ஆசிரியர் பக்கம்
கார்ஸ்
Published:Updated:

எது பெஸ்ட் ஸ்கூட்டர்?

எது பெஸ்ட் ஸ்கூட்டர்?
பிரீமியம் ஸ்டோரி
News
எது பெஸ்ட் ஸ்கூட்டர்?

ஒப்பீடு / ஹோண்டா கிராஸியா VS டிவிஎஸ் என்டார்க் VS ஏப்ரிலியா SR125 தொகுப்பு: ராகுல் சிவகுரு

ஸ்கூட்டர் இப்போது ஸ்மார்ட் போன் போல ஆகிவிட்டது. ஆம், ஸ்கூட்டரில் பல வசதிகளை வாடிக்கையாளர்கள் எதிர்பார்க்கத் துவங்கிவிட்டனர். 125சிசி ஸ்கூட்டர் செக்மென்ட், தற்போது அந்த பாதையை நோக்கித்தான் சென்றுகொண்டிருக்கிறது. இங்கே உள்ள பளிச் ஸ்கூட்டர்கள் அனைத்துமே அதற்கான உதாரணம்தான். இவற்றில் எது இளசுகளின் சாய்ஸ்?

டிசைன்

 இங்கிருப்பதில், புதிய ஸ்கூட்டரான டிவிஎஸ் என்டார்க் 125தான், டிசைனில் அதிக லைக்குகளை வாங்குகிறது. இதன் முன்பக்க டிசைன் பல ஸ்கூட்டர்களை நினைவுப்படுத்தினாலும், பின்பக்க டிசைன் அதிரடியாக இருக்கிறது. ஒட்டுமொத்தமாகப் பார்க்கும்போது, ஏப்ரிலியா போன்று ஸ்போர்ட்டி டிசைனாக இல்லாவிட்டாலும், கவர்ச்சியாக இருக்கிறது என்டார்க் 125. ஆனால், Gloss, மேட், கார்பன் ஃபைபர் என ஒவ்வொரு இடத்திலும் ஒருவித ஃப்னிஷ் இருப்பது, சிலருக்குப் பிடிக்காமல் போகலாம். ஃபுட் பெக்ஸ், டிஜிட்டல் மீட்டர், சீட் ஆகியவற்றை வைத்தே, என்டார்க் 125 ஸ்கூட்டரின் ஃபிட் அண்டு ஃபினிஷைத் தெரிந்துகொள்ளலாம்.

எது பெஸ்ட் ஸ்கூட்டர்?

பறவையின் அலகை நினைவுபடுத்தும் முன்பக்கம், மெலிதான ஆனால் ஸ்போர்ட்டியான பின்பக்கம் என ஒரு ஸ்போர்ட்ஸ் ஸ்கூட்டர் எப்படி இருக்க வேண்டுமோ, அப்படி இருக்கிறது ஏப்ரிலியா SR125. ஆனால், இங்கிருப்பதிலேயே விலை அதிகமான ஸ்கூட்டராக இருப்பினும், கட்டுமானத் தரத்தில் ஏப்ரிலியா SR125 பின்தங்குவதை ஏற்றுக்கொள்ள முடியவில்லை. மேலும், மற்ற இரண்டு ஸ்கூட்டர்கள் டிஜிட்டல் மீட்டர்களுடன் கெத்து காட்ட, இது அனலாக் மீட்டருடன் இருப்பது மைனஸ்.

மற்ற இரண்டு ஸ்கூட்டர்களைப் போல ஸ்டைலாக இல்லாவிட்டாலும், ஹோண்டா க்ராஸியாவும் தன்வசம் கவனத்தை ஈர்க்கிறது. இதற்கு இதில் இருக்கும் LED ஹெட்லைட்தான் முக்கியக் காரணம். மேலும், பாகங்களின் ஃபிட் அண்டு ஃபினிஷும் பக்கா. முன்பக்கத்தில் மொபைல்போன் சார்ஜ் செய்ய கொடுக்கப்பட்டிருக்கும் பாக்ஸ், கொஞ்சம் தரமாக இருந்திருக்கலாம். ஏப்ரிலியா ஃபர்ஸ்ட் இயர் மாணவர் போல இருந்தால், கிராஸியா ஃபைனல் இயர். இவை இரண்டுக்கும் இடையே கச்சிதமாக என்டார்க் இருக்கிறது.

இன்ஜின் பர்ஃபாமென்ஸ்

இங்கிருப்பதிலேயே பவர் குறைவான ஸ்கூட்டர் கிராஸியாதான். இதில் இருக்கும் 124.9சிசி HET இன்ஜின், தன்வசம் இருக்கின்ற 8.5bhp பவர் மற்றும் 1.05kgm டார்க்கை சீராகவும் ஸ்மூத்தாகவும் வெளிப்படுத்துகிறது. இதனால் 65 கி.மீ வேகத்தை, எந்தவித திணறலும் இன்றி 9.2 விநாடிகளில் எட்டிப்பிடிக்கிறது. அதன்பிறகு தனது டாப் ஸ்பீடான 88 கி.மீ வேகத்தை எட்டுவதற்கு அதிக நேரம் எடுத்துக் கொள்கிறது.  அதாவது, நகரச் சாலைகளில் பயணிப்பதற்கு ஏற்ற டியூனிங் என்பதால், மற்ற ஸ்கூட்டர்களில் கிடைக்கும் பன்ச் இங்கே மிஸ்ஸிங்.

இந்த ஏரியாவில் என்டார்க் நன்கு ஸ்கோர் செய்கிறது. இதில் இருக்கும் 3 வால்வ்,  124.7சிசி, CVTI REVV இன்ஜின், 9.4bhp பவர் மற்றும் 1.05 kgm டார்க்கை வெளிப்படுத்துகிறது. இங்கிருப்பதிலேயே 0 - 60 கி.மீ வேகத்தை விரைவாக எட்டிப்பிடிப்பது என்டார்க்தான் (8.81 விநாடிகள்). மேலும், 60 கி.மீ வேகம் வரை, இந்த இன்ஜின் அப்பாச்சி போன்ற எக்ஸாஸ்ட் சத்தத்தைக் கொண்டிருப்பது செம. அதிர்வுகள் இல்லை என்பதுடன், பவர் டெலிவரி காரணமாக இதன் டாப் ஸ்பீடான 95.5 கி.மீ வேகத்தை எட்டுவது சுலபமாக இருக்கிறது. ஆனால், மைலேஜுக்காக பவரில் டிவிஎஸ் சமரசம் செய்திருப்பதை புரிந்துகொள்ள முடிகிறது.

எது பெஸ்ட் ஸ்கூட்டர்?

டிவிஎஸ் போலவே ஏப்ரிலியாவில் இருப்பதும் 3 வால்வ், 125சிசி இன்ஜின்தான். இது வெஸ்பாவில் இருக்கும் அதே இன்ஜின்தான் என்றாலும், அதைவிடக் குறைவான 9.52bhp பவர் மற்றும் 0.98kgm டார்க்கை வெளிப்படுத்துகிறது. இங்கிருப்பதிலேயே எடை அதிகமான ஸ்கூட்டராக (122 கிலோ) இருப்பதால், 0 - 60 கி.மீ வேகத்தை பொறுமையாக 10.9 விநாடிகளில்தான் எட்டுகிறது. ஆனால், இங்கிருப்பதிலேயே அதிக வேகத்தை எட்டிப்பிடிக்கும் ஸ்கூட்டர் ஏப்ரிலியா SR 125தான் (100.5 கிமீ); இது 125சிசி பைக்குக்கு சமமான வேகம்! இங்கே இருக்கும் பெரிய 14 இன்ச் வீல்கள்,  ஸ்கூட்டரின் நிலைத்தன்மைக்குத் துணைநிற்கின்றன.

ஓட்டுதல் அனுபவம்

எடை குறைவான கிராஸியாவை ஓட்டுவது எளிதாக இருக்கிறது. இதனாலேயே ஸ்போர்ட்டியாக இல்லாவிட்டாலும், இந்த ஸ்கூட்டரை வளைத்து நெளித்து ஓட்ட முடிகிறது. நிலைத்தன்மை ஓகே ரகம். மேலும், இங்கிருக்கும் ஸ்கூட்டர்களிலேயே கால் வைக்க அதிக இடம் மற்றும் நீளமான சீட் இருப்பது கிராஸியாவில்தான். ஆனால், யூ-டர்ன் போடும்போது ஹேண்டில்பார், கால்களை இடிக்கிறது. மேலும், உயரமான ரைடர்களுக்கு இந்த ஸ்கூட்டர் நெருக்கடியைத் தரும் எனத் தோன்றுகிறது. முன்பக்க டெலிஸ்கோபிக் ஃபோர்க் இறுக்கமாகவும், பின்பக்க சஸ்பென்ஷன் மென்மையாகவும் செட் செய்யப்பட்டுள்ளதால், கையாளுமை அவ்வளவு சிறப்பாக இல்லை. ஆனால், CBS உடன் வரும் டிஸ்க் - டிரம் பிரேக் அமைப்பின் செயல்பாடு அருமை.

உயரம் குறைவானவர்களுக்கு அவ்வளவு வசதியாக இல்லாவிட்டாலும், ஏப்ரிலியா SR125 ஸ்கூட்டரை ஓட்டும்போது அதன் அதிக எடையை உணர முடியவில்லை. தற்போது விற்பனையாகும் ஸ்கூட்டர்களில் ஷார்ப்பான கையாளுமையைக் கொண்டிருப்பது இதுதான். 14 இன்ச் வீல்கள் இருப்பதால், திருப்பங்களில் வளைத்து நெளித்து ஓட்டுவது நல்ல அனுபவமாக இருக்கிறது. இதற்கு அதிரடியான சீட்டிங் பொசிஷன் கைகொடுக்கிறது. டிஸ்க் - டிரம் கூட்டணியின் ஃபீட்பேக், பைக்குகளில் இருப்பதுபோல மிக அருமை. எனவே, திடீரென முன்பக்க பிரேக்கைப் பிடிக்கும்போது, முன்பக்க வீல் லாக் ஆவதற்கான வாய்ப்பு அதிகம். ஏனெனில், இந்த ஸ்கூட்டரின் இருக்கை உயரமாகவும் குறுகலாகவும் இருப்பதால், இந்நேரத்தில் ரைடர் முன்பகுதிக்குத் தள்ளப்படலாம்.  ஏப்ரிலியா SR125 ஸ்கூட்டரின் ஷார்ப் கையாளுமைக்கு நாம் கொடுக்க வேண்டிய விலை, ஓட்டுதல் தரம். நம் ஊர் சாலைகளுக்கு, இந்த ஸ்கூட்டரின் இறுக்கமான சஸ்பென்ஷன் சரிபடவில்லை

என்டார்க்கின் ஓட்டுதல் தரம் ஆச்சரியப்படுத்துகிறது. கரடுமுரடான சாலைகள் தரும் அதிர்வுகளை, இந்த ஸ்கூட்டரின் சஸ்பென்ஷன் அழகாக உள்வாங்கிக்கொள்கிறது. அகலமான 12 இன்ச் வீல்கள் என்பதால், என்டார்க்கை வளைத்து நெளித்து ஓட்ட முடிகிறது.  ஸ்போர்ட்டியாக டிசைன் செய்யப்பட்ட ஸ்கூட்டரின் சீட்டிங் பொசிஷன், ஒரு கம்யூட்டர் பைக்கில் இருப்பது போல இருப்பது மைனஸ்தான். எப்படி ஓட்டினாலும், ரைடரின் கால்களை ஹேண்டில்பார் இடிக்கவில்லை என்பது பெரிய ப்ளஸ். பிரேக்ஸ் பரவாயில்லை ரகம். ஒட்டுமொத்தமாகப் பார்க்கும்போது, ஸ்போர்ட்டியான கையாளுமை இல்லாவிட்டாலும், என்டார்க்கில் சொகுசாகவும் வேகமாகவும் செல்ல முடிகிறது.

எது பெஸ்ட் ஸ்கூட்டர்?

சிறப்பம்சங்கள்

தொழில்நுட்பம் மற்றும் வசதிகளை, இன்றைய தலைமுறையினர் தமது வாகனங்களில் எதிர்பார்க்கின்றனர். இதில் டிவிஎஸ் என்டார்க் டிஸ்டிங்ஷன் வாங்குகிறது. இதில் மட்டும்தான் இன்ஜின் கில் சுவிட்ச், ஸ்மார்ட் போன்களை கனெக்ட் செய்யும் வசதியுடன் கூடிய டிஜிட்டல் இன்ஸ்ட்ரூமென்ட் கிளஸ்டர், சீட்டுக்கு அடியில் USB சார்ஜர் மற்றும் லைட்டுடன் கூடிய ஸ்டோரேஜ் போன்ற வசதிகள் இருப்பது ப்ளஸ். பாஸ் லைட்டும் உண்டு. சுவிட்ச்கள் சிறிதாக இருந்தாலும், அவை தரமாக உள்ளன. இந்த ஸ்கூட்டரில் இருக்கும் டிஜிட்டல் மீட்டரில் டேக்கோ மீட்டர் இல்லாவிட்டாலும், லேப் டைமர் - இன்ஜின் டெம்ப்ரேச்சர் ஆகியவற்றுடன் மற்ற தகவல்கள் தெளிவாகத் தெரிகின்றன. LED DRL உடன் கூடிய ஹெட்லைட் பார்க்க அழகாக இருந்தாலும், அது வெளியிடும் வெளிச்சம் குறைவாகவே இருக்கிறது.

இந்தியாவில் விற்பனை செய்யப்படும் ஸ்கூட்டர்களிலே, LED ஹெட்லைட் உடன் வெளிவந்த முதல் ஸ்கூட்டர் ஹோண்டா கிராஸியாதான் (இரண்டாவது ஸ்கூட்டர் ஹோண்டா ஆக்டிவா 5G). டிஜிட்டல் மீட்டரின் வடிவமைப்பு நன்றாக இருந்தாலும், இது பகல் நேரத்தில் அவ்வளவு தெளிவாக இல்லை. 500 ரூபாய் கொடுத்துதான், மொபைல் வைத்து சார்ஜ் செய்வதற்கான பாக்ஸை வாங்க முடியும். தவிர, அதில் லாக் வசதி கிடையாது என்பது மிகப் பெரிய மைனஸ்.

முன்பக்க டெலிஸ்கோபிக் ஃபோர்க் மற்றும் டிஸ்க் பிரேக் ஆகியவற்றைத் தாண்டி, ஏப்ரிலியா SR125 ஸ்கூட்டரில் எந்த வசதிகளும் இல்லை. ஆனால், இங்கிருக்கும் ஸ்கூட்டர்களிலேயே மிகப் பெரிய பெட்ரோல் டேங்க் (6.6 லிட்டர்) மற்றும் பெரிய வீல்கள் (14 இன்ச்) இருப்பது இதில்தான். அதற்காக ஒரு ஸ்கூட்டரை வாங்குபவர் எதிர்பார்க்கும் அடிப்படை வசதிகள்கூட இல்லாததுதான் நெருடல். தவிர, சைடு ஸ்டாண்ட் மற்றும் கிராப் ரெயிலை, ஆக்ஸசரியில் தனியாக வாங்கித்தான் பொருத்திக்கொள்ள வேண்டும் என்பது டூமச் ஏப்ரிலியா! பின்பக்க சீட்டில் இருக்கும் பெல்ட், பில்லியனுக்கு அசெளகரியத்தைத் தருகிறது.

ங்கிருக்கும் ஸ்கூட்டர்களிலேயே விலை குறைவான, எடை குறைந்த ஸ்கூட்டரான கிராஸியாவின்

எது பெஸ்ட் ஸ்கூட்டர்?

சென்னை ஆன் ரோடு விலை 73,423 ரூபாய். LED ஹெட்லைட் மற்றும் டிஜிட்டல் மீட்டரைத் தவிர்த்துவிட்டுப் பார்த்தால், வேகம் மற்றும் சொகுசு ஆகிய இரண்டிலும் இந்த ஸ்கூட்டர் பின்தங்கிவிடுகிறது. ஆனால் மைலேஜ் விஷயத்தில் பாஸ் மார்க் வாங்கிவிடுகிறது கிராஸியா.

சென்னை ஆன் ரோடு விலையான 79,878 ரூபாய்க்குக் கிடைக்கும் ஏப்ரிலியா SR 125, விலை அதிகமான 125சிசி ஸ்கூட்டராக இருக்கிறது.

ஒரு பைக்கை ஓட்டும் அனுபவம் கிடைக்கிறது என்றாலும், கரடுமுரடான சாலைகளில் இதன் இறுக்கமான சஸ்பென்ஷன் செட் அப் மைனஸ். மேலும், ஒரு ஸ்கூட்டருக்கான அடிப்படை வசதிகள் கூட இதில் இல்லாததை ஏற்றுக் கொள்ளமுடியவில்லை. ஏப்ரிலியா SR125 ஸ்கூட்டரின்  மைலேஜ் ஓகே ரகமாக இருந்தாலும், இதனைவிட சுமார்  5,000 ரூபாய் கூடுதலாகச் செலுத்தி SR150 ஸ்கூட்டரை வாங்கலாமோ எனத் தோன்றுகிறது. 

டிவிஎஸ் என்டார்க் 125 ஸ்கூட்டரின் சென்னை ஆன் ரோடு விலை 75,033 ரூபாய். இது கொஞ்சம் அதிகமாகத் தோன்றினாலும், அதிக வசதிகள் - சொகுசான ஓட்டுதல் அனுபவம் - போதுமான மைலேஜ் - மனநிறைவைத் தரும் கையாளுமை என ஆல்ரவுண்டராக அசத்துகிறது. தவிர, இளைஞர்களைத் தாண்டி, குடும்பத்தில் உள்ள அனைவரும் இந்த ஸ்கூட்டரைப் பயன்படுத்த முடியும் என்பது பெரிய ப்ளஸ். எனவே, இந்த ஸ்கூட்டர்தான், இந்த ஒப்பீட்டின் வெற்றியாளர்.