பிரீமியம் ஸ்டோரி
தமிழ்நாடு பிட்ஸ்

கலெக்டருக்குப் பாடம் எடுத்த மாணவிகள்!

னியார் பள்ளி ஒன்றின் 9-ம் வகுப்பு மாணவிகளான பூஜா, வைஷ்ணவி ஆகிய இருவரும் சுற்றுச்சூழல் பாதுகாப்பில் தங்களுக்கு உள்ள ஆர்வத்தை விவரித்துத் திருவண்ணாமலை கலெக்டர் கந்தசாமிக்குக் கடிதம் ஒன்றை எழுதினர். இதையடுத்து மாணவிகள் இருவரையும் சந்தித்த கலெக்டர் அவர்களது சூழலியல் ஆர்வத்தை அறிந்து கொண்டார். அதை வெளிப்படுத்தும் விதமாகச் சுற்றுச்சூழலைப் பற்றி அரசு தொடக்கப்பள்ளி மாணவர்களுக்கு பூஜாவையும் வைஷ்ணவியையும் வகுப்பெடுக்கச் செய்தார். அப்போது அரசுப் பள்ளி மாணவர்களோடு மாணவராகத் தரையில் அமர்ந்து சுற்றுச் சூழல் வகுப்பைக் கவனித்தார் கலெக்டர் கந்தசாமி.

தமிழ்நாடு பிட்ஸ்

நீட் தேர்வு - இணையத்தில் விண்ணப்பிக்கலாம்!

ம்.பி.பி.எஸ் மற்றும் பி.டி.எஸ் மருத்துவப் படிப்புகளுக்கான நீட் நுழைவுத்தேர்வு வரும் மே மாதம் 6-ம் தேதி நடக்கும் என அதிகாரபூர்வமாக அறிவிக்கப்பட்டுள்ளது. இந்த நுழைவுத்தேர்வுக்கு இணையதளம்மூலம் விண்ணப்பிக்கலாம் என்றும், வரும் மார்ச் 9-ம் தேதிக்குள் விண்ணப்பிக்க வேண்டும் என்றும் சி.பி.எஸ்.இ அறிவித்துள்ளது.

www.cbseneet.nic.in எனும் இணையதளத்தில் நீட் நுழைவுத்தேர்வுக்கு விண்ணப்பிக்கலாம். பாடத்திட்டம், கூடுதல் விவரங்களையும் இந்த இணையதளத்தில் அறிந்துகொள்ளலாம் என சி.பி.எஸ்.இ., அறிவித்துள்ளது.

தமிழ்நாடு பிட்ஸ்

விரிவாகும் மெட்ரோ ரயில் சேவை!

செ
ன்னையில் தற்போது ஆலந்தூர் முதல் கோயம்பேடு வரையிலும் சின்னமலை, ஆலந்தூர் முதல் பரங்கிமலை வரையிலும் மெட்ரோ ரயில் சேவை செயல்படுகிறது. இந்நிலையில், நேரு பூங்கா முதல் சென்னை சென்ட்ரல் வரையிலான மெட்ரோ சுரங்க ரயில் பணிகள் முடிவடைந்ததையடுத்து, கடந்த சில தினங்களுக்கு முன்னர் சோதனை ஓட்டம் நடந்தது. இதையடுத்து, வரும் மார்ச் மாதம் முதல் இந்தப் பாதையில் மெட்ரோ ரயில் இயங்கும் என மெட்ரோ நிர்வாகம் அறிவித்துள்ளது.

தமிழ்நாடு பிட்ஸ்

பொதுத்தேர்வு எழுதுபவர்கள் எண்ணிக்கை 27.30 லட்சம்!

10-ம்
வகுப்பு, 11-ம் வகுப்பு மற்றும் 12-ம் வகுப்பு பொதுத்தேர்வுகளை,  இந்தாண்டு 27 லட்சத்து 30 ஆயிரம் மாணவ, மாணவியர்கள் எழுத உள்ளதாகத் தமிழக அரசு அறிவித்திருக்கிறது. இதற்காக இந்தாண்டு கூடுதலாக 515 தேர்வு மையங்கள் அமைக்கப்படும் என்றும், தேர்வைக் கண்காணிக்க 8,500 பேர் கொண்ட பறக்கும் படை அமைக்கப்பட்டுள்ளது என்றும் அரசு தெரிவித்துள்ளது.  அதோடு, இந்தியாவில் முதல்முறையாக 5 இலக்கம்கொண்ட கட்டணமில்லா உதவிமையம் (Help Line) தொடங்கவுள்ளதாகவும், மாணவர்கள் விபத்துக் காப்பீட்டுத் திட்டத்தை அரசு கொண்டுவர உள்ளதாகவும் அறிவிக்கப்பட்டுள்ளது.

தமிழ்நாடு பிட்ஸ்

தெரியுமா?

மதராஸ் மாகாணம் என்றிருந்த பெயரை, தமிழ்நாடு என மாற்ற வலியுறுத்தி, சங்கரலிங்கனார் 76 நாள்கள் உண்ணாவிரதம் இருந்து உயிர்நீத்தார். 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு