Published:Updated:

அகத்தின் அழகு இனி நகத்திலும்...

ஒட்டுமொத்த விகடனுக்கும் ஒரே ஷார்ட்கட்

Use App
அகத்தின் அழகு இனி நகத்திலும்...
அகத்தின் அழகு இனி நகத்திலும்...

கலர்ஃபுல்

பிரீமியம் ஸ்டோரி

னம் கவர்ந்தவரைக் கரம்பிடிக்க காத்திருக்கும் கைகளுக்கு மருதாணி இட்டு அழகு பார்த்ததைத் தொடர்ந்து ‘நெயில் ஆர்ட்’ தான் தற்போதைய ஹாட் ட்ரெண்டு. நிச்சயதார்த்தம், முகூர்த்தம், ரிசப்ஷன் என தீம்களுக்கு ஏற்றவாறு பல டிசைன்களில் நெயில் ஆர்ட் செய்துகொள்ள முடியும்.  இதற்கென பிரத்தியேகமாக நெயில் ஆர்ட் ஸ்டுடியோக்கள் அங்காங்கு தலையெடுக்க ஆரம்பித்துள்ளன. அந்த வகையில் சென்னையில் உள்ள ‘நெயில் கல்ச்சர்’ சலூனின் நெயில் ஆர்ட் எக்ஸ்பர்ட் ரோஹிணி நெயில் ஆர்ட் செய்யும் முறைகளை விளக்கினார்...

அகத்தின் அழகு இனி நகத்திலும்...

* முதலில் நகங்களை நன்கு கழுவி விட்டு, நகங்களை மென்மையாக்க உதவும் சொல்யூஷனைச் சிறிதளவு பஞ்சில் தொட்டு நகங்களின் மீது பூச வேண்டும்.

அகத்தின் அழகு இனி நகத்திலும்...

* அடுத்து டிரான்ஸ்பரன்ட்டாக இருக்கும் ‘பேஸ் கோட்’ நெயில் பாலீஷ்ஷை நகங்கள் மீது அப்ளை செய்ய வேண்டும். இதன்மீது நெயில் ஆர்ட் செய்யும்போது, நெயில் ஆர்ட் நீண்ட நாள்கள் அழியாமல் இருக்கும்.

* நெயில் பாலீஷ் நிறத்தைத் தேர்ந்தெடுப்பதில் தெளிவாக இருப்பது அவசியம். ட்ரெண்டி லுக் விரும்புபவர்கள் ‘நியூட்’ கலர்ஸ் தேர்ந்தெடுக்கலாம். மற்றபடி ஆடைக்கு ஏற்ற நிறத்தைத் தேர்வு செய்யலாம்.

அகத்தின் அழகு இனி நகத்திலும்...

* நெயில் பாலீஷை இரண்டு கோட் அப்ளை செய்ய வேண்டும். வழக்கமான நெயில் பாலீஷைத் தவிர்த்து, நெயில் ஆர்ட்டுக்கென இருக்கும் பிரத்யேகமான நெயில் பாலீஷை உபயோகித்தால் அட்ராக்டிவ்வாக இருக்கும். அதன் மேல் க்ளிட்டர்ஸ், ஜொலிக்கும் கற்கள், வித்தியாசமான வடிவங்கள் என விருப்பத்துக்கேற்ப டிசைன் செய்து உலரவிட்டு, அதன் மேல் டிரான்ஸ்பரன்ட்’ நெயில் பாலீஷைத் தடவினால் நெயில் ஆர்ட் நீண்ட நாள்கள் நீடித்திருக்கும்.

* லிக்விட் நெயில் பாலீஷுக்கு அடுத்ததாக ‘ஜெல்’ வகை நெயில் பாலீஷ் வந்துவிட்டன. இதைக் காற்றில் உலரவைக்க முடியாது. இதற்கென உள்ள டிரையர் மெஷினில் காட்டித்தான் உலரவைக்க முடியும். மற்றதைவிட ஜெல் நெயில் ஆர்ட் நீண்ட நாள்கள் நீடித்திருக்கும். பாத்திரம் கழுவுவது, துணி துவைப்பது போன்ற வேலைகளைச் செய்தாலும் இவை எளிதில் நீங்காது.

அகத்தின் அழகு இனி நகத்திலும்...

* மணமகளுக்கென பிரத்யேக நெயில் ஆர்ட் ‘கிட்’கள் வந்துவிட்டன. இவற்றில் ஜொலிக்கும் விதவிதமான ஸ்டோன்கள், நட்சத்திரங்கள், பூக்கள், ஷேப் பிரின்டர்கள் என பல வெரைட்டியான விஷயங்கள் இருக்கின்றன. மேலும், திருமண ஆடைகளுக்கு ஏற்ற ‘தீம்’ டிசைன்களும் செய்து தரப்படும்.

அகத்தின் அழகு இனி நகத்திலும்...

* பெரும்பாலும் அடர்நிற நெயில் பாலீஷில், வெளிர்நிறப் பூக்கள் வரைவதை அதிகம் விரும்புகிறார்கள். இது சங்கீத், ரிசப்ஷன் ஆகியவற்றுக்கு பெஸ்ட் சாய்ஸ்.

* நீண்ட நகங்கள் இல்லாதவர்களுக்கென ‘ஸ்டென்சில்’ எனப்படும் முறை கையாளப்படுகிறது. இதில் நகங்கள் செயற்கையாக ஒட்டப்பட்டு அதன்மீது நெயில் ஆர்ட் செய்யப்படுகிறது. இது ஆறு மாதங்கள் வரை நீடிக்கக் கூடியது.

அகத்தின் அழகு இனி நகத்திலும்...

* திருமணப் பரபரப்பில் நெயில் ஆர்ட் செய்வதற்கு நேரம் ஒதுக்க முடியாதவர்களுக்கென செயற்கை நகங்களில் செய்யப்பட்ட நெயில் ஆர்ட் கிட் ரெடிமேடாகக் கிடைக்கின்றன. ஆனால், இது வெறும் ஒரு வார காலம் மட்டுமே நீடிக்கும். நெயில் ஆர்ட் ஸ்டுடியோவில் செய்யப்படும் நெயில் ஆர்ட்கள் ஒரு மாத காலம் வரை நீடிக்கும்.

 மேக்கப் ஸ்பெஷலிஸ்ட், ஹேர் ஸ்டைலிஸ்ட், மெஹந்தி ஸ்பெஷலிஸ்ட் மாதிரி இனி நெயில் ஆர்ட் எக்ஸ்பர்ட்டுகளும் உங்கள் வீட்டுத் திருமணங்களில் இடம்பிடிப்பார்கள் என்பதில் சந்தேகமேயில்லை.

- யாழ் ஸ்ரீதேவி, சுஜிதா

மாடல் : ஜெயா
படங்கள்: ஜெ.வேங்கடராஜ்

அகத்தின் அழகு இனி நகத்திலும்...

ஹெல்த்தி நெயில்

நகங்களின் அழகுக்கு அழகு சேர்க்க ஆரோக்கிய டிப்ஸ் தருகிறார். சென்னையைச் சேர்ந்த அழகுக் கலை நிபுணர் வசுந்தரா...

* முகத்துக்குப் பயன்படுத்தும் கிளென்சிங் க்ரீமை நகங்களிலும் அப்ளை செய்து மசாஜ் செய்து  கழுவினால் நகங்கள் பிங்க் நிறத்தில் ஆரோக்கியமாக இருக்கும்.

* ஆலிவ் மற்றும் தேங்காய் எண்ணெய் சில சொட்டுகள் எடுத்து நகங்களில் தடவி மசாஜ் செய்ய வேண்டும். இதனால் நகங்கள் உறுதிபெறும்.

* வைட்டமின் இ ஆயிலில் ஒரு சொட்டு எலுமிச்சைச் சாறு கலந்து நகங்களை மசாஜ் செய்தால், நகத்தில் உள்ள வரிகள், மஞ்சள் நிறம் மாறிப் பளிச்சிடும்.

* ஒரு கப்பில் தேவையான அளவு ஆப்பிள் சிடர் வினிக்கரை எடுத்து அதனுள் நகங்கள் மூழ்குமாறு பத்து நிமிடங்கள் வைக்கவும். இதனால் நகங்கள் உடையாமல் பாதுகாக்கலாம்.

* நகங்களின் ஆரோக்கியத்துக்கு கால்சியம் மற்றும் வைட்டமின் சத்துள்ள பால், முட்டை, கீரை, பயறு வகைகள், நட்ஸ் என சரிவிகித சத்துணவு எடுத்துக் கொள்ளவும்.

* துணி துவைக்க டிடர்ஜென்ட் பவுடர் பயன்படுத்தும்போது கைகளுக்கு பிளாஸ்டிக் கிளவுஸ் போட்டு நகங்களைப் பாதுகாக்கவும்.

* கலரற்ற ‘பேஸ் கோட்’ நெயில் பாலீஷ் அப்ளை செய்த பின்னர் நெயில் பாலீஷ் போடவும். இதனால் நகங்கள் மஞ்சள் நிறமாவதை தடுக்கலாம்.

* நெயில் பாலீஷ் ரிமூவ் செய்வதற்கு ‘தின்னர்’ பயன்படுத்துவதற்குப் பதிலாக ஆல்கஹால் அதிகம் இல்லாத நெயில் பாலீஷ் ரிமூவர் பயன்படுத்தவும்.

* நகங்களை நெயில் கட்டரின் மூலம் கட் செய்யாமல் பிளேடு, கத்தரிக்கோல் அல்லது பற்களால் கடித்து கட் செய்வதைத் தவிர்க்கவும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு