Published:Updated:

இந்திய மணப்பெண்கள் - ஸ்பெஷல் லுக்

இந்திய மணப்பெண்கள் - ஸ்பெஷல் லுக்
பிரீமியம் ஸ்டோரி
News
இந்திய மணப்பெண்கள் - ஸ்பெஷல் லுக்

ஸ்பெஷல்

இந்திய மணப்பெண்கள் - ஸ்பெஷல் லுக்
இந்திய மணப்பெண்கள் - ஸ்பெஷல் லுக்

தமிழ்நாடு

டெம்பிள் நகைகள்தான் தமிழ்ப் பெண்களை மெருகேற்றுகிறது. அதில், வங்கி முக்கிய அணிகலனாக இருக்கிறது. புதுமணத் தம்பதிக்கு சுபிட்ஷமான வாழ்வை வழங்குவதற்கு விநாயகர் உருவம் பொறித்த நகைகள் அணிவிக்கப்படுகிறது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
இந்திய மணப்பெண்கள் - ஸ்பெஷல் லுக்

கேரளா

அடுக்கடுக்காக பல அணிகலன்களை அணியும் வழக்கம் உள்ள கேரள மணப்பெண்ணுக்கு, எத்தனை நகை அணிந்தாலும் அவற்றுள் முக்கியமானது  மகாலக்ஷ்மியின் உருவம் பொறித்த மாலைதான். இது மணப்பொண்ணுக்கு புதுவாழ்வில் எல்லா வளங்களையும் அளிக்கக்கூடியது எனக் கருதப்படுகிறது.

இந்திய மணப்பெண்கள் - ஸ்பெஷல் லுக்

ஆந்திரா

தெலுங்குப் மணப்பெண் `பெல்லிகூதுரு’ (Pellikuthru) என அழைக்கப்படுகிறாள். மகாலக்ஷ்மியின் உருவம்பொறித்த `வடாணம்’ (Vadannam) என அழைக்கப்படுகிற ஒட்டியாணம், ஒரே தங்கச் சங்கிலியில் மகாலக்ஷ்மியின் உருவம் பொறித்த காசுகளைச் சேர்த்து வடிவமைக்கப்படும் `காசுலபெரு’ (Kasulaperu) எனப்படும் அணிகலன் மற்றும் அன்கட் டைமண்ட் பதிக்கப்பட்ட ஹெவி வேலைப்பாடுகள் நிறைந்த ஆரம் போன்றவை முக்கிய அணிகலன்களாக அணிவிக்கப்படுகிறது.

இந்திய மணப்பெண்கள் - ஸ்பெஷல் லுக்

கர்நாடகா

`மதுமகளு’ (Madhumagalu) என அழைக்கப் படும் கர்நாடக மணப்பெண்ணுக்கு சோக்கர், லாங் செயின், ஒட்டியாணம், வளையல்கள் என எவ்வளவு அணிகலன்கள் அணிவித்தாலும், முக்கியமான அணிகலனாகக் கருதப்படுவது `மாவினகாயி ஹாரா’ (Maavinakayi haara) எனப்படும் மாங்காய் வடிவ மாலைதான். 

இந்திய மணப்பெண்கள் - ஸ்பெஷல் லுக்

மார்வாடி

சிவப்பு நிற காக்ரா சோளி அல்லது புடவையில் கரங்கள் முழுவதும் மெஹந்தி டிசைன்கள் என அழகு மிளிரும் மார்வாடி மணப்பெண்ணுக்கு முக்கிய அணிகலனாக இருப்பது ‘கடா’ வளையல் (Kada Bangle). இதில் மீனாகாரி வேலைப்பாட்டில் மின்னும் மயில்கள் கூடுதல் அழகு. இதுதவிர ‘பசேலி’ (Pacheli) எனப்படும் தனித்துவமான வளையல் அணிவதும் வழக்கத்தில் இருக்கிறது. உட்புறம் மீனாகாரி வேலைப்பாடும், மேற்புறம் முத்து மணிகள் அல்லது வைரங்கள் பதிக்கப்பட்ட இந்த வளையல் 10 செ.மீ அகலத்தில் இருக்கும்.

இந்திய மணப்பெண்கள் - ஸ்பெஷல் லுக்

ராஜஸ்தானி

`லரி’ (Lari) என அழைக்கப்படும் ராஜஸ்தானி மணப்பெண் அணிந்துவரும் அணிகலன்கள் தனித்துவமானது. குறிப்பாக `ஆத்’ (Aad) எனப்படும் கழுத்துக்கான அணிகலன் தங்க இழைகளால் பின்னப்பட்டது போன்று அல்லது பட்டையான வடிவத்தில் இருக்கும். இதை அழகுபடுத்தும் விதமாக நவரத்தினங்கள் பதிக்கப்பட்டிருக்கும். இதுதவிர வங்கி போன்று அணிவிக்கப்படும் `பஜுபந்த்’ (Bajuband) எனப்படும் அணிகலன் மணமகளுக்குப் புது வாழ்க்கையைத் தொடங்குவதற் கான நம்பிக்கையையும் வலிமையையும் கொடுப்பதாகக் கருதப்படுகிறது.

இந்திய மணப்பெண்கள் - ஸ்பெஷல் லுக்

பெங்காலி

பெங்காலி மணமகளுக்கு ‘பாட்டி ஹார்’ (Paati haar) எனப்படும் நெக்லெஸ் முக்கியமானது. ‘தோதி மங்கோல்’ எனப்படும் சடங்கில் அணியப்படும், `ஷாக்கா போலா’ வளையல்களைத் (Shaakha Pola Bangles) திருமணம் முடிந்த பின்பும் தொடர்ந்து அணிய வேண்டும் என்பது சம்பிரதாயம். பாரம்பர்ய அணிகலனாக ‘நாத்’ (Nath) எனப்படும் மூக்குத்தி  உள்ளது. இது தவிர ‘டைரா’ (Taira) எனப்படும் கிரீடம் போன்ற அணிகலன் மற்றும் ‘டிக்லி’ (Tikli) எனப்படும் நெத்திச்சுட்டியும் தவாறாமல் அணியப்படுகிறது.

இந்திய மணப்பெண்கள் - ஸ்பெஷல் லுக்

பஞ்சாபி

தங்க மணிகள், முத்துகள், அன்கட் டைமண்ட் என அனைத்தும் கலந்து, அடுக்கடுக்கான தோற்றத்தில் அகலமாக வடிவமைக்கப்படும் `சந்திர ஹாரம்’ (Chandra Haaram) எனும் நகையை மட்டும் அணிந்தாலே போதும் என்கிற அவ்வளவுக்கு எடுப்பாக இருக்கும். இதுதான் பஞ்சாபி மணப்பெண்ணின் முக்கிய அணிகலனாக இருக்கிறது.

இந்திய மணப்பெண்கள் - ஸ்பெஷல் லுக்

குஜராத்தி

குஜராத்தி மணப்பெண்ணின் முக்கிய அணிகலனாக இருக்கும் `சாந்தன்ஹார்’ (Chandanhaar) எனப்படும் அடுக்கடுக்கான மாலைகள் கோத்த அணிகலன், பாந்தினி புடவையின் அழகை மறைக்காதவாறு அழகாக அணிவிக்கப்படுகிறது. இந்த அணிகலன் திருமண பந்தத்தில் இணையும் இரு குடும்பங்களின் சங்கமத்துக்கு, அடையாளமாக விளங்குகிறது என நம்பப்படுகிறது.

இந்திய மணப்பெண்கள் - ஸ்பெஷல் லுக்

மராத்தி

மராத்தி மணமகள் மற்றும் மணமகனுக்கு முக்கியமாக அணிவிக்கப்படுவது ‘முன்டவல்யா’ (Mundavalya). முத்துகள் கோக்கப்பட்ட இதை மணமக்களின் நெற்றியில் கட்டி விடுவார்கள்.  இதுதவிர மணமகளுக்கு இரு கைகளிலும் வெவ்வேறு எண்ணிக்கையில் பச்சை நிற வளையல்களும் அதற்கு நடுநடுவே ‘பாட்லி’ (Paatli) எனப்படும் தங்க வளையல்கள் அணிவிப்பார்கள். இது திருமண வாழ்க்கையின் நெடுநாள் பந்தத்தைக் குறிப்பதாகக் கருதப்படுகிறது.

இந்திய மணப்பெண்கள் - ஸ்பெஷல் லுக்

சீக்

காக்ரா கமீஸ் உடையில் அசத்தும் சீக் மணப்பெண்ணுக்கு முக்கிய அணிகலனாக விளங்குவது `குல்பந்த்’ (Gulband). இது கழுத்திலிருந்து வயிற்றின் மேல்பகுதி வரை அடுக்கடுக்காகக் காட்சியளிக்கும். முழுக்க முழுக்க தங்கத்தால் வடிவமைக்கப்பட்டு, நவரத்தினங்களால் அலங்கரிக்கப்படும் இந்த அணிகலன் மணமகளின் புது வாழ்க்கையில் அதிர்ஷ்டத்தைத் தருவிக்கும் எனக் கருதப்படுகிறது. இது தவிர, கைவிரல்கள் முதல் மணிக்கட்டு வரை இணைக்கும் அணிகலனான `ஆர்னேட் ஹாத் பஞ்சா’ (Ornate Hath Panja) எனப்படும் அணிகலனும் தவறாமல் அணிகிறார்கள்.

-  இந்துலேகா.சி