Published:Updated:

வரிச் சேமிப்புக்கு 10 வழிகள்!

ஒட்டுமொத்த விகடனுக்கும் ஒரே ஷார்ட்கட்

Use App
வரிச் சேமிப்புக்கு 10 வழிகள்!
வரிச் சேமிப்புக்கு 10 வழிகள்!

சேமிப்பு ஸ்பெஷல்

பிரீமியம் ஸ்டோரி

ருமானத்தின் பெரும்பகுதியை வருமான வரியாகக் கட்ட வேண்டி யிருக் கிறது எனப் புலம்பு பவர்கள் ஏராளம். சில எளிய வழிகளைப் பயன்படுத்தி இந்த வருமானவரிக்கான செலவை சட்டபூர்வமாகவே மிச்சப்படுத்த முடியும். அப்படிப்பட்ட 10 வழிகள் இங்கே... 

வரிச் சேமிப்புக்கு 10 வழிகள்!

1. பிராவிடென்ட் ஃபண்ட் (P.F)

ஒருவரின் சம்பளத்தில் பிடிக்கப்படும் பிராவிடென்ட் ஃபண்ட் தொகைக்கு வரிச்சலுகை உண்டு. தற்போதைய நிலையில் ஆண்டுக்கு 8.55% வருமானம் கிடைத்துவருகிறது. வட்டிக்கு வட்டி சேர்ந்து நீண்ட காலத்தில் பெரும்தொகையாகச் சேரும். வருமானம் மற்றும் முதிர்வுத் தொகைக்கு வரி இல்லை என்பது  கூடுதல் சிறப்பு. முதலீட்டில் ரிஸ்க் வேண்டாம் என்கிறவர்களுக்கு ஏற்றது, இது.  வி.பி.எஃப் என்கிற விருப்ப பிராவிடென்ட் ஃபண்ட் மூலம் கூடுதல் தொகையை  பிஎஃப் முதலீட்டில் சேர்க்கலாம். சம்பளத்தில் எவ்வளவு தொகையை வேண்டுமானாலும் வி.பி.எஃப் ஆக முதலீடு செய்யலாம். இந்தத் தொகைக்கும் வரிச் சலுகை இருக்கிறது.

2. பப்ளிக் பிராவிடென்ட் ஃபண்ட் (PPF)

சுயதொழில் செய்பவர்கள், அதிக ஓய்வூதியம் வேண்டும் என்கிற சம்பளதாரர்கள், சம்பளத்தில் பிஎஃப் பிடிக்கப்படாதவர்கள் என அனைவரும் பப்ளிக் பிராவிடென்ட் ஃபண்டில் முதலீடு செய்து வருமான வரிச் சலுகையைப் பெறலாம். தபால் அலுவலகம், வங்கிகள் மூலம் முதலீடு செய்யலாம். குறைந்தபட்ச முதலீட்டுத் தொகை ரூ. 500 ஆகவும் அதிகபட்ச முதலீட்டுத் தொகை ரூ. 1.5 லட்சமாகவும் இருக்கிறது. தற்போதைய நிலையில் ஆண்டுக்கு 8% வருமானம் கிடைக்கும். முதலீட்டுக் காலம் 15 ஆண்டுகளாகும். இதுவும் ரிஸ்க் எடுக்க விரும்பாதவர்களுக்கு ஏற்றது. இது 15 ஆண்டுத் திட்டம் என்பதைக் கவனத்தில் கொண்டு முதலீட்டை ஆரம்பிப்பது நல்லது.

3. ஃபிக்ஸட் டெபாசிட்

வங்கிகளின் ஐந்தாண்டு ஃபிக்ஸட் டெபாசிட் திட்டங்களில் செய்யப்படும் முதலீட்டுக்கு வரிச்சலுகை உண்டு. குறைந்தபட்ச முதலீட்டுத் தொகை ரூ. 100 ஆகவும் வட்டி வருமானம் 7.6 - 8.25% ஆக உள்ளது. மூத்த குடிமக்களுக்கு 0.25 - 0.5% கூடுதல் வட்டி உண்டு. வட்டி முதிர்வுக் காலம் வரை மாறாது. வட்டி வருமானத்துக்கு வரி கட்ட வேண்டும் என்பது மட்டும் பாதக அம்சம். ரிஸ்க் வேண்டாம் என்கிறவர்களுக்கும் அடிப்படை வருமான வரம்பு 5%-ல் இருப்பவர்களுக்கும் ஏற்றது.

4.தேசிய சேமிப்புப் பத்திரம்!

தபால் அலுவலகம் வழங்கும் ஐந்தாண்டு முதலீட்டுத் திட்டமான தேசிய சேமிப்புப் பத்திரத்தில் (என்எஸ்சி) செய்யப்படும் முதலீட்டுக்கு வரிச் சலுகை உண்டு. தற்போதைய நிலையில் ஆண்டுக்கு 8% வருமானம் கிடைக்கும்.வட்டி முதிர்வுக் காலம் வரை மாறாது. இது பாதுகாப்பான முதலீடு என்றாலும் வட்டிக்கு வரி உள்ளது. அடிப்படை வருமான வரம்பு 5%-ல் இருப்பவர்களுக்கும், ரிஸ்க் எடுக்க விரும்பாதவர் களுக்கும் ஏற்றது.

வரிச் சேமிப்புக்கு 10 வழிகள்!

5.மூத்த குடிமக்கள் சேமிப்புத் திட்டம்!

60 வயதுக்கு மேற்பட்ட மூத்த குடிமக்கள் வருமான வரியைச் சேமிக்கும் திட்டம் இது. தபால் அலுவலகம், வங்கிகள் மூலம் முதலீடு செய்யலாம். குறைந்தபட்ச முதலீட்டுத் தொகை: ரூ.1,000. வருமானத்துக்கு வரி உண்டு. வருமானம் ஆண்டுக்கு 8.76%. வட்டி முதிர்வுக் காலம் வரை மாறாது. முதலீட்டை 5 ஆண்டுகளுக்கு எடுக்க முடியாது. ஒருவர் 15 லட்சம் ரூபாய் வரையில் முதலீடு செய்யலாம் என்றாலும், ரூ.1.5 லட்சத்துக்கு மட்டும்தான் நிபந்தனைக்கு உட்பட்டு வரிச் சலுகை கிடைக்கும். ரிஸ்க் வேண்டாம் என்கிறவர்களுக்கு ஏற்றது.

6. வரிச் சேமிப்பு மியூச்சுவல் ஃபண்டுகள்!

பங்குச் சந்தை சார்ந்த சேமிப்புத் திட்டத்தில் (இஎல்எஸ்எஸ்) மேற்கொள்ளப்படும் முதலீட்டுக்கு வரிச்சலுகை உண்டு. குறைந்தபட்ச முதலீட்டுத் தொகை ரூ. 500. எஸ்ஐபி மூலம் மாதந்தோறும் முதலீடு செய்யும் வாய்ப்பு உள்ளது. வருமானம் பங்குச் சந்தையின் செயல்பாட்டைச் சார்ந்துள்ளது (கடந்த 3 ஆண்டுகளில் சராசரி வருமானம் 25%).  முதலீட்டுக் காலம் 3 ஆண்டுகளாகும். வருமானத்துக்கு 1 லட்சம் வரை வரி இல்லை. அதன் பிறகு 10% வரி கட்ட வேண்டும். பங்குச் சந்தையின் ரிஸ்க் இருக்கிறது என்பதால்  ரிஸ்க் எடுக்கத் தயாராக இருப்பவர்கள் முதலீடு செய்யலாம். இந்த பென்ஷன் திட்டங்கள் அனைத்திலுமான மொத்த முதலீடு, 80சி பிரிவின் கீழ் கொண்டுவரப்பட்டு, நிபந்தனைக்கு உட்பட்டு அதிகபட்சம் ரூ. 1.5 லட்சம் வரையில் வரிச்சலுகை அளிக்கப்படும்.

7. பிள்ளைகளின் கல்விக் கட்டணம்..!

பிள்ளைகளின் கல்விச் செலவுகளுக்கு வருமான வரிச்சலுகை இருக்கிறது. கல்விக் கட்டணத்துக்கு மட்டும்தான் வரிச்சலுகை உண்டு. தம்பதிகள் இருவரும் வேலை பார்க்கும்போது, இரண்டு பிள்ளைகள் எனில் ஒரு பிள்ளைக்குத் தாயும், இன்னொரு பிள்ளைக்குத் தந்தையும் வரிச்சலுகை பெறுவதன் மூலம் அதிகமான வரியைச் சேமிக்க முடியும்.

8. திரும்பக் கட்டும் வீட்டுக் கடன் அசல்!

சொந்த வீடு ஒருவருக்கு அவசியம் என்பதால், அதை வாங்கும் கடனில் திரும்பச் செலுத்தும் அசல் தொகைக்கு மட்டும் வரிச்சலுகை இருக்கிறது.

9. ஆயுள் காப்பீட்டு பாலிசி பிரீமியம்

ஆயுள் காப்பீட்டு பிரீமியத்துக்கு வரிச் சலுகை இருக்கிறது. மேலே குறிப்பிட்ட  9  விஷயங்களுக்கும் சேர்த்து நிதியாண்டில் 80சி பிரிவின் கீழ் அதிகபட்சம் ரூ. 1.5 லட்சத்துக்கு வரிச்சலுகை கிடைக்கும்.

10. நேஷனல் பென்ஷன் சிஸ்டம்!

ஓய்வூதியச் சலுகை இல்லாதவர்கள், கூடுதலாக பென்ஷன் தேவை என்கிறவர்கள் மத்திய அரசின் இந்த ஓய்வூதியத் திட்டத்தில் சேரலாம். இந்தத் திட்டத்தில் தபால் அலுவலகம் மற்றும் முன்னணி வங்கிகள் மூலம் முதலீடு செய்யலாம். பணி ஓய்வுக்குப் பிறகுதான் முதிர்வுத் தொகை கிடைக்கும். ஆண்டுக்கு ரூ.50,000 வரைக்கும் செய்யும் முதலீட்டுக்கு 80சி பிரிவைத் தாண்டி வரிச்சலுகை இருக்கிறது.

சி.சரவணன் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு