Published:Updated:

பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?

பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?
பிரீமியம் ஸ்டோரி
பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?

சர்ச்சை

பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?

சர்ச்சை

Published:Updated:
பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?
பிரீமியம் ஸ்டோரி
பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?

தீபாவளியை ஒட்டி மெகா ஆஃபர் தந்ததால், பலராலும் பரபரப்பாகப் பேசப்பட்ட ஃப்ளிப்கார்ட் நிறுவனம், இப்போது மீண்டும் தலைப்புச் செய்திகளில் இடம்பிடித்திருக்கிறது. ஃப்ளிப்கார்ட் நிறுவனத்தின் குரூப் சி.இ.ஓ-வாக இருந்த பின்னி பன்சால் அந்தப் பதவியிலிருந்து திடீரென விலகியிருப்பது பெரும் சர்ச்சையைக் கிளப்பியிருக்கிறது. அவர் மட்டுமல்ல, ஃப்ளிப்கார்ட் நிறுவனத்தின் உபநிறுவனங்களாக இருக்கும் மிந்த்ராவின் சி.இ.ஓ-வும் ராஜினாமா செய்திருக்கிறார்கள். ஃப்ளிப்கார்ட் நிறுவனத்திலிருந்து ஒரே சமயத்தில் இத்தனை பேர் ராஜினாமா செய்ய என்ன காரணம்?

பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?

ஃப்ளிப்கார்ட்டின் தொடக்கம்

சச்சின் மற்றும் பின்னி இணை கடந்த 2007-ம் ஆண்டு ஃப்ளிப்கார்ட் தளத்தைத் தொடங்கினார் கள். 2009-ம் ஆண்டு முதல் அதிக முதலீடுகள் இந்த நிறுவனத்துக்கு வரத்தொடங்கின. 2010-ம் ஆண்டு முதல் இந்தியாவில் தொடங்கப்படும் ஸ்டார்ட்அப் நிறுவனங்களின் எண்ணிக்கை தொடர்ந்து உயர்ந்து வந்தது.

2013-ம் ஆண்டு 2200 புதிய நிறுவனங்கள் தொடங்கப்பட்டன. 2014-ம் ஆண்டு 3100 புதிய நிறுவனங்களும், 2015-ம் ஆண்டு 4100 நிறுவனங் களும் 2016-ம் ஆண்டு 4,750 நிறுவனங்களும்  தொடங்கப்பட்டன. இந்த அத்தனை நிறுவனங் களும் தொடங்கப்பட்டதற்கு ஒரே காரணம் ஃப்ளிப்கார்ட்தான் என்று சொல்ல முடியாது. ஆனால், அவர்களுக்கான முன்மாதிரியாக இந்த நிறுவனம் இருந்தது.

ஒட்டுமொத்த விகடனுக்கும் ஒரே ஷார்ட்கட்!

பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?

நேற்று சச்சின், இன்று பின்னி

ஃப்ளிப்கார்ட் நிறுவனத்தின் 77% பங்குகளை வால்மார்ட் வாங்கியது முக்கியமான விஷயமாகப் பலரும் பார்த்தனர். இதன்பிறகு, ஃப்ளிப்கார்ட் நிறுவனர்களில் ஒருவரான சச்சின் பன்சால் தன்னுடைய பங்குகளை முழுமையாக விற்றுவிட்டு நிறுவனத்தில் இருந்து வெளியேறினார். சச்சின் அவராகவே வெளியேறினாரா அல்லது வால்மார்ட் நிறுவனத்தின் அழுத்தம் இருந்ததா என்னும் விவாதங்கள் இருந்தன. இந்த இணைப்புக்கு முன்பாக சில நாள்கள் வரை சச்சின் பன்சால் வெளியேறுவதைப் பற்றி சிந்திக்கவில்லை என்றும், இணைப்பு முழுமையடையும்போது உருவான நெருக்கடி காரணமாகத்தான் வெளியேறினார் என்றும் அப்போது பேசப்பட்டன.

இந்த நிலையில், ஃப்ளிப்கார்ட் நிறுவனத்தின் மற்றொரு நிறுவனரான பின்னி பன்சால் நிறுவனத்திலிருந்து விலகுவதாக அறிவித்திருக் கிறார். தனிப்பட்ட ஒழுங்கீனம் காரணமாக இவர் வெளியேறிதாக வால்மார்ட் அறிவித்தாலும், உண்மையில் என்ன காரணம் என்று வெளிப்படை யாக அறிவிக்கவில்லை.

பாலியல் புகார் காரணமா?

கடந்த ஜூலை மாதம் இவர்மீது பாலியல் புகார் எழுந்தது. இந்தப் புகாரை அளித்த பணியாளர் சில ஆண்டுகளுக்குமுன் ஃப்ளிப்கார்ட் நிறுவனத்திலிருந்து வெளியேறியவர். இந்தப் புகார் குறித்து விசாரிக்க தனிப்பட்ட குழு அமைக்கப்பட்டது. ஆனால், புகார் முழுமையாக நிரூபிக்கப்படவில்லை என்றாலும், பின்னி பன்சால் வசம் வெளிப்படைத்தன்மை இல்லை என நிறுவனம் கூறியிருக்கிறது.

கடந்த 2016-ம் ஆண்டு இந்தக் குற்றச்சாட்டு எழுந்ததாகவும் அப்போது நிறுவனம் இரண்டு பன்சால்களின் கட்டுப்பாட்டில் இருந்ததால் பிரச்னைக்கு முக்கியத்துவம் கொடுக்கவில்லை. தற்போது வால்மார்ட் வசம் நிறுவனம் சென்று விட்டதால், முன்னாள் பணியாளர் மீண்டும் புகார் அளித்திருப்பதாக ஃப்ளிப்கார்ட் பணியாளர்கள் தெரிவிக்கின்றனர்.

ஆனால், இந்தக் குற்றச்சாட்டுகளை பின்னி பன்சால் முற்றிலும் மறுத்திருக்கிறார். ‘‘எனக்கும் என் குடும்பத்துக்கு மிகப்பெரும் நெருக்கடியை இந்தக் குற்றச்சாட்டு தந்திருக்கிறது. இருந்தாலும் நிறுவனத்தின் நன்மை கருதி ஃப்ளிப்கார்ட் குழும தலைவர் பொறுப்பிலிருந்து விலகுகிறேன்’’ எனத் தெரிவித்திருக்கிறார். அதேசமயம், ஃப்ளிப்கார்ட் நிறுவனத்தில் அவர் வைத்திருக்கும் பங்குகளைத் தொடர்ந்து வைத்திருக்கவும், ஃப்ளிப்கார்ட் இயக்குநர் குழுவில் தொடரவும் முடிவெடுத்திருக்கிறார் அவர்.

பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?

அனந்த் ராஜினாமா?

ஃப்ளிப்கார்ட் நிறுவனத்தின் மற்றொரு முக்கியமான நிறுவனமான மிந்திரா-ஜபாங் நிறுவனத்தின் தலைமைச் செயல் அதிகாரியாக அனந்த் நாராயணன் செயல்பட்டு வருகிறார். முன்பு இவருடைய செயல்பாடுகளை பின்னி பன்சாலிடம் தெரிவித்து வந்தார். தற்போது இவரது செயல்பாடு குறித்த தகவல்களை ஃப்ளிப் கார்ட்டின் சி.இ.ஓ கல்யாண் கிருஷ்ணமூர்த்தியிடம் மாற்றப்பட்டிருக்கிறது. நிறுவனத்தின் இந்த முடிவால் அனந்த் நாராயணன் வருத்தத்தில் இருப்பதாகவும், அதனால் இவரும் விலக இருப்பதாகவும் தகவல்கள் வெளியாகி இருக்கிறது. கல்யாண் கிருஷ்ணமூர்த்திக்கும், அனந்த் நாராயணனுக்கும் கடந்த காலங்களில் சுமுகமான உறவு இல்லை என்று சொல்லப்படுகிறது.

ஃப்ளிப்கார்ட் நிறுவனத்தின் ஆரம்ப கால முதலீட்டாளரான டைகர் குளோபல் நிறுவனத்தின் மூலம் கல்யாண் கிருஷ்ணமூர்த்தி ஃப்ளிப்கார்ட் நிறுவனத்துக்குக் கொண்டுவரப்பட்டார். இவர் பொறுப்புக்கு வந்தபிறகே பல உயரதிகாரிகள் நிறுவனத்தில் இருந்து வெளியேறி இருக்கின்றனர். பின்னி பன்சால் வெளியேறுவதற்கு முன்பாக நிறுவனத்தின் அதிகார மையமாக கல்யாண் இருந்ததாகவும், தற்போது பின்னி பன்சால் வெளியேறியதைத் தொடர்ந்து மொத்த அதிகாரமும் அவர் வசம் சென்றுவிட்டதாக ஃப்ளிப்கார்ட் பணியாளர்கள் தெரிவித்திருக் கிறார்கள்.

அடுத்து என்ன?

பின்னி பன்சால் வெளியேறிதால் ஸ்டார்ட் அப் நிறுவனங்களிடையே ஒருவிதமான பதற்றம் இருந்தாலும், இதனால் ஃப்ளிப்கார்ட் நிறுவனத் தின் எதிர்காலம் பாதிப்படைய வாய்ப்பில்லை என்பதே உண்மை. பின்னி பன்சாலை நம்பி மட்டுமே அந்த நிறுவனம் இல்லை. பெரிய குழுவே பின்னணியில் இருந்து வேலை செய்கிறது. ஃப்ளிப்கார்ட் நிறுவனத்தில் சமீபத்தில் எழுந்துள்ள சர்ச்சை குறித்து ‘ஃபைலிங் டு சக்ஸீட்’ (Failing to Succeed) என்னும் புத்தகத்தின் ஆசிரியரும், இ-காமர்ஸ் துறையின் முன்னோடிகளில் ஒருவருமான வைத்தீஸ்வரனிடம் பேசினோம். இது தொடர்பாக அவர் கூறியதாவது...

‘‘பின்னி பன்சால் வெளியேறிய தால் ஸ்டார்ட்அப் தொடங்குவது பாதிப்புக்குள்ளாகும் என்று நான் நினைக்கவில்லை. புதிய நிறுவனங்கள் வெளிநாட்டு முதலீட்டைப் பெற்றதால்தான் நிறுவனர்கள் வெளியேறும் சூழ்நிலை உருவானதாக சிலர் சொல்கிறார்கள். யார் இந்த நிறுவனத்தை வாங்கி இருந்தாலும், இதுதான் நடந்திருக்கும். தவிர, வால்மார்ட் நிறுவனம் நினைத்திருந்தால், பின்னி பன்சாலை எப்போதே வெளியே அனுப்பியிருக்க முடியும். வால்மார்ட் வசம் 77% பங்குகள் இருக்கிறது. பின்னி வசம் சில சதவிகிதப் பங்குகள் மட்டுமே இருக்கிறது. இந்த ஒரு நிகழ்வுக்காக வால்மார்ட் காத்திருக்க வேண்டிய அவசியமில்லை. என்றாலும், இந்தப் புகார் குறித்து முழுமையான விசாரித்து உண்மையை வெளிக்கொண்டுவர வேண்டும்.முதலீட்டாளர்களிடையே இருவகை உள்ளனர். ஒருவர் லாபத்தை மட்டுமே இலக்காகக் கொண்டிருக்கும் முதலீட்டாளர். அடுத்தது நீண்ட கால நோக்கத்தில் செயல்படும் முதலீட்டாளர். வால்மார்ட் லாபத்துக்காக முதலீடு செய்யவில்லை. சர்வதேச அளவிலான விரிவாக்க உத்தியாகவே இதனைச் செய்திருக்கிறது. அதனால் புதிய நிர்வாகம் வந்தவுடன் நிறுவனத்தின் கலாசாரம் மாறும். சர்வதேச அளவில் பல உதாரணங்களைச் சொல்லமுடியும். தற்போது இல்லை என்றாலும் இன்னும் சில ஆண்டுகளுக்குப் பிறகு பின்னி பன்சால் வெளியேறித்தான் ஆக வேண்டும். அது தற்போதே நடந்திருக்கிறது. ஆனால், வெளியேறியதன் காரணத்தை முழுமையாகக் கண்டறிவதும் அவசியமாகும்’’ என்றார் அவர்.

ஃப்ளிப்கார்ட்டிலிருந்து இன்னும் பல பரபரப்புகளை எதிர்பார்க்கலாம்!

- வாசு கார்த்தி

பின்னி பன்சால் வெளியேற்றம்... ஃப்ளிப்கார்ட்டுக்குப் பாதிப்பு வருமா?

தாசரி ராஜினாமா...என்னதான் காரணம்?

அசோக் லேலாண்ட் நிறுவனத்தின் எம்.டி மற்றும் சி.இ.ஓ வினோத் தாசரி ராஜினாமா செய்திருக்கிறார். புதிய விஷயங்களைக் கற்றுக்கொள்வதற்காக என்ற காரணத்தைக் குறிப்பிட்டிருக்கிறார் தாசரி. “அவரது முடிவு எதிர்பாராதது; அதிர்ச்சியாக இருப்பதாகவும், அடுத்த சி.இ.ஓ-வைத் தேடும் பணி தொடங்கப்பட்டிருப்பதாகவும் நிறுவனத்தின் துணைத் தலைவர் தீரஜ் ஹிந்துஜா குறிப்பிட்டிருக்கிறார். 1986-ம் ஆண்டு ஜெனரல் எலெக்ட்ரிக் நிறுவனத்தில் தன் கார்ப்பரேட் வாழ்க்கையைத் தொடங்கினார் தாசரி. அதன் பின்னர் கும்மின்ஸ் நிறுவனத்தின் இணை நிர்வாக இயக்குநராக இருந்தவர், பிறகு அசோக் லேலாண்டில் இணைந்தார். அசோக் லேலாண்டில் 2011-ம் ஆண்டு நிர்வாக இயக்குநராகவும், 2016-ம் ஆண்டு ஏப்ரலில் தலைமைச் செயல் அதிகாரியாகவும் நியமனம் செய்யப்பட்டார்.

14 ஆண்டுகளுக்கு மேலாக அசோக் லேலாண்டில் பணியாற்றியவர் வினோத் தாசரி!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism