Published:Updated:

தேவதைகளின் டிரஸ் திருவிழா!

தேவதைகளின் டிரஸ் திருவிழா!
பிரீமியம் ஸ்டோரி
News
தேவதைகளின் டிரஸ் திருவிழா!

வினோதினி

தேவதைகளின் டிரஸ் திருவிழா!

ம்மாவும் பொண்ணும் ஒரே மாதிரியாக உடை அணியும் கான்செப்ட் ட்ரெண்டாகி வருகிறது. அம்மா தேர்வு செய்யும் உடைக்குப் பொருந்தும் வகையில் மகளின் உடையை எப்படி மிக்ஸ் மேட்ச் செய்வது, எந்தவிதமான அவுட் லுக்குக்கு என்னென்ன உடைகளைத் தேர்வு செய்யலாம் என்பது தொடர்பான தகவல்களைத் தருகிறார் சென்னையைச் சேர்ந்த உடை வடிவமைப்பாளர் வினோதினி.

ட்ரெடிஷனல் லுக்

தேவதைகளின் டிரஸ் திருவிழா!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

• உங்களுடைய சாய்ஸ் ட்ரெடிஷனல் உடைகள் எனில் நீங்கள் புடவையைத் தேர்ந்தெடுத்து, அதற்கு மேட்ச்சாக உங்கள் குழந்தைக்குப் பாவாடை - சட்டையைத் தேர்வு செய்யலாம். மகளின் பாவாடையை கிராப் டாப், பிரில் டாப் என வடிவமைத்தால் தனித்துவமாக இருக்கும்.

• உடையின் நிறத்தில் மட்டுமல்லாமல் டிசைனிங் மூலமும் உங்கள் உடையுடன் குழந்தையின் உடையை மேட்ச் செய்யலாம். உதாரணமாக, உங்கள் புடவையில் உள்ள டிசைனை எம்ப்ராய்டரி வேலைப்பாடு மூலமாகவோ, பிரின்ட் டிசைன் மூலமாகவோ உங்கள் குழந்தையின் உடையில் உருவாக்கலாம். 

தேவதைகளின் டிரஸ் திருவிழா!

• கான்ட்ராஸ்ட் லுக் வேண்டும் என நினைப்பவர்கள், புடவையின் நிறத்தில் குழந்தைக்கான மேல் உடையையும், பிளவுஸ்ஸின் நிறத்தில் குழந்தைக்கான பாவாடையையும் வடிவமைத்துக்கொள்ளலாம்.

• டிசைன், நிறம் எல்லாமே ஒரே மாதிரியாக இருக்க வேண்டுமென விரும்பினால், நீங்கள் அணியும் புடவையின் மெட்டீரியலிலேயே உங்கள் குழந்தைக்கான உடையையும் வடிவமைக்கலாம்.

வெஸ்டர்ன் லுக்

• ஜீன்ஸ், டி-ஷர்ட், ஸ்கர்ட், கவுன், ஷார்ட்ஸ் போன்ற உடைகளை அம்மாவும் பெண்ணும் ஜோடியாக அணியும்போது, அம்மாவின் வயது சட்டென்று குறையும்.

• ஜீன்ஸ், டி-ஷர்ட்டைத் தேர்ந்தெடுக்கும்போது நீங்களும் உங்களின் லிட்டில் பிரின்சஸும் ஒரே நிறத்தில் டி-ஷர்ட் அணிந்துகொள்ளலாம். ‘மாம்’, ‘மீ’ போன்ற வாசகங்கள் எழுதிய டி-ஷர்ட்கள் கூடுதல் ஸ்பெஷல்!

 

• ஸ்கர்ட் அல்லது ஷார்ட்ஸ் தேர்வு செய்யும்போது குழந்தையின் உடை `கிராப் டாப்'பாக இருந்தால் க்யூட்டாக இருக்கும். 

தேவதைகளின் டிரஸ் திருவிழா!

• லாங் கவுன் உங்களின் சாய்ஸ் எனில், நிறம், டிசைன் என எல்லாவற்றையும் ஒரே மாதிரியாகத் தேர்வு செய்து, குழந்தையின் கவுனில் லேயர்கள், கைகளில் பப் போன்ற வற்றை டிசைன் செய்தால் தனித்துவமாக இருக்கும்.

• குழந்தைக்கு கவுன்தான் க்யூட்டாக இருக்கும் என நினைக்கும் அம்மாக்கள், நீங்கள் அணியும் உடையின் நிறம் மற்றும் டிசைனுக்கு மேட்ச்சாக குழந்தையின் கவுனை வடிவமைத்துக்கொள்ளலாம்.

இண்டோ - வெஸ்டர்ன்

• இண்டோ - வெஸ்டர்ன் உடைகளை விரும்பும் மம்மீஸ்... மேக்ஸி, சில்க் மெட்டீரியலில் டிசைன் செய்த லாங் கவுன், லெஹெங்கா போன்றவற்றைத் தேர்வு செய்யலாம்.

• ஆறு வயதுக்கு மேல் உள்ள குழந்தை எனில் உங்களின் உடையின் டிசைனிலேயே உங்கள் குழந்தையின் உடையையும் வடிவமைத்துக் கொள்ளலாம்.

• ஆறு வயதுக்குக் குறைவான குழந்தைக்குப் பெரியவர்களின் உடைகளைப் போன்றே இண்டோ  - வெஸ்டர்ன் உடைகளை இமிடேட் செய்தால் எடுப்பாக இருக்காது. எனவே, நீங்கள் தேர்வு செய்யும் உடையின் நிறம் மற்றும் அதே போன்ற மெட்டீரியலில் குழந்தைக் கான உடையை வடிவமைத்துக் கொள்ளலாம். 

தேவதைகளின் டிரஸ் திருவிழா!

• லெஹங்காவைப் பொறுத்த வரை உங்கள் மெட்டீரியலிலேயே குழந்தைக்குப் பட்டுப் பாவாடை அல்லது ஸ்கர்ட் அண்டு டாப் போன்றவற்றை வடிவமைத்துக் கொள்ளலாம். டாப்பின் ஸ்லீவ் களில் கோல்டு ஷோல்டர், பிரில் ஸ்லீவ், சைனீஸ் காலர் என வடிவமைத்தால் அட்ராக்டிவ்வாக இருக்கும்.

• உங்கள் சாய்ஸ் கவுன் எனில் குழந்தைக்கு லேயர் கவுன், பப் ஸ்லீவ் கவுன், சில்க் மெட்டீரியல் பார்டர் கவுன் ஆகியவை அழகாக இருக்கும்.

• மேக்ஸியில் அசிமெட்ரிகல் ஸ்கர்ட் அண்டு டாப், அசிமெட்ரிகல் கவுன் போன்றவை உங்களையும் குழந்தையையும் கலக்கலாகக் காட்டும்.

கேஷுவல் லுக்

• கேஷுவல் லுக் விரும்புபவர் களுக்கு ஜம்ப்சூட், குர்தி - லெகிங்ஸ், டியூனிக் டாப் - ஜீன்ஸ், லாங் ஜக்கெட்டுடன் இணைந்த டி ஷர்ட் - ஜீன்ஸ் ஆகியவை கைகொடுக்கும்.

• ஜம்ப்சூட் அல்லது டியூனிக் டாப் அண்டு ஜீன்ஸைப் பொறுத்தவரை உங்களுக்கும் குழந்தைக்கும் ஒரே மாதிரியாகத் தேர்ந்தெடுக்கலாம். 

தேவதைகளின் டிரஸ் திருவிழா!

• நீங்கள் குர்தி - லெகிங்ஸ் அணியும் போது உங்கள் உடையின் நிறத்திலேயே வடிவமைக்கப்பட்ட பாபா சூட், பினோபர் போன்ற உடைகளை மேட்ச் செய்தால் பொருத்தமாக இருக்கும்.

• உங்கள் சாய்ஸ் லாங் ஜாக்கெட்டுடன் கூடிய டி-ஷர்ட் அண்டு ஜீன்ஸ் எனில், உங்களை இமிடேட் செய்வது போன்று டி-ஷர்ட் அண்டு ஜீன்ஸைக் குழந்தைகளுக்குத் தேர்வு செய்தால் சூப்பர் காம்போவாக இருக்கும்.

-சு.சூர்யா கோமதி