Published:Updated:

நாணயம் ட்விட்டர் சர்வே: பெட்ரோல் விலையை தமிழக அரசு குறைக்க வேண்டுமா?

நாணயம் ட்விட்டர் சர்வே: பெட்ரோல் விலையை தமிழக அரசு குறைக்க வேண்டுமா?
பிரீமியம் ஸ்டோரி
News
நாணயம் ட்விட்டர் சர்வே: பெட்ரோல் விலையை தமிழக அரசு குறைக்க வேண்டுமா?

நாணயம் ட்விட்டர் சர்வே: பெட்ரோல் விலையை தமிழக அரசு குறைக்க வேண்டுமா?

ர்வதேசச் சந்தையில் கச்சா எண்ணெய்யின் விலை உயர்ந்ததைத் தொடர்ந்து, நம் நாட்டிலும் பெட்ரோல், டீசலின் விலை உயர்ந்திருக்கிறது. இந்த ஆண்டின் தொடக்கத்தில் ஒரு லிட்டர் பெட்ரோல் விலை சென்னையில் ரூ.72.53-ஆக இருந்தது, இன்று 84.49-ஆக உயர்ந் திருக்கிறது. இந்த விலையேற்றத்தினால் மக்கள் கஷ்டப்படக் கூடாது என்பதற்காக ராஜஸ்தான், ஆந்திரா, மேற்கு வங்க மாநிலங்கள் பெட்ரோல் விலையை ஒரு லிட்டருக்கு ரூ.1 - ரூ.2 வரை குறைத்துள்ளது. இதுபோல, தமிழகமும் பெட்ரோல், டீசல் விலையைக் குறைக்க வேண்டுமா என நாணயம் டிவிட்டரில் ஒரு சர்வே நடத்தினோம்.

நாணயம் ட்விட்டர் சர்வே: பெட்ரோல் விலையை தமிழக அரசு குறைக்க வேண்டுமா?

இந்த சர்வேயில் கலந்துகொண்டு பதில்    சொன்னவர்களில் பெரும்பகுதியினர், தமிழக அரசாங்கம் பெட்ரோல், டீசலின் விலையைக் குறைக்க வேண்டும் என்று சொல்லியிருக்கின்றனர். சுமார் 88% பேர், விலையைக் குறைக்க வேண்டும் என்று சொல்லியிருப்பதைப் பார்த்தால், இது பெரும்பாலான மக்களின் கோரிக்கையாகவே இருக்கிறது. இதனால் அரசாங்கத்துக்கு சில நூறு கோடி ரூபாய் வருமான இழப்பு ஏற்படும் என்றாலும், அந்த வருமான இழப்பினை வேறு வகையில் ஈடுகட்ட அரசினால் நிச்சயம் முடியும். உதாரணமாக, மதுபானங்களின் விலையைக் கொஞ்சம் உயர்த்தினால் மக்கள், மதுவுக்கு அடிமையாவதும் குறையும்; அரசின் வருமானமும் அதிகரிக்கும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
நாணயம் ட்விட்டர் சர்வே: பெட்ரோல் விலையை தமிழக அரசு குறைக்க வேண்டுமா?

இந்த சர்வேயில் கலந்துகொண்டவர்களில் 12% பேர் மட்டுமே விலையைக் குறைக்க வேண்டாம் என்று சொல்லியிருக்கின்றனர். பெட்ரோல், டீசல் மூலம் கிடைக்கும் வரி வருமானம் கடந்த சில ஆண்டுகளில் பிற மாநிலங்களில் கணிசமாக உயர்ந்திருக்கும் நிலையில், தமிழகத்தில் மட்டும் மிகச் சிறிதளவே உயர்ந்திருக்கிறது (2013-14-ல் ரூ.12,297 - 2016-17 ரூ.12,563). இந்த நிலையில், விலையை எப்படிக் குறைக்க முடியும் என்பது தமிழக அரசின் வாதம். இந்த வாதத்தையே இந்த 12% பேரும் பிரதிபலித்திருக்கலாம்.

இந்த விஷயத்தில் மத்திய அரசாங்கமும், மாநில அரசாங்கமும் கலந்துபேசி, விலையைக் குறைத்தால் மட்டுமே நாடு முழுக்க உள்ள மக்களுக்கு நன்மை கிடைக்கும்.      
                           
- ஏ.ஆர்.கே