Published:Updated:

"எட்டுவழிச் சாலைக்கு இந்த விதிகளைப் பின்பற்றவில்லை!”

"எட்டுவழிச் சாலைக்கு இந்த விதிகளைப் பின்பற்றவில்லை!”
பிரீமியம் ஸ்டோரி
"எட்டுவழிச் சாலைக்கு இந்த விதிகளைப் பின்பற்றவில்லை!”

"எட்டுவழிச் சாலைக்கு இந்த விதிகளைப் பின்பற்றவில்லை!”

"எட்டுவழிச் சாலைக்கு இந்த விதிகளைப் பின்பற்றவில்லை!”

"எட்டுவழிச் சாலைக்கு இந்த விதிகளைப் பின்பற்றவில்லை!”

Published:Updated:
"எட்டுவழிச் சாலைக்கு இந்த விதிகளைப் பின்பற்றவில்லை!”
பிரீமியம் ஸ்டோரி
"எட்டுவழிச் சாலைக்கு இந்த விதிகளைப் பின்பற்றவில்லை!”

‘‘புது நெடுஞ்சாலை, பழைய சாலை விரிவாக்கம் என எதைச் செய்வ தானாலும் ‘இந்தியன் ரோடு காங்கிரஸ்’ அமைப்பின் விதிகளைப் பின்பற்ற வேண்டும். இந்த அமைப்பின் கையேட்டில், ‘எப்படியெல்லாம் ஒரு சாலையை அமைக்க வேண்டும்’ என்று தெளிவாகக் கூறப்பட்டுள்ளது. அவற்றைக் கட்டாயம் பின்பற்ற வேண்டும். ஆனால், சென்னை-சேலம் எட்டுவழி பசுமைச் சாலை இதன்படி அமையவில்லை’’ என்று அண்ணா பல்கலைக்கழக நகரக் கட்டமைப்புப் பொறியியல் துறையின் ஓய்வுபெற்ற பேராசிரியர் கே.பி.சுப்ரமணியன் குற்றம்சாட்டுகிறார்.

சென்னையில் ‘பூவுலகின் நண்பர்கள்’ அமைப்பு ஏற்பாடு செய்திருந்த நிகழ்வு ஒன்றில் இதுபற்றி விரிவாகப் பேசினார் கே.பி.சுப்ரமணியன்.

"எட்டுவழிச் சாலைக்கு இந்த விதிகளைப் பின்பற்றவில்லை!”

‘‘இந்தியன் ரோடு காங்கிரஸ் கையேட்டின்படி, சாலைப்பணிகளை ஆரம்பிக்கும்முன், முறையான இரண்டு ஆய்வுகளை நடத்தியே ஆக வேண்டும். முதலில், பொருளாதார ஆய்வு. எட்டுவழிச் சாலையில் அரசு முதலீடு செய்வது ரூ.10 ஆயிரம் கோடி. இந்த முதலீட்டுக்கான பலன் கிடைக்க வேண்டும். ஒரு திட்டத்தை மிகக் குறைந்த செலவில் எப்படிச் செய்யலாம் என்று பார்க்க வேண்டும். ஏற்கெனவே உள்ள சாலைகளை ஆய்வுசெய்ய வேண்டும். அந்தச் சாலைகள், திட்டத்துக்குச் சரியானதாக இல்லையென்றால் மட்டுமே மாற்றுவழியைத் தேட வேண்டும். சேலத்துக்கு ஏற்கெனவே முக்கியமான மூன்று வழித்தடங்கள் உள்ளன. அந்தச் சாலைகளை அகலப்படுத்துவதன் மூலமாக, போக்குவரத்தை எளிதாக்க முடியுமா என ஆராய வேண்டும். அகலப்படுத்தவிருக்கும் நிலத்தின் தன்மை, திட்டத்துக்கான சாத்தியக்கூறுகள், கையகப்படுத்தப்படும் நிலங்களின் அளவு, அழியும் நீர்நிலைகள், புதிதாகக் கட்டப்படும் பாலங்களின் எண்ணிக்கை எனப் பல கோணங்களில் ஆய்வுகளை நடத்த வேண்டும். இந்த ஆய்வுகளில், சாலைகளை விரிவுபடுத்துவது சாத்தியம் இல்லை என்று தெரிந்தால்தான், விரைவுச்சாலை அமைப்பது பற்றி முடிவு செய்ய வேண்டும்.

இப்போது அமையவிருக்கும் எட்டுவழிச் சாலைக்குச் செய்யும் முதலீட்டுக்கான லாபத்தை, 25 வருடங்கள் கழித்த பின்னர்தான் கணக்கிடப் போகிறார்கள். ஆனால், அரசு முதலீடு செய்யும் ரூ.10 ஆயிரம் கோடியின் மதிப்பு 25 வருடங்கள் கழித்து பல ஆயிரம் கோடிகளாக இருக்கும். அதைத்தான் முழுமையாக இப்போதே கணக்கிட வேண்டும். 25 வருடங்கள் கழித்து கிடைக்கும் லாபம், முதலீட்டுத் தொகையைவிட அதிகமாக இருக்க வேண்டும். குறைந்தபட்சம் ரூ.10 ஆயிரம் கோடியை வங்கியில் செலுத்தினால், 25 வருடங்களுக்குக் கிடைக்கும் வட்டி விகிதத்தை ஒப்பிட்டுப் பார்க்க வேண்டும். மேற்சொன்ன விதிகள் எங்கேயும் முறையாகப் பின்பற்றப்படவில்லை.

"எட்டுவழிச் சாலைக்கு இந்த விதிகளைப் பின்பற்றவில்லை!”

இரண்டாவது, சுற்றுச்சூழல் தாக்கம் குறித்த ஆய்வு. எந்தப் பாதையில் சுற்றுச்சூழலுக்குக் குறைவான பாதிப்புகள் ஏற்படும் என்று பார்க்கவேண்டும். நிலம், நீர், காற்று, காடு, மண், விலங்குகள் எனப் பல சுற்றுச்சூழல் பாதிப்புகளையும் முழுமையாக ஆய்வுசெய்ய வேண்டும். குறைவான சுற்றுச்சூழல் பாதிப்புகள் உள்ள வழித்தடத்தையே தேர்ந்தெடுக்க வேண்டும். இவற்றில் எதையுமே செய்யாமல் ஏன் இவ்வளவு அவசரமாக ஒரு திட்டத்தை நிறைவேற்றுகிறார்கள் என்று தெரியவில்லை. மத்திய, மாநில அரசுகளே விதிகளை மதிக்காமல் செயல்படுவது நியாயமல்ல’’ என்றார் கே.பி.சுப்ரமணியன்.

- துரை.நாகராஜன்