Published:Updated:

கிஸான் கிரெடிட் கார்டு வாங்குவது எப்படி?

கிஸான் கிரெடிட் கார்டு வாங்குவது எப்படி?
பிரீமியம் ஸ்டோரி
கிஸான் கிரெடிட் கார்டு வாங்குவது எப்படி?

நீங்கள் கேட்டவைஓவியம்: வேலு

கிஸான் கிரெடிட் கார்டு வாங்குவது எப்படி?

நீங்கள் கேட்டவைஓவியம்: வேலு

Published:Updated:
கிஸான் கிரெடிட் கார்டு வாங்குவது எப்படி?
பிரீமியம் ஸ்டோரி
கிஸான் கிரெடிட் கார்டு வாங்குவது எப்படி?

‘‘கிஸான் கிரெடிட் கார்டு வாங்க விரும்புகிறேன். இதன் விவரங்களைச் சொல்லுங்கள்?’’

கே.காயத்ரி, குருமாம்பட்டு. 

கிஸான் கிரெடிட் கார்டு வாங்குவது எப்படி?

நபார்டு வங்கியின் வளர்ச்சி மேலாளர் பதில் சொல்கிறார்.

‘‘கிஸான் கிரெடிட் கார்டு எனப்படும் விவசாயிகளுக்கான கடன் அட்டை என்ற திட்டத்தை மத்திய ரிசர்வ் வங்கி கடந்த 1998-ஆம் ஆண்டு வெளியிட்டது. இந்த அட்டையைப் பயன்படுத்தி விவசாயிகள் தங்களுக்குத் தேவையான கடனைப் பயிர்ச் சாகுபடிக்கும் சுயதேவைக்கும் பயன்படுத்திக் கொள்ளலாம். விவசாய நிலங்களுக்குப் பட்டா வைத்திருக்கும் விவசாயிகள், இந்தக் கடன் அட்டை பெற தகுதியானவர்கள். நிலத்தின் அளவைப் பொறுத்தும் பயிர் செய்வதற்குத் தேவையான செலவினங்களைக் கருத்தில் கொண்டும் கடன் வழங்கப்படும். இதற்குக் குறைந்தபட்சம், அதிகபட்சம் என்ற அளவு கிடையாது.விவசாயக் கடன் அட்டை 3 வருடத்துக்குத் தகுதியானவை. அதேசமயம், வருடத்துக்கு ஒருமுறை திறனாய்வு செய்யப்படும். இந்த அட்டையைப் பயன்படுத்தி விவசாயிகள் கூட்டுறவு வங்கிகள், கிராமப்புற, நகர்ப்புற வங்கிகள் மற்றும் பொதுத்துறை வங்கிகளில் கடன் பெறலாம். இந்தக் கடன் அட்டை விவசாயிகளின் சேமிப்புக் கணக்குடன் இணைக்கப்பட்டுள்ளதால், விவசாயிகள் இந்த அட்டையைப் பயன்படுத்தித் தங்களது சேமிப்புக் கணக்கில் உள்ள பணத்தை எடுக்க முடியும்.

ஒட்டுமொத்த விகடனுக்கும் ஒரே ஷார்ட்கட்!

கிஸான் கிரெடிட் கார்டு வாங்குவது எப்படி?

இந்த அட்டையின் மூலம், ரூ.3 லட்சத்துக்குள் கடன் பெறும் விவசாயிக்கு ஆண்டுக்கு 7 சதவிகிதம் வட்டி வசூலிக்கப்படுகிறது. இத்திட்டத்தில் கடன் பெறும் விவசாயிகளுக்கு அவர்கள் கடனை சரியாகத் திரும்பச் செலுத்துவதைப் பொறுத்து மத்திய அரசு 3 சதவிகித வட்டி மானியம் வழங்குகிறது. கிஸான் கடன் அட்டைத் திட்டத்தின் மூலம் பணப் பட்டுவாடா நடைமுறைகளை எளிமைப்படுத்துகிறது. பணம் மற்றும் பொருள் வாங்குதல் தொடர்பான பிரச்னைகளை நீக்குகிறது. ஒவ்வொரு பயிருக்கும் தனித்தனியாகக் கடனுக்கு விண்ணப்பிக்கத் தேவையில்லை. எந்த நேரத்திலும் உறுதியாகக் கிடைக்கக்கூடியதால் விவசாயிகளுக்கு வட்டிச்சுமையை வெகுவாகக் குறைக்கக்கூடியது.

விதைகளையும் உரங்களையும் விவசாயிகள் தங்கள் வசதி மற்றும் தேர்வுக்கேற்ற வகையில் வாங்கிக்கொள்ளலாம். இடுபொருள்களை வாங்கும்போதே முகவர்களிடமிருந்து தள்ளுபடி பெற்றுக்கொள்ளலாம். உங்களுக்கு அருகிலுள்ள பொதுத்துறை வங்கிக் கிளையில் உரிய ஆவணங்களுடன் அணுகினால், தகுதியுடைய விவசாயிகளுக்குக் கிஸான் கடன் அட்டையையும் வங்கிக் கணக்கு புத்தகத்தையும் கொடுப்பார்கள். இதில் பெயர், முகவரி, வைத்திருக்கும் நிலம் பற்றிய விவரம், பணம்பெறும் வரம்பு, செல்லுபடியாகும் காலம், பாஸ்போர்ட் அளவு புகைப்படம் ஒன்று ஆகியவற்றைக் கொண்டிருக்கும். மேலும் இது, அடையாள அட்டையாகவும் தொடர் செயல்பாடு அடிப்படையிலான நடவடிக்கைகளின் பதிவை வசதிசெய்யும் வகையிலும் பயன்படும். கிஸான் கடன் அட்டைத்தாரர்களுக்கான தனிநபர் விபத்து காப்பீட்டுத் திட்டமும் உள்ளது. இதன் மூலம் தனிநபர் விபத்துக் காப்பீடு வழங்கப்படுகிறது. விபத்துகளால் உண்டாகும் (உள்நாட்டில்) இறப்பு அல்லது நிரந்தர ஊனங்களுக்கான இழப்பீடுகள், அனைத்து கிஸான் கடன் அட்டைத்தாரர்களுக்கும் வழங்கப்படும்.

கிஸான் கிரெடிட் கார்டு வாங்குவது எப்படி?

விபத்து மற்றும் வன்முறை காரணமான மரணம், நிரந்தரமான ஊனத்துக்கு ரூ.50,000 வழங்கப்படும். இரண்டு கைகள் அல்லது கால்கள் இழப்பு, இரண்டு கண்கள் இழப்பு, அல்லது ஒரு கண் மற்றும் ஒரு கை அல்லது கால் இழப்புக்கு ரூ.50,000. ஏதேனும் ஒரு கை அல்லது கால் மற்றும் ஒரு கண் இழப்புக்கு ரூ.25,000 என இழப்பீடு வழங்கப்படுகின்றன.

ஆண்டுச் சந்தா செலுத்தும் வங்கிகளில், பிரீமியம் பெற்ற நாளிலிருந்து ஓராண்டு வரை காப்பீடு நடப்பில் இருக்கும். மூன்றாண்டுத் திட்டமெனில், பிரீமியம் பெறப்பட்ட நாள் முதல் மூன்றாண்டிற்குக் காப்பீடு செல்லும். இந்தச் சேவையைச் செயல்படுத்த நான்கு காப்பீட்டுக் கழகங்கள் சரகவாரியான அடிப்படையில் பொறுப்பேற்று உள்ளன. ஆந்திரா, கர்நாடகா, கேரளா, அந்தமான் – நிக்கோபார், புதுச்சேரி, தமிழ்நாடு, லட்சத்தீவுகள் ஆகிய பகுதிகளுக்கான சேவையை யுனைடெட் இந்தியா இன்ஷூரன்ஸ் கம்பெனி லிமிடெட்  என்கிற நிறுவனம் வழங்குகிறது. கிஸான் கடன் அட்டையை, விவசாயிகள் வாங்கி வைத்துக் கொண்டால், பயிர்ச் சாகுபடியை, தொய்வில்லாமல் செய்து வரலாம்.’’

புறா பாண்டி

கிஸான் கிரெடிட் கார்டு வாங்குவது எப்படி?

விவசாயம், கால்நடை, மீன்வளம் மற்றும் சுற்றுச்சூழல் என்று பல துறைகள் பற்றி வாசகர்களின் சந்தேகங்களுக்கான பதில்களை உரிய நிபுணர்களிடம் பெற்றுத் தருவதற்காகவே ‘புறா பாண்டி’ சும்மா ‘பரபர’த்துக் கொண்டிருக்கிறார்.  உங்கள் கேள்விகளை ‘நீங்கள் கேட்டவை’,  பசுமை விகடன், 757, அண்ணா சாலை, சென்னை-2 என்ற முகவரிக்குத் தபால் மூலமும், pasumai@vikatan.com என்ற முகவரிக்கு இ-மெயில் மூலமும், 99400 22128 என்ற எண்ணுக்கு வாட்ஸ்அப் மூலமும், facebook.com/PasumaiVikatan என்ற முகவரிக்கும், twitter.com/PasumaiVikatan என்ற முகவரிக்கும்  அனுப்பலாம்.  

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism