Published:Updated:

ஆக்சுவலி ஆக்ஸில் எதுக்குனா?

ஆக்சுவலி ஆக்ஸில் எதுக்குனா?
பிரீமியம் ஸ்டோரி
ஆக்சுவலி ஆக்ஸில் எதுக்குனா?

ஏன் எதற்கு எப்படி? - ஆக்ஸில் - டிஃப்ரன்ஷியல்

ஆக்சுவலி ஆக்ஸில் எதுக்குனா?

ஏன் எதற்கு எப்படி? - ஆக்ஸில் - டிஃப்ரன்ஷியல்

Published:Updated:
ஆக்சுவலி ஆக்ஸில் எதுக்குனா?
பிரீமியம் ஸ்டோரி
ஆக்சுவலி ஆக்ஸில் எதுக்குனா?

வாகனம் திரும்ப வேண்டுமென்றால், ஸ்டீயரிங்கைப் பிடித்துத் திருப்புகிறோம். ஆனால், அப்போதும் வீல்களுக்குத் தேவையான பவர் கிடைத்து, வாகனம் ஸ்டெபிலிட் டியோடு திரும்ப வேண்டுமே? இதற்குப் பின்னால் ஒரு மெக்கானிசம் இருக்கிறது. அதற்குப் பெயர் ஆக்ஸில் டிரைவ். 

ஆக்சுவலி ஆக்ஸில் எதுக்குனா?

லாரிகளிலோ, கார்களிலோ - கீழே அடிப்பகுதியில் பார்த்தால், ஒரு பெரிய இரும்பு ராடு இருக்கும். இதுதான் ஆக்ஸில். இந்த ராடுக்கு நடுவே டம்ப்பெல்ஸ்போல வீங்கிக் காணப்பட்டால், அது டிஃப்ரென்ஷியல். இந்த டிஃப்ரென்ஷியல் இல்லாத பட்சத்தில், வாகனம் திரும்புவதை நினைத்தே பார்க்க முடியாது.

வாகனங்களுக்கு ஏன் ஆக்ஸில்?

ஆக்ஸிலின் முக்கியப் பங்கு இதுதான் - வீல்களை ஸ்பின் செய்வதற்கு ஆக்ஸில்தான் அடிப்படை. ஒரு பெரிய பள்ளத்தில் கார் சிக்கிக் கொண்டிருக்கிறது. சட்டென மேலே ஏற வேண்டும்? ஆக்ஸிலரேட்டரை மிதிக்கும்போது வீல்களுக்குக் கிடைக்கும் பவரைப் பொறுத்துத்தான் கார் மேலேறும். இங்கேதான் டிஃப்ரென்ஷியல் பரபரவென வேலை பார்க்கிறது.

ஒரு கார் ஃப்ரன்ட் வீல் டிரைவா... ரியர் வீல் டிரைவா... அல்லது 4 வீல் டிரைவா என்பதை அந்த டிஃப் ரென்ஷியல் இருக்கும் பொசிஷனை வைத்தே கண்டுபிடிக்கலாம். வாகனத்தின் பின் டயர்களுக்கு இடையில் ஆக்ஸில் இருந்தால், ரியர் வீல் டிரைவ். முன் பக்கம் ஆக்ஸில் இருந்தால் ஃப்ரன்ட் வீல் டிரைவ். இதுவே நான்கு வீல்களுக்கும் சேர்த்து இரண்டு டிஃப்ரென்ஷியல்கள் இருந்தால்... அது 4 வீல் டிரைவ்.

ஒட்டுமொத்த விகடனுக்கும் ஒரே ஷார்ட்கட்!

ஆக்சுவலி ஆக்ஸில் எதுக்குனா?

பெரும்பான்மையாக இந்திய கார்கள் அனைத்தும் ஃப்ரன்ட் வீல் டிரைவையே கொண்டிருக்கும். காரணம், இதில் புரொப்பல்லர் ஷாஃப்ட் இல்லாததால், கேபின் இடவசதியை அதிகரிக்கும். ரியர் வீல் டிரைவ் சிஸ்டம் கொண்ட சின்ன கார்கள் மிகக் குறைவே! ஆம்னி, அம்பாஸடர், ஃபியட் பத்மினி, இப்போதைய இனோவா, பிஎம்டபிள்யூ 3 சீரிஸ், மஹிந்திரா மற்றும் டாடாவின் லேடர் ஃப்ரேம் எஸ்யூவிகள் போன்ற ரியர் வீல் டிரைவ் சிஸ்டம் கொண்ட கார்கள் குறைவுதான். இப்போதைக்கு இந்தியாவின் விலை குறைந்த ரியர்வீல் டிரைவ் அமைப்பைக் கொண்ட கார் - நானோ. 

டிஃப்ரென்ஷியல் எதற்கு?

வீல்களுக்குப் பவரைக் கொண்டுசேர்ப்பது மட்டுமல்ல; சரியான தொலைவில் இரண்டு டயர்களையும் கனெக்ட் செய்யும் இந்த ஆக்ஸில்தான், வாகனம் எந்தப் பக்கம் திரும்ப வேண்டும் என்பதையும் முடிவு செய்கிறது. எல்லா வாகனங்களிலும், டயர்கள்தான் சாலையைத் தொட்டுக்கொண்டிருக்கும். அப்படியென்றால், மொத்த எடையையும் சஸ்பென்ஷன் மற்றும் வீல்கள் தாங்கிக்கொண்டிருப்பது ஓகேதான். ஆனால், ஆக்ஸில் ஸ்ட்ராங்காக இருக்கும் பட்சத்தில்தான் வாகனத்தின் மொத்த எடையையும் சஸ்பென்ஷனால் தாங்க முடியும்.

ஆக்சுவலி ஆக்ஸில் எதுக்குனா?

காரின் வீல்கள் ஒவ்வொன்றும் ஒவ்வொரு வேகத்தில் ஸ்பின் ஆகும். முக்கியமாக, திருப்பங்களில் ஒவ்வொரு வீல்களுக்கும் வேறு வேறு அளவுகளில் பவர் பிரியும். காரணம், வெளிப்பக்க வீல்களைவிட உள் பக்க வீல்களின் சுழற்சி தூரம் குறைவாக இருக்கும். ரியர் வீல் சிஸ்டத்தில், இன்ஜினில் இருந்து உற்பத்தியாகும் சக்தி ரியல் வீல்களுக்கு மட்டும்தான் செல்லும். அதேபோல, ஃபிரன்ட் வீல் டிரைவ் சிஸ்டத்தில் இன்ஜினின் சக்தி  முன் பக்க வீல்களுக்கு மட்டுமே கிடைக்கும். பவர் கிடைக்காத வீல்களை, ‘நான் டிரிவன் (Non-Driven) வீல்ஸ்’ என்கிறார்கள். இந்த வீல்கள் மற்ற வீல்களின் உந்துசக்தியால் மட்டுமே சுழலும்.

திருப்பங்களில் ஒரு வீலுக்கு மற்றொரு வீலை விட டார்க் அதிகம் தேவை என்றால்இ அதை சரியாகப் பிரித்துக் கொடுப்பதுதான் டிஃப்ரென்ஷியல். இந்த நேரத்தில் டிஃப்ரென்ஷியல் இல்லையென்றால், வீல்கள் ஒன்றுக்கொன்று லாக் ஆகி, கார் வாப்ளிங் ஆகும்.

இப்போது வரும் கார்கள், ட்ரக்குகள், ஆல் வீல் டிரைவ் வாகனங்கள் என எல்லாவற்றிலும் டிஃப்ரென்ஷியலைப் பார்க்கலாம். இதில் ஆல் வீல்  டிரைவ் கார்களுக்கு, டிஃப் ரென்ஷியல் செட், அதாவது எல்லா வீல்களையும் இணைக்கக் கூடிய இரண்டு டிஃப்ரென்ஷியல்கள் என்பது இருந்தே ஆக வேண்டிய விஷயம். சாதாரண கான்கிரீட் சாலைகளில், 4 வீல் டிரைவ் என்கேஜ்டு ஆக இருக்கும்போது திருப்புவதற்கு ஃபன்னாக இருக்காது. 4 வீல் டிரைவ், சாஃப்ட் ரோடுக்கானதல்ல; ஆஃப் ரோடுக்கானது!

ஆக்ஸில் வேறு; ஷாஃப்ட் வேறு!

வாகனங்களில் ராடு மாதிரி ஏதாவது தெரிந்தால், அதை ‘ஷாஃப்ட்’ என்று நினைக்கும் பழக்கம் இருக்கிறது. வெளுத்த தெல்லாம் பால் அல்ல என்பதுபோல், இரும்பு ராடு எல்லாமே ஷாஃப்ட் அல்ல. ஆனால் பார்ப்பதற்குக் கிட்டத்தட்ட ஒரே மாதிரி இருக்கும் இதன் குணாதிசயங்கள் வித்தியாசப்படும். 

ஆக்சுவலி ஆக்ஸில் எதுக்குனா?

ஷாஃப்ட் என்பது ஒரு பக்கத்திலிருந்து இன்னொரு பக்கத்துக்கு பவரை டிரான்ஸ்மிட் செய்வது. உதாரணத்துக்கு, டார்க்கையும் சுழல் சக்தியையும் ‘நான் டிரிவன் வீல்’களுக்கு கடத்துவதுதான் டிரைவ் ஷாஃப்ட்.

டிஃப்ரென்ஷியல் லாக் என்றால் என்ன?

ஆஃப் ரோடிங் பிரியர்கள், ‘டிஃப் லாக்’ என்கிற பெயரைக் கேட்டாலே துள்ளாட்டம் போடுவார்கள். காரணம், இதன் வேலை அப்படி. ஒரு பெரிய பள்ளத்தில் கார் இறங்கிவிட்டது. சட்டென மேலே எழும்பி வர வேண்டும். என்னதான் ஆக்ஸிலரேட்டரை மிதி மிதி என்று மிதித்தாலும், ‘வாய் மட்டும்தான் வேலை செய்யுது. மத்ததெல்லாம் அப்படியே இருக்கு’ என்பதுபோல், வீல்கள் மட்டும்தான் சுற்றும். கார் நின்ற இடத்தில் அப்படியேதான் இருக்கும்.

டிஃப் லாக் இல்லாத கார்களில், பள்ளத்தில் சிக்கிக் கொண்ட வீல்கள் தவிர எல்லாவற்றுக்கும் பாரபட்சம் இல்லாமல், அதாவது தேவையே இல்லாமல் ட்ராக்ஷன் கொப்பளிக்கும். பள்ளத்தில் சிக்கிய வீல் திணறிக் கொண்டிருக்க, சிக்காத வீல் மட்டும்தான் ஃப்ரீயாகச் சுற்றும். இந்த நேரத்தில் டிப்ஃரென்ஷியல் லாக் கொண்ட கார்களில் இது பெரிய வேலையாக இருக்காது. டிஃப் லாக் ஆப்ஷனை ஆன் செய்துவிட்டால், ஆக்ஸில் மூலம் டிஃப்ரென்ஷியலை லாக் செய்து, தேவையான வீல்களுக்கு மட்டும் அதி ட்ராக்ஷன் போய், சட்டென கார் தவ்விப் பறக்கும். இதிலேயே ஃப்ரன்ட் வீல் டிஃப் லாக், ரியர் வீல் டிஃப் லாக் என்று தனித்தனியாகவும் இப்போது வந்துவிட்டது. அதாவது, தேவையான வீல்களுக்கு டிஃப்ரென்ஷியலை லாக் செய்து வேலையைச் சட்டென முடிக்கலாம். ஃபோர்ஸ் கூர்க்காவில் மட்டும்தான் இந்த ஆப்ஷன் உண்டு. மஹிந்திரா தாரில் ரியர் வீல் லாக் மட்டும்தான். 

ஆக்சுவலி ஆக்ஸில் எதுக்குனா?

டிஃப்ரென்ஷியல்களில் எத்தனை வகை?

தற்போது ஆட்டோமொபைலில் மொத்தம் நான்கு வகையான டிஃப்ரென்ஷியல்கள் புழக்கத்தில் உள்ளன.

* ஓப்பன்

* லாக்கிங்

* லிமிடெட் ஸ்லிப்

* டார்க் வெக்டாரிங் அல்லது டார்க் சென்ஸிங்

ஆக்சுவலி ஆக்ஸில் எதுக்குனா?



ஒவ்வொன்றுக்கும் ஒவ்வொரு குணம். இன்ஜின் டார்க்கை இரண்டு அவுட்புட்களில் ஸ்ப்ளிட் செய்து, வீல்களை வெவ்வேறு வேகத்தில் சுழல வைப்பது ஓப்பன் டிஃப்ரென்ஷியல். ஒரு டயர் டிராக்ஷனை இழக்கும்போது, எதிர்ப்புற டயரும் சேர்ந்து பவரை இழந்துவிடும் என்பதுதான் இதன் மைனஸ். நம் ஊர் செடான் மற்றும் ஹேட்ச்பேக்குகளில் இருப்பது ஓப்பன் டிஃப்ரென்ஷியல். இதனால், ஆஃப் ரோடுக்கு இதை நினைத்துப் பார்க்க முடியாது.

வீல்களுடன் எப்போதுமே கனெக்ட்டட் ஆக இருந்து, ஒரே வேகத்தில் வீல்களைச் சுழல வைப்பது லாக்கிங் டிஃப்ரென்ஷியல். இந்த லாக்கிங் டிஃப்ரென்ஷியல் கொண்ட வாகனங்களைத் திருப்பங்களில் உடனடியாகத் திருப்புவது கொஞ்சம் கஷ்டம். ஜீப் ரேங்ளர் மற்றும் பெரிய சைஸ் ட்ரக்குகளில் இருப்பது இவைதான்.

லிமிடெட் ஸ்லிப் - ஓப்பன் மற்றும் லாக்கிங் இரண்டும் சேர்ந்த கலவை. அதாவது, பொதுவான நேரங்களில் ஓப்பன் டிஃப்ரென்ஷியலாகச் செயல்படும். முக்கியமாக, திருப்பங்களில் இது லாக் டிஃப்ரென்ஷியலாக மாறிவிடும். இதனால் ஆஃப் ரோடில் அசால்ட் பண்ணலாம். நிஸான் 370Z, மஸ்டா, லம்போகினி, ஃபெராரி போன்ற ஹை பர்ஃபாமென்ஸ் கார்களில் இருப்பது லிமிடெட் ஸ்லிப். நம் ஊரில் தார், ஃபோர்ஸ் கூர்க்கா, டாடா ஹெக்ஸா, சஃபாரி ஸ்டார்ம்.

எக்ஸ்ட்ரா கியர்களோடு, ஒவ்வொரு டிரைவ் வீலுக்கும் டார்க்கைச் செலுத்துவது டார்க் வெக்டாரிங் டிஃப்ரென்ஷியல். கார்னரிங்கில் காரின் ரொட்டேஷனல் ஃபோர்ஸை சட்டெனக் குறைக்கலாம் அல்லது கூட்டலாம். கூடுதல் விலையும் எடையும், குறைவான மைலேஜும் இதன் மைனஸ். பிஎம்டபிள்யூ M சீரிஸ், டெஸ்லா, சுபாரு, லெக்ஸஸ் போன்றவற்றில் இருப்பது டார்சென் டிஃப்ரென்ஷியல்.

தமிழ் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism