Published:Updated:

ஹைதராபாத் இணைப்புக்கு உதவிய ஓமந்தூரார்!

ஹைதராபாத் இணைப்புக்கு உதவிய ஓமந்தூரார்!
பிரீமியம் ஸ்டோரி
News
ஹைதராபாத் இணைப்புக்கு உதவிய ஓமந்தூரார்!

சிலை வைக்க வலுக்கும் கோரிக்கை...

ந்தியச் சுதந்திரத்துக்குப் பின்னர் ஹைதராபாத் சமாஸ்தானத்தை இந்தியாவுடன் இணைத்ததற்கு முக்கியக் காரணமாக இருந்தவர்களில் அன்றைய சென்னை மாகாண முதல்வர் ஓமந்தூர் ராமசாமி குறிப்பிடத்தக்கவர். எனவே, படேலுக்கு சிலை வைத்ததுபோல ஓமந்தூர் ராமசாமிக்கும் சிலைவைக்க வேண்டும் என்று பிரதமர் மோடிக்கு ரெட்டியார் சமூக அமைப்புகள் கோரிக்கை விடுத்துள்ளன. 

ஹைதராபாத் இணைப்புக்கு உதவிய ஓமந்தூரார்!

இதுகுறித்து பேசிய சென்னை வாழ் மதுரை - விருதுநகர் மாவட்ட ரெட்டி நலச்சங்கத்தின் இணைச் செயலாளர் என்.பி.ராமசாமி, “ஓமந்தூரார் செய்த சாதனைகள், அவர் கொண்டுவந்த திட்டங்கள் அனைத்துமே ஆட்சியாளர்களால் மறைக்கப்படுகின்றன. 1947 முதல் 1949 வரை முதலமைச்சராக அவர் இருந்தபோது, தாழ்த்தப்பட்ட மக்கள் கோயிலுக்குள் நுழையும் அதிகாரம், தேவதாசி முறை ஒழிப்பு,  ஆகிய புரட்சிகரச் சட்டங்களை நிறைவேற்றினார். தனக்கு உடல் நலம் இல்லாதபோது அரசு மருத்துவமனையில் சேர்ந்து, மற்ற நோயாளிகளைப்போல தன்னையும் கவனிக்க வேண்டும் என்று கூறினார். முதலமைச்சர் பதவியைவிட்டு விலகியதும் வள்ளலார் வழியில் மக்களுக்குச் சேவையாற்றினார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஹைதராபாத் இணைப்புக்கு உதவிய ஓமந்தூரார்!

இந்தியச் சுதந்திரத்துக்குப் பிறகு, அப்போதைய ஹைதராபாத் நிஜாம் இந்தியாவுடன் இணைய மறுத்து நம் நாட்டுடன் போரிடத் திட்டமிட்டிருந்தார். விமானம் மூலம் ஹைதராபாத் நிஜாம் அரசுக்கு ஆயுதம் அனுப்ப பாகிஸ்தான் தயாராக இருந்தது. அவற்றை, தன் தொடர்புகள் மூலம் அறிந்த ஓமந்தூரார், உடனடியாக உள்துறை அமைச்சர் படேலின் கவனத்துக்குக் கொண்டு சென்றார். ‘நிஜாமிடம் பேச்சுவார்த்தை பலன் தராது. ராணுவ நடவடிக்கை எடுப்பதுதான் நல்லது’ என்றும் கூறினார். அதன்படி எடுக்கப்பட்ட ராணுவ  நடவடிக்கையில் ஹைதராபாத் அரசு நம் நாட்டுடன் இணைக்கப்பட்டது. ஒற்றுமையை வலியுறுத்த 182 மீட்டரில் படேலுக்கு சிலை வைத்த மோடி அரசு, ஹைதராபாத் சமஸ்தானத்தை இந்தியாவுடன் இணைக்கக் காரணமாக இருந்த ஓமந்தூராருக்கு சிறிய அளவிலாவது ஒரு சிலை வைத்து மரியாதை செய்ய வேண்டும்.தமிழக சட்டசபையில் ஓமந்தூராரின் உருவப்படம் வைக்கப்பட வேண்டும் என்று கோரி வருகிறோம். ‘சட்டசபையில் படம் வைக்க இடமில்லை’ என்று அதிகாரிகள் பதில் அளித்தார்கள். ஆனால், அதன்பின்பு சில தலைவர்களின் படங்கள் சபையில் வைக்கப்பட்டன. ஓமந்தூராருக்கு இடமில்லை என்றவர்கள், பிற தலைவர்களின் படங்களை எப்படி அனுமதித்தார்கள்? வன்னியர் சங்க விழாவில் விழாவில் பேசிய முதலமைச்சர் எடப்பாடி, ‘ராமசாமி படையாச்சியாருக்கு சட்டசபையில் படம் வைக்கப்படும்’ என்றார். கடந்தாண்டு முதல் ஓமந்தூராரின் பிறந்த தினத்தை அரசு விழாவாகக் கொண்டாட உத்தரவிட்ட முதலமைச்சர், அவர் படத்தையும் சட்டசபையில் திறந்து வைக்க வேண்டும்” என்ற கோரிக்கையுடன் முடித்தார்.

- செ.சல்மான்