Published:Updated:

‘திரைத்துறையில் பிரகாசிக்க பரிகார மந்திரங்கள் உண்டா?’

‘திரைத்துறையில் பிரகாசிக்க பரிகார மந்திரங்கள் உண்டா?’
பிரீமியம் ஸ்டோரி
‘திரைத்துறையில் பிரகாசிக்க பரிகார மந்திரங்கள் உண்டா?’

‘திரைத்துறையில் பிரகாசிக்க பரிகார மந்திரங்கள் உண்டா?’

‘திரைத்துறையில் பிரகாசிக்க பரிகார மந்திரங்கள் உண்டா?’

‘திரைத்துறையில் பிரகாசிக்க பரிகார மந்திரங்கள் உண்டா?’

Published:Updated:
‘திரைத்துறையில் பிரகாசிக்க பரிகார மந்திரங்கள் உண்டா?’
பிரீமியம் ஸ்டோரி
‘திரைத்துறையில் பிரகாசிக்க பரிகார மந்திரங்கள் உண்டா?’
‘திரைத்துறையில் பிரகாசிக்க பரிகார மந்திரங்கள் உண்டா?’

? என் மகளுக்கு வெகுநாள்களாகத் திருமணம் தடைப்பட்டு வருகிறது. எப்போது திருமணம் நடைபெறும்?

- அ.சண்முகம், மோர்ப்பாளையம்.

தங்கள் மகளின் பிறந்த லக்னம் ரிஷபம் அல்ல; கடக லக்னம் என்பதே சரி. தங்கள் மகளின் ஜாதகம் சுத்த ஜாதகம். ஒரு சுத்த ஜாதகத்தை எப்படி நிர்ணயிப்பது என்ற சந்தேகம் பலருக்கும் ஏற்படும். லக்னம், சந்திரன், சுக்கிரன் ஆகியவற்றிலிருந்து 7, 8 ஆகிய வீடுகளில் சூரியன், செவ்வாய், சனி, ராகு, கேது இருப்பது தோஷத்தை ஏற்படுத்தும். லக்னத்துக்கு 7, 8-ல் இருந்தால் அது நூறு சதவீதம் தோஷமுள்ளது என்றும், சந்திரனுக்கு 7, 8-ல் இருப்பின் 50 சதவீத தோஷமுள்ளது என்றும், சுக்கிரனுக்கு 7, 8-ல் இருப்பது 25 சதவீதம் தோஷம் என்றும் ஜோதிட சாஸ்திரங்கள் கூறுகின்றன.

ஆனால், அந்த இடத்துக்கு குரு பார்வை அல்லது குரு சேர்க்கை இருந்தால் அந்த தோஷம் விலகிவிடும். இந்த ஜாதகத்தில் ராகுவுக்கு குரு பார்வை ஏற்பட்டிருப்பதால், தோஷம் விலகிவிட்டது. 7-ம் அதிபதி சனி, 4-ல் உச்சம் பெற்றிருக்கிறார். 7-ம் காரகர் சுக்கிரன், விருச்சிகத்தில் சூரியனுடன் சேர்ந்து அஸ்தங்கம் அடைந்திருக்கிறார். சுக்கிரனுக்கு வலிமை சேர்க்க சுக்கிர ப்ரீதி ஹோமம் மற்றும் மகாலட்சுமி ஹோமம் சூக்த பாராயணத்துடன் செய்வது நல்லது. தற்போது சனி தசை குரு புக்தி 20.4.20 வரை இருப்பதால், மேற்கண்ட பரிகாரங்களைச் செய்வதன் மூலம் திருமணம் விரைவில் நடைபெறும்.

‘திரைத்துறையில் பிரகாசிக்க பரிகார மந்திரங்கள் உண்டா?’

ஒட்டுமொத்த விகடனுக்கும் ஒரே ஷார்ட்கட்!

? என் மகன் பி.இ. மெக்கானிகல் படித்திருக்கிறார். வேலைக்குச் செல்வதில் விருப்பம் இல்லாமல் இருக்கிறார். திரைப்படத் துறையில் ஆர்வம் இருக்கிறது. அவருக்கு எப்போது நல்ல வேலை அல்லது திரைத்துறையில் வாய்ப்பு அமையும்? அவருக்குத் திருமண யோகம் எப்படி உள்ளது?

- ராகவன், காட்பாடி

ஒருவரின் தொழிலைக் குறிப்பிடும் ஸ்தானம் ஜீவன பாவம் எனப்படும் 10-ம் இடமாகும். தங்கள் மகனின் ஜாதகத்தில் 10-ம் இடத்தில் மாந்தி என்ற அசுப கோள் இருக்கிறது. இதன் காரணமாக சோம்பல் தன்மை ஏற்படும். மேலும் 10-க்கு உடைய புதன், 8-ல் குருவுடன் மறைந்திருக்கிறார். தனி மனிதர் பிரபலம் அடைவதற்கு மிகவும் ஏற்ற துறை திரைத்துறைதான். அதற்குச் சுக்கிரன், சந்திரன், செவ்வாய் ஆகிய கிரகங்கள் வலுப்பெற்றிருக்கவேண்டும்.

சுக்கிரன் 9-ல் வலிமையாக இருந்தாலும், அது சூரியனின் வீடு என்பதால் பகைவீடாக அமைந்துவிட்டது. எனவே, சில தடைகள் ஏற்படவே செய்யும். தற்போது அவருக்கு குருதசை - புதன்புக்தி நடைபெறுகிறது. குரு உச்சம் பெற்றிருந்தாலும், 8-வது வீடு என்பதால், பாதி பலன்களே கிடைக்கும். புதன் மறைந்திருப்பது நன்மைதான். தன ஸ்தானாதிபதி சனி தன ஸ்தானத்திலேயே இருப்பதால் தனயோகம் உண்டு. அதேபோல் சந்திரன் 11-ல் இருப்பதும் சிறப்பானதுதான். குருதசை புதன் புக்தி நவம்பர் 2019 வரை உள்ளது. அதற்குள் தனக்கென்று ஒரு வேலையை அமைத்துக்கொள்வது நல்லது.

தங்கள்  மகன் ஆசைப்படுவது போல் அவர் திரைத்துறையில் பிரகாசிக்க வேண்டும் என்றால், ‘ஓம் க்லீம் நம:’ என்ற வசிய மந்திரத்தை வேத விற்பன்னர்களைக் கொண்டு ஹோமம் செய்யவேண்டும். திருமணத்தைப் பொறுத்தவரை 7-ல் கேது இருப்பதால், சில தடைகள் ஏற்படக்கூடும். சர்ப்ப சாந்தி ஹோமம் செய்துகொள்வது நல்லது.

? சமீபத்தில்தான் என் மகளுக்குத் திருமணம் நிச்சயமாகியுள்ளது. இந்நிலையில் மாப்பிள்ளை வீட்டு உறவினர்கள் சிலர், இந்தத் திருமணத்துக்குத் தடையாக உள்ளனர். என் மகளின் திருமணம் நல்லபடி நடைபெறுமா, ஏதேனும் பரிகாரம் தேவையா?

- ஆர்.முருகேசன், ராஜபாளையம்

‘திரைத்துறையில் பிரகாசிக்க பரிகார மந்திரங்கள் உண்டா?’

தங்கள் மகளின் ஜாதகத்தில் பிறந்த நேரம் குறிப்பிடவில்லை. கேரள பிரச்ன முறைப்படி பார்த்ததில், லக்னத்துக்கு 7-க்கு உடைய குரு 7-க்கு 12-ம் வீட்டில் அதாவது 6-ல் மறைந்திருக்கிறார். 7-ல் சனியும் கேதுவும் உள்ளனர். எனவே, கடுமையான திருமண தோஷம் ஏற்பட்டுள்ளது. வசதி இருப்பவர்கள் 12 பிராமணர்களுக்குப் பிராமண சமாராதனை செய்யலாம். முடியாதவர்கள் வெள்ளிக்கிழமைதோறும் கோமாதா பூஜை செய்வதும் பசுக்களுக்கு வாழைப்பழம் வாங்கித் தருவதும் நல்லது. அதன் மூலம் திருமணத் தடை நீங்கி, திருமணம் நடைபெறுவதற்கான வாய்ப்பு ஏற்படும்.

? என் மகனுக்குத் திருமணம் ஆகி 5 வருடங்கள் ஆகின்றன. கடந்த இரண்டு வாரங்களாக அவருக்கும் அவர் மனைவிக்கும் இடையில் மனஸ்தாபம் ஏற்பட்டு நீடிக்கிறது. அவருடைய மனைவியின் பிடிவாதம் மாறுமா என்பது பற்றியும், அவர்கள் இருவருக்கும் இடையில் பரஸ்பரம் அந்நியோன்யம் ஏற்படுமா என்பது பற்றியும் தெரிவிக்க வேண்டுகிறேன்.

- பாலகிருஷ்ணன், டில்லி

தங்கள் மகன் பூசம் நட்சத்திரம், கடக ராசி, சிம்ம லக்னத்தில் பிறந்திருக்கிறார். லக்னத்துக்கு 7-ம் பாவ அதிபதியான சனி, லக்னத்துக்கு 12-ல் சந்திரனுடன் சேர்ந்திருக்கிறார். சந்திரன், சனி சேர்க்கை நல்லதல்ல. எனவேதான் மனைவியால் சில பிரச்னைகள் ஏற்பட்டிருக்கின்றன. சனி கிரகத்துக்கு உரிய பரிகார ஹோமம் செய்வது நல்லது. தற்போது சுக்கிர தசை சுக்கிர புக்தி நடைபெறுவதால், நாம் யாரை நல்லவர்கள் என்று நம்புகிறோமோ அவர்களாலேயே பிரச்னைகள் ஏற்படும். குரு 9-ல் இருந்து லக்னத்தைப் பார்ப்பதால், மேற்சொன்ன பரிகாரங்களைச் செய்வதன் மூலம் நல்ல முடிவு ஏற்படும்.

? எனக்குத் திருமணம் தடைப்பட்டு வருகிறது. திருமணம் கூடி வரும் வேளையில் ஏதேனும் காரணத்தைக் கொண்டு திருமணம் தடைப்படுகிறது. எனக்கு எப்போது திருமணம் நடைபெறும். ஏதேனும் பரிகாரம் செய்யவேண்டுமா?

- சங்கர சுப்பிரமணியம், திருநெல்வேலி

களத்திர ஸ்தான அதிபதி சந்திரன் தனியாக இருப்பது துர்துரா யோகத்தைக் குறிப்பிடுவதாகும். மேலும் லக்னத்துக்கு ராகு, கேதுக்களின் ஆதிக்கம் உள்ளது. எனவேதான் திருமணம் கூடிவரும் வேளையில் தடை ஏற்படுகிறது. கல்யாண காரகர் சுக்கிரன், லக்னத்தில் இருந்தபடி 7-ம் வீடான களத்திர ஸ்தானத்தைப் பார்ப்பதால், சந்திரனுக்கு ப்ரீதி செய்வதன் மூலமும். ராகு - கேதுவுக்குப் பரிகார பூஜை செய்வதன் மூலமும் தடைகள் விலகி திருமணம் கூடிவரும்.

தற்போது ராகு தசை முடிந்து, குரு தசை குரு புக்தி நடைபெறுகிறது. சுய புக்தி பொதுவாக நன்மை செய்யாது என்பர். மேலும், குரு பகவான் பகை வீட்டில் இருக்கிறார். அவருக்கு 9 வியாழக் கிழமைகள் நெய்தீபம் ஏற்றி, அர்ச்சனை செய்து வழிபடுவது அவசியம்.

- பதில்கள் தொடரும்...

- வித்யாவாரிதி சுப்ரமணிய சாஸ்திரிகள்

வாசகர்களே... ஜோதிடம் தொடர்பான கேள்விகளுக்குப் பதில் தருகிறார், வித்யாவாரிதி சுப்ரமணிய சாஸ்திரிகள். கேள்விகள் அனுப்பவேண்டிய முகவரி: சக்தி ஜோதிடம் கேள்வி-பதில், சக்தி விகடன் 757, அண்ணாசாலை, சென்னை-600 002 Email: sakthi@vikatan.com

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism