Published:Updated:

கலைஃபுல் பார்ட்டி கெட்டப்!

கலைஃபுல் பார்ட்டி கெட்டப்!
பிரீமியம் ஸ்டோரி
News
கலைஃபுல் பார்ட்டி கெட்டப்!

ஹேர் கலரிங்

ற்கள் பதிக்கப்பட்ட நகைகள், பூ மணக்கும் ஜடை, மணிகளால் அழகூட்டப்பட்ட கொண்டை, சுருள்சுருளாக நெற்றியில் புரளும் முடிக்கற்றை... இப்படி திருமணம் சார்ந்த ஒவ்வொரு நிகழ்வுக்கும் பெண்களுக்கு ஒவ்வொரு விதமான ஹேர் ஸ்டைல் இருக்கிறது. இப்போது ஸ்பைக்கி (Spiky), க்ராப் (Crop), டெக்ச்சர்டு பாம்ப் (Textured pomp) என ஆண்களுக்கும் பலவிதமான ஹேர் ஸ்டைல்கள் வந்துவிட்டன. இதுகுறித்து சென்னை ‘டோனி அண்ட் கை’ பியூட்டி சலூனின் நிபுணர் வாஹித்திடம் பேசியதில்...

“ஆண்களுக்கான ஹேர் ஸ்டைலில் புதுவரவு ஹேர் கலரிங்தான். பார்ட்டி, ரிசப்ஷன் போன்ற நிகழ்ச்சிகளில் தனித்துத் தெரிய விருப்பமுள்ளவர்களுக்கான   பெஸ்ட் சாய்ஸ் இது. இதில் பேஸிக் கலரிங், ஃபேஷன் கலரிங்னு இரண்டு வகைகள் இருக்கு” எனும் வாஹித் இதுகுறித்து விரிவாக விளக்கினார்...

கலைஃபுல் பார்ட்டி கெட்டப்!

பேஸிக் கலரிங்

பொதுவாக, நம் கூந்தலின் நிறம் கறுப்புதான். இருப்பினும், ஒருவருக்கு இருள்போன்ற அடர் கருமை, இன்னொருவருக்கு அடர்த்தி குறைந்த கருமை என நபருக்கு நபர் கருமையின் அடர்த்தி வேறுபடும். பெரும்பான்மையான ஆண்களுக்கு அடர் கருமை நிறத்தில் தலைமுடி இருக்க வேண்டும் என்பதே விருப்பம்.

பேஸிக் கலரிங் முறையில் கறுப்பு, அரக்கு, க்ரே போன்ற நிறங்களில் கலரிங் செய்துகொள்ளலாம். கலரிங் செய்திருப்பது வெளிப்படையாகத் தெரியாது. ஆனால், பகலில் வெளியே செல்லும்போது தலைமுடியின்மீது வெளிச்சம்படும்போது கூந்தலின் நிறம் பளபளப்பாகத் தனித்துத் தெரியும். நம் கூந்தலின் இயற்்கை நிறத்துக்கேற்ப பேஸிக் கலரிங் வகையைத் தேர்வு செய்துகொள்ளலாம். பேஸிக் ஹேர் கலரிங் செய்வதற்கான செலவு 1,500 ரூபாய் முதல் ஆரம்பம்.

கலைஃபுல் பார்ட்டி கெட்டப்!

ஃபேஷன் கலரிங்

பேச்சுலர் பார்ட்டி, ரிசப்ஷன், சங்கீத் போன்ற நிகழ்ச்சிகளுக்கானதுதான் ஃபேஷன் கலரிங். இது மணமகனை ட்ரெண்டியாக வெளிப்படுத்தக்கூடியது. இயற்கையான கூந்தலின் நிறத்துக்கும், இந்தச் செயற்கை நிறத்துக்கும் தொடர்பே இல்லாமல் இருப்பதுதான் இதன் சிறப்பு. நாம் அணியக்கூடிய  உடையின் நிறத்துக்குப் பொருத்தமாக, அதே நிறத்தில் ஃபேஷன் கலரிங் செய்துகொள்ள முடியும். அதாவது சிவப்பு, பிங்க், மஞ்சள், பச்சை, ஊதா, பர்புள் என விரும்பிய நிறங்களில் கலரிங் செய்துகொள்ளலாம். ஒருவர் ஒரே நேரத்தில் மூன்று விதமான நிறங்களைக் கூந்தலில் `அப்ளை’ செய்துகொள்ள முடியும். இதை ட்ரை கலரிங் (Tri coloring) என்பர். வித்தியாசமான தோற்ற விரும்பிகளுக்கானது இந்த ஃபேஷன் ஹேர் கலரிங். கூந்தலின் நீளத்துக்கும் அடர்த்திக்கும் ஏற்ப 2,000 ரூபாய் முதல் செலவாகும்.
கலரிங் எப்படிச் செய்யப்படுகிறது?

கூந்தலின் அடர்த்தி, நிறம் ஆகியவற்றைக் கவனத்தில்கொண்டுதான் கலரிங் செய்யப்படும். குறைந்தது ஒரு மணி நேரம் ஆகும். என்ன மாதிரியான ஹேர் கலரிங் தேர்வு செய்கிறீர்களோ, அதற்கேற்ப முடியை வெட்டிவிடுவார்கள். அதன் பிறகு விரும்பிய நிறத்தை எடுத்து, கூந்தலுக்கு கலரிங் செய்வார்கள். கலரிங் செய்த பிறகும் ஹேர் கட்டிங் மற்றும் ஸ்டைலிங் செய்யப்படும். கடைசியாக முகத்தின் வடிவத்துக்கேற்ப கூந்தலை அழகாக செட் செய்வார்கள்.

கலரிங் லைஃப்

கலரை ஸ்ப்ரே முறையில் தெளித்தோ, ப்ளீச் முறையில் தடவியோ, கூந்தலுக்குச் செயற்கை நிறத்தைக் கூட்டுகிறார்கள். இந்தச் செயற்கை நிறம், காலத்துக்கும் அப்படியே இருந்துவிடுமோ என்கிற சந்தேகத்தில்தான் பலரும் ஹேர் கலரிங் செய்யத் தயங்குகிறார்கள். ஹேர் கலரிங் என்பது குறிப்பிட்ட காலத்தில் மறையக்கூடிய ஒன்றுதான். அதனால், தயங்காமல் நமக்குப் பிடித்த நிறத்தில் கூந்தலை அலங்கரித்துக்கொள்ளலாம்.

கலைஃபுல் பார்ட்டி கெட்டப்!

இதில் செமி பெர்மனென்ட், பெர்மனென்ட் என இரண்டு வகைகள் இருக்கின்றன. செமி பெர்மனென்ட் முறையில் கலரிங் செய்தால், ஒரு நாளைக்கு மட்டுமே நிறம் நீடித்திருக்கும். தலைக்குக் குளித்தவுடன் அழிந்துவிடும். ஒரு பார்ட்டிக்குச் செல்வதற்கு மட்டுமே என்றால், செமி பெர்மனென்ட் கலரிங் செய்துகொள்ளலாம். இதுவே பெர்மனென்ட் கலரிங் செய்தால், 28 முறைகள் கூந்தலை அலசும்வரை நிறம் அப்படியே நீடித்து இருக்கும். அதன் பிறகு நாளுக்கு நாள் செயற்கை நிறம் மங்கத் தொடங்கி, நாளடைவில் மறைந்துவிடும்.

கலைஃபுல் பார்ட்டி கெட்டப்!

கலரிங், கூந்தலுக்கு உகந்ததுதானா?

ஹேர் கலரிங் செய்வதால் அலர்ஜி, தலைமுடி உதிர்வு என ஏதேனும் பிரச்னை ஏற்படுமா என நமக்குச் சந்தேகங்கள் எழும். ஆனால், பிரச்னை எதுவும் ஏற்படாது என்பதே சிகை அலங்கார நிபுணர்களின் உத்தரவாதம். இருப்பினும், நிபுணர்களிடம் ஆலோசனை பெற்றபின் ஹேர் கலரிங் செய்வதுதான் நல்லது. அதேபோல, சிலர் மார்க்கெட்டில் கிடைக்கும் ஹேர் கலரிங் கிட்டை வாங்கி, அதில் உள்ள செய்முறை விளக்கத்தைப் பார்த்து, சுயமாக கலரிங் செய்வதுண்டு. முறையான ஆலோசனை மற்றும் நிபுணர்களின் வழிகாட்டுதல் இல்லாமல் ஹேர் கலரிங் செய்துகொள்வதைத் தவிர்ப்பதே நல்லது. நிபுணர்களிடம் கலரிங் செய்துகொள்ளும்போது ஹேர் கேர் புரொடெக்‌ஷன் செய்வார்கள். அதனால் பக்கவிளைவுகள்் இல்லாமல், பார்ட்டியில் கலர் கலர் ஹேருடன் வலம் வரலாம்!

- முத்து பகவத்

படங்கள்: மீ.நிவேதன் மாடல்: வாஹித்

உதவி : ‘Toni and Guy - Essensuals’ பெருங்குடி, சென்னை