Published:Updated:

குறையும் வாகன விற்பனை... என்னதான் காரணம்?

குறையும் வாகன விற்பனை... என்னதான் காரணம்?
பிரீமியம் ஸ்டோரி
குறையும் வாகன விற்பனை... என்னதான் காரணம்?

குறையும் வாகன விற்பனை... என்னதான் காரணம்?

குறையும் வாகன விற்பனை... என்னதான் காரணம்?

குறையும் வாகன விற்பனை... என்னதான் காரணம்?

Published:Updated:
குறையும் வாகன விற்பனை... என்னதான் காரணம்?
பிரீமியம் ஸ்டோரி
குறையும் வாகன விற்பனை... என்னதான் காரணம்?

வ்வொரு மாதத்தின் முதல் தேதி யிலேயே இருசக்கர மற்றும் மூன்று சக்கர வாகனங்களின் விற்பனை குறித்த புள்ளிவிவரங்கள் வெளியாகிவிடுகிறது. இவை  பலராலும் முக்கியமான விஷயமாகப் பார்க்கப்படுகிறது. காரணம், வாகனங்கள் விற்பனை அதிகமாக இருந்தால், பொருளாதாரம் நன்றாக இருக்கிறது; வாகன விற்பனை குறைகிறது எனில், பொருளாதார சுணக்கம் உள்பட பல விஷயங்கள் காரணங் களாக இருக்கலாம். தற்போது, வாகனங்களின் விற்பனை குறைய என்ன காரணம், ஒவ்வொரு நிறுவனத்தின் விற்பனை எவ்வளவு குறைந்திருக்கிறது, இந்தத் துறை சார்ந்த பங்குகளை என்ன செய்யலாம் என்பது குறித்து ஐ.டி.பி.ஐ கேப்பிட்டல் நிறுவனத்தின் ஈக்விட்டி ரிசர்ச் பிரிவின் தலைவர் ஏ.கே.பிரபாகரிடம் கேட்டோம். விளக்கமாக எடுத்துச் சொன்னார் அவர்.

‘‘கடந்த 2018 டிசம்பரில், பஜாஜ் ஆட்டோ, எஸ்கார்ட்ஸ் நிறுவனங்களின் விற்பனை அதிக அளவில் இருந்தன. ஆனால், அசோக் லேலாண்ட், ராயல் என்ஃபீல்ட், டி.வி.எஸ் மோட்டார்ஸ், மாருதி சுஸூகி மற்றும் மஹிந்திரா & மஹிந்திரா நிறுவனங்களின் விற்பனை குறைந்துள்ளது. பண்டிகைக் காலத்தில் ஏமாற்றம் தந்த விற்பனைப் போக்கே டிசம்பரிலும்  தொடர்ந்திருக்கிறது. முதலில் இருசக்கர வாகனங்கள் பற்றி பார்ப்போம்.

குறையும் வாகன விற்பனை... என்னதான் காரணம்?

   இருசக்கர வாகன விற்பனை

ஹீரோ மோட்டோகார்ப் நிறுவனத்தின் விற்பனை ஆண்டு ஒப்பீட்டளவில் 4% குறைந்தும், கடந்த மாதத்துடன் ஒப்பிடுகையில் 26% குறைந்தும் உள்ளன. கடந்த மாதத்தில் இந்த நிறுவனம் 6,10,000 யூனிட் விற்பனை செய்துள்ளது. டி.வி.எஸ்.எல்-ன் மொத்த விற்பனை ஆண்டு ஒப்பீட்டளவில் 1% வளர்ச்சியும், மாதத்துடன் ஒப்பீட்டளவில் 19% வளர்ச்சி குறையவும் செய்துள்ளது. (ஸ்கூட்டர் விற்பனை கடந்த ஆண்டுடன் ஒப்பிடுகையில் 9% அதிகரித்துள்ளது. ஆனால், மோட்டார் சைக்கிள் விற்பனை 18% இழப்பைச் சந்தித்துள்ளது. மொபெட் விற்பனை கடந்த ஆண்டு ஒப்பீட்டளவில் 13% வளர்ச்சி குறைந்தும், மாத ஒப்பீட்டளவில் 21% வளர்ச்சி குறைந்தும் உள்ளன). ஆனால், ஏற்றுமதியானது ஆண்டு ஒப்பீட்டளவில் 26 சதவிகிதமும், மாத ஒப்பீட்டளவில் 3 சதவிகிதமும் அதிகரித்துள்ளது.

டி.வி.எஸ். நிறுவனம் சமீபத்தில் அறிமுகப் படுத்திய ஆர்.ஆர்310 ஸ்போர்ட்ஸ் மோட்டார் சைக்கிளும், என்.டி.ஓ.ஆர்.க்யூ 125 (NTORQ 125) என்ற புதிய ஸ்கூட்டரையும் அறிமுகப்படுத்தியது. இவை வாடிக்கையாளர்களிடம் நல்ல வரவேற்பைப் பெற்றிருப்பதால், 2019 நிதியாண்டில் இந்த நிறுவனத்தின் விற்பனை அதிகரிக்க உதவும்.

ராயல் என்ஃபீல்ட் வாகனங்களின் விற் பனையை கடந்த ஆண்டுடன் ஒப்பிடுகையில் 13% குறைந்தும், கடந்த மாதத்துடன்  ஒப்பிடுகையில் 11% குறைந்து 58,000 பைக்குகள் விற்பனை யாகியுள்ளன. ஆனால், எதிர்பார்க்கப்பட்ட விற்பனை 65,000 பைக்குகளாகும். 2019 நிதி யாண்டில் 8,80,000 ராயல் என்ஃபீல்ட் பைக்குகள் விற்பனையாகும் என்று நாங்கள் மதிப்பிட்டி ருந்தோம். ஆனால், 2018 டிசம்பரில் விற்பனை குறைந்திருப்பதால், இந்த மதிப்பீட்டை நாங்கள் மாற்றியாக வேண்டும். 

பஜாஜ் ஆட்டோ நிறுவனத்தின் வாகன விற்பனை ஆண்டு ஒப்பீட்டளவில் 31% ஏற்றத்தையும், மாத ஒப்பீட்டளவில்  14% குறைந்தும் 2,99,000 பைக்குகள் விற்பனையாகியுள்ளது. எனினும், ஏற்றுமதி விற்பனை ஆண்டு ஒப்பீட்ட ளவில் 22% அதிகரித்தும், மாத ஒப்பீட்டளவில் 1% ஏற்றம் கண்டு 1,41,000 யூனிட்டுகள் விற்பனை யாகியுள்ளது. உள்நாட்டு இருசக்கர வாகனங்கள் விற்பனை ஆண்டு ஒப்பீட்டளவில் 39% அதிகரித்து ஏற்றமும், மாத ஒப்பீட்டில் 23% குறைந்து மொத்தம் 1,57,000 இருசக்கர வாகனங்கள் விற்பனை யாகியுள்ளன. இந்த நிறுவனத்தின் விற்பனை அதிகரிக்கக் காரணம், சிடி100 வாகனம் அதிக அளவில் விற்பனையானதே.

   பொங்கலுக்குப்பிறகு...

இருசக்கர வாகன டீலர்கள் சிலருடன் பேசியபோது, மகரசங்கராந்தி பண்டிகையில் (பொங்கல் பண்டிகை) இருசக்கர வாகனங்கள் நன்கு விற்பனை ஆகுமென்கிற எதிர்பார்ப்பில் இருப்பது தெரிந்தது. ஜனவரி முதல் இரண்டு வாரத்தில் அதிக வரவேற்பு இல்லாதிருந்தாலும், மகரசங்கராந்தியையொட்டி நல்ல வரவேற்பு இருக்கக்கூடும்.

   நான்கு சக்கர வாகனங்கள்

மாருதி சுஸூகி நிறுவனத்தின் உள்நாட்டு வாகன விற்பனை ஆண்டு ஒப்பீட்ட ளவில் 2% வளர்ச்சியும், மாத ஒப்பீட்டளவில் 17% விற்பனை குறைந்து 1,21,000 யூனிட்டுகள் விற்பனை யாகியுள்ளது. ஜனவரி 19-ம் தேதியன்று புதிய வேகன்ஆர் வாகனத்தை அறிமுகப்படுத்த இந்த நிறுவனம் முடிவெடுத்துள்ளது. இதனால் 2019 நான்காவது காலாண்டில் ஒட்டுமொத்த விற்பனை 5% அதிகரிக்கும் என்று எதிர்பார்க்கப்படுகிறது. 2019-ல் இரண்டு இலக்கத்தில் விற்பனை இருக்கும் என்று மதிப்பிடப்பட்டது.

ஒட்டுமொத்த விகடனுக்கும் ஒரே ஷார்ட்கட்!

குறையும் வாகன விற்பனை... என்னதான் காரணம்?

எம்&எம் நிறுவனத்தின் பயணியர் வாகன விற்பனை, ஆண்டு ஒப்பீட்டளவில் 3 சதவிகிதமும், மாத ஒப்பீட்டளவில் 7 சதவிகிதமும் இறக்கத்தைச் சந்தித்து மொத்தம் 15,000 யூனிட்டுகள் விற்பனையாகியுள்ளது. இந்த நிதியாண்டில் தற்போது வரையிலான விற்பனை 1,77,000 யூனிட்டுகளாக உள்ளது. இந்த நிறுவனத்தின் பயன்பாட்டு வாகனங்களின் (Utility veheicle) விற்பனை, ஆண்டு ஒப்பீட்டளவில் 4% குறைந்தும், மாத ஒப்பீட்டளவில் 8% இறக்கமும் கண்டு 14,000 யூனிட்டுகள் விற்பனையாகியுள்ளன.

ஹூண்டாய் நிறுவனத்தின் உள்நாட்டு விற்பனை ஆண்டு ஒப்பீட்டளவில் 5% அதிகரித்தும், மாத ஒப்பீட்டளவில் 4%  இறக்கம் கண்டும் 42,093 யூனிட்டுகள் விற்பனையாகியுள்ளன. டொயட்டோ வாகன விற்பனை ஆண்டு ஒப்பீட்டளவில் 10%  அதிகரித்து 11,830 யூனிட்டுகள் விற்பனையாகியுள்ளது. டொயட்டோ நிறுவன வாகன விற்பனை இன்னோவா கிரிஸ்டா மற்றும் ஃபார்ச்சுனர் வாகனங்களால் அதிகரித்துள்ளது. ஹூண்டாய் நிறுவன வாகன விற்பனை சமீபத்தில் அறிமுகமான புதிய சான்ட்ரோவால் அதிகரித்துள்ளது. ஒட்டுமொத்தமாக, பயணியர் வாகனத்தின் விற்பனை, வட்டி விகித உயர்வு மற்றும் இன்ஷூரன்ஸ் தொகை அதிகரிப்பால் கடந்த டிசம்பரில் நெருக்கடிக்கு உள்ளாகியிருப்பது தெரிகிறது. தற்போதைய நான்காவது காலாண்டில் வாகனங்களுக்கான தேவை ஒட்டுமொத்த வாகன விற்பனை வளர்ச்சியில் தாக்கத்தை ஏற்படுத்தும் என்று எதிர்பார்க்கலாம்.

   வணிகரீதியிலான வாகன விற்பனை

உள்நாட்டு விற்பனை ஆண்டு ஒப்பீட்டில் 11% குறைந்து, 36,180 யூனிட்டுகளாக உள்ளது. எரிபொருள் விலை உயர்வு அதிகமாக இருந்ததால், தற்போது வாகனம் வாங்கினால் லாபமாக இருக்குமா என்று வாடிக்கையாளர்கள் கணக்குப் பார்த்து, புதிய வாகனங்களை வாங்குவதைத் தவிர்த்தனர். டாடா மோட்டார்ஸ் நிறுவனத்தின் மீடியம் மற்றும் கனரக வணிக வாகனங்களின் விற்பனை ஆண்டு ஒப்பீட்டில் 27% குறைந்து, 11,506 யூனிட்டுகளாக உள்ளன. அதிக சுமை ஏற்றிச் செல்லும் அனுமதி பெற்ற சரக்கு வாகனங்களின் விற்பனையும்கூட பாதிக்கப்பட்டுள்ளது. டிப்பர் லாரி வாகனங்களின் விற்பனை கடந்த டிசம்பரில் 14% அதிகரித்தது. சாலைக் கட்டுமானம், மலிவு விலை வீடுகள், நீர்ப்பாசனத் திட்டங்கள் மற்றும் உள்கட்டமைப்புத் திட்டங்களுக்கான வேலைகள் நடைபெற்றதால் இவற்றின் தேவையும் விற்பனையும் குறையவில்லை. ஐ.எல்.சி.வி ட்ரக்குகளின் விற்பனை ஆண்டு ஒப்பீட்டளவில் 5% குறைந்து 4,846 யூனிட்டுகளாக உள்ளது.

குறையும் வாகன விற்பனை... என்னதான் காரணம்?

   விற்பனை குறைந்தது ஏன்?

இன்ஷூரன்ஸ் கட்டண உயர்வு, கச்சா எண்ணெய் விலை உயர்வு ஆகிய காரணங்கள் நான்கு சக்கர, இரு சக்கர வாகனங்களின் டிசம்பர் மாத சில்லறை விற்பனையைப் பாதித்துள்ளன. இந்த டிசம்பர் மாத விற்பனை, ஆண்டு இறுதியின் காரணமாகவும் பெருமளவு பாதிக்கப்பட்டுள்ளது.  இந்த ஜனவரியில் இரு சக்கர வாகன விற்பனை மீண்டெழுவதை எதிர்பார்க்கலாம். நான்கு சக்கர வாகனங்களின் விற்பனையில் பெரிய மாற்றத்தை எதிர்பார்க்க முடியாது. வாடிக்கையாளர்களிடம் பணப்புழக்கத் தட்டுப்பாடும், வாங்கும் ஆர்வம் குறைந்திருப்பதும் தொடரக்கூடும் எனலாம்.

   பங்குகளை என்ன செய்யலாம்?

கடந்த இரண்டு மாத புள்ளிவிவரங்களைப் பார்க்கும்போது இருசக்கர, நான்கு சக்கர வாகனங்களின் விற்பனை குறைந்திருப்பது தெரிகிறது.  இதை வைத்து மட்டுமே பங்குகளை வாங்கலாமா விற்கலாமா என்பதை முடிவு செய்ய முடியாது. அடுத்துவரும் மாதங்களின் வாகன விற்பனையையும் கவனிக்க வேண்டும். மேலும், கடந்த இரண்டு மாதங்களில் வாகன விற்பனை மந்தமாக இருந்ததால், நிறைய தள்ளுபடி தந்து வாகனங்களை விற்க வேண்டிய சூழல் நிலவியது. இதன் தாக்கம் மூன்றாம் காலாண்டின் முடிவுகளில் எதிரொலிக்கும். இந்த நிறுவனங்களின் லாபம் கடந்த காலாண்டுகளுடன் ஒப்பிடும்போது, குறைவாக இருக்க வாய்ப்புண்டு. லாபம் குறைவதால் பங்கு விலை நன்கு குறையும்பட்சத்தில், மாருதி, பஜாஜ் ஆட்டோ, ஹீரோ மோட்டோகார்ப் நிறுவனங்களின் பங்குகளை வாங்குவதற்குப் பரிசீலிக்கலாம்” என்றார் அவர்.

இந்தத் துறை சார்ந்த பங்குகளைத் தொடர்ந்து கண்காணிக்க வேண்டும் என்பது தெரிகிறது.

- தெ.சு.கவுதமன்

குறையும் வாகன விற்பனை... என்னதான் காரணம்?

டிராக்டர் விற்பனை

டிராக்டர் விற்பனையில் மஹிந்திரா & மஹிந்திரா நிறுவனம், ஆண்டு ஒப்பீட்டளவில் 2% விற்பனை குறைந்து 16,510 யூனிட்டுகளாக இருந்தது. இந்த நிதியாண்டில் தற்போது வரையிலான விற்பனை 10% அதிகரித்து 2,59,000 யூனிட்டுகளாக உள்ளது. எஸ்கார்ட்ஸ் டிராக்டர் விற்பனை, ஆண்டு ஒப்பீட்டளவில் 21% அதிகரித்து 4,212 யூனிட்டுகளாக உள்ளது. இந்த நிதியாண்டில் தற்போது வரையிலான விற்பனை 25% அதிகரித்து 69,000 யூனிட்டுகளாக உள்ளது.