Published:Updated:

ஆயுள் காப்பீடு பாலிசியை வலிமையாக்கும் ரைடர்கள்!

ஆயுள் காப்பீடு பாலிசியை வலிமையாக்கும் ரைடர்கள்!
பிரீமியம் ஸ்டோரி
ஆயுள் காப்பீடு பாலிசியை வலிமையாக்கும் ரைடர்கள்!

பாரத் கல்சி, முதன்மை உத்தி அதிகாரி, டாடா ஏ.ஐ.ஏ லைஃப் இன்ஷூரன்ஸ்

ஆயுள் காப்பீடு பாலிசியை வலிமையாக்கும் ரைடர்கள்!

பாரத் கல்சி, முதன்மை உத்தி அதிகாரி, டாடா ஏ.ஐ.ஏ லைஃப் இன்ஷூரன்ஸ்

Published:Updated:
ஆயுள் காப்பீடு பாலிசியை வலிமையாக்கும் ரைடர்கள்!
பிரீமியம் ஸ்டோரி
ஆயுள் காப்பீடு பாலிசியை வலிமையாக்கும் ரைடர்கள்!

வெறும் வெண்ணிலா ஐஸ்கிரீமை மட்டுமே உங்களுக்குத் தந்தால் நீங்கள் அடையும் சந்தோஷத்தைவிட பல சுவைகளில் ஐஸ்கிரீம்களைத் தந்தால், அதிகம் சந்தோஷப் படுவீர்கள்தானே? இதனால்தான் ஐஸ்கிரீமை பல்வேறு சுவைகளில், பாதம் மற்றும் சாக்லேட் என விதவிதமாக அவரவர் தேவைக்கும், விருப்பத்துக்கும் ஏற்ப பிரத்யேகமாக உருவாக்குகிறார்கள். 

ஆயுள் காப்பீடு பாலிசியை வலிமையாக்கும் ரைடர்கள்!

ஆயுள் காப்பீடும் ஏறக்குறைய அதே போன்றதுதான். காப்பீட்டுத் திட்டங்களும் நிதித் தேவைக்கேற்ப உருவாக்கப்படும். என்னென்ன காப்பீட்டுத் திட்டங்கள் உள்ளன என்று பார்ப்பதைவிட, உங்கள் தேவைக்கு எந்தத் திட்டம் பொருத்தமாக உள்ளது என்று பார்த்து எடுக்கிறமாதிரி உள்ளன. டேர்ம் பிளான், எண்டோவ்மென்ட் திட்டம் (Endowment), பங்குச் சந்தை சார்ந்த யூலிப் திட்டம் (ULIP), ஹெல்த் இன்ஷூரன்ஸ் மற்றும் பென்ஷன் எனப் பல  இன்ஷூரன்ஸ் திட்டங்கள் இருக்கின்றன.

இந்தத் திட்டங்களை வலிமையாக்கும் விதமாக பல்வேறு துணை பாலிசிகளை (Riders) இன்ஷூரன்ஸ் நிறுவனங்கள் வழங்கி வருகின்றன.  

ஒட்டுமொத்த விகடனுக்கும் ஒரே ஷார்ட்கட்!

ஆயுள் காப்பீடு பாலிசியை வலிமையாக்கும் ரைடர்கள்!

ரைடர்கள் என்றால் என்ன என்கிற கேள்வி இன்னமும் பலருக்கு உள்ளது. இன்ஷூரன்ஸ் பாலிசியுடன் இணைந்த டேர்ம் ரைடர், ஆக்சிடென்டல் டெத் அண்டு டிஸேபிலிட்டி ரைடர், வைவர் ஆஃப் பிரீமியம் ரைடர், கிரிட்டிக்கல் இல்னஸ் ரைடர் போன்ற கூடுதல் கவரேஜ்களாகும். அடிப்படை இன்ஷூரன்ஸ் பாலிசியைத் தாண்டிக் கூடுதல் சலுகைகளை வழங்கக்கூடியவை ரைடர்கள். இந்த ரைடர்களை பாலிசி தொடங்கும்போதோ அல்லது ஆண்டு நிறைவின்போதோ எடுத்துக்கொள்ளலாம்.ன்

டேர்ம் ரைடர்

ஆயுள் இன்ஷூரன்ஸ் பாலிசியில் வழங்கப்படும் காப்பீட்டுத் தொகை உங்களுக்குப் போதுமானதாக இல்லையெனக் கருதினால், சிறிது கூடுதல் பிரீமியத்துடன் டேர்ம் ரைடர் எடுப்பது உங்களுடைய ஆயுள் காப்பீட்டை இரட்டிப்பாக்க உதவும். வழக்கம்போல், இந்த டேர்ம் ரைடரையும் பாலிசியின் தொடக்கத்திலேயே இணைத்துப்பெற வேண்டும். ஆனால், ஒருவரின் திருமணம், குழந்தைப் பிறப்பு, தத்தெடுப்பு போன்ற காரணங் களால் இடையில் எடுக்கத் தேவைப்பட்டால் ஆண்டுத் தொடக்கங்களில் ரைடரைக் கூடுதலாக இணைத்துக்கொள்ளலாம். கூடுதல் தேவைக்காக புதிதாக ஒரு பாலிசி எடுப்பதற்குப் பதில்,  பொருத்தமான ரைடரைத் தேர்ந்தெடுப்பதன்மூலம் ஒருவரது தேவைக்கேற்ப கவரேஜைக் குறைந்த பிரீமியத்தில் அதிகப்படுத்தலாம்.

விபத்தினால் மரணம் மற்றும் இறப்பு ரைடர்

தனித்த விபத்துக் காப்பீடு பாலிசி இல்லாத வர்கள் விபத்து மற்றும் இறப்பு ரைடர் ஒன்றை பாலிசியுடன் இணைத்து வாங்கலாம். ஒருவரின் வாழ்க்கையில் எதிர்பாராத விபத்துகளால் நடக்க முடியாத நிலை அல்லது மரணமோகூட ஏற்பட லாம். இதன்காரணமாக குடும்பத்தின் நிதிநிலை பெரிதும் பாதிக்கப்படலாம். அந்தமாதிரியான இக்கட்டான சூழலின் அதிர்ச்சியிலிருந்து மீண்டு வர பெரிய தொகை தேவைப்படலாம். அது போன்ற சூழலில், ‘விபத்தால் மரணம் மற்றும் இறப்பு ரைடர்’  உதவியாக இருக்கும். ஏதேனும் விபத்து அல்லது இயற்கைப் பேரிடரால் ஏற்படும் நிதியிழப்புகளிலிருந்து குடும்பம் மீண்டுவருவதற்கு இந்த ரைடர் பயனளிக்கும். 

பிரீமியம் தள்ளுபடி ரைடர்

குடும்பத் தலைவரின் திடீர் ஊனம் காரணமாக கடுமையான நிதிச் சுமையைக் குடும்பத்தினர்  எதிர்கொள்ளக்கூடும். புதிய எதிர்பாராத செலவு களால் ஆயுள் காப்பீட்டு  பீரீமியத்தைக் கட்டுவது  பெரும் போராட்டமாக இருக்கக்கூடும். இப்படி  பிரீமியம் கட்டுவதற்கு இயலாத சூழலில், அந்த பாலிசியையே ரத்து செய்யும் நிலை வரலாம். 

ஆயுள் காப்பீடு பாலிசியை வலிமையாக்கும் ரைடர்கள்!

விபத்து அல்லது உடல்நலக்கோளாறு காரணமாக வாழ்நாள் ஊனத்தை எதிர்கொள்ள நேர்ந்தால், இந்த பிரீமியம் தள்ளுபடி ரைடர், ஆபத்பாந்தவனாக இருந்து காப்பாற்றும். அந்த நிலையில், எதிர்காலத்தில் கட்டவேண்டிய பிரீமியம் அனைத்தும் தள்ளுபடி செய்யப்படும். அதேசமயம், அந்த பாலிசியில் கவரேஜ் தொகை முழுமையாக பாலிசிதாரருக்குக் கிடைக்கும். குழந்தைகளுக்கோ, மனைவிக்கோ அல்லது தன்னைச் சார்ந்து வாழும் பெற்றோருக்கோ இன்ஷூரன்ஸ் எடுக்கும்போது இந்த ரைடரைப் பயன்படுத்துவது மிகவும் பொருத்தமானதாகவும், பயனுள்ளதாகவும் இருக்கும்.

தீவிர நோய் பாதிப்பு

மரணம் மட்டுமே மக்களை அச்சமூட்டக்கூடிய தல்ல. தீவிர நோய்  பாதிப்பு  பெருத்த கவலையை ஏற்படுத்தும். அப்படியான நோய் பாதிப்பு வரும் முன்போ அல்லது வந்தபின்னோ நம்மையும் நம்மைச் சார்ந்த குடும்பத்தினரையும் காப்பது அவசியம் அல்லவா? கேன்சர், சிறுநீரகம் செயலிழப்பு, இதயக்கோளாறுகள் போன்றவற்றின் உடனடிச் சிகிச்சைக்கான செலவுக்கான பணத்தை ஏற்பாடு செய்வது கடினம். அத்தகைய சூழலிலிருந்து தப்பிக்கத்தான் தீவிர நோய் பாதிப்புக்கான ரைடர் உருவாக்கப்பட்டுள்ளது.

இந்த ரைடரைத் தேர்ந்தெடுத்தவருக்கு தீவிர நோய் பாதிப்பு ஏற்பட்டு, அது ஆய்வுக்குப்பின் உறுதி செய்யப்பட்டால் மொத்தத் தொகை கவரேஜ் அவருக்கு வழங்கப்படும். மெடிக்ளெய்ம் பாலிசியைப்போல், சிகிச்சை செலவுகளுக்கான ரசீதுகளைக் காட்டி க்ளெய்ம் செய்யவேண்டிய தேவை கிடையாது. சிகிச்சைக்கான செலவுக்கு உண்டான தொகை செலுத்தப்படும். இந்த ரைடரின் பயனை அனுபவிக்கவேண்டுமானால், அடிப்படை பாலிசி தொடர்ந்து செயல்பாட்டில் இருப்பது அவசியம்.

ஒருவருக்கு பர்சனல் ஆக்சிடென்ட் மற்றும் ஊனத்திற்கான தனிப்பட்ட பாலிசி வாங்கவேண்டு மென்றால், அதற்காக அதிகம் செலவழிக்க வேண்டியிருக்கும். ஆனால், இதையே ரைடராக வாங்கினால் செலவு குறைவாக இருக்கும். எனவே, உங்கள் தேவை எதுவெனப் பார்த்து அதற்கேற்ற ரைடரை தேர்வு செய்தால்,  உங்களுக்கும் உங்கள் குடும்பத்துக்கும் மிகுந்த பயன் அளிக்கும்!

தமிழில்: தெ.சு.கவுதமன்   

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism