Published:Updated:

ஷேர்லக்: ஏப்ரலில் சந்தை புதிய உச்சத்தைத் தொடுமா?

ஷேர்லக்: ஏப்ரலில் சந்தை புதிய உச்சத்தைத் தொடுமா?
பிரீமியம் ஸ்டோரி
News
ஷேர்லக்: ஏப்ரலில் சந்தை புதிய உச்சத்தைத் தொடுமா?

ஓவியம்: அரஸ்

முதல்நாள் சொன்னபடியே மாலை நான்கு மணிக்கு  மார்க்கெட் முடிந்தபின்  வந்து சேர்ந்தார் ஷேர்லக். தயாராக இருந்த சாத்துக்குடி ஜூஸை அவருக்குத் தந்தோம். அதை வாங்கிப் பருகியபடி நம் கேள்வி களுக்குப் பதில் சொல்லத் தொடங்கினார்.

ஷேர்லக்: ஏப்ரலில் சந்தை புதிய உச்சத்தைத் தொடுமா?

பங்குச் சந்தைகள் தொடர்ந்து உச்சத்திலேயே வர்த்தகம் ஆகிவருகிறதே என்ன காரணம்?

‘‘பங்குச் சந்தைகள் கடந்த ஒன்பது மாதங் களில் இல்லாத அளவுக்கு உச்சநிலையில் வர்த்தகமாகி வருகிறது. கடந்த 2016-ல் சென்செக்ஸ் 9.35% இறக்கம் கண்டது. 2017-ல் 16.88%, 2018-ல் 11.30% முன்னேற்றம் கண்ட நிலையில், 2019-ல் 16.30% முன்னேறியுள்ளது. கடந்த ஓராண்டு காலத்தில் பஜாஜ் ஃபைனான்ஸ் பங்கு விலை 70 சதவிகிதத்துக்கு மேல் விலை ஏற்றம் கண்டுள்ளது. ரிலையன்ஸ் இண்டஸ்ட்ரீஸ், ஆக்ஸிஸ் பேங்க் பங்கு விலை 50 சதவிகிதத்துக்குமேல் ஏற்றம் கண்டுள்ளது. ஆனால், டாடா மோட்டார்ஸ், இண்டியா புல்ஸ், வேதாந்தா, எய்ச்சர், ஹீரோமோட்டோ கார்ப் நிறுவனப் பங்குகளின் விலை 25 சதவிகிதத்துக்குமேல் குறைந்துள்ளன. மிட்கேப் பங்குகளைப் பொறுத்தவரை, அதானி பவர் நிறுவனத்தின் பங்கு விலை 100% ஏற்றம் கண்டிருக்கிறது. ஆனால், திவான் ஹவுஸிங் 70 சதவிகிதத்துக்குமேல் இறக்கம் அடைந்துள்ளது. சுருக்கமாகச் சொல்ல வேண்டும் என்றால், கடந்த ஓராண்டில் பங்குச் சந்தை முதலீட்டாளர்கள் ஏறக்குறைய ஒன்பது லட்சம் கோடி ரூபாயைக் கூடுதலாகச் சம்பாதித்திருக்கிறார்கள். பி.எஸ்.இ-யில் பட்டியலிடப்பட்ட பங்குகளின் சந்தை மதிப்பு ரூ.142 லட்சம் கோடியிலிருந்து ரூ.151 லட்சம் கோடியாக உயர்ந்திருக்கிறது.’’

இந்தியப் பங்குச் சந்தை வரும் ஏப்ரல் மாதத்தில் புதிய உச்சத்தைத் தொடும் என்கிறார்களே?


“கடந்த வியாழக்கிழமையன்று எஃப் அண்டு ஒப்பந்தங்கள் நிறைவேறியிருக்கின்றன. நிஃப்டி ரோல் ஓவர் 68 சதவிகிதமாக உள்ளது. இது கடந்த மூன்று மாதங்களின் சராசரியான 65 சதவிகிதத்தை விட அதிகமாகும். நிஃப்டி ஃப்யூச்சர்ஸ்-ல் ஓப்பன் இன்ட்ரஸ்ட் (நிறைவேற்றப்படாத ஒப்பந்தங்கள்) மதிப்பு  வியாழக்கிழமையன்று ரூ.21,000 கோடியாக இருந்தது. இது கடந்த பிப்ரவரி மாதத்தின் கடைசி வியாழக்கிழமையன்று ரூ.16,100 கோடியாக இருந்தது. அந்த வகையில் பார்க்கும்போது, ஏப்ரல் மாதத்தில் நிஃப்டி புள்ளிகள் புதிய உச்சத்தைத் தொடும் என மதிப்பிடப்பட்டுள்ளது. வங்கி மற்றும் நுகர்வோர் நிறுவனப் பங்குகளில் லாங்க் பொசிஷன்கள் கேரிஃபார்ட் செய்யப்பட்டிருக் கிறது. அதே நேரத்தில், வாகன நிறுவனப் பங்கு களில் சார்ட் பொசிஷன்கள் ரோல்டு ஓவர் செய்யப்பட்டிருக்கின்றன. மார்ச் மாதத்தில் பேங்க் நிஃப்டி 13%, நிஃப்டி பி.எஸ்.யூ பேங்க் இண்டெக்ஸ் 21% வளர்ச்சி கண்டிருக்கின்றன.

அதிக ரோல் ஓவர்கள், அதிக ரோல் ஓவர் கட்டணம் போன்றவை நிஃப்டி புதிய சிரீஸ்-ல் 12000 புள்ளிகளைத் தாண்டும் என மதிப்பிடப் பட்டிருக்கிறது. நிஃப்டி இதுவரைக்கும் இல்லாத வகையில், 2018 ஆகஸ்ட் 28-ம் தேதி 11760.20 புள்ளிகளுக்கு உயர்ந்தது. இதேபோல், சென்செக்ஸ் 2018 ஆகஸ்ட் 29-ம் தேதி இதுவரை இல்லாத சாதனை அளவாக 38989.65 புள்ளிகளுக்கு உயர்ந்தது. ஏப்ரலில் இந்த புள்ளிகளைத் தாண்டி இந்தக் குறியீடுகள் செயல்படும் என எதிர்பார்க்கப்படுகிறது.

இந்தியப் பங்குச் சந்தையின் ஏற்றத்துக்கு வெளிநாட்டு முதலீடுகளும் முக்கியக் காரணமாக இருக்கிறது. மார்ச் மாதத்தில் கடந்த இரண்டு ஆண்டுகளில் இல்லாத அளவுக்கு வெளிநாட்டு முதலீடு, இந்தியப் பங்குச் சந்தைக்கு ரூ.33,200 கோடி வந்திருக்கிறது.”

இன்ஃபோசிஸ் பங்கு விலை மீண்டும் உயரத் தொடங்கியதன் காரணம் என்ன?

“எல்லாம் அந்த நிறுவனம் ஏ.பி.என் ஆம்ரோவின் அடமான சேவைப் பிரிவினை வாங்குவதுதான். இந்த நிறுவனத்தின் 75% பங்குகளை இன்ஃபோசிஸ் ரூ.1,000 கோடி தந்து வாங்கவிருக்கிறது. இது நடக்கும்பட்சத்தில் ஜப்பான், தென்கிழக்கு ஆசியா மற்றும் ஐரோப்பாவில் இன்ஃபோசிஸ் நிறுவனத்துக்குப் புதிதாக வாடிக்கையாளர்கள் கிடைப்பார்கள். இதனால் அதன் வருமானம் அதிகரிக்க வாய்ப்புள்ளதால், இன்ஃபோசிஸ்  பங்கு விலை உயரத் தொடங்கியிருக்கிறது.”

மெட்ரோபொலிஸ் ஹெல்த்கேர் நிறுவனம் புதிய பங்கு வெளியீட்டில் இறங்கவிருக்கிறதாமே!


“மெட்ரோபொலிஸ் ஹெல்த்கேர் நிறுவனத்தின் ஐ.பி.ஓ ஏப்ரல் 3-ம் தேதி தொடங்குகிறது. மொத்தம் சுமார் 13.68 கோடி புதிய பங்குகள் வெளியிடப்படுகின்றன. பங்கின் விலைப்பட்டை ரூ.877-880-ஆக நிர்ணயம் செய்யப்பட்டுள்ளது. குறைந்தபட்சம் 17 பங்குகளுக்கு விண்ணப்பிக்க வேண்டும். மெட்ரோபொலிஸ் ஹெல்த்கேர், பணியாளர்களுக்கு மூன்று லட்சம் பங்குகளை அளிக்கிறது.  இந்தப் பங்கு வெளியீடுமூலம் ரூ.1,204 கோடி வரை திரட்டப்பட உள்ளது.

மார்ச் 31, 2018 நிலவரப்படி, இந்த நிறுவனத்தின் வருவாய் ரூ.651.5 கோடி. இது அதற்கு முந்தைய நிதியாண்டின் இதே காலகட்டத்தில் ரூ.567.6 கோடியாக இருந்தது. 2017-18 நிதியாண்டில்  லாபம் ரூ.109.7 கோடி. இது அதற்கு முந்தைய நிதியாண்டில் ரூ.107.2 கோடியாக இருந்தது குறிப்பிடத்தக்கது’’.

நஷ்டத்தில் இயங்கும் பொதுத்துறை நிறுவனங்களின் பங்குகளைத் திரும்ப வாங்க அரசு முடிவு செய்துள்ளது சரியா?


“நஷ்டத்தில் இயங்கும் ஹெச்.எம்.டி, ஸ்டேட் டிரேடிங் கார்ப்பரேஷன் (எஸ்.டி.சி) உள்ளிட்ட ஆறு பொதுத்துறை நிறுவனங்களின் பங்குகளைத் திரும்ப வாங்க மத்திய அரசு திட்டமிட்டுள்ளது.  செபி விதிமுறைப்படி, பங்குச் சந்தை பட்டியலில் உள்ள நிறுவனங்களின் பங்குகளில் பொது முதலீட்டாளர்களிடம் குறைந்தபட்சம் 25% பங்குகள் இருக்க வேண்டும். ஆனால், அது சாத்தியமில்லை என்பதால், பங்குச் சந்தையின் பட்டியலிலிருந்து அவற்றை நீக்க முடிவு செய்துள்ளது.

அரசின் இந்த முடிவு, இந்த பொதுத்துறை நிறுவனங்களின் பங்குகளில் முதலீடு செய்து சிக்கித் தவித்துக் கொண்டிருந்த சிறு முதலீட்டாளர் களுக்கு மகிழ்ச்சியையும் நிம்மதியையும் கொடுத்துள்ளது. ‘பைபேக்’குக்கு அடையாளம் காணப்பட்டுள்ள பொதுத்துறை நிறுவனங்கள் சமீப ஆண்டுகளாகவே பெரும் நஷ்டத்தில் இயங்கிவந்தன. 2008-ம் ஆண்டில் 104 ரூபாயாக இருந்த ஹெச்.எம்.டி-யின் பங்கு ஒன்றின் விலை, தற்போது 20 ரூபாய் என்ற அளவுக்குச் சரிந்து விட்டது. மெட்டல்ஸ் அண்டு மினரல்ஸ் டிரேடிங் கார்ப்பரேஷன் (எம்.எம்.டி.சி) நிறுவனத்தின் பங்கு ஒன்றின் விலை, 2010-ம் ஆண்டு காணப்பட்ட அதன் உச்சவிலையான 1,175 ரூபாயிலிருந்து தற்போது வெறும் 27 ரூபாயாகச் சரிந்துவிட்டது.”

அரவிந்த் ஃபேஷன்ஸ் நிறுவன பங்கு விலை நல்ல ஏற்றம் கண்டுள்ளதே?

“மார்ச் 8-ம் தேதியன்று அரவிந்த் ஃபேஷன்ஸ் நிறுவனத்தின் பங்கு பட்டியலிடப்பட்டபோது, எதிர்பார்த்ததைவிடக் குறைவாக, பங்கு ஒன்றின் விலை பி.எஸ்.இ-யில் 591.75 ரூபாயாகவும், என்.எஸ்.இ-யில் 592 ரூபாயாகவும் காணப் பட்டதால், முதலீட்டாளர்கள் சற்றுக் குழம்பித்தான் போனார்கள். பங்கு ஒன்றின் விற்பனை விலை ரூ.1,100 - ரூ.1,300-ஆக இருக்கலாம் என பகுப்பாய்வாளர்கள் மதிப்பிட்டிருந்த நிலையில், கணக்கீட்டு முறையைப் பங்குச் சந்தைகள் பின்பற்றுவதால், அதன் அடிப்படையில் குறைவான விலையில் பட்டியலிடப்பட்டது.

இந்த நிலையில், இந்த நிறுவனத்தின் பங்கு விலை, திங்களன்று மும்பை பங்குச் சந்தையில் 10% உயர்ந்து, 1,059.95 ரூபாயாகக் காணப்பட்டது. 11 வர்த்தக தினங்களில் மட்டும் இந்த நிறுவனப் பங்கின் விலை 79% உயர்ந்துள்ளது. டிரேடர்கள், தொடர்ந்து இந்த நிறுவனப் பங்குகளை வாங்கி வருகிறார்கள். பங்கின் விலை வெள்ளிக்கிழமை நிலவரப்படி ரூ.1,043-ஆக உள்ளது. இது ரூ.1,290-க்கு அதிகரிக்கும் என ஐ.சி.ஐ.சி.ஐ. செக்யூரிட்டீஸ் சொல்லியிருக்கிறது. இந்த நிலையிலும் ரிஸ்க் எடுக்க நினைப்பவர்கள் இந்தப் பங்கினை வாங்கப் பரிசீலிக்கலாம்.’’

சிறிய மற்றும் நடுத்தர நிறுவனங்களின் ஐ.பி.ஓ-கள் வெளியீடு குறைந்ததற்கு காரணமென்ன?


‘‘நடப்பு 2019-ம் ஆண்டின் முதல் இரண்டரை மாதங்களில் திரட்டப்பட்ட நிதியானது ரூ.155 கோடியாகக் குறைந்து காணப்படுகிறது. இது கடந்த 2018-ம் ஆண்டின் இதே காலகட்டத்தில் ரூ.573 கோடியாக இருந்தது. இதுவரை வெளி யிட்டிருக்கும் ஐ.பி.ஓ-களின் எண்ணிக்கையும் 32-லிருந்து 10-ஆகக் குறைந்துள்ளது.  தற்போதைய சந்தை நிலவரம், மிட்கேப் மற்றும் ஸ்மால்கேப் பங்கு விலைகளில் ஏற்பட்ட கரெக் ஷன் காரணமாக, எஸ்.எம்.இ பங்குகளின் மீதான ஆர்வம் தற்போது முதலீட்டாளர்களுக்குக் குறைந் திருக்கிறது. மேலும், கவரக்கூடிய மதிப்பீடுகளில் மிட்கேப் மற்றும் ஸ்மால்கேப் பங்குகளும், சில லார்ஜ்கேப் பங்குகளும் சந்தையில் கிடைத்ததால், முதலீட்டாளர்கள் எம்.எம்.இ பங்குகளில் முதலீடு செய்ய முன்வரவில்லை. தவிர, ஏற்கெனவே வெளியிடப்பட்ட ஐ.பி.ஓ-கள் சிறப்பாகச் செயல் படாததும் ஒரு முக்கியக் காரணம்’’ என்றவர், ‘‘சீக்கிரம் வீட்டுக்குப் போகிறேன். ஐ.பி.எல் மேட்ச் பார்க்க வேண்டும்’’ என்று சொல்லிவிட்டு, சட்டென்று கிளம்பிச் சென்றார்.

ஷேர்லக்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

ரயில் விகாஸ் நிகாம்  புதிய பங்கு வெளியீடு!

பொ
துத்துறையைச் சேர்ந்த ரயில் விகாஸ் நிகாம் நிறுவனத்தின் புதிய பங்கு வெளியீட்டில் (ஐ.பி.ஓ) இறங்கியுள்ளது.  மொத்தம் 25.34 கோடி பங்குகள் விற்பனை செய்யப்படுகிறது. பங்கு ஒன்றின் விலைப்பட்டை ரூ.17-19 என நிர்ணயிக்கப்பட்டுள்ளது. குறைந்தபட்சம் 780 பங்குகளுக்கு விண்ணப்பிக்க வேண்டும். மொத்தம் ரூ.480 கோடி திரட்டப்படுகிறது. பங்குகள் வேண்டி ஏப்ரல் 3-ம் தேதி வரை விண்ணப்பிக்கலாம். 6.5 லட்சம் பங்குகள் பணியாளர்களுக்கு ஒதுக்கப்படுகிறது. நீண்ட நோக்கில் இந்த நிறுவனப் பங்குகளை முதலீட்டுக்குக் கவனிக்கலாம் என்கிறார்கள் முன்னணி அனலிஸ்ட்கள்.