Published:Updated:

20 ஆண்டுகளில் ரூ.1 கோடி... எவ்வளவு முதலீடு செய்ய வேண்டும்?

20 ஆண்டுகளில் ரூ.1 கோடி... எவ்வளவு முதலீடு செய்ய வேண்டும்?
பிரீமியம் ஸ்டோரி
20 ஆண்டுகளில் ரூ.1 கோடி... எவ்வளவு முதலீடு செய்ய வேண்டும்?

கேள்வி - பதில்

20 ஆண்டுகளில் ரூ.1 கோடி... எவ்வளவு முதலீடு செய்ய வேண்டும்?

கேள்வி - பதில்

Published:Updated:
20 ஆண்டுகளில் ரூ.1 கோடி... எவ்வளவு முதலீடு செய்ய வேண்டும்?
பிரீமியம் ஸ்டோரி
20 ஆண்டுகளில் ரூ.1 கோடி... எவ்வளவு முதலீடு செய்ய வேண்டும்?

என் வயது 30.  ரிலையன்ஸ் ஸ்மால்கேப், எல்&டி எமெர்ஜிங் பிசினஸ் ஃபண்ட், ஆக்ஸிஸ் மிட்கேப் ஃபண்ட் ஆகிய குரோத் ஃபண்டுகளில் தலா ரூ.2,000 வீதம் கடந்த ஜனவரி 2018 முதல் நான் முதலீடு செய்து வருகிறேன். எனது 50 வயதில் தோராயமாக ஒரு கோடி ரூபாய் கிடைக்க மேலும் எவ்வளவு தொகையை நான் முதலீடு செய்ய வேண்டும்?

செந்தில்குமார், கோயமுத்தூர்

த.முத்துகிருஷ்ணன், நிதி ஆலோசகர்

“நீங்கள், மிட்கேப் மற்றும் ஸ்மால்கேப் ஃபண்டுகளில் முதலீடு செய்துள்ளீர்கள். இவற்றில் 20 ஆண்டுகளுக்கு முதலீடு செய்வது நன்றாக இருக்கும். எனினும், இதன் பயணம் ஏற்ற இறக்கத்துடன்தான் இருக்கும் என்பதையும் மனதில்கொள்ள வேண்டும்.

20 ஆண்டுகளுக்குப்பின் உங்களுக்கு ஒரு கோடி ரூபாய் கிடைக்க, ஆண்டுக்கு தோராயமாக 15% வருமானம் எனக்கொண்டால், மாதம் ரூ.7,000 முதலீடு செய்யவேண்டியிருக்கும். எனவே, தற்போது நீங்கள் முதலீடு செய்துவரும் 6,000 ரூபாயுடன், மேலும் 1,000 ரூபாயைக் கூடுதலாக முதலீடு செய்யவேண்டும்.”

20 ஆண்டுகளில் ரூ.1 கோடி... எவ்வளவு முதலீடு செய்ய வேண்டும்?

பிளாஸ்டிக் சர்ஜரி சிகிச்சைக்குச் செய்யக்கூடிய செலவுகளை மருத்துவக் காப்பீட்டில் க்ளெய்ம் செய்ய முடியுமா?

செழியன், நாகர்கோவில்

பி.மனோகரன், இன்ஷூரன்ஸ் ஆலோசகர்

“தீக்காயம் மூலம் ஏற்பட்ட பாதிப்புக்கு அல்லது விபத்தினால் ஏற்பட்ட பாதிப்புக்கு பிளாஸ்டிக் சர்ஜரி செய்யவேண்டிய கட்டாயம் ஏற்பட்டால் அந்தச் சிகிச்சைக்கான செலவை மருத்துவக் காப்பீட்டில் க்ளெய்ம் செய்யலாம்.

ஆனால், பிறவியில் ஏற்பட்ட குறை பாட்டிற் காகவோ, உடலை அழகுபடுத்துவதற்காகவோ பிளாஸ்டிக் சர்ஜரி செய்யப்பட்டால் அதற்கு மருத்துவக் காப்பீட்டில் க்ளெய்ம் செய்ய முடியாது. அந்தச் சிகிச்சை காஸ்மெட்டிக் வகையைச் சேரும். எனவே, பிளாஸ்டிக் சர்ஜரிக்கு க்ளெய்ம் செய்வதைப் பொறுத்தவரை, மருத்துவ அறிக்கையை ஆய்வுசெய்துதான் முடிவெடுக்க முடியும்.”

எனது போர்ட்ஃபோலியோவில் 5 சதவிகிதத்திற்கு மேல் இருக்கும் யெஸ் பேங்க் பங்கை, ரூ.280 என்ற விலையில் ஐந்தாண்டு இலக்கில் வாங்கினேன்.  இந்தப் பங்கின் விலை விலை சரிவடைந்துள்ள நிலையில், தொடர்ந்து வைத்திருக்கலாமா என்று சொல்லுங்கள்.

மகேஷ்குமார், மதுரை

எம்எஸ்ஓ.அண்ணாமலை, பங்குச் சந்தை ஆலோசகர்

“யெஸ் பேங்க் நிறுவனத்தின் பங்கு மதிப்பு ரூ.150 என்ற அளவிற்குச் சரிவடைந்து தற்போது ரூ.203 என்ற அளவில் உள்ளது. சமீபத்தில் நிர்வாகத்தில் ஏற்பட்டிருந்த பிரச்னைகள் அனைத்தும் தற்போது சாதகமாகத் தீர்க்கப் பட்டுள்ளன. இனிமேல் விலைச்சரிவுக்கான வாய்ப்புக் குறைவு. இன்னும் ஓரிரு ஆண்டுகளுக்குப் பின் இந்தப் பங்கின் விலை லாபத்துக்கு வரக்கூடும்.’’
 
மூத்த குடிமக்களான எனது அம்மா, மாத டிவிடெண்ட் வரக்கூடிய மியூச்சுவல் ஃபண்டில் ஐந்தாண்டுக் காலத்திற்கு முதலீடு செய்ய விரும்புகிறார். அந்த வருமானத்திற்கு வரி கட்ட வேண்டுமா?

 ஸ்ரீனிவாஸ், சென்னை

கே.ஆர்.சத்யநாராயணன், ஆடிட்டர்

“மியூச்சுவல் ஃபண்டிலிருந்து கிடைக்கும் டிவிடெண்டுக்கு வருமானவரிச் சட்டம் பிரிவு  10 (35)ன்படி வருமான வரி விலக்கு உண்டு. உங்கள் அம்மாவுக்கு இந்த வருமானம் தவிர்த்து வேறு ஏதாவது வருமானம் வருவதாக இருந்தால், அந்த வருமானம் ஆண்டுக்கு ரூ.3 லட்சத்  தாண்டும் பட்சத்தில், வருமான வரி அடிப்படை வரம்புக்கு ஏற்ப 5%, 20% மற்றும் 30% வரி செலுத்த வேண்டி இருக்கும்.”

ஒட்டுமொத்த விகடனுக்கும் ஒரே ஷார்ட்கட்!

20 ஆண்டுகளில் ரூ.1 கோடி... எவ்வளவு முதலீடு செய்ய வேண்டும்?

அரசு ஊழியரான நான் எனது குழந்தையின் முதலாவது பிறந்த நாளை ஒன்றரை லட்சம் ரூபாய் செலவில் கொண்டாடினேன். இந்தச் செலவை வருமான வரிக் கழிவுக்குக் காட்ட முடியுமா?

ராம் குமார், திண்டுக்கல்

ஸ்ரீராம் ரெட்டி, ஆடிட்டர்

“பிறந்த நாள், திருமணம் போன்ற ஒருவரின் தனிப்பட்ட செலவுகளை வருமான வரிக்கழிவுக்குக் காட்ட முடியாது.”

இன்னும் எட்டு ஆண்டுகளில் நான் பணியிலிருந்து ஓய்வுபெற உள்ளேன். 20 லட்சம் ரூபாயை வரிச் சேமிப்புள்ள ஓய்வூதியத் திட்டத்தில் முதலீடு செய்யப் பரிந்துரைக்கவும்.

முத்துராஜ், தாம்பரம்

கனகா ஆசை, நிதி ஆலோசகர்

“நீங்கள் முதலீடு செய்ய விரும்பும் 20 லட்சம் ரூபாயை நான்காகப் பிரித்து தலா ஐந்து லட்சம் ரூபாய் என்ற விகிதத்தில் பின்வரும் மியூச்சுவல் ஃபண்ட் திட்டங்களில் முதலீடு செய்யவும்.
ஹெச்.டி.எஃப்.சி ரிட்டயர்மென்ட் சேவிங்ஸ் ஃபண்டில் முதலீடு செய்து வருமான வரிச்சட்டம்  பிரிவு 80சிபடி ரூ.1.5 லட்சம் வரை க்ளெய்ம் செய்யலாம். அடுத்து, டாடா ட்ரஷரி அட்வான்டேஜ் ஃபண்டில் ஓராண்டுக் காலத்திற்கு முதலீடு செய்தபின்னர், அடுத்த ஆண்டில் டாடா ரிட்டயர்மென்ட் சேவிங்ஸ் ஃபண்டுக்கு மாற்றிக் கொள்ளவும்.

ஹெச்.டி.எஃப்.சி அல்ட்ரா சார்ட் டேர்ம் ஃபண்ட் மற்றும் ஃப்ராங்க்ளின் இந்தியா அல்ட்ரா சார்ட் பாண்ட் ஃபண்டில் தலா ரூ.5 லட்சத்தை ஓராண்டுக் காலத்திற்கு முதலீடு செய்து, அதிலிருந்து கிடைக்கும் தொகையை அந்தந்த நிறுவனங்களைச் சேர்ந்த வருமான வரிப் பிரிவு 80சி-யின்படி வரிச் சேமிப்புள்ள ரிட்டயர்மென்ட் ஃபண்டுகளுக்கு மாற்றி முதலீடு செய்யவும்.

நான் சொன்ன நான்கு ஃபண்டுகளின் லாக்இன் பீரியட் முடிந்தவுடன் எஸ்.டபிள்யூ.பி முறைப்படி மாதாமாதம் வருமானத்தை பென்ஷன் போலப் பெறலாம்.”

நான் புதிதாக ஏற்றுமதித் துறைக்கு வந்துள்ளேன். ஒரு பொருளை ஏற்றுமதி செய்தபிறகு வங்கிக்கு என்னென்ன டாக்குமென்டுகளைக் கொடுக்க வேண்டும்?

மகேந்திரன், சென்னை

கே.எஸ்.கமாலுதீன், இயக்குநர், புளூபாரத் எக்சிம் பிரைவேட் லிமிடெட்

“ஏற்றுமதித் துறை குறித்த பல விஷயங்களையும் தெரிந்துகொண்டு இந்தத் துறையில் நுழைபவர்கள் வெற்றி பெறமுடியும். முக்கியமாக, வங்கிக்கு தரவேண்டிய டாக்குமென்டுகள் குறித்து ஏற்றுமதியாளர் அறிந்து வைத்திருக்க வேண்டும். வங்கிக்கு ஒரு ஏற்றுமதியாளர் தரவேண்டிய டாக்குமென்டுகள்  என்னென்ன எனச் சொல்கிறேன்.

 பையர்(buyer) கன்ஃபர்மேஷன் ஆர்டர் காப்பி (பர்ச்சேஸ் ஆர்டர்), கமர்ஷியல் இன்வாய்ஸ் (3 ஒரிஜினல்), பேக்கிங் லிஸ்ட் (3 ஒரிஜினல்), பில் ஆஃப் லேடிங் (bill of lading) 1, 2, 3 ஒரிஜினல், எக்ஸ்போர்ட்டர் காப்பி (ஷிப்பிங் பில்லின் நகல் மட்டும் தரவேண்டும். ஒரிஜினல் தரக்கூடாது.), பில் ஆஃப் எக்ஸ்சேஞ்ச் (bill of exchange) ஒரிஜினல்கள், இதர சான்றிதழ்கள் தேவைப் பட்டால் அவற்றின் ஒரிஜினல் என இந்த டாக்குமென்டுகளைக் கொடுத்தால் போதும்.’’ 

தொகுப்பு: தெ.சு.கவுதமன்

20 ஆண்டுகளில் ரூ.1 கோடி... எவ்வளவு முதலீடு செய்ய வேண்டும்?

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி:

கேள்வி-பதில் பகுதி,
நாணயம் விகடன், 757,
அண்ணாசாலை, சென்னை-2.
nav@vikatan.com.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism