Published:Updated:

ஒரு லட்சம் கோடி டாலர்... அதிசயிக்க வைக்கும் ஆப்பிள்!

ஒரு லட்சம் கோடி டாலர்... அதிசயிக்க வைக்கும் ஆப்பிள்!
பிரீமியம் ஸ்டோரி
ஒரு லட்சம் கோடி டாலர்... அதிசயிக்க வைக்கும் ஆப்பிள்!

சுமதி மோகனப் பிரபு

ஒரு லட்சம் கோடி டாலர்... அதிசயிக்க வைக்கும் ஆப்பிள்!

சுமதி மோகனப் பிரபு

Published:Updated:
ஒரு லட்சம் கோடி டாலர்... அதிசயிக்க வைக்கும் ஆப்பிள்!
பிரீமியம் ஸ்டோரி
ஒரு லட்சம் கோடி டாலர்... அதிசயிக்க வைக்கும் ஆப்பிள்!

டந்த ஆகஸ்ட் 2-ம் தேதி... சந்தை நிபுணர் களின் எதிர்பார்ப்பைவிட மிகச் சிறப்பான காலாண்டு முடிவை

ஒரு லட்சம் கோடி டாலர்... அதிசயிக்க வைக்கும் ஆப்பிள்!

ஆப்பிள் நிறுவனம் அறிவித்ததைத் தொடர்ந்து, அந்த நிறுவனத்தின் சந்தை மதிப்பு ஒரு ட்ரில்லியன் (ஒரு லட்சம் கோடி டாலர்) அமெரிக்க டாலர் என்கிற மிகப் பெரிய சாதனையைப் படைத்திருக்கிறது. இருபது ஆண்டு களுக்கு முன், ஏறக்குறைய திவாலாகிவிடும் என்கிற நிலையில் இருந்த ஆப்பிள் நிறுவனம், இன்றைக்கு இவ்வளவு பெரிய அளவை அடைந்திருப்பது ஆச்சர்யம்தானே!

பத்தாண்டுகளுக்குமுன்னரே அதாவது, 2007-ல் ‘பெட்ரோ சீனா’ என்கிற நிறுவனத்தின் சந்தை மதிப்பு ஒரு ட்ரில்லியன் டாலர் என்கிற மிகப் பெரிய அளவை எட்டி சாதனையைப் படைத்தாலும், அந்த உச்சநிலையை சில காலத்திற்கு மட்டுமே அந்த நிறுவனத்தால் தக்கவைத்துக் கொள்ள முடிந்தது. மேலும், இரும்புத்திரை நாடான சீனாவில் உள்ள ஒரு அரசு நிறுவனமான பெட்ரோ சீனா நிறுவனத்தின் சாதனையை, வெளிப்படைத்தன்மை மிக்க நாஸ்டாக்கில் பங்கு பரிவர்த்தனை நடைபெற்று வரும் ஆப்பிள் நிறுவன வெற்றியுடன் ஒருபோதும் ஒப்பிட முடியாது.

ஒட்டுமொத்த விகடனுக்கும் ஒரே ஷார்ட்கட்!

ஒரு லட்சம் கோடி டாலர்... அதிசயிக்க வைக்கும் ஆப்பிள்!

கடந்த 1997-ல் பில்கேட்ஸின் மைக்ரோசாஃப்ட் நிறுவனத்தின் போட்டியைச் சமாளிக்க முடியாமல், இனிமேலும் தொடர்ந்து நடத்த முடியாது என்கிற நிலையில், மூன்றில் ஒருபகுதி தொழிலாளிகளை ஆள்குறைப்பு செய்ய நேரிட்டது. அன்றைய நிலையில், மூன்று பில்லியன் டாலர் சந்தை மதிப்பை மட்டுமே ஆப்பிள் நிறுவனம் கொண்டி ருந்தது. ஆனால், இருபதே ஆண்டுகளுக்குப்பிறகு ஒரே நாளில் 30 பில்லியன் டாலர் அளவுக்கு சந்தை மதிப்பு ஏற்றம் காணக்கூடிய அளவுக்கு வளர்ந்து, முதல் ட்ரில்லியன் டாலர் தனியார் நிறுவனமாகவும் உயர முடிந்தது எப்படி? 

* 1976-ம் ஆண்டு மிகப்பெரிய வடிவில், சிக்கலான செயல்பாடுகளைக் கொண்டதாக இருந்தது இன்றைக்கு நாம் பயன்படுத்தும் கம்ப்யூட்டர். இதற்கு மாற்றாக எளிமையான பர்சனல் கம்ப்யூட் டரைத் தயாரிக்கும் நிறுவனமாகத் தனது பயணத்தைத் தொடங்கியது ஆப்பிள் நிறுவனம்.  

* 1977-ம் ஆண்டு அறிமுகமான ஆப்பிள் II கணினி, அப்போது சந்தையில் இருந்த மற்ற மாடல் களிலிருந்து பெரிதும் மாறுபட்டி ருந்ததால், விற்பனையில் சாதனை படைத்ததுடன், ஆப்பிள் நிறுவன விற்பனை வருடாவருடம் பல மடங்கு உயரவும் உதவியது. பின்னர் வெளிவந்த பல்வேறு ஆப்பிள் மாடல்களும் விற்பனை யில் சக்கைப்போடு போட்டன.

* 1980-ல் அமெரிக்க பங்குச் சந்தையில் ஆப்பிள் நிறுவனப் பங்கு 22 டாலர் என்கிற விலையில் பட்டியலிடப்பட, ஃபோர்ட் மோட்டார் நிறுவனத்திற்குப்பிறகு அதிகளவில் உள்ள ஆரம்பகால சந்தை மதிப்பைப் பெற்ற பெருமையை ஆப்பிள் பெற்றது. 300-க்கும் மேற்பட்ட ஆப்பிள் முதலீட்டாளர்கள் ஒரே நாளில் மில்லியனர்கள் எனப்படும் பெரும் செல்வந்தர்களாக மாறினார்கள். அடுத்த பத்தாண்டுகள் ஆப்பிளின் பல்வேறு மாடல்கள் சந்தையில் சிறப்பான வரவேற்பைப் பெற்ற தன் தொடர்ச்சியாக, ஆப்பிள் பங்கின் விலையும் கிட்டத்தட்ட மூன்று மடங்கு வரை உயர்ந்தன.

* ஆனால், 1990 காலகட்டம் ஆப்பிள் நிறுவனத்திற்கு அவ்வளவு சிறப்பாக அமையவில்லை. அந்த நிறுவனம் அறிமுகப்படுத்திய டிஜிட்டல் கேமரா, போர்ட்டபிள் சி.டி பிளேயர், ஸ்பீக்கர் போன்றவை சந்தையில் பெரிய வரவேற்பைப் பெறவில்லை. பெரும் பொருள் செலவில் உருவாக்கப்பட்ட நியூட்டன் என்னும் பர்சனல் டிஜிட்டல் அசிஸ்டன்ட் சந்தையில் எதிர்பார்த்த வெற்றி பெறாத நிலையில், ஆப்பிள் நிறுவனத்தின் மீது முதலீட்டாளர்கள் நம்பிக்கையை இழக்கத் தொடங்கினர். பங்கு விலை வீழ்ச்சி அடைந்ததால், அதன் சந்தை மதிப்பும் வெகுவாகக் குறையத் தொடங்கியது. (நியூட்டன் பர்சனல் டிஜிட்டல் அசிஸ்டென்ட் அப்போதைக்கு வெற்றி பெறாவிட்டாலும், பின்நாள்களில் பெரும் வெற்றி பெற்ற ஐ-போனுக்கு இதுதான் முன்னோடி)

* ஆப்பிள் உருவான அதே காலகட்டத்தில் தோற்றுவிக்கப் பட்ட மைக்ரோசாஃப்ட் நிறுவனம், 1985-ம் ஆண்டு ‘விண்டோஸ்’ எனும் ஆப்ரேட்டிங் சிஸ்டத்தை அறிமுகப்படுத்தியது. மக்களின் வரவேற்பைப் பெருமளவு பெற்ற மைக்ரோசாஃப்ட் சந்தையிலும் வலுப்பெறத் தொடங்கியது. மைக்ரோசாஃப்ட் எளிமையான மற்றும் குறைந்த விலையுடைய தொழில்நுட்பத்தில் அதிக கவனம் செலுத்தியது. மைக்ரோசாஃப்ட் பங்கு சந்தையில் தொடர்ந்து வெற்றி கண்டுவந்த நிலையில்,    1997-ல் கிட்டத்தட்ட திவாலாகும் நிலைமையை ஆப்பிள் சந்தித்தது. வேலையாட்கள் நீக்கம் மற்றும் செலவு குறைப்பு என பல அதிரடி நடவடிக்கைகளில் ஈடுபட்ட ஆப்பிள் தனது ஆரம்ப கால நிறுவனர்களில் ஒருவரான ஸ்டீவ் ஜாப்ஸை மீண்டும் தலைமைப் பொறுப்பில் அமர்த்தியது.

* சந்தையின் தேவைகளுடன் சமரசம் செய்துகொண்ட கட்டாயத்தில் இருந்த ஆப்பிள் நிறுவனத்தின் தலைவர் ஸ்டீவ் ஜாப்ஸ், 1997-ல் ஆப்பிள் மைக்ரோசாஃப்ட் ஆபீஸ் மென்பொருள் ஆப்பிள் கணினிகளில் பயன்படுத்தப்படும் என அறிவித்தார். மேலும், மக்களின் விருப்பங்கள் காலவோட்டத்தில் பெருமளவு மாறியிருப்பதை உணர்ந்த ஜாப்ஸ், டிஜிட்டல் ஆடியோ மற்றும் டிஜிட்டல் வீடியோ தளத்தில் கால் பதிக்கத் தொடங்கினார்.

* 2001-ல் ஆப்பிள் அமெரிக்காவில் பல அதிகாரபூர்வமான விற்பனை நிலையங்களைத் தொடங்கியது. அதே ஆண்டு, சந்தையில் மிகப்பெரிய வெற்றி பெற்ற, ஐ-பாட் எனும் கைக்கடக்கமான டிஜிட்டல் ஆடியோ பிளேயரை அறிமுகப்படுத்தியது. 

ஒரு லட்சம் கோடி டாலர்... அதிசயிக்க வைக்கும் ஆப்பிள்!

* 2002-ல் இ-மேஜிக் எனும் இசைய மைப்பு மென்பொருள் நிறுவனத்தை ஆப்பிள் கையகப்படுத்தியது. ஒரு இசை நிறுவனத்தை கணினித் தயாரிப்பு நிறுவனம் கையகப்படுத்தியது இதுவே முதல்முறை. மேலும், தொடர்ச்சியாக பல டிஜிட்டல் நிறுவனங்கள் மற்றும் மென்பொருள்களை ஆப்பிள் கையகப் படுத்தியது.

‘ஐ ட்யூன்ஸ்’ எனப்படும் இசையைப் பணம் செலுத்தி டவுன்லோட் செய்யும் முறையை 2003-ல் ஆப்பிள் வெற்றிகரமாக அறிமுகப்படுத்தியது. சந்தையில் விரைவில் பிரதான இடத்தைப் பிடித்த ‘ஐ ட்யூன்ஸ்’ 500 கோடி பதிவிறக்கங்களை 2008-ல் நிறைவு செய்தது. 2010-ல் உலகின் மிகப்பெரிய மியூசிக் ஸ்டோர் என்ற பெருமையை ஆப்பிள் பெற்றது. டிஜிட்டல் மியூசிக் உலகில் ஆப்பிள் பெற்ற வெற்றி இதே காலகட்டத்தில், ஆப்பிள் பங்கின் பலமடங்கு விலை உயர்விலும் பிரதிபலித்தது.

ஆனால், கணினித் தொழில்நுட்ப விற்பனையில் மைக்ரோசாஃப்ட் நிறுவனத்தைவிட ஆப்பிள் மிகவும் பின்தங்கியே இருந்தது. ஆப்பிள் பயணத்தின் முக்கியத் திருப்பமாக,   2007-ல் ஸ்டீவ் ஜாப்ஸ், ஆப்பிள் கம்ப்யூட்டர்ஸ் எனும் பழைய பெயரிலிருந்து கம்ப்யூட்டர்ஸ் என்ற வார்த்தை நீக்கப்பட்டது என்ற அறிவிப்பை வெளியிட்டார். அதே ஆண்டு, மொபைல் உலகின் புரட்சியான ஐ-போன் அறிமுகப்படுத்தப்பட்ட சில மணித்துளிகளில் 2,70,000 போன்கள் விற்று புதிய சாதனை படைக்கப்பட்டது.

* ஐ-போன், ஐ-பாட், ஐ-பேட் என முறையே மொபைல் போன், ஆடியோ பிளேயர் மற்றும் கம்ப்யூட்டர்களுக்கு நவீனத் தொழில்நுட்ப மாற்றுக்களை அறிமுகப்படுத்தியதன் தொடர்ச்சியாக ஆப்பிள் நிறுவனம் தொழில்நுட்ப உலகின் மிக உயர்ந்த நிலையை அடைந்ததுடன் மைக்ரோசாஃப்ட் நிறுவனத்தின் சந்தை மதிப்பையும் விஞ்சியது. சாம்ஷங் நிறுவனத்திற்கு எதிரான காப்புரிமை வழக்கில் ஆப்பிள் பெற்ற வெற்றி அதன் சந்தைத் தலைமையை மேலும் வலுப்படுத்தியது.

* 2011-ல் கல்லீரல் புற்றுநோய் காரணமாக ஸ்டீவ் ஜாப்ஸ் மரணமடைய, ஆப்பிள் நிறுவனத்தின் வளர்ச்சியில் தொய்வு ஏற்படுமோ என்ற கவலை முதலீட்டாளர்கள் மத்தியில் ஏற்பட்டது. ஆனால், புதிய தலைவரான டிம் குக்ஸ், ஆப்பிள் நிறுவனத்தின் வெற்றிப் பயணத்தைத் தொடர்ந்து வருகிறார். இவர் தலைமையில், ஐ-போன் வெற்றியைத் தொடர்ந்து தக்கவைத்திருப்பதுடன் ஆப்பிள் வாட்ச், ஆப்பிள் சோலார் எனர்ஜி, ஆப்பிள் மின்சார கார் என பல புதிய பரிமாணங்களில் ஆப்பிள் நிறுவனம் ஜொலித்து வருவதன் தொடர்ச்சியாகத்தான் இன்று ஒரு ட்ரில்லியன் டாலர் நிறுவனம் என்ற அந்தஸ்தை அடைய முடிந்திருக்கிறது.

ஆக மொத்தத்தில், உயர்தர நவீனத் தொழில்நுட்பம் மற்றும் சிறந்த பாதுகாப்பு அம்சம் கொண்ட படைப்புக்களை, அதிக விலை கொடுத்துக்கூட வாங்க தற்போதைய நுகர்வோர்கள் தயாராகவே இருக்கின்றனர் என்பதற்கு ஆப்பிள் தயாரிப்புகளின் தொடர் வெற்றிக்கு முக்கிய உதாரணம். காலத்திற்கேற்ப மாறிவரும் ரசனைகளைச் சரிவரப் புரிந்துகொண்டு நுகர்வோரின்  எதிர்பார்ப்புகளைப் பெருமளவு பூர்த்தி செய்யும் நிறுவனங்கள் முதலீட்டாளர்கள் மத்தியிலும் வெற்றியைச் சந்திக்கும் என்பதற்கும் ஆப்பிளின் ஒரு ட்ரில்லியன் டாலர் சாதனை ஒரு சிறந்த நிரூபணமாகும்.

ஆப்பிள் மீதான விமர்சனங்கள்!
 
ஆப்பிள் நிறுவனம்மீது சில குற்றச்சாட்டுகள் இருக்கவே செய்கிறது. குறிப்பாக, மிக அதிக விலையில் ஆப்பிள் மின்னணுச் சாதனங்கள் விற்பனையானாலும், ஊழியர்களுக்கு மிகக் குறைவான ஊதியமே வழங்குவது, அமெரிக்க நிறுவனம் என்றாலும் அமெரிக்கர்களுக்கு அதிகப்படியான வேலைவாய்ப்புக்களை வழங்காமல் சீனத் தொழிற்சாலைகளில் உற்பத்தி செய்வது, அங்குள்ள ஊழியர்களை மோசமான பணிச்சூழலில் வைத்திருப்பது போன்றவை. மேலும், வரி ஏய்ப்பு செய்வது, பிரத்யேக காப்புரிமை என்ற பெயரில் போட்டியாளர்களின்மீது வேண்டுமென்றே வழக்குத் தொடுப்பது போன்ற குற்றச்சாட்டுகளும் உண்டு.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism