Published:Updated:

சவால்களை எதிர்கொள்ள வாய்ப்பில்லாத பட்ஜெட்!

சவால்களை எதிர்கொள்ள வாய்ப்பில்லாத பட்ஜெட்!
பிரீமியம் ஸ்டோரி
சவால்களை எதிர்கொள்ள வாய்ப்பில்லாத பட்ஜெட்!

பட்ஜெட் 2017 சாதகமா, பாதகமா? நாணயம் விகடன் கருத்தரங்கம்

சவால்களை எதிர்கொள்ள வாய்ப்பில்லாத பட்ஜெட்!

பட்ஜெட் 2017 சாதகமா, பாதகமா? நாணயம் விகடன் கருத்தரங்கம்

Published:Updated:
சவால்களை எதிர்கொள்ள வாய்ப்பில்லாத பட்ஜெட்!
பிரீமியம் ஸ்டோரி
சவால்களை எதிர்கொள்ள வாய்ப்பில்லாத பட்ஜெட்!
சவால்களை எதிர்கொள்ள வாய்ப்பில்லாத பட்ஜெட்!

நாணயம் விகடன், சுப்ரீம் ஃபர்னிச்சர் நிறுவனத்துடன் இணைந்து ‘பட்ஜெட் 2017 சாதகமா, பாதகமா’ என்னும் தலைப்பில் சென்னையில் ஒரு விரிவான அலசல் கருத்தரங்கத்தை நடத்தியது. இந்த விமர்சனக் கூட்டத்தில், சிறப்புப் பேச்சாளர்களாக சென்னைப் பல்கலைக்கழகப் பொருளாதாரத் துறை பேராசிரியர் டாக்டர் ஜோதி சிவஞானம், சிறு தொழில்முனைவரும் சிஐஐ-ன் தமிழ்நாடு கன்வீனருமான கே.பி.கோபால், ஐதாட் இன்வெஸ்ட்மென்ட் நிறுவனத்தின் நிறுவனர் ஷியாம் சேகர் மற்றும் சார்ட்டட் அக்கவுன்டன்ட் எஸ்.சதீஷ்குமார் ஆகியோர் கலந்துகொண்டு சிறப்புரையாற்றினர். 

2017 - 2018-ம் ஆண்டுக்கான பட்ஜெட், வளர்ச்சிக்கான பட்ஜெட்டா, இதனால் பொருளாதாரம் வளருமா என்பது குறித்து பேராசிரியர் ஜோதி சிவஞானம் முதலில் பேசினார். 

   எதற்காக பட்ஜெட்?

‘‘பட்ஜெட்டின் நோக்கமே அனைவருக்கும் பலனளிக்கும் வகையில் என்ன செய்ய முடியும் என்று அலசி ஆராய்ந்து தாக்கல் செய்வதே. பட்ஜெட்டின் முக்கிய நோக்கங்களில் ஒன்று வளர்ச்சி. வளர்ச்சி என்பது என்ன? நமது தேசிய வருமானம் எந்த அளவுக்கு வளர்ச்சி அடைகிறது என்பது தான். வளர்ச்சி எப்படி அதிகமாகிறது என்பதைக் காட்டுவதுதான் நம் நாட்டின் ஜிடிபி வளர்ச்சி விகிதம். முதலில், நம் நாட்டின்  பொருளாதாரம் வேகமாக வளரவேண்டும். பொருளாதாரம் வேகமாக வளர்ச்சி அடைந்தால்தான், அதன் மூலம் கிடைக்கக்கூடிய பலன்கள் அனைவருக்கும் சென்றடையும். ஆகையால் பட்ஜெட்டின் நோக்கமே வளர்ச்சியை ஊக்குவிக்கும் வகையில் இருக்கவேண்டும். 

எனினும், வளர்ச்சி விகிதம் அனைவருக்கும் பலனளிக்கிறதா என்பது மிகப் பெரிய கேள்வியாக இருக்கிறது. உதாரணமாக, வேலைவாய்ப்புகள் இல்லாத வளர்ச்சியினால் என்ன பயன்? வறுமையினைக் குறைக்காத, கல்வி, சுகாதாரம் போன்றவை கிடைக்காத வளர்ச்சியினால் என்ன பயன்? எனவே,  கல்வி, வறுமை ஒழிப்பு, சுகாதாரம் போன்றவற்றுக்கு அரசு அதிக நிதி ஒதுக்கி,  மக்களின் நலனுக்காகச் செலவிட வேண்டியது அவசியம்.

வளர்ச்சியைப் போல, செலவீனங்களையும் சரியாகச் செய்வதும் பட்ஜெட்டின் முக்கிய நோக்கம். வளர்ச்சி விகிதம் அதிக ஏற்ற இறக்கத்துடன் இருக்கக்கூடாது. விலைவாசி உயரக் கூடாது. பணவீக்கம் கட்டுக்குள் இருக்க வேண்டும். இதையெல்லாம் தாண்டி பொருளாதாரத்தின் மீது மக்களுக்கு  நம்பிக்கை ஏற்பட வேண்டும். அடுத்து என்ன நடக்குமோ என்ற பயம் மக்கள் மத்தியில் வரக்கூடாது. ஆகையால் அரசுக்கு வளர்ச்சி விகிதம், பொருளாதார ஸ்திரத்தன்மை, பணவீக்கம் என பல சவால்கள் உள்ளன. 

சவால்களை எதிர்கொள்ள வாய்ப்பில்லாத பட்ஜெட்!

   உலகப் பொருளாதாரம்

2007-08க்குப் பிறகு உலகப் பொருளாதாரம் மிகப் பெரிய நிதிச் சிக்கலைச் சந்தித்தது. முதலில் அமெரிக்கா, அதன்பிறகு ஐரோப்பா, சீனா என பல நாடு களைப் போல, இந்தியாவும் கடுமையாகப் பாதிப்படைந்தது. சர்வதேசப் பொருளாதாரம் கீழே விழுந்து, இப்போது வரை மீள முடியாத நிலையிலேயே காணப்படுகிறது.  

90-களுக்கு முன், இந்தியப் பொருளாதாரத்தின் கொள்கைகள் நமக்குள் முடிவு செய்துகொள்ளும் நிலையிலேயே இருந்தன. ஆனால், இப்போது 25 ஆண்டுகள் கழித்து அதுமாதிரி சூழல் எதுவும் இல்லை. இந்தியப் பொருளாதாரம், உலகப் பொருளாதாரத்துடன் நெருக்கமான உறவைக் கொண்டுள்ளது.  ஏற்றுமதி, இறக்குமதி நம் மொத்த ஜிடிபி-யில் 45%. நம் பொருளாதாரம் மற்ற நாடுகளைச் சார்ந்தே உள்ளது. இதனால்தான் ரிசர்வ் வங்கியின் முன்னாள் கவர்னர் ரகுராம் ராஜன், அமெரிக்கா உள்ளிட்ட பல்வேறு நாடு களின் பொருளாதாரக் கொள்கைகளைப் பார்த்தபிறகு தான், நம் நாட்டின் கொள்கை முடிவுகளை மேற்கொள்ளவேண்டும் என்று சொன்னார். அந்த அளவுக்கு இந்தியப் பொருளாதாரம், உலகப் பொருளாதாரத்துடன் இணைக்கப்பட்டுள்ளது.

கடந்த இரண்டு ஆண்டுகளாக நிதிப் பற்றாக்குறைக் கட்டுக்குள் இருந்தது. இதற்குக் காரணம், கச்சா எண்ணெய் விலை சரிவடைந்ததே.   இப்போது கச்சா எண்ணெய் விலை அதிகரிக்க ஆரம்பித்துள்ள நிலையில், நிதிப் பற்றாக்குறை 3.2% என மதிப்பிடப்பட்டுள்ளது. ஆனால், கச்சா எண்ணெய் விலை 50 டாலரிருந்து 70 டாலராக அதிகரித்தால், நிதிப் பற்றாக்குறை 3.5 - 4 சதவிகிதமாக அதிகரிக்க வாய்ப்பு  உள்ளது. 
 
   ட்ரம்ப் நடவடிக்கை

அமெரிக்க அதிபர் டொனால்ட் ட்ரம்ப் கொள்கை முடிவு இந்தியாவை பாதிக்கும் வகையில் உள்ளது. நம் ஜிடிபி வருமானத்தின் மூன்றில் இரண்டு பங்கு, சேவைத் துறையின் மூலம் கிடைக்கிறது. ஆனால், ட்ரம்ப் நடவடிக்கையால் சேவைத் துறையின் மூலம் கிடைக்கும் அந்நிய செலாவணி பாதிப்படைய வாய்ப்புள்ளது. இதற்கான நடவடிக்கைகளை இப்போதே அவர் ஆரம்பித்துவிட்டார்.

 இது மட்டுமின்றி, அமெரிக்க மத்திய வங்கி, வட்டி விகிதத்தை பூஜ்யத்திலேயே வைத்திருந்தது. ஆனால், இப்போது வட்டி விகிதத்தை அதிகரிக்க ஆரம்பித்து விட்டது. இது இந்தியாவைக் கடுமையாகப் பாதிக்கும். அங்கு பூஜ்யத்தில் இருந்ததால்தான் கணிசமான முதலீடு  இங்கு வந்தது. இப்போது அந்த முதலீடுகள் அமெரிக்காவை நோக்கி நகரும்.

சவால்களை எதிர்கொள்ள வாய்ப்பில்லாத பட்ஜெட்!

   பண மதிப்பு நீக்கம்

பண மதிப்பு நீக்க நடவடிக்கையால், நம் நாட்டில் வளர்ச்சி விகிதம் குறைந்துள்ளது.  தனியார் நிறுவனங்களின் முதலீடு தொடர்ச்சியாக சரிவடைந்து வருகிறது. ஆனால், பண மதிப்பு நீக்க நடவடிக்கையை அடுத்து எவ்வளவு பணம் வங்கிக்கு வந்துள்ளது என்று நிதி அமைச்சகமோ, ரிசர்வ்  வங்கியோ வெளியிடவில்லை. எவ்வளவுக்கு புதிய பணம் புழக்கத்தில் விடப்பட்டுள்ளது என்பது குறித்தும் யாரும் துல்லியமாக பதில் சொல்லவில்லை. ஏற்கெனவே இந்தியப் பொருளாதாரம் கீழ்நோக்கிச் செல்கிறது. பண மதிப்பு நீக்கத்தினால் அரசாங்கம் வெளியிட்ட அனைத்துப் பணமும் வங்கிக்கு வந்திருக்கிறது. கறுப்புப் பணமோ, கள்ளப் பணமோ பெரிய அளவில் பிடிபட்ட மாதிரி அரசாங்கம் சொல்ல வில்லை. அப்படி இருக்கும்போது கணக்கில் வந்த அந்தப் பணத்தை மீண்டும் பயன்படுத்துவதில் தவறில்லையே! ஆனால், ஒரே ஒருவரின் ‘ஈகோ’வை திருப்திப்படுத்த அப்படி செய்ய முடியாத நிலை இருக்கிறது.

நம் நாட்டில் நிறுவனங்களுக்கான வரி மிகக் குறைவாக இருக்கிறது. பிரேசிலில் 36%, யூகே 33%, அமெரிக்கா 25%, சீனாவில் 20% வரை வரி வசூலிக்கப் படுகிறது. ஆனால், நம் நாட்டில் 16.6% என்ற அளவிலேயே வரி வசூலிக்கிறோம். இவ்வளவு குறைவாக வரி வசூலித்துவிட்டு, பல்வேறு  செலவீனங்களுக்கு எப்படி அதிகத் தொகை ஒதுக்க முடியும்? அதிகத் தொகையை ஒதுக்காமல், எப்படி பொருளாதாரம் வளரும்?

   2017 பட்ஜெட்

2017-18-ம் நிதி ஆண்டுக்கான பட்ஜெட்டில், ரூ.21 லட்சம் கோடிக்கு மொத்த செலவீனங்கள் எனக் குறிப்பிடப்பட்டுள்ளது. இதில் வருவாய் செலவீனங்கள் மட்டும் ரூ.18 லட்சம் கோடி. வளர்ச்சியினை ஊக்குவிக்கவேண்டிய முதலீட்டு செலவீனங்கள் மிகச் சொற்பமாக ரூ.1.8 லட்சம் கோடி என்கிற அளவிலேயே உள்ளது. வருவாய் பற்றாக்குறை ரூ.3.2 லட்சம் கோடி, நிதிப் பற்றாகுறை ரூ.5.46 லட்சம் கோடி என நிதி அமைச்சர் பல புள்ளிவிவரங்களைச் சொல்கிறார். இவை  எல்லாம் வெறும் எண்களே. பட்ஜெட்டில் குறிப்பிட்டு உள்ளதைப் போல, வரி வசூல் இலக்கை எட்ட முடியுமா என்பதே கேள்விக்குறிதான். இந்த பட்ஜெட்டில், பொருளாதாரத்தை ஊக்குவிப்ப தற்கான எந்த அம்சங்களும் இல்லை. இந்த பட்ஜெட்டினால், பொருளாதாரத்தை வளர்ச்சி அடையச் செய்யும் காரணிகள் எதுவும் இல்லை. மேலும், சென்ற ஆண்டு பட்ஜெட்டுக்கும் தற்போதைய பட்ஜெட்டுக்கும் எந்த வேறுபாடும் இல்லை.

நாம் எதிர்கொண்டுள்ள வெளிநாட்டு, உள்நாட்டு சவால்களை ஒப்பிடுகையில், இந்த பட்ஜெட் சிறிதளவுகூட அவற்றைக் களைந்து பொருளாதாரத்தினை வளர்தெடுக்கக்கூடிய வாய்ப்பு சிறிதும் இல்லாத ஒரு பட்ஜெட்டாகவே திகழ்கிறது” என்றார்.

இந்த பட்ஜெட் குறித்த மற்ற பேச்சாளர்களின் கருத்துகள் அடுத்த வாரம்... 

-சோ.கார்த்திகேயன்,

படங்கள்: தி.குமரகுருபரன்