Published:Updated:

அரசியல் பீஷ்மருக்கு அஞ்சலிகள்!

அரசியல் பீஷ்மருக்கு அஞ்சலிகள்!
பிரீமியம் ஸ்டோரி
அரசியல் பீஷ்மருக்கு அஞ்சலிகள்!

அரசியல் பீஷ்மருக்கு அஞ்சலிகள்!

அரசியல் பீஷ்மருக்கு அஞ்சலிகள்!

அரசியல் பீஷ்மருக்கு அஞ்சலிகள்!

Published:Updated:
அரசியல் பீஷ்மருக்கு அஞ்சலிகள்!
பிரீமியம் ஸ்டோரி
அரசியல் பீஷ்மருக்கு அஞ்சலிகள்!

மாற்றுக்கட்சியினராலும் மதிக்கப்பட்ட மகத்தான தலைவர் மறைந்தார்.

இந்தியா சுதந்திரம் அடைந்ததில் இருந்து காங்கிரஸ் கட்சியே, அதிலும் குறிப்பாக நேருவின் குடும்பமே நீண்டகாலம் பிரதமர் பதவியைத் தக்கவைத்திருந்தது. ‘ஐந்தாண்டுகள் ஆட்சியில் இருந்த, காங்கிரஸ் அல்லாத முதல் பிரதமர்’ என்ற சாதனையைப் படைத்ததன் மூலம், இந்தியப் பிரதமர்கள் வரிசையில் தனித்தன்மையோடு விளங்கியவர் வாஜ்பாய்.

அரசியல் பீஷ்மருக்கு அஞ்சலிகள்!



நெருக்கடிநிலைக் காலம் இந்திய ஜனநாயக வரலாற்றில் ஒரு மறக்க முடியாத கறுப்பு அத்தியாயம். இந்திராகாந்தி கொண்டுவந்த எமர்ஜென்சிக்கு எதிராக உரத்த குரல் கொடுத்துப் பல இழப்புகளைச் சந்தித்த தலைவர்கள் சிலரே. அவர்களில் வாஜ்பாய் முதன்மையானவர்; முக்கியமானவர். மொரார்ஜி தேசாய் ஆட்சிக்காலத்தில் வெளியுறவுத்துறை அமைச்சராக இருந்ததன் மூலம் காங்கிரஸ் அல்லாத முதல் அமைச்சரவையில் இடம்பிடித்தார்.

1980-ல் பாரதிய ஜனதா கட்சி வாஜ்பாயால் தொடக்கப்பட்டது. ஆரம்பித்த 16 ஆண்டுகளில் ஒரு கட்சி மத்தியில் ஆட்சியைப் பிடித்தது, அதுவும் காங்கிரஸ் என்னும் தேசியப் பேரியக்கத்தை எதிர்த்து வெற்றிபெற்றது சாதனை சகாப்தம். முதலில் 13 நாள்கள், பிறகு 13 மாதங்கள் என்று வாஜ்பாயால் இரண்டுமுறையும் ஆட்சிக்காலத்தை முழுமையாகக் கடக்க முடியவில்லை என்றாலும், அவர் மனம் தளரவில்லை. மீண்டும் பா.ஜ.க-வை ஒரு வலிமையான கட்சியாக மாற்றி, மூன்றாவது முறை பிரதமரானார்.

தங்க நாற்கரச்சாலையை அமைத்தது, கார்கில் போர் மூலம் இந்தியாவின் வலிமையை எதிரிகளுக்கு உணர்த்தியது, பொக்ரான் அணு ஆயுதச் சோதனை மூலம் வல்லரசுக் கனவுக்கு வாசல் திறந்தது, அப்துல் கலாம் குடியரசுத் தலைவராகத் துணைநின்றது என வாஜ்பாய் ஆட்சிக்காலத்தின் மகத்தான தருணங்கள் ஏராளம்.

அதேநேரத்தில் காந்தஹார் விமானக்கடத்தல் விவகாரம், நாடாளுமன்றத்தின் மீது நடத்தப்பட்ட தாக்குதல், 2002-ல் குஜராத்தில் கோத்ரா ரயில் எரிப்பு மற்றும் இனப்படுகொலை, கார்கில் பகுதியில் பாகிஸ்தான் ஊடுருவலே ஆடு மேய்ப்பவர்கள் சொல்லித்தான் தெரியும் என்ற அளவில் பாதுகாப்புப் பணிகளில் பலவீனம், கார்கிலில் மரணமடைந்த வீரர்களுக்கு சவப்பெட்டி வாங்கியதில் ஊழல் நடைபெற்றதாக எழுந்த குற்றச்சாட்டுகள் எனப் பல விமர்சனங்களும் உண்டு.

ஆனால் அதையும் தாண்டி பாரதிய ஜனதா கட்சியையும் அதன் இந்துத்துவ அரசியலையும் ஏற்காதவர்கள்கூட, ‘தவறான கட்சியில் இருந்த சரியான நபர்’ என்று போற்றப்படும் அளவுக்கு அரசியல் நாகரிகத்துக்கும் நட்புக்கும் இலக்கணமாய் விளங்கியவர்.

கவிமனமும் அரசியல் முதிர்ச்சியும் கொண்ட தாமரை உதிர்ந்தது, தேசத்தின் ஈடுசெய்ய முடியாத இழப்பு.

அரசியல் பீஷ்மருக்கு அஞ்சலி செலுத்துகிறான் விகடன்.