Published:Updated:

நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?
பிரீமியம் ஸ்டோரி
நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

ஒப்பீடு - ஹீரோ எக்ஸ்ட்ரீம் 200R VS டிவிஎஸ் அப்பாச்சி RTR 160 4V

நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

ஒப்பீடு - ஹீரோ எக்ஸ்ட்ரீம் 200R VS டிவிஎஸ் அப்பாச்சி RTR 160 4V

Published:Updated:
நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?
பிரீமியம் ஸ்டோரி
நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

‘160சிசி பைக்குடன் 200சிசி பைக் போட்டி போடுவதா? என்னய்யா சம்பந்தமில்லாத போட்டி இது’ என நீங்கள் சொல்வது கேட்கிறது. அப்பாச்சி RTR 200 பைக்குடன்தான் எக்ஸ்ட்ரீம் 200R போட்டிபோடுகிறது என்றாலும், பவர் விஷயத்தில் அப்பாச்சி RTR 200 முன்னிலை வகித்தால், விலை விஷயத்தில் எக்ஸ்ட்ரீம் 200R லீடிங்கில் இருக்கிறது. புதிய இன்ஷூரன்ஸ் விதிமுறைகள் காரணமாக, 160சிசி பைக்குகளின் விலையே லட்சத்தைத் தாண்டிவிட்டது. எனவேதான் ஒரு மாறுதலுக்காக, 160சிசி செக்மென்ட்டின் பவர்ஃபுல் பைக்குடன், 200 சிசி செக்மென்ட்டின் பவர் குறைவான பைக்கை ஒப்பிட்டு, ஒரு கம்பாரிஸன் ரிப்போர்ட் கொடுத்திருக்கிறோம்.

நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

டிசைன்

இரு பைக்குகளையும் அருகருகே வைத்துப் பார்க்கும்போது, ஒன்று மட்டும் தெளிவாகப் புரிகிறது. ஆம், அப்பாச்சியின் டிசைன் மெலிதாகவும் ஷார்ப்பாகவும் இருந்தால், எக்ஸ்ட்ரீமின் டிசைன் கட்டுமஸ்தாகவும், வழக்கமான ஒன்றாகவும் உள்ளது. இன்னும் சொல்லப்போனால், விலை அதிகமான & கூடுதல் திறன்மிக்க அப்பாச்சி  RTR 200 4V பைக்கின் டிசைனை அப்படியே ஜெராக்ஸ் எடுத்திருக்கிறது அப்பாச்சி RTR 160 4V. அளவில் சிறிய மற்றும் விலை குறைவான எக்ஸ்ட்ரீம் ஸ்போர்ட்ஸ் பைக்கின் டிசைனை அடிப்படையாகக் கொண்டுள்ளது எக்ஸ்ட்ரீம் 200R. 

ஒட்டுமொத்த விகடனுக்கும் ஒரே ஷார்ட்கட்!

நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?
நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

சாலையில் செல்லும்போது பளிச் கலர்கள் மற்றும் கிராஃபிக்ஸ் காரணமாக, பலரது கவனத்தைக் கவர்கிறது 200சிசி எக்ஸ்ட்ரீம். இது ஒரு கம்யூட்டர் பைக் என்பதை, பைக்கில் இருக்கும் நீளமான எக்ஸாஸ்ட் பைப் - ‘க்ரோம் பிரேக்’ பெடல் - ஹேண்டில்பாரில் இருக்கும் ‘சோக் லீவர்’ ஆகியவை சொல்லாமல் சொல்கின்றன. இரண்டு பைக்கிலும் LED DRL இருந்தாலும், ஹெட்லைட் என்னவோ ஹாலோஜன் பல்புதான். ஒட்டுமொத்தமாகப் பார்க்கும்போது, அப்பாச்சி இளைஞர்களுக்குப் பிடிக்கும் என்றால், எக்ஸ்ட்ரீம் நடுத்தர வயதினருக்குப் பிடிக்கும் எனலாம்.

சிறப்பம்சங்கள்

‘அனலாக் - டிஜிட்டல்’ இன்ஸ்ட்ரூமென்ட் கிளஸ்டரைக் கொண்டிருக்கிறது எக்ஸ்ட்ரீம் 200R. இதில் டேக்கோமீட்டர் அனலாக் என்றால், ஸ்பீடோமீட்டர் - ஓடோமீட்டர் - ட்ரிப் மீட்டர் - ஃப்யூல் கேஜ் - கடிகாரம் - சர்வீஸ் இண்டிகேட்டர் ஆகியவை டிஜிட்டல் ஸ்க்ரீனில் இருக்கிறது. ஏபிஎஸ் மற்றும் சைடு ஸ்டாண்ட் இண்டிகேட்டர்கள் இருந்தாலும், அவை பகல் வெளிச்சத்தில் தெளிவாகத் தெரியாதது நெருடல். அப்பாச்சி RTR 160 4V பைக்கில் இருக்கும் ஃபுல் டிஜிட்டல் மீட்டரில் வழக்கமான தகவல்களுடன் லேப் டைமர், டாப் ஸ்பீடு ரெக்கார்டர், 0-60 டைமர், சைடு ஸ்டாண்ட் இண்டிகேட்டர் - 2 ட்ரிப்மீட்டர் ஆகியவை இருப்பது ப்ளஸ். ஆனால் ஃப்யூல் இன்ஜெக்‌ஷன் கொண்ட மாடலில்தான் கியர் இண்டிகேட்டர் இருக்கும் என்பது மைனஸ்.

இரண்டு பைக்கிலுமே இன்ஜின் கில் ஸ்விட்ச் இருக்கிறது. ஸ்கூட்டர்களில் இருப்பதுபோல, எக்ஸ்ட்ரீமின் பாஸ் லைட் ஸ்விட்ச்சை ஹை-பீம்/லோ-பீம் ஸ்விட்ச்சில் சேர்த்திருக்கிறது ஹீரோ. அப்பாச்சியில் வழக்கமான முறையில் பாஸ் லைட் ஸ்விட்ச் தனியாக இருக்கிறது. தவிர ஸ்விட்ச் கியரைப் பொறுத்தமட்டில், அப்பாச்சிதான் பார்க்கவும் பயன்படுத்தவும் தரமாக இருக்கிறது. ஃபிட் அண்டு ஃப்னிஷ் மற்றும் கட்டுமானத் தரத்திலும் அப்பாச்சிதான் வெல்கிறது. இதில் ஒயர்களும் அவ்வளவாக வெளியே தெரியவில்லை. ஆனால் எக்ஸ்ட்ரீம் பைக்கில் ஆங்காங்கே’ Panel Gap’ இருந்ததுடன், பெட்ரோல் டேங்க் மற்றும் ‘Tank Extension’ ஆகியவை ஒரே நிறத்தில் இல்லாதது மைனஸ். ‘Magnetic Tank Bags’ மாட்டுவதற்கு ஏதுவான மெட்டல் பெட்ரோல் டேங்க், எக்ஸ்ட்ரீம் பைக்கில் இருப்பது ஆறுதல்.

இன்ஜின் பெர்ஃபாமென்ஸ்

இரண்டு பைக்கிலுமே இருப்பது கார்புரேட்டர் உடனான சிங்கிள் சிலிண்டர், ஷார்ட் ஸ்ட்ரோக் இன்ஜின் - 5 ஸ்பீடு கியர்பாக்ஸ் அமைப்புதான். ஆனால் தொழில்நுட்ப ரீதியாக இரண்டுமே வித்தியாசப்படுகின்றன. எக்ஸ்ட்ரீமில் 2 வால்வ் - ஏர் கூல்டு இன்ஜின் இருந்தால், அப்பாச்சியில் 4 வால்வ் - ஆயில் கூல்டு இன்ஜின் இருக்கிறது. அப்பாச்சியில் கூடுதலாக Fi ஆப்ஷனும் உண்டு. இங்கே எதிர்பார்த்தபடியே, அளவில் பெரிய இன்ஜினைக் கொண்டிருக்கும் எக்ஸ்ட்ரீம்தான் அதிக பவர் (18.4bhp) மற்றும் டார்க்கை (1.71kgm) வெளிப்படுத்துகிறது. அப்பாச்சி இதைவிடக் குறைவான 16.5bhp பவர் மற்றும் 1.48kgm டார்க்கை வெளிப்படுத்துகிறது. 

நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?
நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

Short கியரிங் மற்றும் Low End பவர் காரணமாக, நகரச் சாலைகளில் குறைவான வேகத்தில் எக்ஸ்ட்ரீம் பைக்கை ஓட்டுவது நல்ல அனுபவம். இதன் த்ராட்டில் ரெஸ்பான்ஸும் அருமை. ஆனால் முன்னே சொன்ன அதே அம்சங்கள் காரணமாக, 7,000 ஆர்பிஎம்முக்கு மேலே செல்லும்போது, அதிர்வுகளை உணரமுடிகிறது. மேலும் டாப் எண்ட்டில் (9,000 ஆர்பிஎம் ரெட்லைன்) இயங்கும்போது, இந்த ஹீரோவின் இன்ஜின் அவ்வளவு ஸ்மூத்தாக இல்லை.  

நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

அப்பாச்சியிலும் Short கியரிங் இருந்தாலும், ஆரம்ப கட்ட இன்ஜின் பெர்ஃபாமென்ஸ் அவ்வளவு நன்றாக இல்லை. ஆனால் இன்ஜினின் மிட் ரேஞ்ச் மற்றும் டாப் எண்ட் பெர்ஃபாமென்ஸ் சிறப்பாக இருப்பதுடன், அதிக வேகத்திலும் இன்ஜின் ரிஃபைண்டாகவும் ரிலாக்ஸாகவும் இருக்கிறது. ஃப்யூல் இன்ஜெக்‌ஷன் மாடலின் த்ராட்டில் ரெஸ்பான்ஸ், கார்புரேட்டர் மாடலைவிடக் கொஞ்சம் பெட்டராக இருக்கிறது. ஆச்சர்யமான விஷயம் என்னவென்றால், பெரிய இன்ஜினைக் கொண்டிருக்கும் எக்ஸ்ட்ரீம் பைக்குக்கு இணையாக அப்பாச்சியின் பெர்ஃபாமென்ஸ் அமைந்திருக்கிறது. ஆம், 0 - 60கிமீ வேகத்தை எக்ஸ்ட்ரீம் 4.62 விநாடிகளில் எட்டினால், அப்பாச்சி அதை 4.66 விநாடிகளில் எட்டிவிடுகிறது. இதுவே 0 - 100கிமீ வேகம் என்றால், எக்ஸ்ட்ரீமுக்கு 14.34 விநாடிகளும் அப்பாச்சிக்கு 14.50 விநாடிகளும் தேவைப்படுகின்றன. டாப் ஸ்பீடு விஷயத்தில் அப்பாச்சி (120கிமீ), எக்ஸ்ட்ரீம் பைக்கைத் தோற்கடித்துவிடுகிறது (115கிமீ). நெரிசல் மிக்க நகரச் சாலையில் ஓட்டியபோதும், இரண்டு பைக்கின் இன்ஜின்களுமே ரைடரின் கால்களுக்கு வெப்பத்தைப் பரப்பவில்லை. தவிர, இரு பைக்குகளின் கியர்பாக்ஸுமே தமது பணியைத் துல்லியமாகச் செய்கின்றன. என்றாலும், எக்ஸ்ட்ரீமின் கியர்பாக்ஸ் பயன்படுத்த வசதியாக இருக்கிறது.

ஓட்டுதல் அனுபவம்

எக்ஸ்ட்ரீம் 200R பைக்கின் எடை (148 கிலோ), அப்பாச்சி RTR 160 4V பைக்கைவிட  (145 கிலோ) 3 கிலோ அதிகம். ஆனால் அப்பாச்சியைவிட 19 மிமீ குறைவான வீல்பேஸ் இருப்பதால், அதிக எடையைச் சரிக்கட்டிவிடுகிறது எக்ஸ்ட்ரீம் (1,338 மிமீ). இதனால் நகர டிராஃபிக்கில் எக்ஸ்ட்ரீம் பைக்கை ஓட்டுவது ஃபன்னாக இருக்கிறது. ஃபுட் பெக்ஸில் ஸ்ப்ரிங் மெக்கானிஸம் இல்லை என்பதால், ஒவ்வொரு முறையும் அதை மடக்கி வெளியே எடுப்பது சிலருக்கு எரிச்சலாக இருக்கலாம். சீட்டிங் பொசிஷன் சொகுசாக இருப்பது, தினசரிப் பயன்பாட்டுக்கு ஓகே. சிங்கிள் பீஸ் சீட்டின் குஷனிங், கொஞ்சம் இறுக்கமாகவே இருக்கிறது. எனவே, நீண்ட நேரப் பயணங்களில் பின்பக்கம் கவனம்.

நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

அப்பாச்சியின் டர்னிங் ரேடியஸ் பெரிதாக இருப்பதால், சிறிய இடத்தில் யூ-டர்ன் போடுவது சிரமமாக இருக்கலாம். மற்றபடி எக்ஸ்ட்ரீமின் மைனஸ் அனைத்தும், அப்பாச்சியின் ப்ளஸ்ஸாக மாறிவிடுகிறது. இதன் சீட்டிங் பொசிஷன் ஸ்போர்ட்டியாக இருப்பது நைஸ். ஆனால் உயரத்தில் வைக்கப்பட்டிருக்கும் ஃபுட் பெக்ஸ் காரணமாக, உயரமானவர்களுக்கு அப்பாச்சி கொஞ்சம் அசௌகரியாமாகவே இருக்கலாம்.

எக்ஸ்ட்ரீம் பைக்கின் கச்சிதமான சேஸி செட்-அப் காரணமாக, திருப்பங்களில் அப்பாச்சியைவிட இதன் ஹேண்ட்லிங் அற்புதமாக உள்ளது. நிலைத்தன்மையில் அப்பாச்சி துடிப்புமிக்க பையன் போலச் செயல்பட்டால், எக்ஸ்ட்ரீம் எதையும் அசால்ட்டாகச் செய்து முடிக்கும் பையன் போலச் செயல்படுகிறது. அப்பாச்சியின் ஷார்ப்பான ரெஸ்பான்ஸ் எதிரொலியாக, Mid Corner-ல் இருக்கும் Bump-களில் பைக் கொஞ்சம் அலைபாய்கிறது. முன்பக்கத்தில் அப்பாச்சியைவிடப் பெரிய MRF டயர் மற்றும் பின்பக்கத்தில் MRF ரேடியல் டயரைக் கொண்டிருக்கிறது எக்ஸ்ட்ரீம். எனவே இது எதிர்பார்த்தபடியே அப்பாச்சியின் Remora டியூப்லெஸ் டயர்களைவிட ரோடு கிரிப்பில் அசத்துகின்றன. பிரேக்கிங் பெர்ஃபாமென்ஸைப் பொறுத்தவரை, 60 கிமீ வேகத்திலிருந்து பைக்கைத் தடாலடியாக நிறுத்தும்போது, எக்ஸ்ட்ரீம் 17.88 மீட்டரிலும் அப்பாச்சி 19.45 மீட்டரிலும் நின்றுவிடுகின்றன. எக்ஸ்ட்ரீமின் பெரிய முன்பக்க 276மிமீ Ventillated டிஸ்க் பிரேக்கில் ஏபிஎஸ் மற்றும் ஸ்டீல் Braided Hose இருப்பதே பிரதான காரணி. அப்பாச்சியின் கொஞ்சம் சிறிய 270மிமீ Petal டிஸ்க் பிரேக்கில் ஏபிஎஸ் ஆப்ஷனலாகக் கூட கிடையாது என்பதுடன், வழக்கமான ரப்பர் பிரேக் Hoseதான் இருக்கிறது. இரண்டு பைக்கிலும் இருப்பது டெலிஸ்கோபிக் ஃபோர்க் மற்றும் மோனோஷாக் சஸ்பென்ஷன்தான் என்றாலும், ஓட்டுதல் தரம் சிறப்பாக இருக்கிறது. குறைவான/மிதமான வேகத்தில் கரடுமுரடான சாலைகளில் செல்லும்போது, அப்பாச்சி  சொகுசாக இருக்கிறது. குறைவான வேகத்தில் எக்ஸ்ட்ரீமின் சஸ்பென்ஷன் கொஞ்சம் திடமாக இருப்பதுபோலத் தெரிந்தாலும், இந்த செட்-அப்தான் அதிக வேகத்தில் பைக்கின் ஸ்டெபிலிட்டிக்குத் துணைநிற்கிறது.

கம்யூட்டர் பைக்கில் மைலேஜும் முக்கியம்தானே? எதிர்பார்த்தபடியே சிறிய இன்ஜினைக் கொண்டிருக்கும் அப்பாச்சிதான் இதில் ‘டிஸ்டிங்ஷன்’ வாங்குகிறது. ஒரு லிட்டருக்கு நகரத்தில் 44.9 கி.மீ-யும், நெடுஞ்சாலைகளில் 53.7 கி.மீ-யும் தந்தது அப்பாச்சி. இதுவே எக்ஸ்ட்ரீம் என்றால், நகரத்தில் 39.8 கி.மீ-யும் நெடுஞ்சாலையில் 50.3 கி.மீ-யும் மைலேஜ் தந்தது. 12 லிட்டர் பெட்ரோல் டேங்க்கைக் கொண்டுள்ள அப்பாச்சி RTR 160 4V, ஃபுல் டேங்க்கில் 570 கி.மீ செல்லும் என்றால், 12.5 லிட்டர் பெட்ரோல் டேங்க்கைக் கொண்டுள்ள எக்ஸ்ட்ரீம் 200R, ஃபுல் டேங்க்கில் 530 கிமீ செல்கிறது.

தொகுப்பு: ராகுல் சிவகுரு

நகரத்துக்கு... மைலேஜுக்கு... ஓட்டுதலுக்கு... டிவிஎஸ்ஸா? ஹீரோவா?

சென்னை ஆன்ரோடு விலையான 1.09 லட்ச ரூபாய்க்குக் கிடைக்கும் ஹீரோ எக்ஸ்ட்ரீம் 200R, மற்ற 200சிசி பைக்குகளைவிட விலை குறைவாக இருக்கிறது. அதுவும் சிங்கிள் சேனல் ஏபிஎஸ் ஸ்டாண்டர்டு என்பது கூடுதல் போனஸ்! ஸ்போர்ட்டியான கம்யூட்டர் பைக்காக இருக்கும் இது, தினசரி பைக்கைப் பயன்படுத்துபவர்களுக்கு ஃபன் சேர்க்கிறது. ஹீரோவின் வாடிக்கையாளர்கள் மற்றும் பட்ஜெட் விலையில் பெர்ஃபாமென்ஸ் பைக்கை விரும்பும் நடுத்தர வயதினருக்குப் பிடித்தமான பைக்காக எக்ஸ்ட்ரீம் 200R இருக்கும். இதன் டிசைன் ஸ்போர்ட்டியாக இல்லாவிட்டாலும், ஓட்டுதல் அனுபவம் ஸ்போர்ட்டியாகவே இருக்கிறது. சென்னை ஆன்ரோடு விலையான 1.06 லட்ச ரூபாய்க்குக் கிடைக்கும் டிவிஎஸ் அப்பாச்சி RTR 160 4V, இந்த ஒப்பீட்டின் வெற்றியாளராக அறிவிக்கப்படுகிறது. ஸ்போர்ட்டியான டிசைன், சிறப்பான ஃபினிஷ் மற்றும் தரம், சூப்பர் பெர்ஃபாமென்ஸ் மற்றும் ஓட்டுதல் அனுபவம், மனநிறைவைத் தரும் சொகுசு மற்றும் மைலேஜ் என ஆல்ரவுண்டர் பேக்கேஜாக அசத்துகிறது அப்பாச்சி. Fi ஆப்ஷனலாக இருந்தாலும், ஏபிஎஸ் ஆப்ஷனலாகக்கூட இல்லாததுதான் ஒரே நெருடல். ஆனால் புதிய விதிமுறைகளை வைத்துப் பார்க்கும்போது (ஏப்ரல் 1, 2019 முதலாக, 125சிசி-க்கு அதிகமான டூ-வீலரில் ஏபிஎஸ்), அந்தக் குறை விரைவில் சீர் செய்யப்படலாம். இதனால் எக்ஸ்ட்ரீம் பைக்கைவிட அப்பாச்சியின் விலை அதிகரிக்கும் சூழல் ஏற்படும் என்றாலும், அது ஒரு பிரச்னையாக இருக்காது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism