Published:Updated:

கிரெடிட் கார்டு கடன் செட்டில்மென்ட்... சிபில் ஸ்கோர் குறையுமா?

கிரெடிட் கார்டு கடன் செட்டில்மென்ட்... சிபில் ஸ்கோர் குறையுமா?
பிரீமியம் ஸ்டோரி
News
கிரெடிட் கார்டு கடன் செட்டில்மென்ட்... சிபில் ஸ்கோர் குறையுமா?

கேள்வி - பதில்

கிரெடிட் கார்டு கடன் தொகையான ரூ.1.5 லட்சத்தைத் திருப்பிச் செலுத்த முடியாததால், 50,000 ரூபாய்க்கு செட்டில்மென்ட் செய்திருக்கிறேன். இதனால் எனக்குப் பாதிப்பு ஏதும் வருமா?

அருண்குமார், திருச்சி

ஆர்.கணேசன், உதவிப் பொதுமேலாளர் (ஓய்வு), பஞ்சாப் நேஷனல் பேங்க்.  

கிரெடிட் கார்டு கடன் செட்டில்மென்ட்... சிபில் ஸ்கோர் குறையுமா?

``நீங்கள் செட்டில்மென்ட் பேசி முடித்தாலும், உங்களுடைய வங்கிக் கடன் வரலாற்றில், இந்த செட்டில்மென்ட் விவகாரமும் தெரியவரும். எனவே, எதிர்காலத்தில் வங்கிக் கடனுக்கு முயற்சி செய்யும்போது, வங்கிகளும் நிதி நிறுவனங்களும் கடன் தரத் தயங்குவார்கள். இது உங் களுக்குப் பாதகமாகவே இருக்கும். எனவே, வங்கிக் கடன்களை முறையாக, முழுமையாகக் கட்டி முடிப்பதே வாடிக்கையாளர்களுக்கு நல்லது.’’

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
கிரெடிட் கார்டு கடன் செட்டில்மென்ட்... சிபில் ஸ்கோர் குறையுமா?



கடந்த சில மாதங்களாக எஸ்.ஐ.பி முறையில் மாதந்தோறும் 15,000 ரூபாயை, தலா ரூ.5,000 என்ற விகிதத்தில் பிரித்து எல்&டி எமர்ஜிங் பிசினஸ் ஃபண்ட், ஹெச்.டி.எஃப்.சி பேலன்ஸ்டு ஃபண்ட், மோதிலால் ஆஸ்வால் மல்டிகேப் பண்ட் ஆகியவற்றில் முதலீடு செய்துவருகிறேன். மேலும், 5 லட்சம் ரூபாயைப் பத்து ஆண்டுகளுக்கு முதலீடு செய்ய விரும்புகிறேன். அடுத்த பத்து ஆண்டுகளில் தோராயமாக ரூ.50 லட்சம் வருமானம் ஈட்டுவதற்கு இந்த ஃபண்ட் தேர்வு சரிதானா?

- குருசங்கர், சேலம்

என்.விஜயகுமார், நிதி ஆலோசகர்


``நீங்கள் மாதந்தோறும் ரூ.15,000 மற்றும் ஒரே தவணையாக ரூ.5 லட்சம் ஆகியவற்றை முதலீடு செய்து, அதற்கு 10 ஆண்டுகளில் 12% வருமானம் கிடைத்தால், ரூ.49 லட்சம் ஈட்டலாம். உங்களுடைய ரூ.15,000 முதலீட்டில் 500 ரூபாயைக் கூடுதலாகச் சேர்த்து மொத்தம் 15,500 ரூபாயாக முதலீடு செய்தால், உங்களுக்குக் கிடைக்கும்  தொகை (இத்துடன் 5 லட்சம் ரூபாயையும் சேர்த்து)  தோராயமாக ரூ.50.25 லட்சம் வருமானம் கிடைக்கக்கூடும்.

உங்களின் ஃபண்ட் தேர்வில், ஹெச்.டி.எஃப்.சி பேலன்ஸ்டு ஃபண்டுக்குப் பதிலாக ஆதித்ய பிர்லா ஈக்விட்டி ஃபண்டில் முதலீடு செய்யலாம். மோதிலால் ஆஸ்வால் மல்டிகேப் ஃபண்டுக்கு டிராக் ரெக்கார்டு பார்க்கும்போது, அதற்குப் பதிலாக ஐ.சி.ஐ.சி.ஐ புரூடென்ஷியல் வேல்யூ டிஸ்கவரி ஃபண்டைத் தேர்வு செய்யலாம். எல்&டி எமர்ஜிங் பிசினஸ் ஃபண்டை அப்படியே தொடரலாம். மொத்தமாக முதலீடு செய்யும் ரூ.5 லட்சத்தையும் மூன்றாகப் பிரித்து, மேற்சொன்ன மூன்று ஃபண்டுகளில் முதலீடு செய்யவும்.’’

`எனது மருத்துவக் காப்பீட்டுக்கான பிரீமியம் நிகரத்தொகையில் ஜி.எஸ்.டி-யும் சேர்ந்துள்ளது. படிவம் 16-ன்படி மொத்தத் தொகையையும் எனது வருமான வரிக் கழிவுக்குக் காட்டலாமா?

- செந்தில்குமார், சேலம்

எஸ்.பாலாஜி, சார்ட்டர்ட் அக்கவுன்டன்ட்


``வருமான வரிச் சட்டம் 80டி-யின்படி, மருத்துவக் காப்பீட்டு பிரீமியத்துக்கான ஜி.எஸ்.டி தொகையை வரிக்கழிவுக்குக் காட்ட முடியாது. ஜி.எஸ்.டி தொகையைத் தவிர்த்து, நிகர பிரீமியம் தொகையை மட்டுமே வரிக்கழிவுக்குக் காட்ட முடியும்.’’

என் அம்மா, அவர் வசமுள்ள வீட்டை விற்று அதில் ஒரு பங்கை எனக்குப் பணமாக அளிக்க நினைக்கிறார். அந்த வீட்டை வேறொருவரிடம் விற்பதற்குப் பதிலாக நானே வங்கிக்கடன்மூலம் வாங்கிக்கொள்ள நினைக்கிறேன். இதற்கு வங்கிக் கடன் கிடைக்குமா?

- சுந்தர்ராஜன், திருச்சி


ஆர்.செல்வமணி, கனராவங்கி உதவிப் பொதுமேலாளர் (ஓய்வு) 

கிரெடிட் கார்டு கடன் செட்டில்மென்ட்... சிபில் ஸ்கோர் குறையுமா?

``வீடு வாங்குவதற்கான வங்கிக் கடனை, அடமானக் கடன் அல்லது வீட்டுக் கடனாக வாங்கலாம். அடமானக் கடனுக்கு வட்டி அதிகம். குறுகிய காலத்தில் கடனைத் திருப்பிச் செலுத்த வேண்டும். வீட்டுக் கடனுக்கு வட்டி குறைவு. கடனை அடைக்க அதிக காலம் எடுத்துக் கொள்ளலாம். ஆனால், உங்கள் அம்மாவின் வீட்டை நீங்களே வாங்குவது,  உங்கள் சொத்தை உங்களுக்கே விற்பது என இருப்பதால், இதற்கு வீட்டுக் கடன் தருவது, அந்தந்த வங்கிகளின் கடன் ஒப்புதல் குழுவின் முடிவைப் பொறுத்ததே.’’

கடந்த 2000-ல் ரூ.5 லட்சத்துக்கு ஒரு வீட்டை வாங்கினேன். தற்போது அதை ரூ.50 லட்சத்துக்கு விற்பனை செய்யவுள்ளேன். லாபத்துக்கு வரிச் செலுத்த வேண்டுமா?

செந்தில்குமார், திண்டுக்கல்

எஸ்.சதீஸ்குமார், சார்ட்டர்ட் அக்கவுன்டன்ட்


``பணவீக்க விகித இண்டெக்ஸ்படி, நீண்டகால மூலதன ஆதாயத்தைக் கணக்கிட வேண்டும். அதன்படி வரும் தொகையைவிடக் கூடுதலாக உள்ள லாபத்தொகைக்கு மட்டும் 20% மூலதன ஆதாய வரி கட்டவேண்டும். வீடு விற்றுவரும் வருமானத்தை இன்னொரு வீடு வாங்குவதற்கோ, ரூரல் எலெக்ட்ரிஃபிகேஷன் பாண்டிலோ முதலீடு செய்து  மூலதன ஆதாய வரியை மிச்சப்படுத்தலாம்.’’

என்னிடம் உள்ள ரூ.4 லட்சத்தை மியூச்சுவல் ஃபண்டில் எஸ்.டி.பி முறையில் 10 ஆண்டு காலத்துக்கு முதலீடு செய்ய விரும்புகிறேன். நல்ல திட்டங்களைத் தேர்வு செய்ய ஆலோசனை கூறவும்.

ராஜ்குமார், கோயமுத்தூர்


எஸ்.ஸ்ரீனிவாசன், நிதி ஆலோசகர், மணிகேர்


``உங்களுடைய முதலீட்டுக் காலம் 10 ஆண்டுகள் என்று நீங்கள் குறிப்பிட்டுள்ளதால், பின்வரும் திட்டங்களில் முதலீடு செய்யலாம். ஆதித்ய பிர்லா சன் லைஃப் லிக்விட் ஃபண்ட் மற்றும் மிரே அஸெட் இந்தியா லிக்விட் ஃபண்ட் ஆகிய இரண்டு திட்டங்களிலும் தலா ரூ.2 லட்சம் என்ற விகிதத்தில் சமமாகப் பிரித்து முதலீடு செய்யவும். அதன்பிறகு எஸ்.டி.பி முறைப்படி வாரந்தோறும் குறிப்பிட்ட ஒரு தொகையை லிக்விட் ஃபண்டி லிருந்து எடுத்து, அதே நிறுவனத்தின் ஈக்விட்டி ஃபண்டில் தொடர்ந்து முதலீடு செய்துவரவும். இப்படித் தொடர்ச்சியாக முதலீடு செய்வதன் மூலம் நல்ல வருமானத்தை எதிர்பார்க்கலாம்.’’

கிரெடிட் கார்டு கடன் செட்டில்மென்ட்... சிபில் ஸ்கோர் குறையுமா?

என் வயது 68. அரசுப் பணியிலிருந்து ஓய்வுபெற்ற சீனியர் சிட்டிசனான எனக்கு, உயர்ரத்த அழுத்தம், சர்க்கரை மற்றும் இதயம் தொடர்பான நோய்களின் தொடர் சிகிச்சைக்காக மருந்துகளை எடுத்துவருகிறேன். இவற்றுக்கான செலவுக்கு எனது வருமான வரியிலிருந்து வரிக்கழிவு கிடைக்குமா?

சந்திரசேகரன், கோயம்புத்தூர்

பி.கமலேசன், ஆடிட்டர்


``மருத்துவச் செலவுக்கு வருமான வரிக்கழிவு உண்டு. மார்ச் 31, 2019 தேதியோடு முடியும் இந்த நிதியாண்டில், வருமான வரிச்சட்டம் 80D-படி, சீனியர் சிட்டிஷன்களுக்கு மருத்துவச் செலவு களுக்கான வருமான வரிக்கழிவு விதிமுறைகள் வகுத்துள்ளார்கள். ஹெல்த் இன்ஷூரன்ஸ் பிரீமியமாகச் செலவிடப்படும் தொகைக்கு, ரூ.30,000 வரை வரிக்கழிவு உண்டு. மருத்துவப் பரிசோதனைகளுக்கு ரூ.5,000 வரை வரிக்கழிவு உண்டு. மருத்துவச் சிகிச்சைக்காகச் செலவிடப் படும் தொகைக்கும் ரூ.30,000 வரை வரிக்கழிவு உண்டு. இந்த மூன்றும் சேர்த்தே அதிகபட்சம் ரூ.30,000 வரை வருமான வரிக்கழிவுக்குக் காட்ட லாம். இந்த வருமான வரிக்கழிவு, சீனியர் சிட்டிசனுக்கு மட்டுமின்றி, அவர் சார்ந்த குடும்பத்தினருக்கான சிகிச்சைக்கும் பொருந்தும்.’’
 
தொகுப்பு : தெ.சு.கவுதமன்

படம்: ப.சரவணகுமார்

கிரெடிட் கார்டு கடன் செட்டில்மென்ட்... சிபில் ஸ்கோர் குறையுமா?

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி:
கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com.