சிறந்ததாக இருக்கும். டெக்ஸ்டைல் துறையைப் பொறுத்தவரை, இந்தியாவுக்கு ஏற்றுமதிக்கான வாய்ப்புகள் பிரகாசமாக உள்ளன’’ என்றார்.

   தோல் தொழிலுக்கு முக்கியத்துவம்!

தோல் ஏற்றுமதி கவுன்சில் தலைவர் ரபீக் அகமது பேசும்போது,  ‘‘தொழிலாளர் கள் அதிக எண்ணிக்கையில் இருக்கும்  துறை, தோல் உற்பத்தி தொழில்துறை. மேலும், டெக்ஸ்டைல் துறைக்கு அடுத்ததாக அதிக அளவில் பெண்கள் பணிபுரியும் துறையாக தோல் தொழில்துறை உள்ளது. இப்படி எந்தெந்தத் துறைகளில் அதிக அளவில் வேலைவாய்ப்புகள் உருவாக்கப்படுகிறதோ, அந்தந்தத் துறைகளுக்கு அதிக முக்கியத்துவம் கொடுக்க வேண்டும்.

டெக்ஸ்டைல் துறையில் செயல்படுத்துவது போன்ற ‘டெவலப்மென்ட் பேக்கேஜ்’ திட்டங்கள், தோல் தொழில்துறைக்கும் வகுக்கப்பட வேண்டும். மேலும், பண மதிப்பு நீக்க நடவடிக்கையால் அதிகமாகப் பாதிக்கப்பட்டிருப்பது தோல் தொழில்கள்தான்.

பணமில்லாப் பரிவர்த்தனையை ஊக்குவிக்கத் தேவையான ஸ்வைப் மெஷின் உள்ளிட்ட உபகரணங்கள் மற்றும் அவற்றுக்கான பயிற்சிகள் அனைத்தையும் அரசு முன்னெடுத்துக் கொடுக்க வேண்டும்.
மேலும், தொழிலாளர்களால் அவர் களுடைய இஎஸ்ஐ, பிஎஃப் போன்ற வற்றை எளிதில் பெற முடிவதில்லை. எந்த இடத்திலிருந்தாலும் அதனைப் பெறும் வகையிலான ஏற்பாடுகள் செய்தால் தொழிலாளர்களுக்கு உதவியாக இருக்கும்’’ என்றார்.

வளர்ச்சிக்கு கைகொடுக்க வேண்டும்! - GST

  மானியம் வேண்டும்!

தென்னிந்திய மில்ஸ் அசோசியேஷன் தலைவர் எம்.செந்தில்குமாரிடம் பேசினோம். ‘‘டெக்ஸ்டைல் துறையில் இருப்பவர்கள் விருப்பப்பட்டால் வரி கட்டலாம் என்ற ஆப்ஷனல் முறை இருக்கிறது. அதில் எந்த மாற்றமும் செய்யாமல் தொடர வேண்டும். அது மட்டுமல்லாமல், டெக்ஸ்டைல் துறைக்கு ஏற்கெனவே இருக்கிற அனைத்து சலுகைகளையும் தொடர வேண்டும்.

புதிதாக எந்தவிதமான வரியையும் அமல்படுத்தக் கூடாது. மேலும், முக்கியமாக தொழிலாளர்கள் உற்பத்தி செய்யும் (Man Made) பொருட்களுக்கு ஜீரோ வரி என்பதை அமல்படுத்த வேண்டும். நூல் இறக்குமதி வரியைக் குறைக்க வேண்டும்; அப்படிக் குறைத்தால் ஏற்றுமதியும், உள்நாட்டு உற்பத்தியும் அதிகரிக்கும். மூலப்பொருட்கள் கொள்முதல் செய்ய மானியம் வழங்க வேண்டும்” என்றார். தொழில்துறையினரின் கோரிக்கை எவ்வளவு நிறைவேறுகிறது என்பதைப் பொறுத்திருந்து பார்ப்போம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism