Published:Updated:

பட்ஜெட் 2018: நீண்ட கால மூலதன ஆதாய வரி... கணக்கிடுவது எப்படி?

பட்ஜெட் 2018: நீண்ட கால மூலதன ஆதாய வரி... கணக்கிடுவது எப்படி?
பிரீமியம் ஸ்டோரி
பட்ஜெட் 2018: நீண்ட கால மூலதன ஆதாய வரி... கணக்கிடுவது எப்படி?

சி.சரவணன்

பட்ஜெட் 2018: நீண்ட கால மூலதன ஆதாய வரி... கணக்கிடுவது எப்படி?

சி.சரவணன்

Published:Updated:
பட்ஜெட் 2018: நீண்ட கால மூலதன ஆதாய வரி... கணக்கிடுவது எப்படி?
பிரீமியம் ஸ்டோரி
பட்ஜெட் 2018: நீண்ட கால மூலதன ஆதாய வரி... கணக்கிடுவது எப்படி?

த்திய பட்ஜெட் 2018-19-ல், பங்குகள் மற்றும் பங்கு சார்ந்த  மியூச்சுவல் ஃபண்டுகளுக்கு நீண்ட கால மூலதன ஆதாய வரி 10 சதவிகிதமாகக் கொண்டு வரப்பட்டுள்ளது. இதைப் பங்குச் சந்தை முதலீட்டாளர்கள் எதிர்பார்க்கவில்லை என்பதால், சந்தை இறக்கம் காண்பதற்கு அது ஒரு காரணமாக அமைந்தது. இப்போது சந்தை, இறக்கத்திலிருந்து ஏற்றம் காண ஆரம்பித்திருக்கிறது.

2004-05-ம் ஆண்டு பட்ஜெட்டில், முன்னாள் நிதி அமைச்சர் ப.சிதம்பரம், அதற்குமுன் இருந்த நீண்ட கால மூலதன ஆதாயத்துக்கு வரியை நீக்கினார். இப்போது அருண் ஜெட்லி அதனை மீண்டும் கொண்டுவந்திருக்கிறார்.

பட்டியலிடப்பட்ட பங்குகள் மற்றும் ஈக்விட்டி மியூச்சுவல் ஃபண்டுகளில் நீண்ட கால  மூலதன  ஆதாய வரி, ஓராண்டுக்கு மேற்பட்ட முதலீட்டுக்குத்தான். பங்குகள் மற்றும் ஈக்விட்டி மியூச்சுவல் ஃபண்டுகளை ஓராண்டுக்குள் விற்றால், அதற்கு இப்போது குறுகிய கால மூலதன ஆதாய வரி 15% உள்ளது. இப்போது கொண்டுவரப்பட்டிருக்கும் வரி விதிப்பில், நிதியாண்டில் ரூ.1 லட்சத்துக்கு மேற்படும் லாபத்துக்குத்தான் பங்குகள் மற்றும் ஈக்விட்டி ஃபண்டுகளில் 10% வரி கட்ட வேண்டும். 

கடன் சார்ந்த ஃபண்டுகளில் மூன்றாண்டுகளுக்கு முன் விற்றால், அவரவர் வருமான வரி வரம்புக்கு ஏற்ப வரி கட்ட வேண்டும். மூன்றாண்டுகளுக்குப் பிறகு விற்றால், நீண்ட கால மூலதன ஆதாய வரியாக, பணவீக்க விகிதச் சரிகட்டலுக்குப்பிறகு 20% வரி கட்ட வேண்டும்.

பட்ஜெட் 2018: நீண்ட கால மூலதன ஆதாய வரி... கணக்கிடுவது எப்படி?

இப்போது கொண்டு வரப்பட்டிருக்கும் பங்குகள், ஈக்விட்டி ஃபண்டுகள் மீதான மூலதன ஆதாய வரி தொடர்பான கணக்கீட்டில் பணவீக்க விகிதச் சரிகட்டல் கிடையாது.  இந்த வரி விதிப்பு தொடர்பான சில விதிமுறைகளை இனி விரிவாகப் பார்ப்போம்.

அதாவது ஒருவர், 2018 ஜனவரி 31-ம் தேதி மற்றும் அதற்கு முன்னதாகப் பங்குகள் அல்லது ஈக்விட்டி மியூச்சுவல் ஃபண்டுகளில் முதலீடு செய்திருந்தால், நீண்ட கால மூலதன ஆதாய வரியிலிருந்து விலக்கு இருக்கிறது. இதை சட்டப்படியான மூலதன ஆதாய வரி விலக்கு (Grandfathered Capital Gains Tax free)  என்கிறார்கள். அதாவது, 2018 ஜனவரி 31-ம் தேதி மற்றும் அதற்கு முன்னதாகப் பங்குகள் அல்லது ஈக்விட்டி மியூச்சுவல் ஃபண்டுகளில் முதலீடு செய்திருந்தால்,  அதுவரை கிடைத்த லாபத்துக்கு வரி எதுவும் கட்ட வேண்டியதில்லை. அதாவது, ஓராண்டுக்கு மேற்பட்ட ஆதாயம் கழிக்கப்பட்டு, வாங்கிய விலை,  நீண்ட கால மூலதன ஆதாய வரியைக்  கணக்கிட எடுத்துக் கொள்ளப்படும். இந்த மூலதன ஆதாய வரி விலக்குப் போக, நீங்கள் ஈட்டிய லாபத்தில் ரூ.1 லட்சம் வரை விலக்கும்  உண்டு. அதுபோக உள்ள லாபத்திற்குத்தான் நீங்கள் 10% நீண்ட கால மூலதன ஆதாய வரி செலுத்த வேண்டும்.

இந்த நீண்ட கால மூலதன ஆதாய வரி, 2018 ஏப்ரல் 1 மற்றும் அதன் பிறகுதான் அமலுக்கு வருகிறது. பொத்தாம்பொதுவாகச் சொல்வதாக இருந்தால், ஓராண்டுக்கு மேற்பட்ட நிலையில் விற்ற விலைக்கும் வாங்கிய விலைக்கும் உள்ள வித்தியாசம் நீண்ட கால மூலதன ஆதாய வரி எனப்படும்.

பட்ஜெட் பிப்ரவரி 1-ம் தேதி தாக்கல் செய்யப் பட்டது. பங்குகள் அல்லது ஈக்விட்டி மியூச்சுவல் ஃபண்டுகள், 2018 ஜனவரி 31-ம் தேதி அல்லது அதற்குபின்னர் வாங்கி இருந்தால், வாங்கிய விலை,  மூலதன ஆதாயம் கணக்கிட எடுத்துக் கொள்ளப்படும்.

இதில், ஒரு சலுகை இருக்கிறது. அன்றைய தினத்தில், ஒருவர் பங்கு அல்லது ஈக்விட்டி ஃபண்டை பங்குச் சந்தையில் வாங்கியிருந்தால், அன்றைய வர்த்தகத்தின் அதிகபட்ச விலை, வாங்கிய விலையாக எடுத்துக் கொள்ளப்படும். இது நியாயமான சந்தை மதிப்பு (Fair Market Value) எனப்படும். பட்டியலிடப்படாத மியூச்சுவல் ஃபண்ட் என்கிறபட்சத்தில், ஜனவரி 31-ம் தேதியின் என்ஏவி மதிப்பு, வாங்கிய விலையாக எடுத்துக் கொள்ளப்படும்.

இவற்றை உதாரணம் மூலம் பார்த்தால் எளிதில் விளங்கும்.

சூழ்நிலை 1

பங்கு ஒன்று, 2017  ஜனவரி 1-ம் தேதி ரூ. 100-க்கு வாங்கப்படுகிறது. இந்தப் பங்கின் விலை 2018, ஜனவரி 31-ம் தேதி அதிகபட்சமாக ரூ.200-க்கு உயர்ந்தது. இந்தப் பங்கு 2018, ஏப்ரல் 1-ம் தேதி ரூ.250-க்கு விற்கப்பட்டதாக வைத்துக்கொள்வோம்.

இங்கே வாங்கிய விலை, நியாயமான சந்தை விலையைவிட குறைவாக இருப்பதால், நியாயமான சந்தை விலை, வாங்கிய விலையாக எடுத்துக்கொள்ளப்படும்.

இங்கே மூலதன ஆதாயம் கணக்கிட, 2018, ஜனவரி 31-ம் தேதி அதிகபட்ச விலை ரூ.200, வாங்கிய விலையாக எடுத்துக் கொள்ளப்படும். இது வாங்கிய விலையாகக் கருதப்படும். விற்ற விலை ரூ.250 என்கிறபோது மூலதன ஆதாயம் ரூ.50 (250-200)

சூழ்நிலை 2

பங்கு ஒன்று, 2017  ஜனவரி 1-ம் தேதி ரூ. 100-க்கு வாங்கப்படுகிறது. இந்தப் பங்கின் நியாயமான சந்தை விலை 2018, ஜனவரி 31-ம் தேதி ரூ.200. இந்தப் பங்கு 2018, ஏப்ரல் 1-ம் தேதி ரூ.150-க்கு விற்கப்பட்டதாக வைத்துக்கொள்வோம். 

இங்கே விற்பனை விலை, நியாயமான சந்தை விலையைவிட குறைவாக இருக்கிறது. எனவே, விற்ற விலை வாங்கிய விலையாக எடுத்துக் கொள்ளப்படும். அப்போது நீண்ட கால மூலதன ஆதாயம் ரூ.0 (150-150) என்பதால், எந்த வரியும் கட்ட வேண்டியதில்லை.

ஒட்டுமொத்த விகடனுக்கும் ஒரே ஷார்ட்கட்!

பட்ஜெட் 2018: நீண்ட கால மூலதன ஆதாய வரி... கணக்கிடுவது எப்படி?

சூழ்நிலை 3

பங்கு ஒன்று, 2017  ஜனவரி 1-ம் தேதி ரூ.100-க்கு வாங்கப்படுகிறது. இந்தப் பங்கின் நியாயமான சந்தை விலை 2018, ஜனவரி 31-ம் தேதி ரூ.50. இந்தப் பங்கு 2018, ஏப்ரல் 1-ம் தேதி ரூ.150-க்கு விற்கப்படுவதாக வைத்துக்கொள்வோம். 

இங்கே நியாயமான சந்தை விலை, வாங்கிய விலையைவிட குறைவாக இருக்கிறது. எனவே, வாங்கிய விலை, மூலதன ஆதாயம் கணக்கிட எடுத்துக் கொள்ளப்படும். அப்போது நீண்ட கால மூலதன ஆதாயம்  ரூ.50 (150-100) ஆகும்.

சூழ்நிலை 4

பங்கு ஒன்று, 2017  ஜனவரி 1-ம் தேதி ரூ.100-க்கு வாங்கப்படுகிறது. இந்தப் பங்கின் நியாயமான சந்தை விலை 2018, ஜனவரி 31-ம் தேதி ரூ.200. இந்தப் பங்கு 2018, ஏப்ரல் 1-ம் தேதி ரூ.50க்கு விற்கப்பட்டதாக வைத்துக்கொள்வோம்.

இங்கே வாங்கிய விலை, நியாயமான சந்தை விலையை விடக் குறைவாக இருக்கிறது. விற்பனை விலை, நியாயமான சந்தை விலையைவிடக் குறைவாக உள்ளது. எனவே, வாங்கிய விலை மூலதன ஆதாயம் கணக்கிட எடுத்துக் கொள்ளப்படும். அப்போது நீண்ட கால மூலதன இழப்பு ரூ.50 (50-100)

பங்குகள் மற்றும் ஈக்விட்டி மியூச்சுவல் ஃபண்ட் முதலீட்டின்  மூலம் 2018 ஜனவரி 31 வரை கிடைத்திருக்கும் லாபத்துக்கு எப்படி வரி கட்ட வேண்டும்? 

2018 ஜனவரி 31 அன்று இருக்கும் நியாயமான சந்தை மதிப்பு, வாங்கிய விலையாக எடுத்துக் கொள்ளப்படும். இதனைவிட அதிகமாக இருப்பது லாபமாக எடுத்துக்கொள்ளப்படும். அந்தத் தொகைக்கு வரி கிடையாது.  

2018 பிப்ரவரி 1 மற்றும் 2018 மார்ச் 31 இடையே பங்குகள் அல்லது ஈக்விட்டி மியூச்சுவல் ஃபண்ட் யூனிட்களை விற்றால் எப்படிக் கணக்கிடுவது?

புதிய வரி விதிப்பு 2018, ஏப்ரல் 1 முதல்தான் அமலுக்கு வருவதால், மேலே குறிப்பிட்ட காலத்தில் விற்றால் நீண்ட கால மூலதன ஆதாய வரி விதிப் பிலிருந்து விலக்கு அளிக்கப்படுகிறது.

பங்குகள் அல்லது ஈக்விட்டி மியூச்சுவல் ஃபண்ட் யூனிட்களை, 2018 ஏப்ரல் 1 அல்லது அதன்பிறகு விற்றால் எப்படிக் கணக்கிடுவது?  

2018 ஏப்ரல் 1 -ல் நீண்ட கால மூலதன ஆதாய வரி ரூ.1 லட்சத்தைத் தாண்டும் போது 10% வரி கட்ட வேண்டும். அதே நேரத்தில், 2018, ஜனவரி 31-ம் தேதி வரையிலான ஆதாயத்துக்கு வரி எதுவும் கிடையாது. 

வைத்திருக்கும் காலம் (Holding Period) எப்படிக் கணக்கிடப்படும்?

வாங்கிய தேதியிலிருந்து வைத்திருக் கும் காலம் கணக்கிடப்படும்.

நீண்ட கால மூலதன ஆதாய வரி, மூலத்தில் வரியாகப் (டி.டி.எஸ்) பிடிக்கப் படுமா?

டி.டி.எஸ் பிடிக்கப்படாது. முதலீட்டாளர்தான் மூலதன ஆதாயத்தைக் கணக்கில் காட்டி வரி கட்ட வேண்டும். 

2018 பிப்ரவரி 1 மற்றும் 2018 மார்ச் 31-க்கு இடைப்பட்ட காலத்தில் நீண்ட கால மூலதன இழப்பு ஏற்பட்டால் எப்படி ஈடுகட்டுவது?

இந்தக் காலகட்டத்தில் பங்குகள்/ ஈக்விட்டி மியூச்சுவல் ஃபண்டுகளை விற்றுக் கிடைக்கும் நீண்ட கால மூலதன ஆதாயத்துக்கு வரி எதுவும் கட்ட வேண்டியதில்லை. அந்த வகையில், இந்தக் காலகட்டத்தில் ஏற்படும் நீண்ட கால மூலதன இழப்பை ஈடு செய்ய முடியாது. அடுத்துவரும் ஆண்டுகளுக்கு எடுத்துச்செல்ல முடியாது.

2018 ஏப்ரல் 1-க்குப் பிறகு நீண்ட கால மூலதன இழப்பு ஏற்பட்டால் எப்படி ஈடுகட்டுவது?

இதர நீண்ட கால மூலதன ஆதாயத்துடன் இதனை ஈடுகட்டிக் கொள்ளலாம். மேலும், அடுத்துவரும் 8 ஆண்டுகளுக்கு இந்த இழப்பை எடுத்துச் சென்று ஈடுகட்ட முடியும்.

இந்தக் கணக்கீடுகளையெல்லாம் கண்டு, பங்கு மற்றும் ஈக்விட்டி ஃபண்ட் முதலீட்டாளர்கள் கலங்கத் தேவை யில்லை. இதற்கான எளிமையான சாஃப்ட்வேர்களைப் பங்குத் தரகு நிறுவனங்களும், மியூச்சுவல் ஃபண்ட் நிறுவனங்களும், நிதி ஆலோசகர்களும் விரைவிலே கொண்டு வந்துவிடுவார்கள். அப்போது இந்தக் கணக்கீடுகளெல்லாம் சுலபமாகி விடும். அதனால் முதலீட்டாளர்கள், முதலீட்டில் மட்டும் தொடர்ந்து கவனம் செலுத்தினால் போதும்.

பட்ஜெட் 2018: நீண்ட கால மூலதன ஆதாய வரி... கணக்கிடுவது எப்படி?

சந்தை இறக்கத்துக்கு உண்மையான காரணம்?

கடந்த வாரத்தில் நமது பங்குச் சந்தை இறக்கத்துக்குக் காரணம், நீண்ட கால மூலதன ஆதாய வரி விதிக்கப்பட்டதல்ல என்கிறார் பிர்லா சன் லைஃப் மியூச்சுவல் ஃபண்ட் நிறுவனத்தின் தலைமைச் செயல் அதிகாரி ஏ.பாலசுப்ரமணியன். அந்தக் காரணத்தை நம்மிடம் விளக்கிச் சொன்னார்.

‘‘ஃபிக்ஸட் இன்கம் திட்டங்கள் அதிகபட்சம் 8% வருமானம் தந்துவருகிறது. ஈக்விட்டி ஃபண்டுகள் 12-15% வருமானம் கொடுக்கின்றன. இதில் 10% வரி என்பது பெரிய விஷயமி்ல்லை. லாபத்தில் இழப்பு அவ்வளவே. சந்தையில் இப்போது ஏற்பட்டிருக்கும் கரெக் ஷன் சரியானதே. இந்தச் சரிவுக்கு நீண்ட கால மூலதன ஆதாய வரி விதிப்பு ஒரு காரணமாகிவிட்டது.

ஆனால், உண்மையான காரணமெனில், மத்திய அரசு பட்ஜெட்டில் அதிக நலத் திட்டங்களை அறிவித்திருக்கிறது. இதனை நிறைவேற்ற அதற்கு அதிக நிதி தேவைப்படுகிறது. அதற்கான வட்டிச் செலவு 1.5 சதவிகிதம் அதிகரித்து 7.5 சதவிகிதமாக உயர்ந்துள்ளது. அரசுக்கே கடனுக்கான செலவு அதிகரிக்கும்போது நிறுவனங்களுக்கும் அதிகரிக்கும் என்பதால், சந்தை இறக்கத்தைச் சந்தித்துள்ளது” என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism