Published:Updated:

ஹேர் கலரிங் - உங்களுக்கு எது பொருந்தும்?

ஹேர் கலரிங் - உங்களுக்கு எது பொருந்தும்?
பிரீமியம் ஸ்டோரி
ஹேர் கலரிங் - உங்களுக்கு எது பொருந்தும்?

நியூ லுக்சு.சூர்யா கோமதி

ஹேர் கலரிங் - உங்களுக்கு எது பொருந்தும்?

நியூ லுக்சு.சூர்யா கோமதி

Published:Updated:
ஹேர் கலரிங் - உங்களுக்கு எது பொருந்தும்?
பிரீமியம் ஸ்டோரி
ஹேர் கலரிங் - உங்களுக்கு எது பொருந்தும்?

டைக்கு மேட்சிங்காகவோ, நிகழ்வுக்கு ஏற்பவோ ஹேர் கலரிங் செய்துகொள்வதுதான் இப்போது ட்ரெண்ட். அந்த வகையில், ஹேர் கலரிங்குக்கான ஷேடு தேர்வு, எந்தெந்த நிகழ்ச்சிக்கு எந்த வகை கலரிங் பொருத்தமாக இருக்கும், கலரிங் செய்யும்போது கவனிக்க வேண்டியவை உள்ளிட்ட தகவல்களைப் பகிர்கிறார், சென்னை, ‘டச் அண்டு ஷைன்’ பியூட்டி சலூனின் உரிமையாளர் கீதா.

‘`ஹேர் கலரிங்கில் டெம்ப்ரரி, பெர்மனன்ட் என இரண்டு வகைகள் உள்ளன. தற்காலிக கலரிங் சில ஹேர் வாஷ்கள் வரை நீடிக்கும். விரும்பினால், நிரந்தர கலரிங் செய்துகொள்ளலாம். ஃபேஷன் ப்ரியர்களுக்கான தற்காலிக ஹேர் கலரிங்கில், பர்கண்டி, இன்டர்மீடியட் என பேஸிக் கலர்களில் ஆரம்பித்து மிக்ஸிங் கலர்கள் வரை நூற்றுக்கும் அதிகமான ஷேடுகள் உள்ளன. இவை ஹைலைட், குளோபல், ஃபிங்கர் பெயின்ட்டிங் என மூன்று ரகங்களில் செய்யப்படுகின்றன. கூந்தலின் தன்மைக்கேற்பவும், விழா அல்லது நிகழ்ச்சிக்குப் பொருத்தமாகவும் ஷேடு மற்றும் கலரிங் செய்யும் முறையைத் தேர்வு செய்யலாம்.

ஹேர் கலரிங் - உங்களுக்கு எது பொருந்தும்?

நார்மல் ஹேர், கர்லி ஹேர், வேவி ஹேர், கிரே ஹேர்

நார்மல், ஸ்ட்ரெயிட் ஹேர் உள்ளவர்களுக்கு ஹைலைட் கலரிங், ஃபிங்கர் பெயின்ட்டிங் கலரிங் போன்றவை பெஸ்ட். ஹைலைட் கலரிங் என்பது கூந்தலின் நிறத்தைவிட லைட்டான ஒரு ஷேடில், ஆங்காங்கே சில கேசக் கற்றைகளை மட்டும் பார்லரில் கலரிங் செய்துகொள்வது. ஃபிங்கர் பெயின்ட்டிங் என்பது, கண்களுக்கு ஐலைனர் போடுவதுபோல கேசத்துக்கு கலர் செய்வது. வீட்டிலேயே ஹேர் மஸ்காரா கொண்டு, சுயமாக இதைச் செய்துகொள்ளலாம். காஸ்மெட்டிக் கடைகள், டிபார்ட்மென்டல் ஸ்டோர்கள், மெடிக்கல் ஷாப்களில் ஹேர் கலர்கள் கிடைக்கின்றன.

‘ஸ்ட்ரெயிட்  ஹேர்தான்... ஆனால், அடர்த்தி குறைவாக உள்ளது’ என்பவர்கள், தங்கள் கூந்தலின் நிறத்திலேயே கலர் ஷேடுகளைத் தேர்வுசெய்து ஹைலைட் செய்துகொள்வதன் மூலம் கூந்தலை அடர்த்தியாகவும் அழகாகவும் காட்ட முடியும். ஸ்ட்ரெயிட் ஹேருக்கு பர்கண்டி கலர், பிரவுன் கலர் பொருத்தமாக இருக்கும்.

கர்லி ஹேர் உடையவர்கள் தங்கள் கூந்தலுக்கு கான்ட்ராஸ்ட்டான வண்ணங்களைத் தேர்வுசெய்து, சில இடங்களில் மட்டும் ஹைலைட் செய்தால் அழகாக இருக்கும். அல்லது கூந்தல் முழுக்க கலர் செய்யும் குளோபல் ஹேர் கலரிங் முறையைத் தேர்வு செய்யலாம். இதில், கூந்தலை ப்ளீச் செய்து, பின்னர் விரும்பும் எந்த வண்ணத்திலும் கூந்தலை முழுமையாக நிறமாற்றம் செய்துகொள்ள முடியும்.

வளைந்து நெளியும் ‘வேவி ஹேர்’ உடையவர்களுக்கு எல்லா நிறங்களும் செட் ஆகும். இவர்கள் ஆங்காங்கே ஹைலைட் செய்துகொண்டால் கூடுதல் அழகோடு மிளிரலாம்.

க்ரே ஹேர் உள்ளவர்கள், அந்த நரையை மறைக்கும்வகையில் கூந்தலின் நிறத்திலேயே நிரந்தரமாக கலரிங் செய்து இளமைத் தோற்றத்தைப் பெறலாம்.

கலர் ஷேடுகள் தேர்வு

ஹேர் கலர்களில் சர்வதேச அளவில் 1 - 10 ஷேடுகளாக வகைப்படுத்தப் பட்டுள்ளன. அடர்கறுப்பில் ஆரம்பிக்கும் ஒன்றாம் எண் ஷேடு, பத்தாம் எண்ணில் கோல்டன் கலரில் முடிவடையும். இதில் நான்காம் எண் ஷேடு இந்தியர்களுக்கானது. இதில் பர்கண்டி, பாதாம், சாக்லேட், ஹனி ஆகியவையே தமிழ்நாட்டில் பெரும்பாலும் பயன்படுத்தப்படுகின்றன.

அலுவலகம் மற்றும் அலுவலகம் சார்ந்த நிகழ்வுகளுக்கு பர்கண்டி கலர் நீட் லுக் கொடுக்கும். பார்ட்டி, ரிசப்ஷன் போன்ற நிகழ்ச்சிகளுக்கு பிங்க், லைட் ப்ளூ போன்ற மைல்ட் கலர்களைத் தேர்வு செய்யலாம். பகல் நேர நிகழ்ச்சிகளுக்கு உடைக்கேற்ப ஹேர் கலரைத் தேர்வு செய்யலாம், அல்லது ஹனி கலர் நல்ல சாய்ஸ். லென்ஸ் பயன்படுத்துபவர்கள், ஹேர் கலரையும் அதற்குப் பொருத்தமாகத் தேர்வு செய்யலாம். பொதுவாக டஸ்கி ஸ்கின் டோன் உடையவர்களுக்கு சாக்லேட் கலரும் மாநிறம் உடையவர்களுக்கு பாதாம் கலரும் ஃபேர் ஸ்கின் டோன் உடையவர்களுக்கு மரூன் கலரும் பொருந்தும்.

ஹேர் கலர் தேர்வு

கவனிக்க வேண்டியவை

அமோனியா-ஃப்ரீ ஹேர் கலரைத் தேர்ந்தெடுக்கவும். எப்போதும் பிராண்டட் கலர்களையே பயன்படுத்தவும். பேக்கிங்கில் எக்ஸ்பயரி டேட் செக் செய்யவும். முதல் முறை பயன்படுத்தும்போது, காதின் பின்புறம் அப்ளை செய்து, 48 மணி நேரம் வரை எந்த அலர்ஜியும் ஏற்படவில்லை என்றால், மேற்கொண்டு பயன்படுத்தவும். வீட்டில் ஹேர் கலரிங் செய்துகொள்ளும்போது கிளவுஸ் அணிந்துகொள்வதும், செய்முறை விளக்கங்களைச் சரியாகப் பின்பற்றுவதும் முக்கியம். ஹேர் கலரிங் செய்துகொண்டவர்கள் ஹேர் ஸ்பா உள்ளிட்ட அடிப்படை ஹேர்கேர் பராமரிப்புகள் செய்துகொள்ள வேண்டும்.’’

செயற்கை கூந்தல்

ஹேர் கலரிங் கூந்தலைப் பாதிக்கும் என நினைப்பவர்கள், தலையில் பொருத்திக்கொள்ள வசதியாக க்ளிப் அல்லது ஸ்டிக்கருடன் கிடைக்கும் செயற்கையான கேசக் கற்றைகளை விரும்பிய வண்ணங்களில் வாங்கி, கூந்தலில் அட்டாச் செய்துகொள்ளலாம். இது ஹேர் கலரிங் செய்த லுக்கை கொடுக்கும், அதேநேரம் கூந்தலுக்கும் பாதிப்பு நேராது. கேப்ஷன் : உங்களுக்கு எது பொருந்தும்?