Published:Updated:

”வட்டார வழக்குச் சொற்கள் கீர்த்தனைகளில் இடம் பெற வேண்டும்!” - டி.எம்.கிருஷ்ணா

”வட்டார வழக்குச் சொற்கள் கீர்த்தனைகளில் இடம் பெற வேண்டும்!” - டி.எம்.கிருஷ்ணா
பிரீமியம் ஸ்டோரி
”வட்டார வழக்குச் சொற்கள் கீர்த்தனைகளில் இடம் பெற வேண்டும்!” - டி.எம்.கிருஷ்ணா

உரையாடல் : பாலு சத்யா - படங்கள் : கே.ராஜசேகரன்

”வட்டார வழக்குச் சொற்கள் கீர்த்தனைகளில் இடம் பெற வேண்டும்!” - டி.எம்.கிருஷ்ணா

உரையாடல் : பாலு சத்யா - படங்கள் : கே.ராஜசேகரன்

Published:Updated:
”வட்டார வழக்குச் சொற்கள் கீர்த்தனைகளில் இடம் பெற வேண்டும்!” - டி.எம்.கிருஷ்ணா
பிரீமியம் ஸ்டோரி
”வட்டார வழக்குச் சொற்கள் கீர்த்தனைகளில் இடம் பெற வேண்டும்!” - டி.எம்.கிருஷ்ணா

ர்னாடக இசைக் கச்சேரிகளில், தமிழ்க் கீர்த்தனைகள் `துக்கடா’க்களாகத்தான் பயன்படுத்தப்படுகின்றன என்பது இசைஆர்வலர்களின் நெடுநாளைய ஆதங்கம். அந்த நிலை இப்போது கணிசமாக மாறியுள்ளது. தமிழ்க் கீர்த்தனைகள் மேடைகளில் பாடப்படுகின்றன; இசைக்கப்படுகின்றன. முழுக்க முழுக்கத் தமிழ்ப் பாடல்களால் நிறைந்திருக்கும் கச்சேரிகளும் அநேகம். கர்னாடக இசைப் பாடகர் டி.எம்.கிருஷ்ணா இதன் அடுத்தகட்ட நகர்வுக்கு விதைபோட்டிருக்கிறார். திரும்பத் திரும்பப் பாடப்பட்டுவரும் பாடல்களையெல்லாம் தாண்டி, எழுத்தாளர் பெருமாள் முருகன் எழுதிய  ‘பஞ்ச பூத கீர்த்தனை’களை சமீபத்தில் மேடையில் பாடியிருக்கிறார்.

”வட்டார வழக்குச் சொற்கள் கீர்த்தனைகளில் இடம் பெற வேண்டும்!” - டி.எம்.கிருஷ்ணா

``நானும் எழுத்தாளர் பெருமாள் முருகனும் தமிழ்க் கீர்த்தனைகள் தொடர்பா ஒரு வருஷமாகப் பேசிக்கிட்டிருக்கோம். ஒரு சந்தர்ப்பத்தில் பெருமாள் முருகன்கிட்ட, `நீங்க தமிழ்க் கீர்த்தனைகளும் எழுதலாமே... அதுக்கு மெட்டமைச்சுப் பாடலாம்’னு சொன்னேன். அவரும் எழுதித் தந்தார். இதுவரை அவர் 10 பாடல்கள் எழுதியிருக்கார். அவர் எழுதின பத்துப் பாடல்களில், பஞ்ச பூதங்களைப் பத்தி அஞ்சு கீர்த்தனைகள் எழுதியிருக்கிறார். காதலைப் பற்றி, மனதைப் பற்றினு மேலும் அஞ்சு கீர்த்தனைகள்... அதில் ஒரு கீர்த்தனை, கொங்குநாட்டுல புழக்கத்துல இருக்கும் ஒரு வார்த்தையைவெச்சு எழுதினது. தண்ணீர் பாய்ச்ச வசதி இல்லாத நிலத்துல விவசாயம் பண்றது இருக்கு இல்லியா? அந்த நிலத்தை `மேத்தாங்காடு’னு சொல்வாங்க. அதைவெச்சு ஒரு கீர்த்தனை.

ஒட்டுமொத்த விகடனுக்கும் ஒரே ஷார்ட்கட்!

”வட்டார வழக்குச் சொற்கள் கீர்த்தனைகளில் இடம் பெற வேண்டும்!” - டி.எம்.கிருஷ்ணா


தமிழ்க் கீர்த்தனைகளில் பாரதியார் பாடல்கள், ஊத்துக்காடு வேங்கட சுப்பையர் பாடல்கள் எல்லாம் இருக்கு. இப்போ கச்சேரிகளில் நிறையப்பேர் அந்தத் தமிழ்ப் பாடல்களையெல்லாம் பாடுறாங்க. கர்னாடக இசையில பக்தி சார்ந்த கீர்த்தனைகள் தவிர, வேற கீர்த்தனைகளும் வரணும்கிறதுதான் என்னோட நோக்கம். ஏன்னா, பக்திங்கிறது ஓர் உணர்வு. அது எதுலேர்ந்து வேணும்னாலும் வரலாம். அது மதம் சார்ந்ததா இருக்கணும்கிற அவசியம் கிடையாது. இது என் கருத்து. இந்த கீர்த்தனைகள் எல்லாம் ஒரு மதம் சார்ந்த கீர்த்தனைகள் இல்லை. எல்லோருக்கும் பொதுவான விஷயங்கள் நிறைய இருக்கு. பனைமரத்தைப் பத்திக்கூட ஒரு கீர்த்தனை எழுதியிருக்கார். தமிழ்நாட்டுல பனைமரம் ஒரு முக்கியமான பண்பாட்டு அடையாளம், ஓர் இயற்கை உயிர். இன்றைக்கு அதோட முக்கியத்துவம் தெரியாமப் போயிடுச்சு. பனைமரம் பற்றிய இந்தக் கீர்த்தனையிலிருந்துகூட ஒரு பக்தி உணர்வு வரலாம். அது ஓர் அழகு. இப்படியான உள்உணர்ச்சியைக் கிளர்ற கீர்த்தனைகளை எழுதியிருக்கார் பெருமாள் முருகன். 

கர்னாடக இசையில தமிழ்க் கீர்த்தனைகள் இருந்தாலும், பெரும்பாலும் ஒரே மாதிரியான தமிழ்தான் அதுல இருக்கு. தமிழ்தான்! ஆனா, திருநெல்வேலியில பேசுற தமிழ் வேற; சென்னைத் தமிழ் வேற; கொங்குநாட்டுல பேசும் தமிழ் வேற. ஒவ்வொண்ணும் தனித்துவமானது. ஆனா, வட்டார வழக்குச் சொற்களைப் பயன்படுத்தி எழுதப்பட்ட கீர்த்தனைகளே தமிழில் இல்லை. நான் பெருமாள் முருகனிடம் பேசும்போது, “சார், வட்டார வழக்குச் சொற்களையும் பயன்படுத்திப் பாடல்கள் எழுதுங்க. அதில கொங்குநாட்டு வட்டாரச் சொற்களையும் பயன்படுத்துங்க”னு சொன்னேன்.

வட்டாரச் சொற்களும் கர்னாடக இசைக் கீர்த்தனைகள்ல வரணுங்கிறது என் ஆசை. இங்கே எத்தனையோ இன மக்கள் இருக்காங்க. ஒவ்வொருவரும் சொற்களை வேற வேற மாதிரிப் பயன்படுத்துவாங்க. அவை எல்லாமே இசைக்குள்ள வந்ததுனா, இசைக்குள்ள ஒரு சமத்துவமும் வர்றதுக்கு வாய்ப்பு இருக்கு. மதம், சாதி இதையெல்லாம் தாண்டி கர்னாடக இசையை உள்வாங்குறதுக்கு ஒரு முயற்சினு இதைச் சொல்லலாம்.’’

”வட்டார வழக்குச் சொற்கள் கீர்த்தனைகளில் இடம் பெற வேண்டும்!” - டி.எம்.கிருஷ்ணா

``கர்னாடக இசையில் பக்தி பாவத்தைத் தாண்டி வேறு சமூகக் கருத்துள்ள கீர்த்தனைகளும் வந்தால் நன்றாக இருக்கும் என்று கருதுகிறீர்கள் இல்லையா?’’

``ரெண்டும் சேர்ந்து இருக்கணும். பக்தி பாவம் வேண்டாம்னு நான் சொல்லவே இல்லை. அதுவும் இருக்கணும். ரெண்டும் இணையிறதுல ஓர் உணர்வு இருக்கு, ஓர் அழகு இருக்கு.

“எழுத்தாளர் பெருமாள் முருகன்...”


“பெருமாள் முருகன் மாதிரி ஒரு நவீன எழுத்தாளர் எழுதினா, இப்படியான கீர்த்தனைகளுக்கு ஒரு தனி அந்தஸ்து கிடைக்கும்னு நெனைச்சேன். அது நடந்திருக்கு. அவரும் ரொம்ப ரொம்ப அழகாப் பாடல்களை எழுதியிருக்கார்.  கீர்த்தனைகளைப் பத்தி விரிவாப் பேசுவார். முதல்முறையா அவர் கீர்த்தனைகளை எழுதி அனுப்பியபோது கர்னாடக இசை பற்றி, அதன் அமைப்பு பற்றி எல்லாம் கேட்டுக்கிட்டார். கர்னாடக இசைக்கு ஒரு மரபு இருக்கு. அதைப் பத்தியெல்லாம் டிஸ்கஸ் பண்ணினோம். அவர் எழுதின `பனைமரம்’ தொடர்பான கீர்த்தனையில் `இட்டேரி’னு ஒரு கொங்கு வட்டார வார்த்தையைப் பயன்படுத்தியிருந்தார். `இட்டேரி’னா என்னன்னே எனக்குத் தெரியலை. ஒரு வயலுக்கும் இன்னொரு வயலுக்கும் இடையிலான இடமாம். அங்குதான் பனைமரத்தை வளர்ப்பாங்களாம். அவருக்குக் க்ரியேட்டிவ் சக்தி அதிகம். ஒரு விஷயத்தைப் பேசின உடனே, `இதை இந்த மாதிரி வெச்சுக்கலாமா, அப்படி எழுதினா நல்லா இருக்குமா’னு டிஸ்கஸ் பண்ணுவார். ராகங்கள் குறித்துக்கூடப் பேசினோம். சில ராகங்களை அவரே பரிந்துரைத்தார். ஆகாயத்தைப் பற்றிய ஒரு கீர்த்தனைக்கு, `இதைப் பூபாள ராகத்துல மெட்டு போடலாமே’னு சொன்னார். நானும் பூபாளத்துலதான் மெட்டுப் போட்டு, பாடினேன். சில கீர்த்தனைகளுக்கான ராகங்களை நீங்களே போட்டுக்கங்கனு சொல்லிட்டார். அவரை மாதிரி உயர்ந்த ஓர் எழுத்தாளரை, மனிதரைப் பார்க்கவே முடியாது. இன்னொரு விஷயம், சொல்ற விஷயத்தை இயல்பா சொல்றார் ஆனால், அதில் ஒரு ஆழம் இருக்கு. அந்தத் தன்மை அவர் வரிகள்ல ரொம்ப ரொம்ப அழகா அமைஞ்சிருக்கு. கீர்த்தனைதான்; ஆனால், இயல்பான சொற்களில்! எளிய சொற்கள்தான்; ஆனால், அவை உணர்த்தும் ஆழம் ரொம்பப் பெருசு!’’

``பெருமாள் முருகனுடன் இணைந்து வேறு கீர்த்தனைகள், பாடல்கள் உருவாக்கும் முயற்சி ஏதாவது உண்டா?’’

``நான்  அந்த நிகழ்ச்சியில் கச்சேரி முடியும்போது, மேடையிலேயே சொன்னேன். ‘இது ஓர் ஆரம்பம்தான். இன்னும் அவர் நிறைய  கீர்த்தனைகள் எழுதணும். நான் பாடுறதுக்கு ரொம்ப ஆர்வமா காத்திருக்கேன்’. இனிவரும் கச்சேரிகள்ல அவர் எழுதின பாடல்களைத் தொடர்ந்து பாடத்தான் போறேன். இப்போ இருக்கிற எழுத்தாளர்கள் கர்னாடக இசைக்குள்ள வரணும். கர்னாடக இசைக்கு வெளியே இருக்கிறவங்க, இதுக்குள்ள வந்தாங்கன்னா, கர்நாடக இசைக்கு நல்லது. இசை வளரும்; உள்ளடக்கங்களும் அதிகமாகும். இது என்னோட ஆசையும் வேண்டுகோளும்.’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism