Published:Updated:

இடைக்கால பட்ஜெட் நாட்டை முன்னேற்றுமா?

இடைக்கால பட்ஜெட் நாட்டை முன்னேற்றுமா?
பிரீமியம் ஸ்டோரி
இடைக்கால பட்ஜெட் நாட்டை முன்னேற்றுமா?

இடைக்கால பட்ஜெட் நாட்டை முன்னேற்றுமா?

இடைக்கால பட்ஜெட் நாட்டை முன்னேற்றுமா?

இடைக்கால பட்ஜெட் நாட்டை முன்னேற்றுமா?

Published:Updated:
இடைக்கால பட்ஜெட் நாட்டை முன்னேற்றுமா?
பிரீமியம் ஸ்டோரி
இடைக்கால பட்ஜெட் நாட்டை முன்னேற்றுமா?

ஹலோ வாசகர்களே..!

இடைக்கால பட்ஜெட் நாட்டை முன்னேற்றுமா?



இடைக்கால பட்ஜெட் நாட்டை முன்னேற்றுமா?

பிரதமர் மோடியின் தலைமையிலான பா.ஜ.க ஆட்சியின் கடைசி பட்ஜெட்டைத் தாக்கல் செய்திருக்கிறார் பொறுப்பு நிதி அமைச்சர் பியூஷ் கோயல். கடந்த நான்காண்டுக் காலத்தில் பல சிறப்பான திட்டங்களை அறிவித்தபோது அருண் ஜெட்லிக்குக் கிடைக்காத வரவேற்பை, இடைக்கால பட்ஜெட்டைச் சிறப்பாகத் தாக்கல் செய்ததன்மூலம் பியூஷ் கோயல் தட்டிச் சென்றிருக்கிறார்.

ரூ.5 லட்சம் வரையில் வருமானம் ஈட்டுபவர்களுக்கு வரி தள்ளுபடி, சிறு விவசாயிகளுக்கு ஆண்டுதோறும் ரூ.6,000 நிதி உதவி, இயற்கைச் சீற்றத்தினால் பாதிக்கப்பட்ட விவசாயிகள் வாங்கிய கடனில் வட்டித் தள்ளுபடி, தனியார் நிறுவன ஊழியர்கள் பத்து கோடி பேருக்கு ரூ.3,000 மாதந்தோறும் பென்ஷன் என அவர் அறிவித்த பல திட்டங்கள் மக்களின் கவனத்தைக் கவரவே செய்திருக்கின்றன. பணமதிப்பு நீக்கம் மற்றும் ஜி.எஸ்.டி-யினால் தளர்ந்துபோயிருந்த ரியல் எஸ்டேட் துறைக்கு ஊக்கம் அளிக்கிற வகையிலும் சில திட்டங்களை அறிவித்திருக்கிறார் நிதி அமைச்சர்.

இது இடைக்கால பட்ஜெட் அல்ல; முழு பட்ஜெட்தான் என சிலர்  விமர்சனம் செய்வது ஒருபக்கமிருக்க, பா.ஜ.க மீண்டும் ஆட்சி அமைக்கும் பட்சத்தில், அது மேற்கொள்ளவிருக்கும் திட்டங்கள் பற்றியும் நிதி அமைச்சர் கோடிட்டுக் காட்டத் தவறவில்லை. பா.ஜ.க-வின் எதிர்கால லட்சியங்களாக பத்து அம்சங்களைச் சொல்லியிருக்கிறார் நிதி அமைச்சர். 

அடுத்த எட்டு ஆண்டுகளில் 10 ட்ரில்லியன் டாலர் பொருளாதாரமாக உயர்வதற்கான உள்கட்டமைப்பு வசதிகளை ஏற்படுத்துவது, நாட்டின் எல்லாப் பகுதிகளையும், எல்லாத் துறைகளையும் டிஜிட்டல் தொழில்நுட்பத்தின் மூலம் இணைப்பது, சுற்றுச்சூழலுக்கு எந்தப் பாதகமும் ஏற்படாதபடிக்கு எல்லாவற்றையும் மாற்றி அமைப்பது, வேலைவாய்ப்புகளை அதிகரிக்கத்  தொழில் துறையை வளர்த்தெடுப்பது என நிதி அமைச்சர் அறிவித்துள்ள பத்து அம்சத் திட்டங்களுமே நமது நாட்டை முன்னேற்றப் பாதையில் எடுத்துச்செல்ல அடிப்படையாக இருப்பவை. இந்தப் பத்து அம்சங்களை அடிப்படையாக வைத்து, பா.ஜ.க-வின் தேர்தல் அறிக்கை வெளியானாலும் ஆச்சர்யமில்லை.

இடைக்கால பட்ஜெட்டில் இதைவிடப் பெரிதாக எதுவும் எதிர்பார்க்க முடியாத நிலையில், இந்தத் திட்டங்கள் எப்படிப்பட்டவை, இதற்கு மாற்றாக எதிர்க்கட்சிகள் அறிவிக்கப்போகும் திட்டங்கள் என்ன என்பதை இனி ஆராயவேண்டியது மக்களின் கடமை ஆகும்.

அரசியல் கட்சிகள் முன்வைக்கும் திட்டங்கள் எப்படிப்பட்டதாக இருந்தாலும், பொருளாதாரம் முன்னேற்றம் காணவேண்டுமெனில், நிலையான ஆட்சி அமைக்கப்பட வேண்டும். அதற்கு எந்தக் கட்சியைத் தேர்ந்தெடுக்க வேண்டும் என்பதை மக்கள் இப்போதிருந்தே யோசிக்கத் தொடங்குவது நல்லது.

- ஆசிரியர்

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism