Published:Updated:

நீதிக்கும் நிர்வாகத்துக்கும் போர் வேண்டாம்!

ஒட்டுமொத்த விகடனுக்கும் ஒரே ஷார்ட்கட்

Use App
நீதிக்கும் நிர்வாகத்துக்கும் போர் வேண்டாம்!
நீதிக்கும் நிர்வாகத்துக்கும் போர் வேண்டாம்!

நீதிக்கும் நிர்வாகத்துக்கும் போர் வேண்டாம்!

பிரீமியம் ஸ்டோரி

த்திய அரசுக்கும் ரிசர்வ் வங்கிக்குமான மோதல் போக்கை, நாட்டின் நலனில் அக்கறை கொண்ட அனைவருமே கவலையுடன் கவனித்துக்கொண்டிருக்கிறார்கள்.

நீதிக்கும் நிர்வாகத்துக்கும் போர் வேண்டாம்!



‘நீதித்துறை, சி.பி.ஐ, ரிசர்வ் வங்கி என்று சுயேச்சையான அமைப்புகளில் தலையிட்டு அவற்றை மத்திய அரசு சீர்குலைக்கிறது’ என்று எதிர்க்கட்சிகள் குற்றம் சாட்டுகின்றன. ஜவகர்லால் நேரு காலத்திலிருந்து ரிசர்வ் வங்கிக்கும் மத்திய அரசுகளுக்கும் இருந்த கருத்துவேறுபாடுகளைச் சுட்டிக்காட்டிப் பதிலடி கொடுக்கிறது இன்றைய மத்திய அரசு. ‘`பண மதிப்பிழப்பு நடவடிக்கை பற்றி எங்களிடம் முன்கூட்டியே தெரிவிக்கவில்லை” என்று இரண்டாண்டுகளுக்கு முன்பு தெரிவித்திருந்தார் ரிசர்வ் வங்கியின் முன்னாள் ஆளுநர் ரகுராம் ராஜன். பணமதிப்பிழப்பு நடவடிக்கை முடிந்த இரண்டாண்டுகளில், ‘அந்த நடவடிக்கையின் நோக்கம் நிறைவேறவில்லை’ என்று தெரிவித்திருக்கிறது ரிசர்வ் வங்கி. பொருளாதார நிபுணர்களும் மத்திய அரசுக்கும் ரிசர்வ் வங்கிக்கும் இடையிலான உரசல்களைக் கண்டு வருத்தமடைகின்றனர்.

‘வங்கிகளிடமிருந்து பெருந்தொகையைக் கடன் வாங்கிவிட்டு, அதைத் திரும்பக் கட்ட முடியாமல் தவிக்கும் நிறுவனங்களை விற்று வாராக்கடனை வசூலிக்க வேண்டும்’ என்கிறது ரிசர்வ் வங்கி. மத்திய அரசோ ‘மின் உற்பத்தி போன்ற நடவடிக்கைகளில் ஈடுபட்டுவரும் நிறுவனங்களுக்கு விதிவிலக்கு அளிக்க வேண்டும்’ என்கிறது. நிதி நிலைமை ஆரோக்கியமாக இல்லாத வங்கிகள் யாருக்கும் கடன் கொடுக்க முடியாதபடி அவற்றின் கைகளைக் கட்டிப்போட்டிருக்கிறது மத்திய ரிசர்வ் வங்கி. வாராக்கடன்களால் ஏற்கெனவே நலிந்து போயிருக்கும் வங்கிகள் மேலும் நலிவடையாமல் இருக்கவே இந்த நடவடிக்கை என்பது ரிசர்வ் வங்கியின் வாதம். ஆனால் மத்திய அரசோ, ‘தொழில் முனைவோர்களுக்குக் கடன் கொடுத்தால்தானே பொருளாதார வளர்ச்சி அதிகரிக்கும்?’ என்கிறது. ‘ரிசர்வ் வங்கி கையிருப்பில் இருந்து மத்திய அரசு 3.5 லட்சம் கோடியை வெளியில் எடுக்க வலியுறுத்துவதாக’ எதிர்க்கட்சிகள் குற்றம் சாட்டுகின்றன. ஆனால் மத்திய அரசோ, ‘3.5 லட்சம் கோடிப் பணத்தை நாங்கள் கேட்கவில்லை. பொருத்தமான பொருளாதார மூலதனக் கட்டமைப்பை ரிசர்வ் வங்கி மறுவரையறை செய்ய வேண்டும் என்றுதான் சொன்னோம்’ என்கிறது. இந்த இரண்டுக்கும் ஒரே அர்த்தம்தானா அல்லது வேறு வேறு அர்த்தங்கள் உள்ளனவா என்பது குழப்பமளிக்கிறது.

மத்திய அரசு, ரிசர்வ் வங்கி... இருவரில் யார் பக்கம் நியாயம் இருக்கிறது என்பது ஆழமாக விவாதித்து முடிவு செய்ய வேண்டிய விஷயம். ஆனால் இந்த மோதல்போக்கு முடிவுக்குக் கொண்டுவரப்பட வேண்டும் என்பதுதான் ஒட்டுமொத்த தேசத்தின் எதிர்பார்ப்பு. 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு