Published:Updated:

ஆன் லைன்... ஆஃப் லைன்

ஆன் லைன்... ஆஃப் லைன்
பிரீமியம் ஸ்டோரி
ஆன் லைன்... ஆஃப் லைன்

எமோஜி, ஓவியம்: கார்த்திகேயன் மேடி

ஆன் லைன்... ஆஃப் லைன்

எமோஜி, ஓவியம்: கார்த்திகேயன் மேடி

Published:Updated:
ஆன் லைன்... ஆஃப் லைன்
பிரீமியம் ஸ்டோரி
ஆன் லைன்... ஆஃப் லைன்
ஆன் லைன்... ஆஃப் லைன்

ங்கள் வீட்டில் ‘ஸ்மார்ட்’ என்ற அடைமொழியுடன் எத்தனை பொருள்கள் இருக்கின்றன? ஸ்மார்ட்போன், ஸ்மார்ட் ஃபிரிட்ஜ், ஸ்மார்ட் மிக்ஸி, ஸ்மார்ட் ஸ்பீக்கர்ஸ், ஸ்மார்ட் லாக், ஸ்மார்ட் லைட். அட வீடே ஸ்மார்ட் ஹோம் ஆகிக்கொண்டே வருகிறது என்றுகூட பதில்கள் வரலாம்.

அது என்ன ஸ்மார்ட்?

இணையத்துடன் இணைத்துக்கொண்ட எல்லாமே ஸ்மார்ட் என்று பொதுவாகச் சொல்கிறார்கள். அது மட்டுமே போதுமா? 3310 மாடல் காலத்திலே சில மொபைல்களில் இணையம் இருந்தது. அவை ஸ்மார்ட்போனா? இல்லை. பின் எவை ஸ்மார்ட்? ஒரு வேலையை முன்பு செய்ததைவிட கொஞ்சம் நேர்த்தியாக, எளிமையாக, புத்திசாலித்தனமாகச் செய்வதை ஸ்மார்ட் எனலாம்.

ஆன் லைன்... ஆஃப் லைன்

ஒட்டுமொத்த விகடனுக்கும் ஒரே ஷார்ட்கட்!

ஸ்மார்ட்? பழைய மாடல் மொபைல்களிலும் கேமரா இருந்தது. ஆனால், நாம்தான் ஃபோகஸ் சரியாக வைக்க வேண்டும். இரவு நேரமா, வெளிச்சம் போதுமா என்பதையெல்லாம் பார்க்க வேண்டும். இன்றைய மொபைல்கள் அப்படியில்லை. அதுவே எல்லாவற்றையும் செய்துவிடும். யார் யார் நிற்கிறார்கள், அவர்கள் ஃபேஸ்புக் ஐடி என்ன, எந்த இடத்தில் புகைப்படம் எடுக்கப்படுகிறது, தோராயமாக அவர்கள் வயது என்ன என்பது வரை சொல்லிவிடும். நாம் இரண்டு விரல்களை விரித்தோ வாயைக் குவித்தோ போஸ் மட்டும் தந்தால் போதும்.

ஸ்மார்ட்? முன்பு, தமிழோ அல்லது மற்ற பிராந்திய மொழிகளோ மொபைலில் வராது. ஆனால், இன்றைய ஸ்மார்ட் போனோ ஆங்கிலத்தில் இருப்பதையே தமிழில் மொழிமாற்றம் செய்து தந்துவிடுகிறது. இன்னும் சொல்லிக்கொண்டே போகலாம்.

மொபைல்கள் ஸ்மார்ட்போன் ஆனதும் செய்யும் மாயாஜாலங்கள் ஏராளம். ஆனால், அதில் ஒரே ஒரு சிக்கல். அடுத்த பத்தியை வாசிக்கும் முன் என்னவென ஊகிக்க முடிகிறதா? முயலுங்கள்.

ஆன் லைன்... ஆஃப் லைன்

மொபைல் ஸ்மார்ட் ஆகிவிட்டது. ஆனால், அதைப் பயன்படுத்தும் நாம் ஸ்மார்ட் ஆகியிருக்கிறோமா? குறுஞ்செய்திக்கு ஏன் செலவு செய்கிறீர்கள், வாட்ஸ் அப் வைத்துக்கொள்ளுங்கள் என ஸ்மார்ட்போன் தந்தால் அதில் நாம் ஃபேக் ஃபார்வர்டுகளை அனுப்பிக்கொண்டிருக்கிறோம். மொபைலைத் திருப்பி எதைப் படமெடுக்கிறோம் என்பதே தெரியாமல் எடுத்து சிரமப்படுகிறோம் என செல்ஃபி கேமரா தந்தால், அதை ஓடும் ரயில் முன் நின்று எடுத்து உயிரை விடுகிறோம். கையடக்க மொபைலிலே டால்பி தரத்தில் ஸ்பீக்கர் கொடுத்தால், ஓடும் பேருந்தில் சத்தமாகப் பாடல் ஒலிக்கவிட்டு அடுத்தவர்களைக் கடுப்பேற்றுகிறோம்.

ஆன் லைன்... ஆஃப் லைன்

ஸ்மார்ட்போனின் சாத்தியங்களைப் பயன்படுத்துவதைவிட, அதைத் தவறாகப் பயன்படுத்துவதுதான் அதிகம். வீட்டில் நீச்சல்குளம் கட்டிவிட்டு தண்ணீர் இல்லாமல் தரையில் நீச்சலடிப்போமா?! அதைப் போன்றதுதான் ஸ்மார்ட்போன் வாங்கிவிட்டு அதன் சாத்தியங்களைப் பயன்படுத்தாமல் இருப்பது. விளையாட பந்து வாங்கிவிட்டு அடுத்த வீட்டு ஜன்னலை உடைப்பதற்காக மட்டுமே அதைத்  தூக்கி எறிவோமா?! அப்படித்தான் ஸ்மார் ட்போனைத் தவறாகப் பயன்படுத்துவது. ஸ்மார்ட்போன் தொடர்பான விஷயங்களை மூன்றாகப் பிரிக்கலாம். சாஃப்ட்வேர் - மொபைலின் ஆப்ரேட்டிங் சிஸ்டம், ஆப்ஸ் போன்றவை. ஹார்டுவேர் - மொபைல், சார்ஜர், அதனுடன் சேர்த்துப் பயன்படுத்தும் மற்ற பொருள்கள் பொதுவெளியில், ஸ்மார்ட்போனைப் பிறருக்குத் தொல்லை தராமல் பயன்படுத்தும் நல் விதிமுறைகள். இந்த மூன்று ஏரியாக்களில் கவனம் செலுத்தினால் போதும். மொபைல் போலவே நாமும் ஸ்மார்ட் ஆகிவிடலாம். ஒவ்வொரு வாரமும் ஒவ்வொரு ஏரியாவாக விசிட் அடிப்போம். ஆர் யூ ரெடி?