Published:Updated:

கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!

கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!
பிரீமியம் ஸ்டோரி
கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!

புதிய தொடர்- 1

கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!

புதிய தொடர்- 1

Published:Updated:
கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!
பிரீமியம் ஸ்டோரி
கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!
கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!

யல், விளைச்சலை அள்ளிக் கொடுத்தாலும், சந்தையில் நல்ல விலை கிடைத்தால்தான், விவசாயிக்கு அதிக லாபம் கிடைக்கும். விவசாயப் பொருள்களை நேரடியாகக் குறைந்த விலைக்குச் சந்தைப்படுத்துவதைவிட மதிப்புக் கூட்டிச் சந்தைப்படுத்தினால் அதிக லாபம் பெறலாம்.  ‘ஒவ்வொரு விவசாயப் பொருளுக்கும் எப்படி மதிப்புக் கூட்டினால் நல்ல விலை கிடைக்கும்?' என்பதைப் புரிந்து கொண்டு,  சந்தையின் தேவையைத் தெரிந்துகொண்டால் இரட்டிப்பு லாபம் நிச்சயம்.

கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!

ஒட்டுமொத்த விகடனுக்கும் ஒரே ஷார்ட்கட்!

தமிழக விவசாயிகள் தண்ணீர் கிடைக்காமல் கடந்த ஆண்டு பெரிதும் அவதிப்பட்டு வந்தனர். தமிழக அரசும் தமிழகத்தை வறட்சி மாநிலமாக அறிவித்தது. அவ்வளவு வறட்சியிலும் விவசாயிகள் தங்கள் விவசாயப் பொருள்களை நேரடி யாகவும், மதிப்புக் கூட்டியும் சந்தைப்படுத்தினர். இதில் நேரடி யாகச் சந்தைப்படுத்திய பொருள் களைவிட மதிப்புக் கூட்டி சந்தைப் படுத்திய பொருள்களுக்குத்தான் அதிக லாபம் கிடைத்தது.

காரணம், நேரடியாக விற்பனை யாகும் காய்கறிகள், பழங்கள் உள்ளிட்டப் பொருள்களை அழுகல் மற்றும் பூச்சித் தாக்குதல் போன்ற காரணங்களால் அதிக நாள்கள் வைத்து விற்பனை செய்ய முடியாது. நீண்ட நாள்கள் வைத்திருந்தால் அதிக விலைக்குப் போகும் எனத் தெரிந்தும் வைத்திருக்க முடியாமல் விவசாயிகள் விற்பனை செய்து விடுகிறார்கள். மதிப்புக் கூட்டிய பொருள்களாக மாற்றி  விற்பனை செய்யும்போது அதிக நாள்கள் தாக்குப்பிடிப்பதால் நல்ல லாபமும் கிடைக்கிறது.
விவசாயிகள் தவிர, தொழில்முனைவோரும் மிக அதிகளவு மதிப்புக் கூட்டிய தொழில்நுட்பங்களைப் பின்பற்றி தொழில் செய்ய வேண்டும். ஒரு விவசாயி, மதிப்புக் கூட்டல் தொழில் நுட்பங்களைக் கற்றுக்கொண்டால் தொழில் முனைவோராகவும் உயர்ந்துவிடுகிறார்.   

கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!

விவசாயப் பொருள்களுக்கு உரிய விலை கிடைக்கவில்லை என்பது உடனடியாகத்  தீர்க்கக்கூடிய பிரச்னை இல்லை என்பதை மனதில் கொண்டு, மாற்றுத் தீர்வை யோசித்தால் மதிப்புக் கூட்டல் என்பது நிச்சயமாக லாபம் தரக்கூடியதாகவே இருக்கும்.

ஐரோப்பிய விவசாயிகள், உரித்த தேங்காய் மட்டையிலிருந்து பிரித்தெடுத்த தேங்காய் நாரை விவசாயத்துக்குப் பயன்படுத்துகிறார்கள். அந்த நாரையும் இந்தியாவிலிருந்துதான் இறக்குமதி செய்கிறார்கள் என்பது கூடுதல் தகவல்.

கடந்த 2015-ம் ஆண்டைப் பொறுத்தவரை, மதிப்புக் கூட்டலில் உலக அளவில் இந்தியா ஐந்தாம் இடம் வகித்தது. 2016-ம் ஆண்டு நிலவரப்படி, உலக அளவிலான மதிப்புக் கூட்டலில் இந்தியா மூன்றாம் இடம் வகிக்கிறது. இன்னும் முயற்சி செய்தால் இந்தியா உலக அளவில் முதலிடத்தைப் பிடித்துவிடலாம்.

மதிப்புக் கூட்டல் என்பது தொழில் செய்பவர்களுக்கு லாபம் கொடுப்பதற்காக மட்டுமல்ல, உணவுப்பொருள்கள் வீணாவதைத் தடுக்கவும்தான். நாளுக்கு நாள் நம் நாட்டில் உணவுப் பஞ்சம் பெருகி வருகிறது.

விளைபொருள்களை மதிப்புக் கூட்டி விற்பனை செய்யலாம் என்பதெல்லாம் சரிதான். இது நடைமுறையில் சாத்தியம்தானா, இந்தத் தொழில்நுட்பங்களை எப்படிக் கற்றுக்கொள்வது, தொழிலுக்குத் தேவையான இயந்திரங்கள் கிடைக்குமா, அதிக பணத்துக்கு எங்கே போவது, இது எல்லோரும் செய்யக்கூடிய தொழில்நுட்பம்தானா என்பது போன்ற கேள்விகளுக்குத் தமிழகம் முழுவதிலும் விவசாயப் பயிற்சி மையங்களிலும், வேளாண் அறிவியல் நிலையங்களிலும், தஞ்சாவூரில் அமைந்துள்ள மத்திய அரசின் நிறுவனமான இந்தியப் பயிர்ப்பதனத் தொழில்நுட்பக் கழகம், கர்நாடக மாநிலம் மைசூரில் அமைந்துள்ள மத்திய உணவுத் தொழில்நுட்ப ஆராய்ச்சி நிறுவனம் உள்ளிட்ட பல நிறுவனங்கள் இதற்கான ஆலோசனைகளை வழங்குகின்றன.   

கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!

மதிப்புக் கூட்டல் தொழில்நுட்பம் குறித்துப் பேசிய முன்னாள் மத்திய உணவுத் தொழில்நுட்ப ஆராய்ச்சி நிறுவன முன்னாள் இயக்குநர் முனைவர் ராம ராஜசேகரன், “மதிப்புக் கூட்டல் தொழில்நுட்பமானது விவசாயிகள், தொழில்முனைவோர், வேலை தேடுவோர் எனப் பலருக்குமான வாழ்வாதாரத்தைக் கொடுக்கிறது. வாழைப்பழத்திலிருந்து முப்பதுக்கும் அதிகமான பொருள்களை நம்மால் உருவாக்க முடியும். ஒரு விவசாயி ஒரு பொருளை உற்பத்தி செய்துவிட்டால் அதைச் சந்தையில் கொண்டுபோய் விற்பனை செய்வதோடு நிறுத்திக் கொள்கிறார். அவரே நேரடியாக மதிப்புக் கூட்டலில் ஈடுபட்டால், குறைவான விலையில் தனது பொருள்களை அதிக நாள் வைத்திருந்து விற்க முடியும். விவசாயிகளிடமிருந்து தொழில்முனைவோர் பொருள்களை வாங்கி விற்பனை செய்தால் விலை அளவில் மாற்றம் இருக்கும். ஆனால், பொருள்களின் தரம், வருமானம் என ஒப்பிட்டால் இரு தரப்பினருக்கும், பொருள்களை வாங்கும் நுகர்வோருக்கும் நிச்சயம் லாபம்தான்.

எங்களிடம் சுமார் 400 தொழில்நுட்பங்களுக்கு மேல் மதிப்புக் கூட்டல் தொழில்நுட்பங்கள் இருக்கின்றன. நாங்கள் நேரடியாகப் பயிற்சிக் கொடுத்தாலும் விவசாயிகளும், தொழில்முனைவோரும் வரத் தயங்குகிறார்கள். வடமாநிலங்களில் அதிகமான இளைஞர்கள் எங்கள் தொழில்நுட்பங்களைக் கற்று மதிப்புக் கூட்டலில் ஈடுபட்டு வருகிறார்கள்.

மதிப்புக் கூட்டல் என்பது பொருள்களின் மறுவடிவம்தானே தவிர, அவற்றின் உண்மைத்தன்மை மாறாதது. பாலிலிருந்து வெண்ணெய், நெய், பன்னீர் போன்ற பொருள்கள் தயாரிப்பது என்று எல்லோரும் நினைக்கிறார்கள். பாலிலிருந்து பதினைந்துக்கும் மேற்பட்ட பொருள்களைத் தயாரிக்க முடியும். தொழில்முனைவோருக்கான வாய்ப்புகளையும் உருவாக்கிக் கொடுத்தும் வருகிறோம். கரும்பு, வாழை, மாம்பழம், தேங்காய், எள், கடலை என விவசாயப் பொருள்கள் அனைத்தும் மதிப்புக் கூட்டினால் நிச்சய வருமானம் கிடைக்கும்” என்றார்.

மதிப்புக் கூட்டலில் இருக்கும் ஒரே சவால், சந்தை வாய்ப்பை ஏற்படுத்திக் கொள்வதுதான். இன்றைக்குப் பெரும்பாலான மக்கள் இயற்கையின் பக்கமும், விவசாயப் பொருள்களின் மீதும் கவனத்தைத் திருப்பத் தயாராகிவிட்டனர். பெரிய மால்களில் இருக்கும் உணவுக் கடைகளில் கம்பு லட்டு, திணை உருண்டை, கேழ்வரகு முறுக்கு எனப் பல பொருள்கள் அலங்கரித்திருக்கின்றன. இந்தப் பொருள்களை மக்கள் ஆர்வத்துடனும் வாங்கிச் செல்கின்றனர். இதுபோக, தமிழகம் முழுவதிலும் பெரும்பாலான ஆர்கானிக் கடைகளில் தேங்காய் நார்கள், செக்கு எண்ணெய் வகைகள் உள்ளிட்ட மதிப்புக் கூட்டல் பொருள்களை விற்பனைக்கு வைத்திருக்கிறார்கள். இவர்களுடன் தொடர்பை ஏற்படுத்திக்கொள்வதும் சிறந்த சந்தை வாய்ப்பாக இருக்கும்.

மதிப்புக் கூட்டலுக்கான சந்தை வாய்ப்புகளைப் பற்றிப் பேசிய பாதுகாப்பான உணவுக்கான கூட்டமைப்பின் ஒருங்கிணைப்பாளர் அனந்து, “மதிப்புக் கூட்டல் மூலமாக நடக்கிற வியாபாரம்தான் இன்றைக்குப் பெரியது. முன்பெல்லாம் இட்லிக்கு வீட்டிலேயே மாவு அரைப்பது வழக்கம். இப்போது நகரங்கள் முதல் கிராமங்கள் வரைக்கும் ரெடிமேட் இட்லி, தோசை மாவு பிரபலமாகிவிட்டது. அவசரக் கதியில் இயங்கும் மக்களும் மதிப்புக் கூட்டல் மூலம் தயார் செய்யப்பட்ட பொருள்களையே அதிகம் விரும்புகின்றனர். அதனால் சந்தை வாய்ப்பைப் பற்றிக் கவலைப்படத் தேவையில்லை.

ஒரு கிராமத்தில் உருவாகும் விளைபொருளை அந்தக் கிராமத்தில் இருக்கும் இளைஞர்கள், பெண்கள் ஆகியோர் சுயஉதவிக் குழுக்கள் அமைத்து மதிப்புக் கூட்டி நகரங்களுக்கோ அல்லது உள்ளூரில் உள்ள மக்களுக்கோ விற்பனை செய்யலாம்.  இதனால் கிராமப்புறப் பொருளாதாரம் நிச்சயமாக உயரும். அதேபோல, அதிகமான உற்பத்தியாக இருந்தால் பெருநகரங்களுக்கும் அனுப்பலாம். மதிப்புக் கூட்டினால் உருவாக்கப்படும் பொருள்களுக்கு நாம் வைப்பதுதான் விலையாக இருக்கிறது. சில பொருள்கள் வீணாகும் நிலையில் இருந்தா லும், அவற்றைப் பதப்படுத்தி புதிய வடிவத்தைச் சத்து மாறாமலும் கொடுக்க முடியும். மதிப்புக் கூட்டலுக்கான சந்தை வாய்ப்புகள் இன்று கொட்டிக் கிடக்கின்றன. மக்களும் மதிப்புக்கூட்டுப் பொருள்களைக் கொடுத்தால் வாங்கிவிடும் தூரத்தில்தான் இருக்கின்றனர்.அதைப் பயன்படுத்திக்கொள்வது தொழில்முனைவோராகிய நம் கையில்தான் இருக்கிறது” என்றார்.

தஞ்சாவூரில் உள்ள இந்திய பயிர்ப் பதனத் தொழில்நுட்பக் கழகமும் மதிப்புக் கூட்டல் மற்றும் சிறு தொழில்முனை வோருக்கான சான்றிதழ் பயிற்சியைத் தொடர்ந்து அளித்து வருகிறது. மதிப்புக் கூட்டல் எனும் தொழில் நுட்பத்தைக் கற்ற விவசாயி களும் தொழில்முனைவோரும் அதிகமாக மதிப்புக் கூட்டலில் ஈடுபட்டு வருகின்றனர்.

தென்னை மற்றும் அது சார்ந்த மதிப்புக் கூட்டல் தொழில்நுட்பங்கள் குறித்து அடுத்த இதழில்...

(மதிப்புக் கூடும்)

துரை நாகராஜன்

படங்கள்: தி.விஜய், சக்தி அருணகிரி

கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!

மதிப்புக் கூட்டலால் வேலை வாய்ப்பு!

பு
திய தொழில் முனை வோர்களை உருவாக்கு வதில் மதிப்புக் கூட்டுதல் எனும் தொழில்நுட்பம் முக்கியமான பங்கு வகிக்கிறது. முக்கியமாக மதிப்புக் கூட்டல் தொழில் நுட்பம் மூலம் உணவுசார்ந்த பொருள்கள் பெருமளவுக்கு உற்பத்தி செய்யப்படு கின்றன.

நாம் உண்ணும் கடலை மிட்டாய், எள் மிட்டாய் பால் பவுடர், பாட்டிலில் அடைக்கப்பட்ட பழச்சாறு எனப் பல பொருள்கள் மதிப்புக் கூட்டிய வகையில் உருவாக்கப்பட்டதுதான். இவ்வாறு மதிப்புக் கூட்டல் செய்யும்போது விவசாயி கள், தொழில்முனைவோர் தவிர, அந்தத் தொழிலால் வேலைவாய்ப்பு பெறும் மக்கள் கூட்டமும் உண்டு.

கொஞ்சம் ப்ளஸ்... நிறைய லாபம்! - மதிப்புக் கூட்டும் தொழில்கள்!

லாபம் தரும் மதிப்புக் கூட்டல்!

திப்புக் கூட்டல் தொழில்நுட்பத்தை  ஓர் உதாரணம் மூலம் தெளிவு படுத்தலாம். தென்னை வளர்க்கும் விவசாயிகள் தேங்காய்க்கு நல்ல விலை கிடைக்கவில்லை எனக் கவலைப்படுவதை விட்டு விட்டு, தேங்காயைப் பயன்படுத்தித் தேங்காய் எண்ணெய், பவுடர், கயிறு, தென்னை நார்க்கட்டி, பதப்படுத்தப்பட்ட இளநீர், கருப்பட்டி எனப் பல வடி வங்களில் மதிப்புக் கூட்டி னால் நிச்சயமாக லாபம் கிடைக்கும். தேங்காயைக்  குறிப்பிட்ட நாள்களுக்கு மேல் வைத்துப் பயன்படுத்த முடியாது. ஆனால், மதிப்புக் கூட் டப்பட்ட பொருள்களை இரண்டு, மூன்று ஆண்டு கள்கூட வைத்து விற்பனை செய்யலாம். கொட்டாங் குச்சிகள்கூட கப்புகளாக  மாற்றப்பட்டு வெளிநாடு களுக்கு ஏற்றுமதியா கின்றன!