Published:Updated:

ஜாக் மா... பிசினஸிலிருந்து சமூக சேவைக்கு!

ஜாக் மா... பிசினஸிலிருந்து சமூக சேவைக்கு!
பிரீமியம் ஸ்டோரி
News
ஜாக் மா... பிசினஸிலிருந்து சமூக சேவைக்கு!

வாழ்க்கை

லிபாபா நிறுவனரும் தலைவருமான ஜாக் மா ராஜினாமா செய்திருப்பதுதான் கடந்த வாரத்தில் பிசினஸ் பத்திரிகைகளின் தலைப்புச் செய்தி. அலிபாபா குழுமத்தின் தலைவராக இருக்கும் ஜாக் மா, அடுத்த ஆண்டு செப்டம்பர் மாதம் முதல் தலைவர் பொறுப்பிலிருந்து விலக இருக்கிறார்.

1999-ம் ஆண்டு ஜாக் மா மற்றும் இதர 17 நிறுவனர்கள் இணைந்து அலிபாபா நிறுவனத்தைத் தொடங்கினார்கள். 20 ஆண்டுகளில் அலிபாபா அசுர வளர்ச்சி அடைந்திருக்கிறது. அலிபாபா நிறுவனத்தின் சந்தை மதிப்பு 42,000 கோடி டாலர்கள் என்னும் அளவில் இருக்கிறது. தனிப் பட்ட முறையில் 4,000 கோடி டாலர் சொத்து மதிப்பு ஜாக் மா வசம் இருக்கிறது. ஆனால், இவை எவை யும் ஜாக் மாவுக்குத் திருப்தியைத் தரவில்லை.

ஜாக் மா... பிசினஸிலிருந்து சமூக சேவைக்கு!

தினசரி அலுவல்களிலிருந்து (தலைமைச் செயல் அதிகாரி) கடந்த 2013-ம் ஆண்டே ஜாக் மா விலகி விட்டார். சமூக சேவை செய்யும் நோக்கில் தன்னுடைய பெயரில் அறக்கட்டளை ஒன்றினைத் தொடங்கி, அதில் கவனம் செலுத்த விரும்புவதாக ஜாக் மா சொல்லி யிருக்கிறார். ‘‘மைக்ரோ சாஃப்ட் நிறுவனர் பில்கேட்ஸ் இடமிருந்து நிறைய விஷயங்களைக் கற்று க்கொள்ள முடியும். அவரைப்போல, பணக் காரராக முடியுமா எனத் தெரிய வில்லை. ஆனால், அவரைப் போல சீக்கிரம் ஓய்வு பெற முடியும்’’ எனப் பேட்டி ஒன்றில் கூறியிருக் கிறார் ஜாக் மா.

பயணம்

நிறுவனத்தின் உயரதிகாரி களுக்குப் பயணம் என்பது முக்கிய மானது, தவிர்க்க முடியாதது. ஆனால், பயணமே வாழ்க்கை என்றால் அது சிக்கலாகிவிடும்.    2013-ம் ஆண்டு சி.இ.ஓ பொறுப்பி லிருந்து விலகியபிறகு அதிக நேரம் கடற்கரையில் கோல்ப் விளையாட வேண்டும் என நினைத்திருக்கிறார்.

ஆனால், 2016-ம் ஆண்டு 870 மணி நேரம் விமானத்தில் பயணம் செய் திருக்கிறார். 2017-ம் ஆண்டு 1,000 மணி  நேரம் பயணம் செய்திருக்கிறார். அமெரிக்க ஊடகம் ஒன்றுக்கு அளித்த பேட்டியில் என்  அலுவலகத் தில் என் மரணம் இருக்கக்கூடாது; கடற்கரையில் இருக்க வேண்டும் எனத் தெரிவித்திருக்கிறார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஜாக் மா... பிசினஸிலிருந்து சமூக சேவைக்கு!

பத்தாண்டுகளுக்குமுன்பே தன் ஓய்வு குறித்தும், தனக்குப் பிறகு யார் என்பது குறித்தும் திட்டமிட்டிருக் கிறார். ‘‘1999-ம் ஆண்டு நிறுவனத்தைத் தொடங்கினோம். 20 ஆண்டுகளைத் தொட்ட நமது நிறுவனம் சீனாவுக்குப் பெருமை தரவேண்டும். நம்மில் யாரும் 102 ஆண்டுகள் அலிபாபாவில் வேலையில் இருக்க முடியாது. ஆனால், அலிபாபா இருக்க வேண்டும். அதற்கு நிறுவனத்துக்குச் சரியான கொள்கைகள் மற்றும் தலைவர்கள் இருக்க வேண்டும். நிறுவனத்தின் நிறுவனர், தலைவர், தலைமைச் செயல் அதிகாரி எனத் தனிப்பட்ட ஒருவரை நம்பி நிறுவனம் இருக்கக்கூடாது. எனவே, பத்தாண்டுகளுக்குமுன்பே அடுத்த கட்டத் தலைவர்களை உருக்குவதில் கவனம் செலுத்தினோம்’’ என நம்பிக்கை தெரிவித்து ஜாக் மா கடிதம் எழுதியிருக்கிறார்.

நான் செய்த தவறு

‘‘என் வாழ்க்கையில் நான் செய்த மிகப்பெரிய தவறு அலிபாபா. நான் ஒரு சிறிய தொழில் செய்து நிம்மதியாக வாழ வேண்டும் என நினைத்தேன். ஆனால், தற்போது 42,000 கோடி டாலர் சொத்து மதிப்புடைய நிறுவனமாக இருக்கிறது. பல ஆயிரம் முதலீட்டாளர்கள், 86,000 பணியாளர்களுக்குப் பதில் சொல்ல வேண்டிய பொறுப்பு இருக்கிறது. அடுத்த ஜென்மம் என ஒன்று இருந்தால் இதுபோன்ற பெரிய தொழிலைச் செய்ய மாட்டேன். சிறிய அளவிலான தொழில் செய்து என்னுடைய வாழ்க்கையை எனக்காக வாழ்வேன்’’ என 2016-ம் ஆண்டு நடந்த உலகப் பொருளாதார மைய மாநாட்டில் ஜாக் மா குறிப்பிட்டார்.

இனி பிசினஸைக் கவனித்துக்கொண்டே, தன்னாலான சேவையைச் செய்யும் ஜாக் மாவின் ஆசை நிறைவேறட்டும்!

- வாசு கார்த்தி

ஜாக் மா... பிசினஸிலிருந்து சமூக சேவைக்கு!

அலிபாபாவின் அடுத்த நாயகன்!

அலிபாபா நிறுவனத்தின் புதிய தலைவராகப் பொறுப்பேற்க இருக்கும் டேனியல் ஜாங்க் (Daniel Zhang) கடந்த 11 ஆண்டுகளாக இந்த நிறுவனத்தில் இருக்கிறார். 2009-ம் ஆண்டு ‘சிங்கிள் டே’ விற்பனையை அலிபாபா தொடங்கியது. இந்த உத்திக்கு சொந்தக்காரர் டேனியல். ஷாங்காய் பல்கலையில் பொருளாதாரம் படித்தவர், பல்வேறு நிறுவனங்களில் வேலை பார்த்துவிட்டு, அலிபாபா குழுமத்தின் இ-காமர்ஸ் தளமான டாபூ (Taobao)-வில் தலைமை நிதி அதிகாரியாக 2007-ம் ஆண்டு இணைந்தார். 2015-ம் ஆண்டு இவர் சி.இ.ஓ ஆனதிலிருந்து அலிபாபா குழுமத்தின் சந்தை மதிப்பு 87% உயர்ந்திருக்கிறது!