Published:Updated:

கொஞ்சம் ப்ளஸ்... நிறைய லாபம்! - லாபம் தரும் பால்!

கொஞ்சம் ப்ளஸ்... நிறைய லாபம்! - லாபம் தரும் பால்!
பிரீமியம் ஸ்டோரி
கொஞ்சம் ப்ளஸ்... நிறைய லாபம்! - லாபம் தரும் பால்!

மதிப்புக் கூட்டல் தொடர் - 9

கொஞ்சம் ப்ளஸ்... நிறைய லாபம்! - லாபம் தரும் பால்!

மதிப்புக் கூட்டல் தொடர் - 9

Published:Updated:
கொஞ்சம் ப்ளஸ்... நிறைய லாபம்! - லாபம் தரும் பால்!
பிரீமியம் ஸ்டோரி
கொஞ்சம் ப்ளஸ்... நிறைய லாபம்! - லாபம் தரும் பால்!

ன்றைய தேதியில் நம் வீடுகளில் ஆக்கிரமித்துள்ள உணவுப் பொருள்களில் பெரும்பாலானவை மதிப்புக் கூட்டல் செய்யப் பட்ட பொருள்கள்தான். ரெடிமேடாகக் கிடைக்கும் உணவுப்பொருள் தொடங்கி இட்லி மாவு வரைக்கும் நம் சமையலறையில் இடம் பிடிக்கத் தொடங்கிவிட்டன. இனிவரும் நாள்களில், நம் வீட்டில் இருக்கும் மதிப்புக் கூட்டல் செய்யப்பட்ட பொருள்களின் எண்ணிக்கை இன்னும் அதிகமாகுமே தவிர, குறையாது. 

கடந்த 2015-ம் ஆண்டில், மதிப்புக் கூட்டல் தொழிலில் உலக அளவில் இந்தியா ஐந்தாம் இடமும், 2016-ம் ஆண்டில் மூன்றாம் இடமும் பிடித்திருந்தது. மதிப்புக் கூட்டல் தொழிலைப் பொறுத்தவரையில் இந்தியா வேகமாக முன்னேறிக் கொண்டிருக்கிறது. இங்கே குறிப்பிடத் தக்க விஷயம், மதிப்புக் கூட்டல் தொழில், லாபம் என்பதைத் தாண்டி உணவுப் பொருள் வீணாவதைத் தடுப்பதிலும் முக்கியப் பங்கு வகிக்கிறது. நாளுக்கு நாள் பெருகிவரும் உணவுப்பஞ்சத்தைப் போக்க, எதிர்காலத்தில் மதிப்புக் கூட்டல் தொழில்நுட்பத்தின் பயன்பாடு மிகப் பெரிய அளவில் இருக்கும்.

மதிப்புக் கூட்டலைப் பொறுத்தவரை, பல  பெண்களும் பெண் குழுக்களும் வெற்றிகரமாகச் செய்து வருகின்றனர். அதில் திருப்பூர் மாவட்டம், கன்னிவாடி அருகிலுள்ள கருப்பன்வலசு கிராமத்தைச் சேர்ந்த  கலைமகள் குறிப்பிடத்தக்கவர். கடந்த இரண்டு ஆண்டுகளாக மதிப்புக் கூட்டல் தொழிலை வெற்றிகரமாக நடத்தி வருகிறார்.

கொஞ்சம் ப்ளஸ்... நிறைய லாபம்! - லாபம் தரும் பால்!

சென்னையில் ஐ.டி ஊழியராகப் பணியாற்றிய கலைமகள், இன்று ஒரு தொழில்முனைவோராக வளர்ந்திருக்கிறார். இவர் கருப்பட்டி பால்கோவா, மூலிகை கூந்தல் தைலம், தேன் வேர்கடலை உருண்டை, மூலிகை சத்துமாவு, உளுந்தங்களி, நலங்கு மாவு உள்ளிட்ட சில பொருள்களை மதிப்புக் கூட்டல் முறையின் மூலம் தயாரித்து, அவரே நேரடியாக விற்பனையும் செய்து வருகிறார். இவரது தொழில்கூடத்தில் கருப்பட்டி பால்கோவாவை பேக்கிங் செய்தபடி நம்முடன் பேசினார் கலைமகள்.

“எங்களுக்குச் சொந்தமாக ஆறு  ஏக்கர்  விவசாய நிலம் இருக்கிறது. விவசாயத்தை என்னுடைய தம்பி  ராமதுரை கவனித்து வருகிறார். என்னுடைய படிப்பை முடித்ததும் சென்னையில் ஐடி கம்பெனி ஒன்றில் வேலை கிடைத்தது. அதனால், சென்னையில் சில காலம் பணியாற்றினேன்.

ஒட்டுமொத்த விகடனுக்கும் ஒரே ஷார்ட்கட்!

சென்னையில் வேலை செய்யும் போது நான் உண்ட உணவுகள் என் உடலுக்கு ஏற்றுக் கொள்ள வில்லை. அந்த உணவு எனக்குப் பழக அதிக நாளானது. எனக்கு எப்போதும் கிராமம் சார்ந்த உணவுகள் மேல் நாட்டம் அதிகம். எங்களுடைய அலுவலகத்தில் சிறுதானிய உணவு வகைகளைக் கொண்டு செல்வேன். அப்போது அதை அதிகமானவர்கள் விரும்பி வந்து சாப்பிடுவார்கள். இதையே ஒரு தொழிலாகச் செய்தால் என்ன என்கிற யோசனை எனக்கு அப்போது தோன்றவே, தாமதிக் காமல் வேலையை விட்டுவிட்டு மதிப்புக் கூட்டல் தொழிலை ஆரம்பித்துவிட்டேன். தவிர, எங்களிடம் கறவை மாடுகளும், விவசாய நிலங்களும் இருந்ததால், மதிப்புக் கூட்டல் பற்றிய எண்ணம் வர அவையும் காரணமாக இருந்தது.

கொஞ்சம் ப்ளஸ்... நிறைய லாபம்! - லாபம் தரும் பால்!

நான் இதைச் செய்ய  ஆரம்பித்த சமயம், பாலுக்குச் சரியான விலை கிடைக்காததால், பாலில்  கருப் பட்டி கலந்து கருப்பட்டி பால் கோவா தயாரித்தேன். என்னுடைய முதல் தயாரிப்பே மார்கெட்டில் தனித்துவமான இடத்தைப் பிடித்தது. கருப்பட்டி பால்கோவா கொடுத்த நம்பிக்கை இன்னும் அதிகமான பொருள்களைத் தயாரிக்க வேண்டும் என்ற நம்பிக்கையைக் கொடுத்தது.

தற்போது பரவலாகக் கிடைக்கும் பால்கோவாவில் வெள்ளைச் சர்க்கரையை அதிகமாகப் பயன்படுத்துகிறார்கள். இதைத் தவிர்த்து நாங்கள் கருப்பட்டி கலந்து பயன்படுத்தி யதால், சர்க்கரையை விரும்பாத பலர் விரும்பி வாங்கிச் சாப்பிட்டனர். 

கருப்பட்டி பால்கோவா தயாரிக்கும் சோதனைக்கே 300 லிட்டர் பால் வீணானது. அப்போது கிடைத்த அனுபவம் தான் எனக்கு முழுமையான பாடமாக இருந்தது. அதை வைத்து தான் வேர்க்கடலை உருண்டை  மற்றும் கடலை மிட்டாயைத் தயார் செய்தேன். அதுவும் மார்கெட்டில் நன்கு விற்பனை யானது. நான் பொருள்களைத் தயாரித்து சந்தைப்படுத்த என் தம்பி மிக உதவியாக இருந்தார்.

கொஞ்சம் ப்ளஸ்... நிறைய லாபம்! - லாபம் தரும் பால்!

பொருள்கள் நன்றாக விற்பனையாகத் தொடங்கியதால், சென்னையில் இருந்த எனது கணவரிடம் சொல்லி, வேளச்சேரியில் உள்ள அவரது பர்னிச்சர் கடையில் மதிப்புக் கூட்டல் செய்த இயற்கை பொருள்களை விற்பனை செய்யத் தொடங்கினேன். பர்னிச்சர் வாங்கவருபவர்களைவிட, இயற்கை பொருள்களை வாங்க அதிகமானோர் வருகின்றனர். வாடிக்கையாளர்களைக் கவர இயற்கையான விளைபொருள்கள் என்று சொன்னால் மட்டும் போதாது. அதை இயற்கையாகவே கொடுக்க வேண்டும். அதற்காகத்தான் மண் கலயத்தில் கருப்பட்டி பால்கோவாவை பேக்கிங் செய்து விற்பனை செய்து வந்தேன். அதுவும் வாடிக்கையாளர்களைக் கவர ஒரு காரணமாக இருந்தது.

சில நாள்கள் தேங்காய் சிரட்டையிலும் பேக்கிங் செய்து கொடுத்து வந்தேன். அதுவும் வாடிக்கையாளர்கள் மத்தியில் பொருளுக்கு நல்ல மதிப்பைக் கொடுத்து வந்தது. கருப்பட்டி பால்கோவாவில் கிடைத்த லாபம் நேரடியாக பாலை விற்பனை செய்ததைக் காட்டிலும் அதிகமாகவே இருந்தது. அதனால் ‘நேச்சர்ஸ் பக்கெட்’ என்ற பெயரில் நான் தயாரிக்கும் அனைத்து பொருள்களையும் விற்பனை செய்து வருகிறேன்” என்றவர், இதற்கு உதாரணமாக ஒரு கணக்கையும் சொன்னார்.

கொஞ்சம் ப்ளஸ்... நிறைய லாபம்! - லாபம் தரும் பால்!

“பத்து லிட்டர் பாலுக்கு 400 ரூபாய் கிடைக்கும் என்றால் மாடுகளுக்கு 200 ரூபாய் செலவு போய்விடும். மீதம் 200 ரூபாய் லாபமாக நிற்கும். ஆனால், பத்து லிட்டர் பாலில் இருந்து 3 கிலோ பால்கோவா தயாரிக்கலாம். இந்தத் தயாரிப்புக்கு 1,200 ரூபாய் செலவாகும். ஒரு கிலோ 650 ரூபாய்க்கு விற்பனை செய்தால், 3 கிலோவுக்கு 1,950 ரூபாய்  கிடைக்கும். இதில் 750 ரூபாய் லாபமாக நிற்கும். நேரடியாக பாலை விற்றபோது 200 என்ற லாபம், மதிப்புக் கூட்டினால் 750 லாபம் கிடைக்கிறது’’ என லாபக் கணக்கைச் சொன்னவர், ‘‘நான் தயாரிக்கும் ஆறு பொருள்களிலிருந்து மாதம் ரூ.1 லட்சம் வரை வருமானம் கிடைக்கிறது. அதிலிருந்து மாதம் 20 முதல் 25 ஆயிரம் ரூபாய் வரை லாபம் கிடைக்கிறது.

 பால்கோவா தவிர, மற்ற பொருள்களின் மூலம் அதிக லாபம் கிடைக்கவில்லை. இருந்தும், மக்களிடம் விஷமில்லாத உணவுப் பொருள்களைக் கொண்டு சேர்ப்பது மனதுக்கு நிறைவைத் தருகிறது. இயற்கையில் தயாரிக்கும் பொருள்களை என் நண்பர்கள் மூலமாக வெளிநாடுகள் வரைக்கும் விற்பனை செய்து வருகிறேன். இத்தனைக்கும் நான் எந்த விளம்பரத்தையும் செய்வதில்லை. விளம்பரம் இல்லாமலே, தரமாகப் பொருளைத் தயார் செய்து விற்பதால், நான் தயாரிக்கும் பொருள்களைத் தேடிவந்து வாங்கிக்கொண்டு செல்கிறார்கள் பலர்’’ எனப் பெருமையுடன் பேசி முடித்தார் கலைமகள்.

எந்தப் பொருளையும் மதிப்புக் கூட்டி விற்றால், வித்தியாசமான இன்னொரு பொருள் கிடைக்கும். அந்தப் பொருள் நமக்கு நல்ல லாபத்தையும் பெற்றுத் தரும்!

துரை.நாகராஜன்,

படங்கள்: நா.ராஜமுருகன்

கொஞ்சம் ப்ளஸ்... நிறைய லாபம்! - லாபம் தரும் பால்!

சென்னை ஐ.ஐ.டி பின்தங்குவது ஏன்?

ஆசிய நாடுகளில் இருக்கும் பல்வேறு உயர் கல்வி நிறுவனங்களின் தரவரிசைப் பட்டியலை வெளியிட்டிருக்கிறது டைம்ஸ் நிறுவனம். இந்தப் பட்டியலில், கடந்த ஆண் டில் 29-வது இடத்தில் இருந்த பெங்களூருவில் உள்ள இந்தியன் இன்ஸ்ட் டிடியூட் ஆஃப் சயின்ஸ் தற்போது 27-வது இடத் துக்கு முன்னேறியுள்ளது. 87-வது இடத்தில் இருந்த  கராக்பூர் ஐ.ஐ.டி, 60-வது இடத்துக்கு முன்னேறி யிருக்கிறது.

ஆனால், 62-வது இடத்தில் இருந்த சென்னை ஐ.ஐ.டி 103-வது இடத்துக்கு சரிந்திருக்கிறது. நம்மூர் கல்வி நிறுவனம் டைம்ஸ் தரவரிசைப் பட்டி யலில் இந்த அளவுக்கு இறக்கம் கண்டிருப்பதற்கு என்ன காரணம்?
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism