Published:Updated:

இனி சோஷியல் மீடியா மார்க்கெட்டிங்தான்!

இனி சோஷியல் மீடியா மார்க்கெட்டிங்தான்!
பிரீமியம் ஸ்டோரி
News
இனி சோஷியல் மீடியா மார்க்கெட்டிங்தான்!

இனி சோஷியல் மீடியா மார்க்கெட்டிங்தான்!

ரு நிறுவனம், தான் செய்யும் தொழிலில் ஜெயிக்க வேண்டுமெனில், மார்க்கெட்டிங்கில் மிகப் பிரமா தமாகச் செயல்பட வேண்டும். பெரிய நிறுவனங்களால் மட்டுமே எல்லா விதங்களி லும் செயல்பட்டு, தங்களுடைய படைப்பு களை எல்லா மக்களுக்கும் கொண்டுசெல்ல முடியும். ஆனால், சிறிய நிறுவனங்களுக்கு அப்படிப்பட்ட வசதிகள் இல்லை.  

இனி சோஷியல் மீடியா மார்க்கெட்டிங்தான்!

ஆனால், இன்றைய இன்டர்நெட் யுகத்தில் சிறிய நிறுவனங்கள் இதற்காகக் கவலைப்பட வேண்டியதில்லை. காரணம், சமூக வலைதளங்களின் உதவியுடன் நம் நகரம் மட்டுமல்ல, நம் நாடு மட்டுமல்ல, உலகம் முழுக்க நமது தயாரிப்புகளைக் கொண்டு செல்ல முடியும். இதற்கான வழிகளைச் சொல்கிறார் சோஷியல் ஈகிள் நிறுவனத்தின் நிர்வாக இயக்குநர் ஜி.டி.தரணீதரன்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
இனி சோஷியல் மீடியா மார்க்கெட்டிங்தான்!



சிவகாசியிலிருந்து சென்னைக்கு...

‘‘என் ஊர் சிவகாசிக்குப் பக்கத்தில் உள்ள விலாம்பட்டி. சென்னை எம்.ஐ.டி-யில் படித்துவிட்டு, விப்ரோ நிறுவனத்தில் வேலை பார்த்தேன். 2009-2012-க்கு இடைப்பட்ட காலத்தில் நெப்போலியன் ஹில் எழுதிய `Think and grow rich’, ராபின் ஷர்மாவினுடைய `The greatness guide’ போன்ற புத்தகங்களைப் படித்து விட்டு, சொந்தமாகத் தொழில் தொடங்க நினைத்தேன். நான் ஃபேஸ்புக்கில் ஆக்டிவாக இருப்பேன். இதைப் பார்த்த என் நண்பர் ஒருவர் சோஷியல் மீடியா மார்க்கெட்டிங் பற்றிப் பகிர்ந்து கொண்டார். அவர் இந்தோனேஷியா வர்த்தக மேம்பாட்டு மையத்திலிருந்து (ITPC) மார்க்கெட்டிங் புரமோஷன் ஒன்றையும் எனக்கு வாங்கித் தந்தார்.

என்னுடைய முதல் புராஜெக்ட் அதுதான். அந்த புராஜெக்ட் கிடைத்த பிறகு, ஒரே நாளில் ஆரம்பிக்கப் பட்டதுதான் இந்த `சோஷியல் ஈகிள்’ நிறுவனம். இதைத் தொடங்கும்போது என்னிடம் பெரிய அளவில் பணமில்லை. இணையத்தை நம்பி ஆரம்பித்தேன். இன்று பலருக்கும் வழிகாட்டிக் கொண்டிருக்கிறேன்.

பிசினஸ் மார்க்கெட்டிங்குக்கு எது சிறந்தது?

கடந்த 2018 ஜனவரி நிலவரப்படி, இந்தியாவில் மட்டும் சுமார் 250 மில்லியன் ஃபேஸ்புக் பயனாளர்கள் இருக்கிறார்கள்.  இன்ஸ்டாகிராம், ட்விட்டர், லிங்க்டுஇன் என சமூக வலைதளங்கள் பல இருந்தாலும், இன்றைய நிலையில் ஃபேஸ்புக் மற்றும் இன்ஸ்டாகிராம் தளங்கள் பிசினஸ் மார்க்கெட்டிங்குக்கு ஏற்றதாக இருக்கின்றன. குறிப்பாக, ஃபேஸ்புக் ஆட்மேனேஜர் வசதி மிகவும் பயனுள்ளதாக இருக்கிறது. இந்த வசதியைப் பயன்படுத்தித்தான் பெரும்பாலான நிறுவனங்கள், அவர்களுக்கான வாடிக்கை யாளர்களை இனம் கண்டுவருகின்றன. 

இனி சோஷியல் மீடியா மார்க்கெட்டிங்தான்!

சமீப காலமாக, இன்ஸ்டாகிராம் தளமானது பிசினஸ் மார்க்கெட்டிங்குக்குப் பயனுள்ளதாக மாறியிருக்கிறது. இளைஞர்களைக் கவரும் லைஃப்ஸ்டைல் பொருள்களின் மார்க்கெட்டிங்குக்கு இன்ஸ்டாகிராம் நல்ல வரவேற்பைப் பெற்றிருக்கிறது. கார்மென்ட்ஸ் மற்றும் உணவு சார்ந்த விளம்பரங்களுக்கும் இன்ஸ்டா பக்கங்கள் பயனுள்ளவையாக இருக்கின்றன.

பிசினஸ் மார்க்கெட்டிங் செய்யும்போது...

``மார்க்கெட்டிங் தொடர்பான விஷயங்களை எழுத்து வடிவில் தந்தால், அதை யாரும் விரும்பிப் படிப்பதில்லை. காரணம் அதை முழுவதுமாகப் படிக்கும் அளவுக்கு யாருக்கும் நேரமில்லை. மாறாக, மார்க்கெட்டிங் சார்ந்த விளம்பர போஸ்டர்கள், வீடியோக்கள் பார்ப்பதையே மக்கள்  விரும்புகிறார்கள். அதனால் சமூக வலைத்தளங்களில் வாடிக்கையாளர்களைக் கவரும் வகையில் விளம்பர போஸ்டர்கள், வீடியோக்கள் இருப்பது அவசியம்.

ஒரே விளம்பரத்துக்கு இரண்டுக்கும் மேற்பட்ட விளம்பர போஸ்டர்களைப் பதிவுசெய்து, அதில் எதை மக்கள் அதிகம் விரும்புகிறார்கள் எனத் தெரிந்துகொண்டு, அதை ஃபாலோ செய்வது முக்கியம். அதேபோல, பிசினஸ் மார்க்கெட்டிங்கில் என்றைக்கும் தவறான வாக்குறுதிகளை மட்டும் வாடிக்கையாளர்களுக்குக் கொடுக்கக்கூடாது.’’

செ.கார்த்திகேயன்