Published:Updated:

கல்விக்கு நிதி ஒதுக்கீடு... -‘ஆறு’ என்ன ராசி நெம்பரா? - எத்தனை காலம்தான் ஏமாற்றப்போகிறார்கள்?

கல்விக்கு நிதி ஒதுக்கீடு... -‘ஆறு’ என்ன ராசி நெம்பரா? - எத்தனை காலம்தான் ஏமாற்றப்போகிறார்கள்?
பிரீமியம் ஸ்டோரி
கல்விக்கு நிதி ஒதுக்கீடு... -‘ஆறு’ என்ன ராசி நெம்பரா? - எத்தனை காலம்தான் ஏமாற்றப்போகிறார்கள்?

செந்தில் ஆறுமுகம், சமூக செயற்பாட்டாளர்

கல்விக்கு நிதி ஒதுக்கீடு... -‘ஆறு’ என்ன ராசி நெம்பரா? - எத்தனை காலம்தான் ஏமாற்றப்போகிறார்கள்?

செந்தில் ஆறுமுகம், சமூக செயற்பாட்டாளர்

Published:Updated:
கல்விக்கு நிதி ஒதுக்கீடு... -‘ஆறு’ என்ன ராசி நெம்பரா? - எத்தனை காலம்தான் ஏமாற்றப்போகிறார்கள்?
பிரீமியம் ஸ்டோரி
கல்விக்கு நிதி ஒதுக்கீடு... -‘ஆறு’ என்ன ராசி நெம்பரா? - எத்தனை காலம்தான் ஏமாற்றப்போகிறார்கள்?

“கல்வி குறித்து காங்கிரஸின் கொள்கை என்ன?” சென்னை ஸ்டெல்லா மேரீஸ் கல்லூரியில், மாணவிகளுடன் ராகுல் காந்தி நடத்திய கலந்துரையாடலில் அவரிடம் கேட்கப்பட்ட முதல் கேள்வி இதுதான். நிறையப் பேசியவர், “கல்விக்காக இந்திய அரசு ஒதுக்கும் தொகை மிகக் குறைவாக இருக்கிறது. இது அதிகரிக்கப்பட வேண்டும். நாங்கள் ஆட்சிக்கு வந்தால் ஆறு சதவிகிதம் நிதி ஒதுக்குவோம்” என்று பதில் அளித்தார். அதாவது, மொத்த உள்நாட்டு உற்பத்தியில் ஆறு சதவிகிதத் தொகையைக் கல்விக்காக ஒதுக்குவோம் என்று சொல்லிக் கைத்தட்டல் பெற்றார் ராகுல் காந்தி. இந்தப் பதிலைக் கேட்கும்போது நல்ல விஷயம்தானே என்று தோன்றும். ஆனால், இன்னொரு கேள்வியை அந்த மாணவி கூடுதலாகக் கேட்டிருந்தால், ராகுல் காந்தி தர்மசங்கடத்தில் நெளிந்திருப்பார். என்ன கேள்வி அது? ‘இந்தியாவை ஐம்பது ஆண்டுகளுக்கும்மேல் ஆட்சி செய்த காங்கிரஸ், தனது ஆட்சிக் காலங்களில் கல்விக்காக
ஜி.டி.பி-யில் எத்தனை சதவிகிதம் ஒதுக்கியது, கடந்த காலங்களில் நீங்கள் கொடுத்த வாக்குறுதியின்படி ஆறு சதவிகிதத்தை ஏன் ஒதுக்கவில்லை?” என்பதே அந்தக் கேள்வி!

கல்விக்கு நிதி ஒதுக்கீடு... -‘ஆறு’ என்ன ராசி நெம்பரா? - எத்தனை காலம்தான் ஏமாற்றப்போகிறார்கள்?

ராகுல் காந்தியிடம் இந்தக் கேள்விக்கு பதில்பெற முடியாமல் போய்விட்டது. சரி, நாமே பதில் தேடுவோம். அது ஒன்றும் பிரமாதமான காரியமில்லை. காங்கிரஸ் கட்சியின் இணையதளத்திலேயே புள்ளிவிவரங்களுடன் பதில் இருக்கிறது. மன்மோகன் சிங் பிரதமராகப் பதவி வகித்த பத்து ஆண்டுகால (2004-2014) ஆட்சியில் 2004 முதல் 2012 வரையிலான ஒன்பது ஆண்டு காலத்தில் கல்விக்காக ஒதுக்கப்பட்ட சராசரி சதவிகிதம் ஜி.டி.பி-யில் 3.3 சதவிகிதம் மட்டுமே. அதிலும், 2004-ல் 3.29 சதவிகிதமாக இருந்ததை 2012-ல் 3.83 சதவிகிதமாக உயர்த்தியதை அடிக்கோடிட்டுக் காட்டுகிறது காங்கிரஸின் இணையதளம். அதாவது, 0.54 சதவிகிதம் உயர்த்தியதைப் பெருமையோடு குறிப்பிடுகிறது. ஆனால், 2004 நாடாளுமன்றத் தேர்தலின்போது தேர்தல் வாக்குறுதியாக, ‘குறைந்தபட்சச் செயல்திட்டத்தில் கல்விக்காக ஆறு சதவிகிதம் நிதி ஒதுக்குவோம்’ என அந்தக் கட்சி கொடுத்த வாக்குறுதி, அன்று என்ன ஆனது?

காங்கிரஸுக்கு இது ஒன்றும் புதிது அல்ல... 1996 நாடாளுமன்றத் தேர்தல் அறிக்கை மற்றும் அதற்கு முந்தைய காலகட்டங்களில் கொடுக்கப்பட்ட பலவகையான வாக்குறுதிகளிலும், ‘ஆறு சதவிகிதம் நிதி ஒதுக்குவோம்’ என்றே சொல்லிவந்திருக்கிறது காங்கிரஸ். புதிதாகக் கட்சி தொடங்குபவர்கள், ‘அதைச் செய்வோம், இதைச் செய்வோம்’ என்று சொன்னால் பரவாயில்லை. ஆனால், இந்தியாவை அதிகபட்ச காலம் ஆட்சி செய்த காங்கிரஸ் கட்சியின் தலைவரான ராகுல்காந்தி, ‘எங்கள் இலக்கு ஆறு சதவிகிதம்’ என்று சொல்லும்போதுதான் அது விவாதத்துக்கும், கேள்விக்கும் உரியதாகிறது.

காங்கிரஸ் மட்டுமல்ல... பி.ஜே.பி-யும் அச்சுப்பிசகாமல் இதையேதான் வழிமொழிகிறது. 1999 நாடாளுமன்றத் தேர்தல் வாக்குறுதியில் வாஜ்பாய் இதே ஆறு சதவிகித வாக்குறுதியைக் கொடுத்தார். நிறைவேற்றவில்லை.

ஒட்டுமொத்த விகடனுக்கும் ஒரே ஷார்ட்கட்!

கல்விக்கு நிதி ஒதுக்கீடு... -‘ஆறு’ என்ன ராசி நெம்பரா? - எத்தனை காலம்தான் ஏமாற்றப்போகிறார்கள்?

2014-ல் மோடியும் இதே வாக்குறுதியைக் கொடுத்தார். நிறைவேறவில்லை. சரி, அது என்ன ‘ஆறு’? ஏதேனும் ராசி நெம்பரா! இதனைப் புரிந்துகொள்ள 1966-ம் ஆண்டை நோக்கிப் பயணப்பட வேண்டும். கல்வியை மேம்படுத்துவதற்காக அமைக்கப்பட்ட கோத்தாரி தேசியக் கல்வி குழுவானது 1966-ல் தாக்கல்செய்த  713 பக்க அறிக்கையில், ‘கல்விக்காக ஜி.டி.பி-யில் ஆறு சதவிகிதம் ஒதுக்க வேண்டும்’ என்று பரிந்துரைத்தது. இதனை அடிப்படையாகக்கொண்டே அனைத்துக் கட்சிகளும் ‘ஆறு’ என்கிற மேஜிக் எண்ணைப் பிடித்துத் தொங்கிக்கொண்டிருக்கிறார்கள். பரிந்துரை 53 ஆண்டுகளைக் கடந்தும் இதுவரை நிறைவேற்றப்படவில்லை. இதுதான் நம் ஆட்சியாளர்களின் லட்சணம். இடையே 1976-ல் இந்திரா காந்தியின் எமர்ஜென்சியின்போது 42-வது அரசியல் சாசனத் திருத்தத்தின் மூலம் கல்வி, மாநிலங்களின் பட்டியலில் இருந்து பொதுப்பட்டியலுக்கு (மத்திய - மாநில அரசுகள் இணைந்து கையாளும் பட்டியல்) மாற்றப்பட்டது; இப்படி கல்வியை மாநிலங்களின் உரிமையிலிருந்து பறித்தது தனிக் கதை.

கிட்டத்தட்ட அரை நூற்றாண்டுக்கும் முன்னால் பரிந்துரைக்கப்பட்ட ஆறு சதவிகிதம் இன்றையச் சூழலுக்கும் போதுமா... இல்லை, பொருந்துமா? எத்தனையோ திட்ட மதிப்பீடுகள் ஆண்டுக்கு ஆண்டு பட்ஜெட் உயர்ந்து கொண்டிருக்கும்போது, கல்விக்கு இன்றும் அதே ஆறு சதவிகிதத்தைக் குறிப்பிடுவது சரிதானா? சரி... சொன்னதையாவது காங்கிரஸும் பி.ஜே.பி-யும் செய்தனவா? இதற்கு என்ன பதில் வைத்திருக்கிறார்கள்? இன்னும் எத்தனை காலம்தான் மக்களை ஏமாற்றப் போகிறார்கள்?

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism