Published:Updated:

தேர்தலைப் புறக்கணிக்கும் கடலூர் மக்கள்!

தேர்தலைப் புறக்கணிக்கும் கடலூர் மக்கள்!
பிரீமியம் ஸ்டோரி
தேர்தலைப் புறக்கணிக்கும் கடலூர் மக்கள்!

- என்.எல்.சி... ஹைட்ரோ கார்பன்... சுருக்கு வலை!

தேர்தலைப் புறக்கணிக்கும் கடலூர் மக்கள்!

- என்.எல்.சி... ஹைட்ரோ கார்பன்... சுருக்கு வலை!

Published:Updated:
தேர்தலைப் புறக்கணிக்கும் கடலூர் மக்கள்!
பிரீமியம் ஸ்டோரி
தேர்தலைப் புறக்கணிக்கும் கடலூர் மக்கள்!
தேர்தலைப் புறக்கணிக்கும் கடலூர் மக்கள்!

ஹைட்ரோ கார்பன் திட்டம், என்.எல்.சி மூன்றாவது நிலக்கரி சுரங்கம் ஆகியவற்றால் வாழ்வாதாரம் பாதிக்கப்படுவதாகக் கூறி கடலூர் மாவட்டத்தில் உள்ள பெரும்பாலானா கிராம மக்கள் தேர்தலைப் புறக்கணிக்கப் போவதாக அறிவித்து, அதற்கான ஆயத்தப் பணிகளில் இறங்கியுள்ளனர்.

கடலூர் மாவட்டத்தில் ஹைட்ரோ கார்பன் திட்டத்தால் சிதம்பரம், புவனகிரி, பரங்கிப்பேட்டை பகுதியில் 40-க்கும் மேற்பட்ட கிராமங்கள் பாதிக்கப்படும். நிலக்கரி சுரங்கம் அமைக்க 40 கிராமங்களில் வளமான விவசாய நிலங்களை நெய்வேலி என்.எல்.சி நிறுவனம் கையகப்படுத்த உள்ளதால், விவசாயிகளின் வாழ்வாதாரம் பாதிக்கப்படும். சுருக்குவலைப் பயன்பாட்டால், 29 கிராம மீனவர்களின் வாழ்வாதாரம் பாதிக்கப்படுகிறது என்று மக்கள் கொந்தளிப்பில் இருக்கிறார்கள்.

பரங்கிப்பேட்டையைச் சேர்ந்த ஹைட்ரோ கார்பன் திட்ட விழிப்பு உணர்வுக் குழு ஒருங்கிணைப்பாளரான செய்யதுஅலி, “ஹைட்ரோ கார்பன் திட்டத்தால் பரங்கிப்பேட்டை, ஒரத்தூர் உட்பட 40-க்கும் மேற்பட்ட கிராமங்களில் சுமார் 35,000 ஏக்கர் விவசாய விளைநிலங்கள் பாதிக்கப்படும். சுமார் 10,000 அடி ஆழத்திலிருந்து ஹைட்ரோ கார்பன் எடுப்பதால், அங்குள்ள நிலத்தடி நீர் அதிக அளவில் வெளியேற்றப்படும். இதனால், நீர் ஆதாரம் இல்லாமல் விவசாயம் பாதிக்கப்படும். மரங்கள் அழியும். அதனால், மழை அளவு படிப்படியாகக் குறைந்து எங்கள் பகுதியே பாலைவனமாகும்.

ஒட்டுமொத்த விகடனுக்கும் ஒரே ஷார்ட்கட்!

தேர்தலைப் புறக்கணிக்கும் கடலூர் மக்கள்!

நாங்கள் கடுமையான எதிர்ப்பு தெரிவித்த நிலையிலும் பழைய ஒரத்தூர், வண்டுராயன்பட்டு போன்ற கிராமங்களில் திட்டம் செயல்படுத்தப்பட்டு நடைமுறைக்கு வந்துள்ளது. எங்களுக்குத் தேர்தல் வேண்டாம். அதனால், தேர்தலைப் புறக்கணிக்க முடிவுசெய்து அனைத்துக் கிராமங்களிலும் இதுகுறித்து விழிப்பு உணர்வை ஏற்படுத்தி வருகிறோம்” என்றார் வேதனையுடன்.

தேர்தலைப் புறக்கணிக்கும் கடலூர் மக்கள்!

புதுப்பேட்டை மீனவர் பேரவை ஒருங்கிணைப்பாளர் நடராஜன், “கடலூர் மாவட்டக் கடற்கரையோரக் கிராமங்களில் பெரும் விசைப் படகுகள் வைத்திருப்பவர்கள் சுருக்குமடி வலை மற்றும் இரட்டைமடி வலைகளைப் பயன்படுத்தி மீன் பிடித்தல் என்ற பெயரில் மீன்களுடன் கடலில் உள்ள அனைத்து நுண்ணுயிர்களையும் பிடித்து, மீன்களை மட்டும் எடுத்துக் கொண்டு நுண்ணுயிர்களை நிலத்தில் வீசியெறிகின்றனர். இதுபோல் நுண்ணுயிர்களை அழிப்பதால், எதிர்காலத்தில் மீனவர்களின் நலன் பாதிக்கப்படும். தமிழக அரசு 2000-ம் ஆண்டு சுருக்குமடி வலை, இரட்டைமடி வலை ஆகியவற்றைப் பயன்படுத்தி மீன் பிடிக்கத் தடைவிதித்தது. தடையை மீறித் தொடர்ந்து இந்த வலை களைப் பயன்படுத்தி மீன் பிடித்து வருகின்றனர். இதற்கு உயர் நீதிமன்றத்தில் தடை ஆணையும் வாங்கியுள்ளோம். ஆனால், அதிகாரிகள் எந்த நடவடிக்கையும் எடுக்காததால் வேறு வழியில்லாமல் மீனவர்களின் நலன் கருதி நாங்கள் பரங்கிப்பேட்டை, கிள்ளை உள்ளிட்ட 29 கிராம மீனவ கிராம மக்களும் தேர்தலைப் புறக்கணிக்க முடிவுசெய்துள்ளோம். எங்களது வாக்காளர் அட்டை, ஆதார் அட்டை, குடும்ப அட்டை ஆகியவற்றை விரைவில் அரசிடம் ஒப்படைப்போம்” என்றார்.

தேர்தலைப் புறக்கணிக்கும் கடலூர் மக்கள்!

தர்மநல்லூர் விவசாயி சங்கர், “என்.எல்.சி நிறுவனம் மூன்றாவது சுரங்கம் அமைக்க 40 கிராமங்களில் நிலங்களைக் கையகப்படுத்த முடிவுசெய்துள்ளது. மூன்று போகம் விளையக்கூடிய வளமான நிலங்களைக் கையகப்படுத்தினால், எங்களின் வாழ்வாதாரம் முற்றிலும் பாதிக்கப்படும். எங்கள் முன்னோர்கள் எங்களுக்குக் கொடுத்த நிலம் இவை. நாங்கள் வளர்ந்து, வாழ்ந்த இடங்களைக் கோடி ரூபாயைக் கொடுத்தாலும் தரமாட்டோம் என்று சொல்லி கருத்துக் கேட்புக் கூட்டத்தில் கடும் எதிர்ப்பு தெரிவித்தோம். அனைத்துக் கட்சிகளுடன் சேர்ந்து பலகட்டப் போராட்டங்களை நடத்தியுள்ளோம். மேலும், 40 கிராம மக்களும் கடந்த குடியரசு தினத்தில் நடந்த கிராமசபைக் கூட்டத்தில், ‘நிலம் கையகப்படுத்தும் முடிவைக் கைவிடாவிட்டால் தேர்தலைப் புறக்கணிப்போம்’ எனத் தீர்மானம் நிறைவேற்றியுள்ளோம்” என்றார்.

இதுகுறித்து கடலூர் மாவட்ட கலெக்டர் அன்புச்செல்வனிடம் கேட்டதற்கு, “ஹைட்ரோ கார்பன் திட்டத்துக்கு அரசு மற்றும் தனியார் நிறுவனங்கள் மாவட்ட நிர்வாகத்திடம் எந்தவிதமான அனுமதியும் கோரவில்லை. பழைய திட்டங்கள் செயல்பட்டுவருமே தவிர, புதிய அனுமதி ஏதும் மாவட்ட நிர்வாகத்தால் தரப்படவில்லை. அனுமதியின்றி அப்படி ஏதேனும் பணிகள் நடந்தால் நடவடிக்கை எடுக்கப்படும்.

தேர்தலைப் புறக்கணிக்கும் கடலூர் மக்கள்!

என்.எல்.சி-யில் மூன்றாவது சுரங்கம் அமைப்பது குறித்து அந்த நிறுவனம் நடத்திய கருத்துக் கேட்புக் கூட்டத்தில், மூன்றாவது சுரங்கத்துக்கு மக்கள் எதிர்ப்பு தெரிவித்தனர். மக்களின் கருத்துகளை மத்திய, மாநில அரசுகளுக்கு அனுப்பியிருக் கிறோம். சுருக்குவலை மற்றும் இரட்டைமடி வலையைச் சிலர் பயன்படுத்தி வருகின்றனர். இதுகுறித்து சிதம்பரம், கடலூர் கோட்டாட்சியர்கள், கடலூர் மாவட்ட வருவாய் அலுவலர் தலைமையில் மீனவர்களிடம் பேச்சுவார்த்தை நடத்தப்பட்டுள்ளது. மீறிப் பயன்படுத்துவோருக்கு டீசல் மானியம் நிறுத்தப்பட்டுள்ளது. இந்த வலையைப் பயன்படுத்திப் பிடிக்கப்படும் மீன்களைக்கூடப் பறிமுதல் செய்ய மீன்வளத்துறை அதிகாரிகளுக்கு உத்தரவிட்டுள்ளேன். எனவே, மாவட்ட நிர்வாகம் சார்பில் மேற்கண்ட கிராம மக்களைச் சந்தித்து, கடலூர் மாவட்டத்தில் 100 சதவிகித வாக்குப் பதிவுக்கு அனைத்து நடவடிக்கைகளும் எடுக்கப்படும்” என்றார் உறுதியுடன்.

- ஜி.சதாசிவம்
படங்கள்: அ.குரூஸ்தனம்

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism