Published:Updated:

ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!
பிரீமியம் ஸ்டோரி
ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

Published:Updated:
ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!
பிரீமியம் ஸ்டோரி
ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!
ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!
ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

நாணயம் விகடன் ஃபைனான்ஸ் அண்டு பிசினஸ் கான்க்ளேவ் என்னும் இரண்டு நாள் கருத்தரங்கு நிகழ்ச்சி கடந்த வார இறுதியில் கோவையில் நடந்தது. தமிழகத்தின் அனைத்துப் பகுதிகளிலிருந்தும் நாணயம் விகடன் வாசகர்கள் இந்த இரண்டு நாள் கருத்தரங்குக்கு வந்திருந்தனர். இந்தக் கருத்தரங்கிற்கு அதிக எண்ணிக்கையில் பெண்களும் வந்திருந்தது குறிப்பிடத்தக்கது.

   * குத்துவிளக்கேற்றிய வாசகிகள்

இந்த இரண்டு நாள் கான்க்ளேவ் நிகழ்ச்சி குத்து விளக்கு ஏற்றி தொடங்கப்பட்டது. கோயம்புத்தூர் கேப்பிட்டல் நிறுவனத்தின் தலைவர் டி.பாலசுந்தரம், நாணயம் விகடன் வாசகிகள் விஜி, புவனேஷ்வரி, சூர்யகலா, புவனேஷ்வரி என ஐந்து பேர் குத்து விளக்கேற்றினர். வாசகிகள் குத்து விளக்கேற்றி இந்த நிகழ்ச்சியைத் தொடங்குவதை அவர்களுக்குச் செய்யும் ஒரு கெளரவமாகவே கருதுகிறது நாணயம் விகடன். முதலீட்டிலும், நிதி நிர்வாகத்திலும் பெண்கள் இன்னும் அதிக ஆர்வத்துடன் பங்கேற்க வேண்டும் என்பதற்காக  நாணயம் விகடன் இதைச் செய்து வருகிறது.

ஒட்டுமொத்த விகடனுக்கும் ஒரே ஷார்ட்கட்!

ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

   * எளிமைதான் எப்போதும் ஜெயிக்கும்

இந்தக் கருத்தரங்கின் தொடக்கமாகப் பேசினார் செளரப் முகர்ஜி. ‘அன்யூஷுவல் பில்லினர்ஸ்’ (Unusual Billionaires), ‘காப்பி கேன் இன்வெஸ்ட்டிங்’ (Coffee Can Investing) என்கிற புகழ்பெற்ற புத்தகங்களை எழுதிய இவர், ‘‘எளிமை ஏன் ஜெயிக்கும்?’’ என்கிற தலைப்பில் பேசினார். அவர் பேசியதன் சுருக்கம் இதோ...

‘‘மனிதனின் மூளை தவறான கருத்துகளால் நிரப்பப்பட்டுள்ளது. எல்லா விஷயத்திலும் நாம் சரியான முடிவினை எடுப்பவர்களாக நம்மை நாம் கருதிக்கொள்கிறோம். இந்தத் தவறுகளிலிருந்து நாம் முதலில் வெளியில் வந்தால் மட்டுமே வெற்றிகரமான முதலீட்டாளராக நம்மால் இருக்க முடியும். எப்படி வெளியே வருவது?

சந்தையைப் பற்றி ஒரிஜினல் சிந்தனையை  நாம் வளர்த்துக்கொள்ள வேண்டும். சந்தை பற்றி முன்கூட்டியே எடுக்கப்பட்ட முடிவுகளைத் தவிர்க்க வேண்டும். ஆப்பிள், கூகுள்  நிறுவனங்களின் தயாரிப்புகள் ஜெயிக்கக்  காரணம், அதை யாரும் எளிதில் பயன்படுத்திப் நன்மை பெறும் அளவுக்கு எளிமையாக இருப்பதே.  பங்குச் சந்தை முதலீட்டினைச் சிக்கல் மிகுந்ததாக ஆக்கிக் கொள்ளாமல், எளிமையானதொரு விஷயமாக நாம் பார்க்க வேண்டும்.  

 பங்குச் சந்தை முதலீட்டில் எளிமையான அணுகுமுறையை எப்படி உருவாக்கிக்கொள்வது?

1. கூட்டமாக யோசிப்பதை முதலில் விட்டொழிக்க வேண்டும். 2. எதிர்காலத்தில் சந்தை இப்படித்தான் செல்லும் என்று முடிவு செய்யவும் கூடாது. ஏன் இப்படி நடந்தது எனக் கடந்த காலத்தை ஆராய்ந்து அறிந்துகொள்வதே சரி. 3. நிறுவனத்தை நடத்துபவர்கள் சரியாகத்தான் நடத்துகிறார்களா, ஒரு நிறுவனத்தின் வளர்ச்சி எப்படி இருக்கிறது, வருமானம் எந்த அளவுக்கு இருக்கிறது என்பதைப் பற்றி தெரிந்துகொள்ள வேண்டும். 4. சந்தையின் போக்கு பற்றி சரியான கேள்விகளைக் கேட்கத் தொடங்க வேண்டும்.      5. ரிஸ்க் எடுக்கத் தயங்கக் கூடாது. சிறிய, நடுத்தரப் பங்கு நிறுவனங்களில் முதலீடு செய்யத் தயங்கக் கூடாது. 5. காலத்தை நமது நண்பனாக மாற்றிக் கொள்ள வேண்டும். பங்குச் சந்தையில் ட்ரேடிங் செய்வது கூடவே கூடாது. நீண்ட காலத்துக்கு முதலீட்டினை வைத்திருக்க வேண்டும்’’ என்று அவர் விளக்கமாக எடுத்துச்சொல்ல, பங்குச் சந்தை பற்றி நாம் எவ்வளவு தவறாகப் புரிந்துவைத் திருக்கிறோம் என்பதைக் கருத்தரங்கிற்கு வந்திருந்த அத்தனை பேரும் நன்றாகப் புரிந்துகொண்டனர்.

ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

   * இந்தியா 2025 - வெற்றி யாருக்கு, தோல்வி யாருக்கு?

அடுத்த ஏழு ஆண்டுகளில் இந்தியாவின் வளர்ச்சி எப்படியிருக்கும் என்பது குறித்து விளக்கமாகப் பேசினார் யூனிஃபை கேப்பிட்டல் பிரைவேட் லிமிடெட் நிறுவனத்தின் செயல் இயக்குநர் ஜி.மாறன். அவர் பேசியதன் சுருக்கம் இனி...

‘‘நம் நாடு சுதந்திரமடைந்து எழுபது ஆண்டுகளுக்கு மேலாகிவிட்டது. 1950-ல் நமது ஜி.டி.பி-யில் 52 சதவிகிதமாக இருந்த நமது விவசாயத் துறை, இன்று வெறும் 14% என்கிற அளவில் இருக்கிறது. 17 சதவிகிதமாக இருந்த தொழில் துறை 27 சதவிகிதமாக உயர்ந்துள்ளது. ஆனால், 29 சதவிகிதமாக இருந்த சேவைத் துறை இன்று 59 சதவிகிதமாக அதிகரித்துள்ளது. விவசாயத் துறையும்  மற்றும் தொழில் துறையும் பெரிய அளவில் முன்னேற்றம் காண்பதற்கு நிறையவே வாய்ப்புள்ளது.

இன்றைய நிலையில், உலகின் பல நாடுகளுடன் ஒப்பிடும்போது, இந்தியா முன்னணியிலேயே இருக்கிறது. உலகில் மக்கள் தொகை அதிகம் கொண்ட நாடுகளில் நம் இந்தியா இரண்டாவது இடத்தில் இருக்கிறது. ஜி.டி.பி வளர்ச்சியில் உலக அளவில் ஆறாவது பெரிய நாடாக இருக்கிறோம். ஸ்டீல் மற்றும் சிமென்ட், ஜவுளி உற்பத்தி, உணவு தானியங்கள் மற்றும் விவசாய உற்பத்தி, விவசாயம் செய்யக்கூடிய நிலங்கள் கையிருப்பு ஆகிய விஷயங்களில் உலக அளவில் இரண்டாவது இடத்தில் இருக்கிறோம். மின் உற்பத்தியில் உலக அளவில் மூன்றாவது இடத்தில் இருக்கிறோம். பால் உற்பத்தியில் உலக அளவில் முதலிடத்தில் இருக்கிறோம். இவ்வளவு தூரம் வளர்ச்சி கண்டுவரும் நாம், நம்மைப் பற்றிப் பெருமையாக நினைப்பதே இல்லை. நம் நாட்டில் எதுவுமே சரியில்லை என்றுதான் புலம்பிக் கொண்டிருக்கிறோம். நம் நாடு தொடர்பான பல விஷயங்களைப் பற்றித் தப்பும் தவறுமாக நினைத்துக்கொண்டிருக்கிறோம்.

ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

தற்போது சுமார் 2.6 ட்ரில்லியன் டாலர்களாக இருக்கும் நமது பொருளாதாரம், 2025-ல் 5 ட்ரில்லியன் டாலர்கள் கொண்ட பொருளாதார மாக மாறும். உலக அளவில் உழைக்கும் மக்கள் அதிகம் கொண்ட நாடு நம் நாடுதான். நமது சராசரி வருமானம் பல மடங்கு உயரப் போகிறது. விவசாய வருமானம் இரண்டு மடங்கு பெருகப் போகிறது.

இப்படி அதிவேகமாக நாம் முன்னேற்றம் கண்டுவரும் நிலையில், நாம் வளர்ச்சிக்கு வாய்ப்புள்ள அத்தனை துறைகளிலும் நாம் முதலீடு செய்யலாம். எளிதில் மாறிவிடக்கூடிய தொழில்நுட்பங்களை அடிப்படையாகக் கொண்டுள்ள துறைகளில் முதலீடு செய்யாமல் இருப்பதே சரி’’ என்றார்.

   * அடுத்த ஏழு ஆண்டுகளில் சந்தையின் போக்கு

அடுத்த ஏழு ஆண்டுகளில் இந்தியப் பங்குச் சந்தையின் போக்கு எப்படி இருக்கும் என்பது பற்றி விளக்கமாகப் பேசினார் பங்குச் சந்தை நிபுணரும், ஐ.டி.பி.ஐ கேப்பிட்டல் நிறுவனத்தின் ரிசர்ச் ஹெட்-ஆக இருக்கும் ஏ.கே.பிரபாகர். அவர் பேசியதன் சுருக்கம் இனி...

‘‘கடந்த 15 ஆண்டுகளில் ஆறு அரசாங்கங்களின் சார்பில் ஐந்து பேர் பிரதமர்களாக இருந்தபோதிலும், இந்தியாவின் வளர்ச்சியானது 8% என்கிற இலக்கை நோக்கியே இருந்திருக்கிறது.

உலக அளவில் இந்தியாதான் வளர்ச்சியின் சிகரமாக இருக்கிறது. நம்மைவிட அதிக வளர்ச்சி கண்டுவந்த சீனாவின் வளர்ச்சி, அமெரிக்காவின் வளர்ச்சி இப்போது இந்தியாவைவிடக் குறைவாக இருக்கிறது. தற்போது ஆறாம் இடத்தில் இருக்கும் நமது இந்தியா கூடிய விரைவிலேயே ஐந்தாம் இடத்துக்கு வரும். அடுத்த 30 ஆண்டு களில் உழைக்கும் வயதுடைய மக்கள் மிகக் கணிசமான அளவில் இருப்பார்கள். இந்தியாவின் சிறு நகரங்கள் மேலும் மேலும் நகர்ப்புற மயமாகும். சிறு நகரங்களில் இருக்கும் மக்களின் வருமானம் அதிகரிக்கும்.

இப்போது இந்தியாவின் முதலீடு ரியல் எஸ்டேட்டில்தான் (76.9%) அதிக அளவில் இருக்கிறது. கார், ஃபிரிட்ஜ், வாஷிங்மெஷின் போன்றவற்றில் 6.5 சதவிகிதமும், தங்கத்தில் 11 சதவிகிதமும் முதலீடு செய்துள்ளனர். ஆனால், நிதி தொடர்பான முதலீடுகளில் வெறும் 2.9 சதவிகிதமும், பென்ஷனில் 2.6 சதவிகிதமும் முதலீடு செய்துள்ளனர். இனிவரும் காலத்தில் ரியல் எஸ்டேட், தங்கத்தில் முதலீடு குறைந்து நிதி தொடர்பான முதலீடுகளில் முதலீடு அதிகரிக்கும். அடுத்துவரும் ஆண்டுகளில் மக்களின் நுகர்வு அதிக அளவில் அதிகரிக்கும். அப்போது வங்கித் துறை, கட்டுமானம் தொடர்பான பொருள்கள், நுகர்வோர் பயன்படுத்தும் பொருள்கள், பால் தொடர்பான பொருள்களைத் தயாரிக்கும் நிறுவனங்கள் நல்ல வளர்ச்சி காணும். ‘மேக் இன் இந்தியா’ என்கிற வகையில், ஆட்டோ மற்றும் ஆட்டோ தொடர்பான பொருள்கள் உற்பத்தி, இன்ஜீனியரிங், பாதுகாப்பு - அணுசக்தி - விமானத் துறை, ஜவுளித் துறை, பேக்கிஜிங் ஆகிய துறைகள் நல்ல வளர்ச்சி காணும். உள்கட்டமைப்பு களைப் பொறுத்தவரை சிமென்ட், ரயில்வே, மூலதனப் பொருள்கள் உற்பத்தி, சாலைகள் மற்றும் துறைமுகம், பொறியியல் மற்றும் கட்டுமானம்        (இ.பி.சி) ஆகிய துறைகள் நல்ல வளர்ச்சி காணும்.எதிர்காலத்தில் நன்கு வளர வாய்ப்புள்ள நான்கு முக்கியமான துறைகள் என்று பார்த்தால், ரயில்வே உள்கட்டமைப்பு, லாஜிஸ்ட்டிக்ஸ், தகவல் தொழில்நுட்பம் மற்றும் வங்கித் துறையைச் சொல்லலாம்.

இந்தியாவின் பொருளாதார வளர்ச்சி வேகமாக இருக்கும் என்பதால், பங்குச் சந்தையும் நன்கு வளர வாய்ப்புள்ளது. வருகிற 2025-ல் நிஃப்டியானது சுமார் 25,000 புள்ளிகளுக்கு மேல் இருக்க வாய்ப்புள்ளது’’ என்று நம் நாடும், பங்குச் சந்தையும் அடையவிருக்கும் வளர்ச்சி குறித்து ஏ.கே.பிரபாகர் பல புள்ளி விவரங்களைத் தர, முதலீட்டாளர்கள் உற்சாகமானார்கள்.

நம் நாட்டின் மீதும், பங்குச் சந்தையின் மீதும் முதலீட்டாளர்களின் நம்பிக்கை அதிகரித்ததைக் கண்கூடாகப் பார்க்க முடிந்தது.  

(கவரேஜ் தொடரும்)

- ஏ.ஆர்.குமார்

படங்கள்: க.தனசேகரன்

ஃபைனான்ஸ் அண்டு பிசினஸ் கான்க்ளேவ்... கோவையில் கோலாகலக் கொண்டாட்டம்!

முதலீட்டுச் சேவையில் இன்டக்ரேட்டட் நிறுவனம்!

சேமிப்பு, இன்ஷூரன்ஸ், முதலீடு தொடர்பான விஷயங்களில் கடந்த பல ஆண்டுகளாக மக்களுக்கு உதவி வருகிறது   இன்டக்ரேட்டட் இன்ஷூரன்ஸ் புரோக்கிங் நிறுவனம். இந்த நிறுவனத்தின் உதவிப் பொது மேலாளர் ஆர்.குருராஜன், ‘‘சம்பாதிக்கும் அனைவரும் இன்ஷூரன்ஸ் பாலிசி எடுப்பது அவசியம். உங்களுக்கான இன்ஷூரன்ஸ் கவரேஜைக் குத்துமதிப்பாக எடுக்காமல், உங்கள் வருமானம் எவ்வளவு, உங்களுக்குள்ள கடன் எவ்வளவு, எதிர்காலத்தில்   தான் இல்லாதபோது எவ்வளவு பணம் தேவைப்படும் என்கிற அடிப்படையில் கவரேஜை நிர்ணயம் செய்துகொள்ள வேண்டும். இளம்வயதிலேயே இன்ஷூரன்ஸ் பாலிசியை எடுப்பது நல்லது’’ என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism