Published:Updated:

முதல்முறை முதலீடு... ஏற்ற ஃபண்ட் எது?

ஒட்டுமொத்த விகடனுக்கும் ஒரே ஷார்ட்கட்

Use App
முதல்முறை முதலீடு... ஏற்ற ஃபண்ட் எது?
முதல்முறை முதலீடு... ஏற்ற ஃபண்ட் எது?

விழிப்பு உணர்வு

பிரீமியம் ஸ்டோரி

நாணயம் விகடனும், ஐ.சி.ஐ.சி.ஐ புரூடென்ஷியல் மியூச்சுவல் ஃபண்டும் இணைந்து தாம்பரத்தில் ‘வளமான வாழ்க்கைக்கு மியூச்சுவல் ஃபண்ட் முதலீடு’ என்கிற தலைப்பில் விழிப்பு உணர்வு நிகழ்ச்சியை நடத்தின. இந்தக் கூட்டத்தில் ஐ.சி.ஐ.சி.ஐ மியூச்சுவல் ஃபண்டின் தென் மண்டல தலைவர் (சில்லறை விற்பனை & விநியோகம்) எஸ்.ஹரீஷ் முதலில் பேசினார். ‘‘இன்று நமது வாழ்க்கைமுறை (லைஃப் ஸ்டைல்) மாறிவிட்டது. அதனால், செலவுகளும் அதிகரித்துவிட்டன. இந்த நிலையில், அதனைச் சமாளிக்க சரியான முறையில் முதலீடு செய்ய வேண்டும்” என்றார்.

முதல்முறை முதலீடு... ஏற்ற ஃபண்ட் எது?

அடுத்து பேசினார் மியூச்சுவல் ஃபண்ட் நிபுணர் சொக்கலிங்கம் பழனியப்பன். “எஃப்டி, பி.எஃப், பி.பி.எஃப், ரியல் எஸ்டேட், தங்கம்  போன்ற முதலீட்டில் நீண்ட காலத்துக்குக் காத்திருக்கும் நம்மவர்கள், பங்குச் சந்தை மற்றும் பங்குச் சந்தை சார்ந்த மியூச்சுவல் ஃபண்ட் முதலீடு என்று வரும்போது பொறுமை இல்லாமல் இருக்கிறார்கள். இதர முதலீடுகள் போல், இதிலும் காத்திருந்தால் நல்ல லாபம் பார்க்க முடியும்; ஈக்விட்டி மியூச்சுவல் ஃபண்ட் முதலீட்டில் ஐந்தாண்டுகளைக் கடந்திருந்தால், சந்தையின் இறக்கம் பெரிதாகப் பாதிக்காது” என்றார்.

முதல்முறை முதலீடு... ஏற்ற ஃபண்ட் எது?

இறுதியாகக் கேள்வி பதில் நேரத்தில், “தற்போதைய சந்தை நிலையில் மொத்த முதலீட்டை ஈக்விட்டி ஃபண்டில் செய்யலாமா?’’ என ஒருவர் கேட்க, “தாராளமாக மேற்கொள்ளலாம்” என்றார் சொக்கலிங்கம். அடுத்து, வாசகி ஒருவர், “முதன்முறையாக ஈக்விட்டி மியூச்சுவல் ஃபண்டில் முதலீடு செய்ய ஏற்ற ஃபண்ட் எது?” எனக் கேட்க, அதற்கு ‘‘மல்டிகேப் ஃபண்டில் குறைந்தது 3-5  ஆண்டு காலத்துக்கு முதலீடு செய்து வாருங்கள்’’ என்றார்.

- சி.சரவணன்

படங்கள்: தே.அசோக் குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு