Published:Updated:

சிக்கல் இல்லாத முதலீட்டு முறை!

ஒட்டுமொத்த விகடனுக்கும் ஒரே ஷார்ட்கட்

Use App
சிக்கல் இல்லாத முதலீட்டு முறை!
சிக்கல் இல்லாத முதலீட்டு முறை!

சிக்கல் இல்லாத முதலீட்டு முறை!

பிரீமியம் ஸ்டோரி

நாணயம் விகடன், ஆம்ஃபி இணைந்து மியூச்சுவல் ஃபண்ட் விழிப்பு உணர்வுக் கூட்டத்தை சமீபத்தில் மதுரையில் நடத்தின. மியூச்சுவல் ஃபண்ட் நிபுணர் வி.கோபாலகிருஷ்ணன் ஏன் முதலீடு செய்ய வேண்டும் என விளக்கினார். முதலீட்டில், பணவீக்க விகிதத்தைத் தாண்டிய வருமானம் மற்றும் கூட்டு வளர்ச்சி (பவர் ஆஃப் காம்பவுண்டிங்) ஆகிய இரு விஷயங்களைக் கவனித்தாலே அதிக லாபம் பெற முடியும் என்றார் அவர்.

அடுத்து, மியூச்சுவல் ஃபண்டில் ஏன் முதலீடு செய்ய வேண்டும் என மியூச்சுவல் ஃபண்ட் நிபுணர் பி.ராமசாமி பேசினார். “பங்கு சார்ந்த முதலீட்டில் இலக்குத் தொகை வந்துவிட்டால், அதனை பாதுகாப்பான முதலீட்டுக்கு மாற்றுவது அவசியம்” என்றார் அவர்.

சிக்கல் இல்லாத முதலீட்டு முறை!

இறுதியாக சிஸ்டமேட்டிக் இன்வெஸ்ட்மென்ட் பிளான் (எஸ்.ஐ.பி) குறித்து மியூச்சுவல் ஃபண்ட் நிபுணர் ஆர்.அழகப்பன் பேசினார். “நாம் தொலைபேசி கட்டணம், மின் கட்டணம், வீட்டு வாடகை ஆகியவற்றை ஆண்டுக்கு முறை கொடுப்பதில்லை. அந்தந்த மாதம் கொடுத்துவிடுகிறோம். அதேபோல், முதலீட்டையும் மாதந்தோறும் மேற்கொள்ள வேண்டும். அதற்கு எஸ்.ஐ.பி-யை  சிக்கல் இல்லாத, சாமர்த்தியமான முதலீட்டு முறை என்று குறிப்பிடலாம்” என்றவர், மியூச்சுவல் ஃபண்ட் முதலீட்டில் வருமான வரி எப்படிக் கணக்கிடப்படுகிறது என்பதையும் விளக்கினார்.

சிக்கல் இல்லாத முதலீட்டு முறை!

கேள்வி பதில் நேரத்தில் வாசகர் ஒருவர், “குறைவான என்.ஏ.வி மதிப்புள்ள ஃபண்டுகளில் முதலீடு செய்வது லாபமா?” எனக் கேட்டார். முதலீட்டில் அதிக லாபம் பார்க்க என்.ஏ.வி பார்க்கத் தேவையில்லை. அந்த ஃபண்ட், அதன் பெஞ்ச்மார்க்கை விட எவ்வளவு அதிக வருமானம் கொடுத்துவருகிறது, தொடர்ந்து நல்ல வருமானம் கொடுத்து வருகிறதா என்பதைப் பார்த்தால் போதும் என விளக்கம் அளிக்கப்பட்டது.

- சி.சரவணன், படங்கள்: ஈ.ஜெ.நந்தக்குமார்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு