Published:Updated:

வலைபாயுதே

வலைபாயுதே
பிரீமியம் ஸ்டோரி
வலைபாயுதே

சைபர் ஸ்பைடர்

வலைபாயுதே

சைபர் ஸ்பைடர்

Published:Updated:
வலைபாயுதே
பிரீமியம் ஸ்டோரி
வலைபாயுதே

facebook.com/buhariraja

முன்னாடியெல்லாம் பொங்கலுக்குதான் கேட்காமலயே உளுந்த வடை வச்சீங்க, அப்றம் இட்லி தோசைக்கும் வச்சீங்க, இப்ப என்னடா பூரி பரோட்டாவுக்கெல்லாம் உளுந்தவடை வைக்க ஆரம்பிச்சுட்டீங்க!

twitter.com/chithradevi_91

வாழ்க்கை திங்கள் முதல் வெள்ளி வரை டெஸ்ட் மேட்ச் மாதிரியும் சனிக்கிழமை ஒன்டே மேட்ச் மாதிரியும் ஞாயிற்றுக் கிழமை மழையால் பாதிக்கப்பட்ட நாலு ஓவர் டி20 மாதிரியும் முடிஞ்சிருது.

twitter.com/azam_twitz

திருமண மண்டபத்தில் சொந்தக்காரர்களின் நடுவில் மாட்டிக்கொள்ளுவதும் ட்ராஃபிக் போலிஸிடம் மாட்டிக்கொள்வதும் ஒன்றுதான். இருவரும் நம்மிடம் எது இல்லையோ அதைத்தான் துருவித் துருவிக் கேட்பார்கள்!

வலைபாயுதே

twitter.com/iindran

பேச ஒண்ணும் இல்லையெனில் எமோஜிகளாய் அனுப்பி சாவடிக்கும் அரியவகை உயிரினங்களை...அல்லையில் மிதி என்கிறான் புத்தன்.

twitter.com/sundartsp

இந்தியப் பெருங்கடலில் சுனாமி வருமாம். ஆப்கானிஸ்தான்கூட பாதிக்கப் படுமாம், ஏன்டா, வதந்தின்னாலும் ஒரு லாஜிக் வேண்டாமா, முதல்ல மேப்பைப் படிங்கடா.

twitter.com/amuduarattai

மனைவியின் மௌனத்தில் உள்ள கோபத்தை, ஊர்கூட அறியும். ஆனால், கணவனின் மௌனத்தில் உள்ள திருட்டுத்தனத்தை, மனைவி மட்டுமே அறிவாள்.

twitter.com/Thaadikkaran

மாசக்கடைசியில் எதைப் பார்த்தாலும் சாப்பிடத் தோன்றுவதே காசு இல்லாதவனின் டிசைன்!

ஒட்டுமொத்த விகடனுக்கும் ஒரே ஷார்ட்கட்!

வலைபாயுதே

twitter.com/mymindvoice

டின்னருக்கு ஒருத்தவங்க வீட்டுக்கு வந்து ஒரு மணி நேரமாச்சு... இன்னும் சாப்பிடுங்கன்னு சொல்ல மாட்டேங்கறாங்க... இன்னைக்குன்னு பார்த்து எக்கச்சக்கமா பசிக்குது #எந்தப்பிறவி பாவத்துக்குத் தண்டனையோ.

twitter.com/jeranjit

தலையில் பாலிதீன் பையோடு மழையில் சென்றால்,சாதாரண தூறல்கூட நியூஸ்சேனலில் சொல்லப்படுவதுபோல் பயங்கர மழையாகத் தெரிகிறது.

twitter.com/MJ_twets

எல்லோரையும் நம்பினால் ஏமாற்றத்தை அளிக்கிறது. யாரையும் நம்பாமல் இருந்தால் தடுமாற்றத்தை அளிக்கிறது. #விசித்திரமான_வாழ்க்கை

வலைபாயுதே

twitter.com/meenammakayal

ஆணுடனான உறவில், பொதுவில் முக்கியத்துவத்தையும் தனித்திருக்கையில் பாதுகாப்பையும் உணரும் பெண் காதல் வயப்படுகிறாள்.

twitter.com/aayilyan

கல்யாணம் ஆனபிறகு, அந்தப் பய ஜோக்கும் அடிக்கணுமாம்! #யம்மாடியோவ்_எவ்ளோ_பெரிய_பேராசை.

twitter.com/manipmp

கட் அவுட் உள்ளது
மெதுவாகச் செல்.

வலைபாயுதே

twitter.com/iindran

துண்ட கட்டிட்டு பாத்ரூம் போறதுக்கு முன்னாடி தண்ணி வருதானு செக் பண்ணிக்கணும். #தினம் ஒரு பாடம்.

twitter.com/mekalapugazh

விற்கத் தெரியாதவன், மோசமான பொருளை விற்பதில்லை.

twitter.com/kumarfaculty

இடியாப்பச் சிக்கலின் நியூ வெர்ஷன் ஹெட்போன் சிக்கல்...!

வலைபாயுதே

twitter.com/thoatta

விஐபி 2, சென்னையில் ஒரு நாள் 2’ன்னு இந்த வருஷம் வந்ததெல்லாம் சொதப்புறதுனால, ஓபிஎஸ், `தர்மயுத்தம் 2’வ ஜனவரில ஆரம்பிக்கலாம்.

twitter.com/mufthimohamed1

என் துணிய நானே துவைக்கிறேன், சாப்பிட்ட தட்டை நானே கழுவி வைக்கிறேன். இதவிட ஒரு பொண்ணுக்கு நல்ல மாப்பிள்ளை வேற எங்க கிடைப்பான்!

twitter.com/Rathikagenius

அம்மாவுக்கு டிவி
அப்பாவுக்கு அக்கவுண்ட்ஸ்
அக்காவுக்கு வாட்ஸப்
தம்பிக்கு பேஸ்புக்
எனக்கு ட்விட்டர்
யாராவது பேச மாட்டார்களா என்று
ஏக்கமாய்ப் பார்த்தபடி
இருக்கிறது
வீடு

வலைபாயுதே

twitter.com/meenammakayal

`என்னை உனக்குப் பிடிக்குமா?’ என்ற கேள்விக்கு சிரித்துக்கொண்டே இல்லை என்பதும்... `போகட்டுமா?’ என்ற கேள்விக்கே அழுதுகொண்டே போவென்பதும் காதல்

​facebook.com/​Araathu R

கோவை கெத்து, மதுரை கெத்து, நத்த மேடு கெத்து என ஸ்டேட்டஸ் போடும் பலரும் சென்னையில் இருந்து அதைப் போடுவதுதான் சென்னையின் கெத்து!