Published:Updated:

ஆர்க்கிடெக்ட் அவசியமா?

வீடுஆர்க்கிடெக்ட் சரோஜினி திரு

பிரீமியம் ஸ்டோரி

வீடோ, கட்டடமோ கட்டும்போது ஆர்க்கி டெக்ட்டை நியமிக்க வேண்டியது அவசியமா? அது தேவையில்லாத செலவுதானே?

உங்களுக்கு உடம்புக்கு முடியாமல் போனால் நீங்களாகவே மருந்து, மாத்திரைகள் சாப்பிடுவது சரியான தீர்வாகாது. அந்தந்தப் பிரச்னைக்குரிய மருத்துவர்களை அணுகினால்தான் சரியான தீர்வு கிடைக்கும். அந்த மாதிரிதான் ஆர்க்கிடெக்ட்டுகளின் தேவையும்.

ஆர்க்கிடெக்ட் அவசியமா?

உங்களுடைய லைஃப்ஸ்டைல், வீட்டின் பயன்பாடு, பட்ஜெட் என மூன்று விஷயங்களையும் வைத்து ஆர்க்கிடெக்ட்  ஒரு டிசைன் கொடுப்பார். கட்டுமானப் பொருள்கள் விற்கும் விலையில் ஒரு சதுரஅடி வீணானால்கூட, அது சம்பந்தப்பட்டவர்களுக்குப் பெரிய நஷ்டம். கண்ணுக்குத் தெரியாமல் போகிற அந்த நஷ்டத்தைப் பற்றிக் கவலைப்படாமல், ஆர்க்கிடெக்ட்டுக்கான கட்டணத்தைப் பற்றி மட்டுமே கவலைப்படுகிறார்கள் பலரும்.

வீடு கட்டும்போது மட்டுமில்லை, ஏற்கெனவே தயாராக உள்ள வீட்டை வாங்கும்போதும் ஆர்க்கி டெக்ட்டின் உதவியை நாடுவது நல்லது. சிங்கிள் பெட்ரூம் ஃப்ளாட்டுக்கும் இது பொருந்தும். கட்டி முடிக்கப்பட்ட ஃப்ளாட்டை வாங்குவது ரெடிமேடு டிரஸ் வாங்குவது போன்றது. அந்த வீடு நமக்கு 100 சதவிகிதம் வசதியானதாக இருக்கும் என்று சொல்வதற்கில்லை. அந்த நிலையில் ஃப்ளாட்டில் செய்கிற சின்னச் சின்ன மாற்றங்களின் மூலம் அந்த வீட்டைப் பெரிதாகவும் வெளிச்சமாகவும் காட்டலாம். அதாவது அந்த வீட்டை உங்கள் தேவைக்கேற்ப ‘கஸ்டமைஸ்’ செய்து கொடுப்பதும் ஆர்க்கிடெக்ட்டின் வேலையே.

ரெடிமேடு ஃப்ளாட்டுகளில் எலெக்ட்ரிகல் ஃபிட்டிங்ஸும் பெரும்பாலும் ஒரே மாதிரிதான் இருக்கும். ஆர்க்கிடெக்ட்டின் உதவியை நாடும்போது, நமக்குத் தேவையானதை தேவைக்கேற்ப செய்து கொள்ளலாம்.

சரி... ஆர்க்கிடெக்ட் வைப்பது என முடிவெடுத்து விட்டீர்கள். ஃப்ளாட் வாங்கும்போது எந்த ஸ்டேஜில் அவர்களுடைய உதவியை நாட வேண்டும் என்கிற கேள்வி வரும்.

ஃப்ளாட் வாங்குவதற்கு முன்பே அந்த இடத்தின் வரைபடத்தை ஆர்க்கிடெக்ட்டிடம் காட்டி ஆலோசனை பெறலாம். அந்தக் கட்டடம் இடத்தை வீணாக்காமல் கட்டப்பட்டிருக்கிறதா, காற்றும் வெளிச்சமும் நன்றாக வருமா என்றெல்லாம் உங்களைவிடவும் ஆர்க்கிடெக்ட் இன்னும் பெட்டராகத் திட்டமிட்டுக் கொடுப்பார். எனவே, ஃப்ளாட் வாங்குவதற்கு முன்பே இரண்டு, மூன்று சாய்ஸோடு அவர்களை அணுகலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு