Published:Updated:

RTI அம்பலம்: சிறுநீரக நோயாளிகளின் உயிரோடு விளையாடும் தமிழக அரசு!

RTI அம்பலம்: சிறுநீரக நோயாளிகளின் உயிரோடு விளையாடும் தமிழக அரசு!
பிரீமியம் ஸ்டோரி
News
RTI அம்பலம்: சிறுநீரக நோயாளிகளின் உயிரோடு விளையாடும் தமிழக அரசு!

காட்சிப் பொருளாகிய டயாலிசிஸ் எந்திரங்கள்...

RTI அம்பலம்: சிறுநீரக நோயாளிகளின் உயிரோடு விளையாடும் தமிழக அரசு!

“தமிழகத்தில் 17.5 கோடி ரூபாய் செலவில் 200 நவீன டயாலிசிஸ் எந்திரங்கள் நிறுவப்படும்” என்று 2018, ஜூலை 14-ம் தேதி சட்டமன்றத்தில் அறிவித்தார் சுகாதாரத்துறை அமைச்சர் விஜயபாஸ்கர். இதையடுத்து, “ஏற்கெனவே, 2017-ம் ஆண்டு இறுதியில் தமிழக அரசு மருத்துவமனைகளுக்கு 100 டயாலிஸிஸ் எந்திரங்கள் வழங்கப்பட்டன. அவற்றில் பாதிக்கும் மேற்பட்டவை பயன்பாட்டுக்கு வராத நிலையில், புதிதாக 200 எந்திரங்கள் எதற்காக வாங்கப்படுகின்றன” என்று சர்ச்சைகள் எழுந்துள்ளன. இதுகுறித்து விகடன் தகவல் உரிமைக் குழு தகவல்களைத் திரட்டியது. இதில் தமிழகத்தில்  ஆயிரக்கணக்கான சிறுநீரக நோயாளிகள் அரசின் அலட்சியத்தால், தினமும் எப்படியெல்லாம் செத்துப்பிழைக்கிறார்கள் என்கிற அதிர்ச்சித் தகவல்கள் கிடைத்தன. அந்தத் தகவல்களின் தொகுப்பே இந்தக் கட்டுரை.

இந்தியாவில் சுமார் எட்டு லட்சம் சிறுநீரக நோயாளிகள் டயாலிசிஸ் செய்யவேண்டிய அவசியத்தில் உள்ளனர். இவர்களில் சுமார் ஒன்றரை லட்சம் பேர் தானமாக கிட்னியை எதிர்நோக்கிக் காத்திருக்கிறார்கள். தமிழகத்தில் ஆண்டுக்கு சுமார் ஒரு லட்சம் சிறுநீரக நோயாளிகள் டயாலிசிஸ் சிகிச்சை மேற்கொள்ள வேண்டிய நிலையில் இருக்கின்றனர். இவர்கள் வாரத்துக்கு இருமுறை டயாலிசிஸ் சிகிச்சையை எடுத்துக்கொள்ள வேண்டும். ஒருவருக்கு டயாலிசிஸ் செய்ய நான்கு மணி நேரம் ஆகும். மாநிலம் முழுவதும் அரசு மருத்துவமனைகளில் 600 டயாலிசிஸ் எந்திரங்கள்தான் பயன்பாட்டில் உள்ளன. ஆனால், தமிழகத்தின் தேவையைப் பூர்த்திசெய்ய மூவாயிரம் எந்திரங்கள் தேவை என்கிறார்கள் சிறுநீரக மருத்துவ வல்லுநர்கள்.

தனியார் மருத்துவமனையில் ஒவ்வொரு முறையும் ஆயிரக்கணக்கில் செலவுசெய்து சிகிச்சை பெறமுடியாத நோயாளிகள்தான், அரசு மருத்துவமனையை நாடுகிறார்கள். இவர்கள் குறிப்பிட்ட காலத்துக்குள் உரிய சிகிச்சையைப் பெறமுடியாவிட்டால், உயிரிழக்கும் அபாயம் ஏற்படுகிறது. இப்படியான நிலையில்தான் பலகோடி ரூபாய் செலவழித்து வாங்கப்பட்ட எந்திரங்களைப் பயன்படுத்தாமல் மூலையில் போட்டுவைத்திருக்கிறது, சுகாதாரத் துறை. தமிழகம் முழுவதும் அரசு மருத்துவ மனைகளில் உள்ள 600-க்கும் மேற்பட்ட எந்திரங்களை மூன்று ஷிப்டுகளுக்கும் பயன் படுத்தினால், நாள் ஒன்றுக்கு 3,600 நோயாளிகளுக்கு டயாலிசிஸ் சிகிச்சை அளிக்க முடியும். ஆனால், தற்போது ஆயிரம் நோயாளிகளுக்குக்கூட டயாலிசிஸ் செய்யப்படுவதில்லை. காரணம் கேட்டால், சுத்திகரிக்கப்பட்டத் தண்ணீர் பற்றாக்குறை, இடப்பற்றாக்குறை, டெக்னீஷியன் கள் பற்றாக்குறை என்று பட்டியலிடுகிறார்கள்.

RTI அம்பலம்: சிறுநீரக நோயாளிகளின் உயிரோடு விளையாடும் தமிழக அரசு!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இந்திய மருத்துவ கவுன்சிலின் விதிமுறைகளின் படி மூன்று டயாலிசிஸ் எந்திரங்களுக்கு ஒரு தகுதி வாய்ந்த டெக்னீஷியன் இருப்பதை உறுதிப்படுத்த வேண்டும். அதன்படி மூன்று ஷிப்டுகளுக்கும் சேர்த்துக் குறைந்தது, தமிழக அரசு மருத்துவ மனைகளில் 1,500 டயாலிசிஸ் டெக்னீசியன்கள் இருக்கவேண்டும்.  ஆனால் தமிழகத்தில் நூற்றுக்கும் குறைவான டெக்னீஷியன்கள் மட்டுமே, தற்காலிக ஒப்பந்தம் அடிப்படையில் நியமிக்கப்பட்டுள்ளனர். நிரந்தரப் பணியாளர்கள் வெறும் ஆறு பேர் மட்டுமே என்பது எவ்வளவு பெரும் அவலம்!

நோயாளி ஒருவருக்கு ஒருமுறை டயாலிசிஸ் செய்ய 150 முதல் 200 லிட்டர் சுத்திகரிக்கப்பட்ட தண்ணீர் தேவை. 400 லிட்டர் தண்ணீரைச் சுத்திகரித்தால்தான் இந்த அளவு சுத்திகரிக்கப்பட்ட நீர் கிடைக்கும். ஒரு நாளைக்குப் பத்து நோயாளி களுக்கு டயாலிசிஸ் செய்யவேண்டும் என்றால் நான்காயிரம் லிட்டர் தண்ணீர் தேவை. நீர்ப் பற்றாக்குறை தவிர டெக்னீஷியன் சம்பளம், மருத்துவக்கருவி செலவுகளையொட்டியும் அரசு மருத்துவமனைகளில் டயாலிசிஸ் எந்திரங்களைப் பயன்படுத்தாத அவலம் நீடிக்கிறது. உதாரணத் துக்கு திருநெல்வேலி மாவட்டம், சங்கரன்கோவில் அரசு மருத்துவமனையில் கடந்த ஆறு மாதங்களாக இரண்டு டயாலிசிஸ் எந்திரங்கள் பயன்பாட்டில் இல்லை. இதனால் சுற்றுவட்டார கிராம மக்கள் 50 கி.மீ தூரம் பயணித்து, திருநெல்வேலி அல்லது தென்காசி அரசு மருத்துவமனைக்குச் செல்ல வேண்டியிருக்கிறது.

தென்காசி அரசு மாவட்டத் தலைமை மருத்துவமனையில், ஏற்கெனவே ஐந்து டயாலிசிஸ் எந்திரங்கள் இயங்கிவந்த நிலையில், நோயாளிகள் எண்ணிக்கை அதிகரித்ததால் கூடுதலாக ஒரு டயாலிசிஸ் எந்திரத்தை, 2107 டிசம்பர் இறுதியில் மாநிலச் சுகாதாரத்துறையினர் அனுப்பிவைத்தனர். ஆனால், இடப்பற்றாக்குறை என்று கூறி தென்காசி மருத்துவமனை நிர்வாகம், அதை நாங்குனேரி அரசு மருத்துவமனைக்கு அனுப்பிவிட்டது. அங்கும் அந்த எந்திரத்தைப் பல மாதங்கள் பயன்படுத்தாமல், மீண்டும் சங்கரன்கோவில் மருத்துவமனைக்கே அனுப்பிவிட்டார்கள். தற்போது அங்கு மூன்று எந்திரங்களும் பல மாதங்களாகப் பயன்படுத்தப்படாமல் காட்சிப் பொருளாகவே கிடக்கின்றன.

RTI அம்பலம்: சிறுநீரக நோயாளிகளின் உயிரோடு விளையாடும் தமிழக அரசு!

சங்கரன்கோவில் அருகில் சென்னிக்குளம் கிராமத்தைச் சேர்ந்த இளைஞர் குமார், சிறுநீரகங்கள் பாதிக்கப்பட்டு டயாலிசிஸ் சிகிச்சை மேற்கொள்ள வேண்டிய கட்டாயத்தில் இருக்கிறார். நோயின் துயரத்துடன் நம்மிடம் பேசியவர், “திருநெல்வேலி அரசு மருத்துவ மனையில் டயாலிசிஸ் சிகிச்சை எடுத்துக் கிட்டிருந்தேன். அப்புறம், ‘சங்கரன்கோவில் அரசு மருத்துவமனையிலேயே டயாலிசிஸ் எந்திரம் இருக்கு’னு சொல்லி என்னை இங்கே அனுப்பிட்டாங்க. சங்கரன்கோவில் அரசு மருத்துவமனைக்குப் போனப்போ, ‘இங்க மிஷின் செயல்பட ஆரம்பிக்கலை’னு சொல்லிட்டாங்க. ஒவ்வொரு முறையும் திருநெல்வேலி போயிட்டு வர முடியாம சிகிச்சையைத் தள்ளிப்போட்டதுல உடல்நிலை மோசமாகிடுச்சு. தனியார் ஆஸ்பத்திரியில அறுபதாயிரம் ரூபாய் செலவழிச்சு மீண்டுவந்தேன். இப்போ, வாரம் ரெண்டு தடவை தென்காசி அரசு மருத்துவமனைக்குப் போய்தான் டயாலிசிஸ் பண்றேன். எனக்கு அம்மாதான் துணையா வர்றாங்க. ரெண்டு பேருக்கும் பயணம், சாப்பாடுனு நிறைய செலவாகுது. தவிர, வாரம் ரெண்டு நாள் முழுக்க இதுக்காக செலவழிக்க வேண்டியிருக்கு. சங்கரன்கோவில்ல எந்திரம் பயன்பாட்டுக்கு வந்தா, என்னை மாதிரி வசதியில்லாத பல நோயாளிகளுக்குப் பலனாக இருக்கும்” என்றார் குமார்.

RTI அம்பலம்: சிறுநீரக நோயாளிகளின் உயிரோடு விளையாடும் தமிழக அரசு!

புதுக்கோட்டை அரசு மருத்துவமனையில், நாள் ஒன்றுக்கு 100 நோயாளிகளுக்கு டயாலிசிஸ் செய்யவேண்டிய நிலையில் வெறும் 15 பேருக்கு மட்டும் சிகிச்சை அளிக்கின்றனர். இங்கு 30 டயாலிசிஸ் எந்திரங்கள் உள்ளன. ஒரு எந்திரத்தின் மூலம் ஒரு ஷிப்டில் இரண்டு பேருக்கு என ஒரு நாளில் 60 பேருக்கு டயாலிசிஸ் செய்யமுடியும். இரண்டு ஷிப்டுகளையும் சேர்த்தால், தினமும் 120 நோயாளிகளுக்குச் சிகிச்சை அளிக்கமுடியும். ஆனால், இங்கு தினமும் நூற்றுக் கணக்கான நோயாளிகள் காத்திருக்கும் நிலையில் 15 முதல் 20 நோயாளிகளுக்கு மட்டுமே டயாலிசிஸ் செய்யப் படுகிறது. இதனால் பலரும் தனியார் மருத்துவமனைக்குச் செல்ல வேண்டிய கட்டாயத் துக்குத் தள்ளப்பட்டுள்ளனர். இங்கு 30 எந்திரங்களுக்கும் ஒரே ஒரு தகுதிவாய்ந்த டெக்னீஷியன் மட்டுமே ஒப்பந்த அடிப்படையில் நியமிக்கப்பட்டுள்ளார். மேலும், செவிலியர்களைக் கொண்டு டயாலிசிஸ் மேற்கொள்ளப்படுவதால், அவர்களின் வழக்கமான பணிகளும் பாதிக்கப்படுகின்றன என மருத்துவமனைப் பணியாளர்கள் அதிருப்தி தெரிவிக்கின்றனர்.

தவிர செவிலியர்களுக்கு இதற்கான பயிற்சி களும் போதாது என்கின்றனர் இந்தத் துறையில் இருப்பவர்கள். தமிழக அரசு சார்பில் செவிலியர் களுக்கு 15 நாள் டயாலிசிஸ் டெக்னீசியன் பயிற்சி அளிக்கப்படுகிறது. 2016-ல் ஆறு  செவிலியர் களுக்கும், 2017-ல் 18 செவிலியர்களுக்கும் 2018-ல் 158 செவிலியர்களுக்கும் டயாலிசிஸ் சிகிச்சை அளிப்பதற்காகப் பயிற்சி அளிக்கப்பட்டது எனத் தகவல் உரிமைச் சட்டத்தின் மூலம் தகவல் கிடைத்துள்ளது. ஆனால், 15 நாள்கள் பயிற்சி போதாது என்பது மருத்துவ வல்லுநர்களின் கருத்து.

இதுகுறித்து தமிழ்நாடு மருத்துவப் பணிகள் கழக மேலாண்மை இயக்குநர் டாக்டர் உமாநாத்திடம் கேட்டோம்.

அவர், “மாநிலம் முழுவதும் அரசு மருத்துவமனைகளில் 785 டயாலிசிஸ் எந்திரங்கள் நிறுவப்பட்டுள்ளன. இவற்றில் 531 எந்திரங்கள் பயன்பாட்டில் உள்ளன. மீதமுள்ளவை மின்சாரம், சுத்திகரிக்கப்பட்ட தண்ணீர் பற்றாக்குறை உள்ளிட்ட காரணங்களால் செயல்பாட்டில் இல்லை. அவற்றைச் செயல்படுத்தும் பணியைத் தேசிய சுகாதார இயக்கம் மேற்கொண்டு வருகிறது. அத்துடன் எந்திரங்கள் செயல்படுகின்றனவா என்பதையும் அவ்வப்போது ஆய்வுசெய்கிறார்கள். டெக்னீஷியன் பற்றாக்குறை இருப்பது உண்மைதான். மருத்துவர்கள், செவிலியர்கள் பணியிடங்கள் மட்டுமே நிரந்தரப் பணியாளர்களாக நியமிக்கப்படுகிறார்கள். டெக்னீஷியன்களை அந்தந்த மருத்துவமனைகளே, ஒப்பந்தப் பணியாளர்களாக நியமித்துக் கொள்கின்றன. எனவே, டெக்னீஷியன் பற்றாக்குறை என்பது அந்தந்த மருத்துவமனை சார்ந்த பிரச்னை” என்றார்.

தினமும் செத்துப் பிழைத்துக்கொண்டு நாள்களை நகர்த்திவரும் சிறுநீரக நோயாளிகளுக்கு, துயரத்தைக் குறைக்கவேண்டிய அரசாங்கமே அதை அதிகரிக்கக் காரணமாக இருக்கலாமா என்னும் கேள்வியை எளிதில் கடந்துசெல்ல முடியாது!

- அகிலன், ஜி.லட்சுமணன்

RTI அம்பலம்: சிறுநீரக நோயாளிகளின் உயிரோடு விளையாடும் தமிழக அரசு!

2014-ம் ஆண்டில் சென்னை ஸ்டான்லி அரசு மருத்துவமனையில் தொற்று நீக்கப்படாத டயாலிசிஸ் எந்திரத்தால், 18 பேர் பாதிக்கப்பட்டு ஒன்பது பேர் உயிரிழந்தனர். நீதிமன்றம் தலையிட்ட பின்னரே பாதிக்கப்பட்டவர்களுக்கு ஐந்து லட்சம் ரூபாய் நிவாரணம் கிடைத்தது. இவையெல்லாம் வெளியே தெரிந்தவை. சிகிச்சையின் போதும்... சிகிச்சை கிடைக்காமலும் ஏற்படும் உயிரிழப்புகள் நிறைய!

RTI அம்பலம்: சிறுநீரக நோயாளிகளின் உயிரோடு விளையாடும் தமிழக அரசு!

வ்வளவு நெருக்கடியான நிலையிலும், டயாலிசிஸ் டெக்‌னீஷியன் படிப்பை முடித்த 2,800 பேரைப் பணியில் அமர்த்தாமல் அலட்சியப்படுத்திவருகிறது தமிழக அரசு. இதுகுறித்துப் பேசிய தமிழ்நாடு டயாலிசிஸ் டெக்னீஷியன்கள் சங்க மாநிலத் தலைவர் செந்தில், “ஒன்றரை ஆண்டுப் படிப்பு முடித்துள்ளோம். தமிழகத்தில் 2005-ம் ஆண்டு முதல் அரசு மருத்துவமனைகளில் ஆயிரக்கணக்கான நோயாளிகளுக்கு சிகிச்சை அளித்த அனுபவமும் கல்வித் தகுதியையும் பெற்ற எங்களைப் பணியில் அமர்த்தாமல் அரசு நிராகரிக்கிறது. 25 ஆண்டுகளுக்கு முன்பு வெறும் ஆறு நிரந்தரப் பணியாளர்களை நியமித்த பின்பு, புதிதாக யாரையும் நியமிக்கவில்லை. வெளிநாடுகளில் ஒரு டாயாலிசிஸ் நோயாளி 15 முதல் 20 வருடங்கள் தொடர் சிகிச்சையால் உயிர் வாழ்ந்துவருகிறார். ஆனால், தமிழகத்திலும் சரி இந்தியாவிலும் சரி ஐந்து ஆண்டுகள்வரை தாக்குப்பிடிப்பதே அரிதாகிவிட்டது” என்றார் வேதனையுடன்.