Published:Updated:

லைஃப் இன்ஷூரன்ஸ்... - உண்மையைச் சொன்னால், க்ளெய்ம் சிக்கல் வராது!

லைஃப் இன்ஷூரன்ஸ்... - உண்மையைச் சொன்னால், க்ளெய்ம் சிக்கல் வராது!
பிரீமியம் ஸ்டோரி
லைஃப் இன்ஷூரன்ஸ்... - உண்மையைச் சொன்னால், க்ளெய்ம் சிக்கல் வராது!

முனைவர் க.நெல்லைசந்தர்

லைஃப் இன்ஷூரன்ஸ்... - உண்மையைச் சொன்னால், க்ளெய்ம் சிக்கல் வராது!

முனைவர் க.நெல்லைசந்தர்

Published:Updated:
லைஃப் இன்ஷூரன்ஸ்... - உண்மையைச் சொன்னால், க்ளெய்ம் சிக்கல் வராது!
பிரீமியம் ஸ்டோரி
லைஃப் இன்ஷூரன்ஸ்... - உண்மையைச் சொன்னால், க்ளெய்ம் சிக்கல் வராது!

ற்போது பெரும்பாலானவர்கள் தங்களின் ரிஸ்க் அளவுக்கேற்ப லைஃப் இன்ஷூரன்ஸ் பாலிசியை எடுக்கிறார்கள். இன்ஷூரன்ஸ் பாலிசியை எடுத்த வர்களின் எதிர்பார்ப்பு சில நேரங்களில்  பூர்த்தி அடையாமல் போய்விடுகிறது. எதிர்பாராத தருணத்தில் பாலிசிதாரர் இறந்த நிலையில் இன்ஷூரன்ஸ் நிறுவனங்கள் க்ளெய்ம் தொகையை நாமினிக்குக் கொடுக்க மறுக்கின்றன. அதன் விளைவாக பாலிசிதாரரின் குடும்பம் கடுமையான பணத்தட்டுப்பாட்டில் சிக்கிச் சீரழியும் நிலைக்குத் தள்ளப்படும் வாய்ப்புள்ளது.

பாலிசிதாரரின் மனைவி, மகன் மற்றும் மகளின் எதிர்காலம் இருண்டுபோய் சூனியமானதைப் போன்ற தோற்றம் காணப்படலாம். இந்த இக்கட்டான சூழ்நிலையில், இன்ஷூரன்ஸ் நிறுவனங்கள் இறப்பு க்ளெய்ம் கிடையாது என்பதற்காகச்  சொல்லும் காரணங்கள் ஏற்றுக்கொள்ளக்கூடியதாக  இருந்தாலும், இறந்துபோன பாலிசிதாரரின் குடும்பம் சந்திக்கும் நிதிப் பிரச்னை மிகப் கொடுமையானது. இதற்கு என்ன தீர்வு?   

லைஃப் இன்ஷூரன்ஸ்... - உண்மையைச் சொன்னால், க்ளெய்ம் சிக்கல் வராது!

   பிரச்னைக்குத் தீர்வு

வாடிக்கையாளர்கள் லைஃப் இன்ஷூரன்ஸ் பாலிசியை வாங்குவதற்குமுன் எடுக்கவேண்டிய முடிவுகளைத் தீர்க்கமாகவும், தொலைநோக்குப் பார்வையோடும் எடுக்கவேண்டும். பாலிசி விண்ணப்பப் படிவத்தில் உங்கள் வயது, வருமானம், வேலையின் இயல்புகள், உடல்நிலை, மருத்துவ சிகிச்சை, குடும்ப உறுப்பினர் உடல் நிலை, சிகரெட், மதுபான பயன்பாடு, பிற இன்ஷூரன்ஸ் பாலிசி போன்ற விவரங்களைப் பூர்த்தி செய்யும்போது உண்மையான தகவலை மட்டுமே கொடுக்கவேண்டியது அவசியம்.

   பாலிசி விற்பனை

ஒட்டுமொத்த விகடனுக்கும் ஒரே ஷார்ட்கட்!

லைஃப் இன்ஷூரன்ஸ்... - உண்மையைச் சொன்னால், க்ளெய்ம் சிக்கல் வராது!



பாலிசியை விற்பனை செய்பவர்கள் வாடிக்கை யாளர்களுக்கு உதவி செய்வதாக நினைத்துக் கொண்டு அப்ளிகேஷன் படிவத்தை வாடிக்கை யாளர் சார்பாக நிரப்புகிறார்கள். வாடிக்கையாளர் வயது, வருமானம், வேலையின் இயல்புகள், உடல் நிலைமை, குடும்ப உறுப்பினர் உடல்நலம் பற்றி விற்பனை செய்பவருக்கு முழுத் தகவலும் தெரியாத காரணத்தினால், ஓரளவுக்கு தோராய மான தகவலை படிவத்தில் கொடுக்கிறார்கள்.

பாலிசி வாங்கி பல வருடங்களுக்குப் பிறகு பாலிசிதாரர் இறந்துபோனால்,  வயது, வருமானம், வேலையின் இயல்புகள், உடல்நிலைமை, குடும்ப உறுப்பினர் உடல்நலம் குறித்து உண்மைக்கு மாறுபட்ட தகவலை அப்ளிகேஷன் படிவத்தில் பாலிசிதாரர் கொடுத்தால், தவறான தகவலைக் கொடுத்திருக்கிறார் என்ற காரணத்தைச் சொல்லி இன்ஷூரன்ஸ் நிறுவனம் க்ளெய்ம் தர மறுக்கும் சாத்தியம் அதிகம்.

   வாடிக்கையாளரே படிவத்தை நிரப்புதல்


ஒருவேளை வாடிக்கையாளரே அப்ளிகேஷன் படிவத்தை நிரப்ப விரும்பினால், அவர் தனது வயது, வருமானம், உடல்நிலை, தான் செய்யும் வேலையின் இயல்புகள் குறித்து உண்மையான தகவலைக் கொடுத்தால், இன்ஷூரன்ஸ் கம்பெனி எந்தக் காரணத்தைக் கூறியும் க்ளெய்ம் தர மறுக்க முடியாது. உதாரணமாக, நாட்டின் எல்லையில் ராணுவத்தில் பணிபுரியும் வீரருக்கு, போர் ஏற்படும் தருணத்தில் ரிஸ்க் அதிகம். இத்தகைய நபர் இன்ஷூரன்ஸுக்கான விண்ணப்பப் படிவத்தை நிரப்பும்போது, தான் பணிபுரியும்  சூழல் குறித்த உண்மையான தகவலைத் தந்தால்,  அதற்கேற்ற பிரீமியம் தொகையை (சிறிது அதிகம்) இன்ஷூரன்ஸ் நிறுவனம் சொல்லும். இந்த பிரீமியம் தொகையைக் கட்டி பாலிசி வாங்கலாம்.

அவ்வாறு இல்லாமல், தான் வேலை செய்யும் சூழல் குறித்து உண்மையை சொல்லத் தவறினால், ஒருவேளை அவர் பாலிசி வாங்கியபிறகு இறந்தபின், வேலை செய்யும் சூழல் குறித்து அவர் தவறான தகவல் தந்திருக்கிறார் என்று சொல்லி, டெத் க்ளெய்ம் தர இன்ஷூரன்ஸ் நிறுவனம் மறுக்கலாம். எனவே, பணி செய்யும் சூழல் குறித்த உண்மையைக் கூறி, மன நிம்மதியுடன் பாலிசியைத் தொடரலாம்.    

   உடல் நிலை 

பாலிசிதாரர் தன்னைத் தாக்கிய நோய், அது  குணமடைவதற்காக எடுத்துக்கொண்ட மருத்துவ அறுவை சிகிச்சை, குடும்ப உறுப்பினர்கள் உடல்நிலை குறித்து முழுவதுமோ அல்லது சிறிதோ கூட தவறான அல்லது மறைக்கப்பட்ட தகவலை விண்ணப்பத்தில் தரக்கூடாது. ஒருவேளை பாலிசி வாங்கியபிறகு பாலிசிதாரர் இறந்துபோனால், நாமினி டெத் க்ளெய்ம் கோருவார். இன்ஷூரன்ஸ் நிறுவனம் இறந்துபோன பாலிசிதாரர் பற்றி முழுவதுமாக ஆய்வு செய்யும். பாலிசி வாங்கும் நேரத்தில் நோய் மற்றும்  மருத்துவ சிகிச்சையை மறைத்து பாலிசி வாங்கியிருக்கிறார் என்று தெரியவந்தால், நோய் மற்றும்  மருத்துவ சிகிச்சை பற்றி உண்மைக்குப் புறம்பான தகவலை அப்ளிகேஷன் படிவத்தில் கொடுத்த காரணத்தால் டெத் க்ளெய்ம் மறுக்கப்படுவதாக இன்ஷூரன்ஸ் செய்யலாம். தன் குடும்ப உறுப்பினர் உடல் நலம் குறித்தும் உண்மையான தகவலை மட்டுமே அப்ளிகேஷன் படிவத்தில் குறிப்பிட வேண்டும்.

   தேவை அறிந்து பாலிசி வாங்குதல்   

லைஃப் இன்ஷூரன்ஸ்... - உண்மையைச் சொன்னால், க்ளெய்ம் சிக்கல் வராது!


இன்ஷூரன்ஸ் பாலிசியை வாங்குவதற்குமுன், தனது தேவை மற்றும் குறிக்கோளை மனதில்கொண்டு பொருத்தமான   பாலிசியை வாங்கவேண்டும். ஆனால், பெரும்பாலான வாடிக்கையாளர்கள்  பொருத்த மற்ற பாலிசியை வாங்கி விட்டோமே என்ற வெறுப்புடன் வேறு வழியின்றி, தொடர்ந்து சில வருடங்கள் மட்டும் பிரீமியம் கட்டிவிட்டு, நிறுத்திவிடுகிறார்கள்.

இந்தத் தருணத்தில் பாலிசிதாரர் இறந்துபோனால், இன்ஷூரன்ஸ் நிறுவனம் கண்டிப்பாக க்ளெய்ம் தராது. பாலிசிதாரர் தொடர்ந்து  பிரீமியம் தொகையை கட்டி யிருந்தால், க்ளெய்ம் வழங்கப்பட்டு இருக்கும். ஆனால், பிரீமியம் தொகையை பாதியிலேயே நிறுத்தினால், உறுதியாக க்ளெய்ம் கிடைக்காது. 

   புகை, மதுபான  பழக்கம்

பாலிசிதாரர் தனது புகை மற்றும் மதுபான  பழக்கம் பற்றிய மெய்யான தகவலை விண்ணப்பப் படிவத்தில் அவசியம் தெரிவிக்க வேண்டும். அதற்குமாறான தகவலைக் கொடுத்து, பாலிசி வாங்கியபிறகு, இறக்க நேர்ந்தால், க்ளெய்ம் கொடுப்பதற்குமுன் இன்ஷூரன்ஸ் கம்பெனி அதிகாரிகள் பாலிசி தாரரைப் பற்றி விசாரணை செய்வார்கள். புகை, மதுப் பழக்கம் காரணமாக பாலிசிதாரர் இறக்க நேர்ந்ததாக விசாரணை முடிவு வெளிவந்தால், கண்டிப்பாக க்ளெய்ம் கிடைக்காது.

   பிற பாலிசி பற்றிய தகவல்கள்

ஒவ்வொரு மனிதனின் வாழ்க்கைக்கும் மதிப்பு (Human Life Value) உள்ளது. அதன்படி லைஃப் இன்ஷூரன்ஸ் காப்பீடு (coverage) ஒவ்வொரு மனிதனும் எவ்வளவு எடுக்கலாம் என்று நிர்ணயம் செய்யப்படுகிறது. எனவே, புதிதாக பாலிசி வாங்கும் நபர் விண்ணப்பப் படிவத்தில், தனக்கு ஏற்கெனவே இருக்கும் பிற பாலிசிகள் பற்றிய தகவலைக் கண்டிப்பாகத் தெரிவிக்க வேண்டும். இதற்கு முக்கியக் காரணம், புதிய இன்ஷூரன்ஸ் கம்பெனி  தந்திருக்கும் இழப்பீடுபோக, மீதமிருக்கும் அளவுக்கு மட்டுமே காப்பீட்டைக் கொடுக்கும்.

பிற லைஃப் இன்ஷூரன்ஸ் பாலிசி பற்றிய தகவலைத் தெரிவிக்காத நிலையில், பாலிசிதாரர் இறந்துபோகிறார். பிற லைஃப் இன்ஷூரன்ஸ் பாலிசி குறித்த உண்மையை மறைத்ததாகக் கூறி இன்ஷூரன்ஸ் கம்பெனி க்ளெய்ம் தருவதை மறுக்க வாய்ப்புண்டு.    

   ஃப்ரீ லுக் பிரீயட் 

பாலிசி வாங்கிய ஒரு சில நாள் களில் பாலிசி டாக்குமென்ட் பாலிசிதாரருக்குக் கிடைத்துவிடும். அதில் பாலிசி மூலம் கிடைக்கும் சலுகைகள், விதி விலக்குகள், நிபந்தனைகள் குறித்துத் தெளிவான தகவல்கள் இருக்கும். பாலிசியை விற்பனை செய்யும்போது விற்பனை செய்யும் நபர் கூறிய சிறப்புகள், சலுகைகளிருந்து, பாலிசி டாக்குமென்ட்டில் கூறப் பட்டிருக்கும் சலுகைகள் ஒரு வேளை வேறுபட்டிருந்தால்,  ஃப்ரீ லுக் பிரீயட் எனும் வாய்ப்பைப் பயன்படுத்தி, பாலிசியை இன்ஷூரன்ஸ் கம்பெனியிடம் ஒப்படைத்து, கட்டிய பணத்தைத் திரும்பப் பெற்றுக்கொள்ளலாம். ஃப்ரீ லுக் பிரீயடின் காலம் 15 நாள்கள்.

வழக்கறிஞர்களிடமும், மருத்து வர்களிடமும் எந்தத் தகவலையும் மறைக்கக்கூடாது என்பார்கள். இந்தப் பட்டியலில் இனி இன்ஷூரன்ஸ் நிறுவனங்களையும் சேர்த்துக்கொண்டு, க்ளெய்ம் செய்யும்போது ஏற்படும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism