Published:Updated:

வாடகைக்குக் குடியிருப்பவர் வீட்டை உரிமைகோர முடியுமா?

வாடகைக்குக் குடியிருப்பவர் வீட்டை உரிமைகோர முடியுமா?
பிரீமியம் ஸ்டோரி
வாடகைக்குக் குடியிருப்பவர் வீட்டை உரிமைகோர முடியுமா?

கேள்வி - பதில்

வாடகைக்குக் குடியிருப்பவர் வீட்டை உரிமைகோர முடியுமா?

கேள்வி - பதில்

Published:Updated:
வாடகைக்குக் குடியிருப்பவர் வீட்டை உரிமைகோர முடியுமா?
பிரீமியம் ஸ்டோரி
வாடகைக்குக் குடியிருப்பவர் வீட்டை உரிமைகோர முடியுமா?

ஒருவர் தொடர்ந்து பத்தாண்டுகளாக வாடகை வீட்டில் குடியிருந்தால், அந்த வீட்டை உரிமை கோர முடியுமா? ‘அட்வெர்ஸ் பொசஸன்’(adverse possession) என்ற முறைப்படி இப்படிச் செய்யலாம் என்கிறார்களே, உண்மையா?

ஆனந்த், சென்னை

கே.அழகுராமன், வழக்கறிஞர், உயர் நீதிமன்றம்

வாடகைக்குக் குடியிருப்பவர் வீட்டை உரிமைகோர முடியுமா?

“வாடகைக்கு வசிப்பவர், அந்த வீட்டைச் சொந்தமாக்கிக்கொள்ள முடியாது. ‘அட்வெர்ஸ் பொசஸன்’ என்பது, ஒரு சொத்தானது இருவருக்கு உரிமை இருக்கும் நிலையில், அந்த சொத்தினை உரிமையாளர் களில் ஒருவர் தொடர்ந்து 16 ஆண்டுகளாக அனுபவித்துவரும் நிலையில், அந்த இடத்தை மற்றவர் உரிமைகோராதபட்சத்தில், அந்த  சொத்து அனுபவித்து வருபவருக்கு  அனுபவப் பாத்தியமாகிறது. இதைத்தான்  ‘அட்வெர்ஸ் பொசஸன்’ என்பார்கள்.  வாடகைக்குக் குடியிருக்கும் நபர், அந்த வீட்டில் எத்தனை ஆண்டுகள் குடியிருந் தாலும், அந்த வீட்டின்மீது அனுபவ பாத்தியம் கோர முடியாது.”

என் வயது 38. 30% வருமான வரி வரம்பில் இருக்கிறேன். என் 8 வயது மகன் மற்றும் 6 வயது மகளின் எதிர்காலத்துக்காக ஒரு கோடி ரூபாயை குறைவான ரிஸ்க் உள்ள திட்டங்களில் முதலீடு செய்ய விரும்புகிறேன். ஆலோசனை கூறவும்.
 
மோகன், திருநெல்வேலி

த.சற்குணன், நிதி ஆலோசகர்


‘‘ரூ.1 கோடியை ரூ.25 லட்சம் என்ற விகிதத்தில் நான்காகப் பிரித்து, மிரே அஸெட் கேஷ் மேனேஜ்மென்ட் ஃபண்ட், எடில்வைஸ் ஆர்பிட்ரேஜ் ஃபண்ட், ஆக்ஸிஸ் ஆர்பிட்ரேஜ் ஃபண்ட் மற்றும் கனரா ராபிகோ சேவிங்ஸ் ஃபண்ட் ஆகியவற்றில் முதலீடு செய்யவும்.  இந்த முதலீடுகளிலிருந்து வாராந்தோறும் ஒரு லட்சம் ரூபாயை எஸ்.டி.பி முறையில் மிரே அஸெட் ஹைபிரீட் ஈக்விட்டி ஃபண்ட், எடில்வைஸ் பேலன்ஸ்டு அட்வான்டேஜ் ஃபண்ட், ஆக்ஸிஸ் டைனமிக் ஈக்விட்டி ஃபண்ட் மற்றும் கனரா ராபிகோ ஈக்விட்டி ஹைபிரீட் ஃபண்ட் ஆகியவற்றின் குரோத் ஆப்ஷனில் முதலீடு செய்யவும். உங்கள் குழந்தைகளின் எதிர்காலத்துக்கான முதலீடு என்பதால், குறைந்தபட்சம் ஐந்தாண்டு காலத்துக்காவது முதலீட்டைத் தொடர்ந்தால், தோராயமாக  ஆண்டுக்கு 10% வரை வருமானத்தை எதிர்பார்க்கலாம்.’’

சீனியர் சிட்டிசனான நான், மருத்துவச் செலவுகளுக்கான தொகையை நெட்பேங்கிங் மற்றும் கிரெடிட் கார்டுமூலமாகச் செலுத்திவருகிறேன். வரிச் சேமிப்புக்காக இதைக் காட்டலாமா?

ராஜகோபால், சிவகாசி.

பி.கமலேசன், ஆடிட்டர்


“நெட் பேங்கிங், கிரெடிட் கார்டுமூலம்  செலுத்தப்பட்ட தொகையை வரிச் சலுகைக்கு தாராளமாகக் காட்டலாம். இதற்கான வரிச் சலுகை பெறுவதற்கு மெடிக்ளெய்ம் பாலிசி எதுவும் உங்களிடம் இருக்கக்கூடாது. நடப்பு 2018-19-ம் நிதியாண்டில், மருத்துவச் சிகிச்சைக்கான செலவில் ரூ.50,000 வரை வரிச் சலுகை பெறலாம். ஹெல்த் செக்கப்புக்காகச் செலவிடப்படும் தொகைக்கு அளிக்கப்படும் வரிச் சலுகை 5,000 ரூபாயும் இதில் அடங்கும்.”

ஒட்டுமொத்த விகடனுக்கும் ஒரே ஷார்ட்கட்!

வாடகைக்குக் குடியிருப்பவர் வீட்டை உரிமைகோர முடியுமா?

ஏற்றுமதி செய்வதற்கு எந்த வெல்லம் ஏற்றது, ஏற்றுமதி செய்யப்படும் வெல்லத்தின் அளவும் நிறமும் எப்படி இருக்க வேண்டும்?

செந்தில் @ ஆன்லைன்மூலமாக

கே.எஸ்.கமாலுதீன், இயக்குநர், புளூபாரத் எக்ஸிம் 


‘‘அச்சு வெல்லம், மண்டை வெல்லம் ஆகிய இரண்டு வகை வெல்லமும் ஏற்றுமதி செய்யப்படு கின்றன. அச்சு வெல்லத்தின் நீளம், வாங்குபவரின் தேவையைப் பொறுத்து 1.5 முதல் 3 இன்ச் அளவு வரை இருக்கவேண்டும். மண்டை வெல்லத்தின் எடை, அரை கிலோவுக்கு மிகாமல் இருக்க வேண்டும். வெல்லத்தின் நிறத்தைப் பொறுத்தவரை, சில நாடுகளில் மஞ்சள் நிறத்தையும், சில நாடுகளில் பிரவுன் நிறத்தையும் விரும்புகிறார்கள். ஏற்றுமதி செய்யும் நாட்டைப் பொறுத்து, அதைத் தீர்மானிக்க வேண்டும். ஏற்றுமதி செய்யப்படும் வெல்லத்தில் சுக்ரோஸ் கலப்பு எவ்வளவு இருக்கிறது என்ற அளவைக் கணக்கிடவேண்டும். அச்சு வெல்லத்தில் ஓட்டை விழாதபடி தயாரிக்க வேண்டும். வெல்லத்தின் ஆயுள்காலம் குறைந்தது எட்டு மாதங்களாக இருக்க வேண்டும்.’’

ஓய்வூதியப் பணம் ரூ.32 லட்சத்தை முதலீடு செய்து மாதந்தோறும் ரூ.20,000 வருமானம் ஈட்ட விரும்புகிறேன். ஆலோசனை கூறவும்.

தில்லை ராஜன், கோயம்புத்தூர்

ஸ்ரீகாந்த் மீனாட்சி, துணை நிறுவனர், ஃபண்ட்ஸ் இந்தியா


“ஓய்வூதியப் பணம் ரூ.32 லட்சத்திலிருந்து  மாதந்தோறும் ரூ.20,000 எனில், ஆண்டுக்கு ரூ.2.4 லட்சம் பெற வேண்டும். அதாவது, உங்களுடைய முதலீட்டிலிருந்து வருடத்துக்கு 7.5% வருமானம் வரவேண்டும் என்று எதிர்பார்க்கிறீர்கள். உங்கள் எதிர்பார்ப்பு நிறைவேறக்கூடியதுதான். நீங்கள் ஓய்வுபெற்றவர் என்பதால், அஞ்சலகத்தின் முதியோர் ஓய்வூதியத் திட்டத்தில் முதலீடு செய்ய முடியும். அதில் நீங்கள் ரூ.15 லட்சம் ரூபாய் வரை முதலீடு செய்யலாம். இப்போது அதில் 8.7% வட்டி கிடைக்கிறது. மீதமிருக்கும் தொகையை, மிகக் குறைந்த ரிஸ்க் உடைய லிக்விட் மற்றும் அல்ட்ரா ஷார்ட் டேர்ம் ஃபண்டுகளில் முதலீடுசெய்து, சிஸ்டமேட்டிக் வித்ட்ராயல் பிளான் மூலம் மாதாந்தர வருமானத்துக்கு வழி செய்துகொள்ள லாம்.”

கட்டுமானப் பணியில் இருந்துவரும் ஒரு வீட்டை வாங்குவதற்கான ஒப்பந்தத்தை 2016 ஏப்ரலில் செய்தேன். இதற்கான தொகையைப் பல தவணைகளாகச்  செலுத்தி, இறுதியாக 2019, மார்ச்சில் முழுமையாகக் கொடுத்து முடித்தேன். 2019, ஜூன் மாதத்தில் அந்த வீடு முழுமையாக என் கைவசமாகும். இதற்கிடையே எனது பழைய வீட்டை விற்பனை செய்வதற்கு 2019 மார்ச் மாதத்தில் ஒப்பந்தம் செய்தேன். அந்த விற்பனை 2019 மே மாத இறுதியில் முடிவுக்குவரும்.  இந்த விற்பனையின்மூலம் கிடைத்த தொகைக்கு நான் நீண்டகால மூலதன ஆதாய வரி செலுத்த வேண்டுமா?

ரங்கராஜ், சென்னை

கே.ஆர்.சத்யநாராயணன், ஆடிட்டர்


“இந்த விற்பனையில் நீங்கள் நீண்டகால மூலதன ஆதாய வரியாகப் பணவீக்க விகித சரி கட்டலுக்குப்பிறகு 20% செலுத்த வேண்டும். ஏற்கெனவே வாங்கியுள்ள வீட்டுக்கான ஒப்பந்தம் 2016 ஏப்ரலில் போடப்பட்டிருப்பதால், அது வரிச் சலுகைக்குள் வராது. விற்பனைக்கு முந்தைய ஓராண்டுக்குள் வாங்கியிருந்தால் மட்டுமே வரிச் சலுகை பெற முடியும். விற்பனைத்தொகைக்கு வரிச் சலுகை பெற, அந்தத் தொகையை என்.ஹெச்.ஏ.ஐ பாண்டு (NHAI bond) மற்றும் ஆர்.இ.சி. பாண்டு (REC bond) போன்ற பாண்டுகளில் முதலீடு செய்யலாம். இதற்கான லாக்இன் பீரியடு, ஐந்து ஆண்டுகள். 

அதிகபட்சம் ரூ.50 லட்சம் வரை இந்த முதலீட்டை வரிக்கழிவுக்காகக் காட்ட முடியும். அதற்கும் கூடுதலாக உள்ள தொகைக்கு வரிச் சேமிப்பு செய்ய ஏற்கெனவே கட்டி முடிக்கப்பட்ட வீடு ஒன்றை ஆறு மாத காலத்துக்குள் வாங்கலாம் அல்லது புதிதாகக் கட்டப்படும் வீட்டில் அதிக பட்சம் மூன்றாண்டுகள் வரை முதலீடுசெய்து வரிச் சலுகை பெறலாம்.”

வாடகைக்குக் குடியிருப்பவர் வீட்டை உரிமைகோர முடியுமா?

என் வயது 38. ஆண்டுதோறும் ஒரு லட்சம் ரூபாயை பி.பி.எஃப்-ல் முதலீடு செய்துவருகிறேன். மேலும், மாதந்தோறும் 7,500 ரூபாயை இ.எல்.எஸ்.எஸ் ஃபண்டில் முதலீடு செய்துள்ளேன். இதில் பி.பி.எஃப் வருமானம் மிகக் குறைவாக உள்ளது. எனவே, இ.எல்.எஸ்.எஸ் ஃபண்டில் முதலீட்டை அதிகரிக்கலாமா?

மைக்கேல், நாகர்கோவில்

வி.சங்கர், நிதி ஆலோசகர்


“நீங்கள் பி.பி.எஃப்-ல் ஒரு லட்சம் ரூபாய், இ.எல்.எஸ்.எஸ் ஃபண்டில் 90,000 ரூபாயை முதலீடு செய்துள்ளீர்கள். நீங்கள் மாதச் சம்பளதாரரா என்பது தெரியவில்லை. ஆண்டு வருமானம் 8% கொடுக்கும், முதிர்வுத்தொகைக்கு வரிச் சலுகை கிடைக்கும் என்ற எண்ணத்தில்தான் பொதுவாக பி.பி.எஃப்-ல் முதலீடு செய்கிறார்கள். ஆனால், இ.எல்.எஸ்.எஸ் ஃபண்டில் நீண்ட காலத்தில் சராசரியாக ஆண்டுக்கு 15% வரை வருமானத்தை எதிர்பார்க்கலாம். எனவே,        பி.பி.எஃப் முதலீட்டை 20-25% குறைத்து, அதை இ.எல்.எஸ்.எஸ் ஃபண்டில் முதலீடு செய்யலாம்.” 

தொகுப்பு:  தெ.சு.கவுதமன்

வாடகைக்குக் குடியிருப்பவர் வீட்டை உரிமைகோர முடியுமா?

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி:
கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com.