Published:Updated:

கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!

கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!
பிரீமியம் ஸ்டோரி
கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!

மதிப்புக் கூட்டல் தொடர் - 11

கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!

மதிப்புக் கூட்டல் தொடர் - 11

Published:Updated:
கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!
பிரீமியம் ஸ்டோரி
கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!

“திராட்சையைப் பழமாக விற்பனை செய்வதைவிட மதிப்புக் கூட்டினால் லாபம் இன்னும் அதிகமாகக் கிடைக்கிறது. திராட்சையை மதிப்புக் கூட்டல் செய்யும் போது, கலவை சிறிது மாறினாலும்கூட சுவையும் தரமும் மொத்தமாக மாறிவிடும்” என்று சுறுசுறுப்பாகப் பேசத் தொடங்கினார்கள் சதாசிவமும் மாறனும்! 

கோவை மாவட்டம், மாதம்பட்டியை அடுத்துள்ள குப்பனூர் கிராமத்தில் அமைந்திருக்கிறது இவர்களின் பண்ணை. மொத்தமாக 100 ஏக்கருக்கு மேல் விவசாயம் செய்து வந்தாலும், இவர்களின் பிரதானத் தொழில் பன்னீர் திராட்சைதான். பன்னீர் திராட்சை பறிப்புப் பணிகளை மேற்பார்வையிட்டுக்கொண்டிருந்த சகோதரர்களைச் சந்தித்துப் பேசினோம்.

கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!

முதலில் பேசத் தொடங்கினார் சதாசிவம். “நாங்கள் பரம்பரை பரம்பரையாக விவசாயம் செய்துவருகிறோம். 100 ஏக்கருக்கு மேல் விவசாயம் பார்த்து வருகிறோம். வாழை, தக்காளி, வெங்காயம், திராட்சை, பாகற்காய் என எப்போதுமே பயிர் விளைந்துகொண்டேயிருக்கும். இருபது ஏக்கரில் திராட்சைத் தோட்டம் அமைத்திருக்கிறோம். அதிலிருந்து சுழற்சி முறையில் மூன்று கட்டமாகப் பிரித்து, திராட்சையைப் பறித்து விற்பனை செய்து வருகிறோம். திராட்சையை 32 வருடங்களாக விவசாயம் செய்துவருவதால், திராட்சை மகசூலில் உள்ள சாதக, பாதக விஷயங்களெல்லாமே நன்றாகத் தெரியும்.

எட்டு வருடங்களுக்குமுன்பு வரை ரசாயன உரங்களை அள்ளிக் கொட்டி விவசாயம் செய்தோம்.  அதன்பின்னர்தான், இயற்கை முறையில் விளைந்த திராட்சையைக்கொண்டு மதிப்புக் கூட்டல் செய்து திராட்சை ஜூஸ், ஜாம், ஊறுகாய் போன்ற பொருள்களைத் தயாரிக்கிறோம்.

திராட்சை ரகங்களில் பன்னீர் திராட்சையின் சுவை மிகவும் பிரபலம். இதை மதிப்புக் கூட்டி விற்பனை செய்தால் நன்றாக இருக்கும் என்று நினைத்து, அதில் இறங்கினோம்’’ என சதாசிவம் கொஞ்சம் இடைவெளிவிட, அவரைத் தொடர்ந்தார் அவரது சகோதரர் மாறன். 

ஒட்டுமொத்த விகடனுக்கும் ஒரே ஷார்ட்கட்!

கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!

“ஒரு விவசாயி தொழில்முனை வராக உயர வேண்டுமானால் கஷ்டப்பட்டு உழைத்துத்தான் ஆக வேண்டும். மதிப்புக் கூட்டல்  நுணுக்கங்களைப் பயிற்சிகள் மூலம் கற்றுத் தரும் மையங்களுக்குச்  சென்று கட்டாயம் பயிற்சி எடுக்க வேண்டும். ஒருநாள் மட்டும் பயிற்சி எடுத்துவிட்டுத் தொழில் ஆரம்பிக்கிறேன் எனத் தொழிலில்  இறங்கக் கூடாது.

கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!


முதலில், நாம் மதிப்புக் கூட்டல் செய்ய விரும்பும் பொருள்கள் எப்போதும் விளையும்படி இருக்க வேண்டும். அதேபோல, விளையும் பொருளுக்குச் சந்தையில் தேவை  இருக்க வேண்டியதும் மிக அவசியம். இந்த அடிப்படையில் ஒரு பொருளைத் தயார் செய்து விட்டு, அதன்பின்னர் பயிற்சி பெற்று மதிப்புக் கூட்டல் தொழிலில் இறங்க வேண்டும்.

பயிற்சி பெறும்போதே சந்தை வாய்ப்பை ஏற்படுத்திக்கொள்வது மிகவும் அவசியம். அப்போதுதான் பயிற்சி முடிந்து தொழில் ஆரம்பிக்கும்போதே வியாபாரம் லாபத்தைக் கொடுக்கும். பிற்பாடு  பார்த்துக்கொள்ளலாம் என்று காலம் கடத்துவது மதிப்புக் கூட்டல் தொழிலுக்குச் சரிவராது. அதேபோல, ஆரம்பித்த ஒரு வருடம் முதல் இரண்டு வருடங்கள் வரைக்கும் லாபம் கிடைக்க வேண்டுமென்று நினைப்பது தவறு. மூன்று வருடங்கள் கழித்துத்தான் முதலீடு செய்த தொகை போக லாபம் கிடைக்கும்.

கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!

நாங்கள் முதலில் திராட்சை ஜூஸ், ஜாம், ஊறுகாய்னு தயாரிக்க வழி இருக்கிறதா என்பதை உறுதி செய்துகொண்டோம். இதற்கு முக்கியமான முதலீடாகப் பல வகையான திராட்சை தேவைப் படும். திராட்சை விளைய எங்களிடம் நல்ல வளமுள்ள மண் இருந்தது. அதனால் திராட்சை விளையும் என்ற நம்பிக்கை இருந்தது. அடுத்தது மதிப்புக் கூட்டல் செய்யும் முறைதான். அதற்காக நாங்கள் தமிழ்நாடு வேளாண் பல்கலைக்கழகத்தை நாடினோம். பல்கலைக்கழகமும் எங்களுக்குப் பயிற்சியைக் கொடுத்து, மதிப்புக் கூட்டல் செய்ய வழியையும் காட்டியது.

இப்போது பொருள்களைத் தயார் செய்து, கோவையில் உள்ள ஆர்கானிக் கடைகளுக்குத்தான் கொடுத்து வருகிறோம். எங்களுடைய வியாபாரம் இப்போது சிறிய அளவில்தான் இருக்கிறது. இதை விரிவுபடுத்த அபீடா (APEDA) சன்றிதழுக்காக விண்ணப்பித்திருக்கிறோம். சான்றிதழ் கிடைத்தவுடன் நாங்களும் ஏற்றுமதி செய்வோம்’’ என்றவரை மறித்து மீண்டும் பேசத் தொடங்கினார் சதாசிவம்.

“ஒரு தொழில்முனைவோர், திராட்சையில் மதிப்புக் கூட்டினால் ஒரு கிலோ 80 ரூபாய்க்கு வாங்க வேண்டும். ஜூஸ் தயாரிக்க 100 ரூபாய்க்கு மற்ற உபபொருள்கள் வாங்கவேண்டும். இதனைச் சந்தைப்படுத்தும்போது மூன்று பாட்டில் (700 மி.லி) திராட்சை ஜூஸ் கிடைக்கும். ஒரு பாட்டிலின் குறைந்தபட்ச செலவு மதிப்பு ரூ.110.  (இதற்கு மேல் விளம்பரம் செலவு தனி) இப்படித் தயாராகும் திராட்சை ஜூஸ்கள் சந்தையில் குறைந்தபட்சம் ரூ.200-க்கு விற்பனையாகிறது. இதையே எங்களைப் போன்ற விவசாயிகள் நேரடியாக விற்பனை செய்யாமல் மதிப்புக் கூட்டி விற்பனை செய்யும்போது, ரூ.130-க்கு விற்பனை செய்தாலே போதுமானது.

கொஞ்சம் ப்ளஸ்... நிறைய லாபம்! - தித்திக்கும் லாபம் தரும் திராட்சை!

நாங்கள் இப்போது ரூ.130-க்குத்தான் விற்பனை செய்கிறோம்.  ஒரு பாட்டிலுக்கு ரூ.20 லாபம் கிடைத்தாலே எங்களுக்குப் போதும். விவசாயிகள் மதிப்புக் கூட்டல் செய்யும்போது செலவு விகிதம் இன்னும் குறையும். இதன்மூலம் விவசாயிகளுக்கு நல்ல லாபம் கிடைக்கும். எந்தப் பொருளாக இருந்தாலும் விவசாயிகள் விளையவைத்து விற்பனை செய்வதைவிட, மதிப்புக் கூட்டி விற்பதே லாபகரமாக இருக்கும்.

இதுதவிர, விவசாயியின் நிலத்தில் பயிரிடும் மற்ற பயிர்களின் மூலமும் லாபம் பார்க்கலாம். பொதுவாகச் சந்தையில் திராட்சைக்கு எப்போதும் வரவேற்பு அதிகமாக இருந்துகொண்டே இருக்கும். அதனால் சந்தை வாய்ப்பைப் பற்றிய கவலை இல்லை. வாரம் 100 ஜூஸ் பாட்டில்களை விற்பனை செய்கிறோம். ஒரு பாட்டில் ரூ.130-க்கு விற்பனை செய்கிறோம். இதனால் வாரம் ரூ.13,000 வருமானம் கிடைக்கும். இதில் செலவாக ரூ.10,000 வரை செலவானால் ரூ.3,000 வரை லாபமாக நிற்கிறது. இது மாதத்திற்கு ரூ.12,000.

இதுபோக, திராட்சை ஜாம், திராட்சை ஊறுகாய் என அதன் விற்பனையிலும் வாரம் ரூ.3,000 லாபம் கிடைக்கும். மொத்தமாக மதிப்புக் கூட்டலில் வாரம் ரூ.5,000 லாபம் கிடைக்கிறது. மாதமாகக் கணக்கிட்டால், ரூ.20,000  லாபம் கிடைக்கும். இதனை நாங்கள் ஏற்றுமதி செய்து விற்பனை செய்தால் லாபம் இன்னும் அதிகமாகும்” என்றார்.

மதிப்புக் கூட்டல் தொழிலை முழுமையாகப் புரிந்துகொண்டு செய்தால் லாபம் நிச்சயம் என்பதற்கு இந்த சகோதரர்கள் நல்லதொரு உதாரணம்!

-துரை.நாகராஜன்,

படங்கள்:  ல.அகிலன்

ஜி.எஸ்.டி தாக்கல் எண்ணிக்கை உயர்வு!

ஜி.எஸ்.டி வரிக் கணக்கு தாக்கல் செய்பவர்களின் எண்ணிக்கை தொடர்ந்து அதிகரித்து வருகிறது. கடந்த ஜனவரியில் மட்டும் இந்தியா முழுக்க 55 லட்சம் பேர் தாக்கல் செய்தி ருக்கிறார்கள். கடந்த ஜனவரிக்கான வரியை இப்போதும் சிலர் தாக்கல் செய்து வருவதால் எண்ணிக்கை இன்னும் அதிகரிக்கும் என எதிர்பார்க்கப்படுகிறது. கடந்த செப்டம்பரில் 42.91 லட்சம் பேர் மட்டுமே ஜி.எஸ்.டி கணக்குத் தாக்கல் செய்தனர். ஆனால், அதன் மதிப்பு ரூ.92,150 கோடியாக இருந்தது. பல பொருள்களுக்கு ஜி.எஸ்.டி வரி குறைக்கப்பட்டி ருப்பதால், ஜி.எஸ்.டி தாக்கல் செய்பவர்களின் எண்ணிக்கை அதிகரித்து, வசூலாகும் தொகை குறைந்து வருகிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism