Published:Updated:

என்ன அழகு... எத்தனை அழகு!

டென் மினிட்ஸ் ஸ்டைல்ஸ் ! அழகுக் கலை நிபுணர் வீணா குமாரவேல் , படங்கள் வி.செந்தில்குமார்

என்ன அழகு... எத்தனை அழகு!

டென் மினிட்ஸ் ஸ்டைல்ஸ் ! அழகுக் கலை நிபுணர் வீணா குமாரவேல் , படங்கள் வி.செந்தில்குமார்

Published:Updated:
##~##

காலைப் பொழுது... கல்லூரி, அலுவலகம் கிளம்பும் பரபரப்பில் சுழன்றாலும், 'இன்னிக்கு என்ன ஹேர் ஸ்டைல்?’ என்று கண்ணாடி முன் நின்று சில நொடிகள் தடுமாறாமல் இருப்பவர்கள் குறைவு. அதேசமயம், கூந்தல் அலங்காரத்துக்கு 10, 15 நிமிடங் களுக்கு மேல் பெண்களால் ஒதுக்க முடிவதில்லை என்பதும் உண்மை. இதோ... 10, 15 நிமிடங்களுக்குள் செய்து கொள்ளக்கூடிய ஹேர் ஸ்டைல்களை, ப்ரியாவை மாடலாக வைத்து பிராக்டிகலாக செய்து பார்க்கலாமா!

முதல் ஹேர் ஸ்டைலின் பெயர், 'லோ பன்' (Low ban). ஆபீஸ் மீட்டிங், வைவா ஸ்பீச், ஸ்பெஷல் கான்ஃபரன்ஸ், இன்டர்வியூ போன்ற இடங்களுக்கு டிப்ளமேட்டிக் லுக் கொடுக்கக்கூடிய ஸ்டைல்! கொஞ்சமாக 'வெட் ஜெல்’லை கூந்தலில் அப்ளை செய்து, முடியை ரோல் செய்து, பின்பக்கம் மொத்தமாக சுருட்டி ஹேர்பின் செருகிவிட வேண்டியதுதான். அதன் மீது நெட்டட் கவர்டு பேண்ட் மாட்டினால்... பிசிறில்லாத லுக் கொடுக்கும்.

ஒட்டுமொத்த விகடனுக்கும் ஒரே ஷார்ட்கட்!

இரண்டாவது வகையான 'ஃபிரெஞ்சு ரோல்' (French roll)...வட்ட வடிவில் உள்ள 'லோ பன்’ ஸ்டைலில் இருந்து கொஞ்சம் மாறி, 'V’ வடிவில் அமைவதே இதில் உள்ள வித்தியாசம். ஹேர் ரோலுக்கு மேல் பட்டர்ஃப்ளை, நட்சத்திர வடிவம் என்று விரும்பும் ஹேர் கிளிப் அணியலாம்.

என்ன அழகு... எத்தனை அழகு!

'லாங் ஹேர், அப்படியே ஃப்ளோவா இருந்தா போதும்’ என்று விரும்புகிறவர்களுக்கு, 'ஹை லுக்' (High look) ஸ்டைல் பிடிக்கும். நெற்றியின் மேற்பரப்புக் கூந்தலை மட்டும் தூக்கி லிஃப்ட் செய்தாற்போல் சீவி பின் பண்ணிவிட வேண்டும். பக்கவாட்டுக் கூந்தலை, காதுகளை மறைத்தாற்போல் ஃப்ளோவாக விட்டால், நீட் அண்ட் குட் ஆக இருக்கும். ஏறு நெத்தி பெண்களுக்கு இந்த ஸ்டைல் சூட் ஆகாது.

என்ன அழகு... எத்தனை அழகு!

சுருள் முடி உள்ளவர்களுக்கான பிரத்யேக ஸ்டைல்... 'கர்ள்' (Curl).ஈரமோ, எண்ணெய் பசையோ இல்லாமல் கூந்தலை உலர்த்துங்கள். பின் கைக்குள் கொத்துக் கொத்தாகச் சேர்கிற முடியை சுருள் வடிவத்தில் சீப்பால் வருடிவிட வேண்டியதுதான். நெற்றிப் பக்கம் ஸ்ட்ரெயிட்டாக விட்டு, காதுப்பக்கமுள்ள ஹேர் முழுவதையும் முதுகுப்பக்கம் தொங்கவிடாமல் தோள்பட்டையின் முன்பக்கமாக விட்டால்... வாவ்! சுருள் முடி உள்ளவர்களுக்கு இது மிகப் பொருத்தமாக இருக்கும்.

'போனி டெய்ல் (Pony tail)’ மாடல், எவர் க்ரீன் ஸ்டைல். சிம்பிள் அண்ட் ஸ்மார்ட் ஸ்டைல். கிராமத்துப் பக்கம் 'குதிரை வால்’ என்று சொல்லும் இந்த ஹேர் ஸ்டைல்தான் கல்லூரிப் பெண்கள் முதல் ஹெச்.ஆர். பெண்கள் வரைக்கும் இப்போதைய ட்ரெண்டி ஸ்டைல். லாங் ஹேர்-ஐ நன்றாக சீவி ஒரு ரப்பர் பேண்ட் போட்டுவிட்டால், ஸ்கூட்டியில் 80 கி.மீ வேகத்தில் பறந்தாலும் ஈடுகொடுக்கும்.

என்ன அழகு... எத்தனை அழகு!

என்ன... சில நிமிடங்களில் செய்துகொள்ள வசதியான இந்த சூப்பர் ஹேர் ஸ்டைல்கள் பிடித்திருக்கிறதுதானே..?! இந்த ஒவ்வொரு ஹேர் ஸ்டைலுக்கும் ப்ரியாவின் காஸ்ட்யூம் மாறியிருப்பதையும் பார்த்தீர்களா? பேன்ட்-ஷர்ட், குர்தி, சல்வார், புடவை என்று காஸ்ட்யூமுக்கு தகுந்தாற்போல்தான் ஹேர் ஸ்டைலும் அமைய வேண்டும் என்பதும் மனதில் இருக்கட்டும்.

- மிளிரும்...

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism